بنات أنا أعاني من مشكلة صارلي فترة طويلة … وصايرة مزعجة بالنسبة لي..
المشكلة هي .. الكهربة إلي في جسمي …
يعني لما اسلم على شخص .. أكهرب نفسي وأكهربه معاي …
لما المس شعر شخص اكهربهم ..
لما المس أي معدن اتكهرب ..
لما البس عباتي اتكهرب …
يعني واااااااااايد مواقف … صاير الموضوع مزعج وايد .. ويسبب لي إحراااااااج ..
توه صاير لي موقف فرش مع وحدة من بنات الدوام … يحليلها وقفت عندي … جان اكهربها …وطبعا انا معاها … وقالتي واي كهربتيني …و أنا ………………. ؟؟؟ بصيح ..
أبي حل لهذا الموضوع ، يعني أبي اعرف ليش جسمي بالذات وكيف افتك من هالعلة…
شوفوا الموضوع هذا مب دايما ًً … بس وايد يتكرر … كل يومين أو ثلاث ..
ويزاكم الله خير …
استشيري دكتوره
بس انا خاطري جي اكهرب حد احس حلو خخخخخخخ
و تختلف من شخص لشخص
و هذا شرح مبسط
في فصل الشتاء وبالذات في المناطق الجافة ، يكثر تجمع الشحنات الكهربائية الساكنة في أجسادنا ، مما يجعلنا نصعق عند ملامستنا لأي جسم آخر مثل (ركوب السيارة ، خلع الملابس ، ملامسة أي جسم آخر ،سواء ذكر أم أنثى أو المصافحة ) وبعض الحالات تحدث إثناء مناولتك العملة المعدنية لسائق الأجرة ما يسبب لك الإزعاج ولغيرك وتجد نفسك مضطرا للاعتذار عن الكهرباء التي تجفل غيرك وتجفلك وتسبب لك الإرباك .
واخترع العلماء جهازا صغير الحجم (بحجم ميدالية) يمكنك به تفريغ جميع الشحنات الساكنة من جسمك ، وذلك بمجرد حك الجزء المطاطي من الجهاز في أي جسم آخر متصل بالتيار الأرضي ، مثل طاولة بأرجل معدنية أو سيارة .. إلخ. وعندها يقوم الجهاز بتفريغ كل شحنات جسمك .
ووحده خبرتني انه حتى النعال اكرمتي او الجوتي يشحن الجسم
اذا سحبتيه اثناء المشي يعني لازم ترفعينه عن الارض يوم تمشين واخوي عنده نفس المشكلة يوم ينزل من السيارة يتكهرب اذا لمس بابها وربعه مخبرينه عن طوق او شيء مثل الساعة لونه اسود يلبسونه في اليد ويقوم بعمل تفزيغ للشحنات من الجسم والتي
اذا زادت تسبب الصداع والتشتيت الذهني
بس هاي تنباع في اسبانيا وماعرف وين احصلها اهنيه
الحين هو موصي واحد من ربعه يشتريله وحده في سفرته
لاسبانيا وبنشوف النتيجه
اختي ربي يشافيج اسألي عنها يمكن يكون فيها حل لج.
