السلام عليكم
الاخوات اللى تدربوا للسواقه فى المعاهد المتخصصه (اعتقد فى ابوظبى والشارقه والفجيره)
لما تاخذون تراى يكون اللى يمتحنكم شرطى ولا شرطيه؟؟؟
وسؤالى الثانى : بما انى من اماره راس الخيمه يصير انى اقدم التراى فى هذى المعاهد لانى ما ابغى اقدم تراى مع شرطى اباها شرطيه (فى راس الخيمه يكون شرطى …)
اتمنى تجاوبونى
حبيبتي في رأس الخيمه يطلع معاج شرطي وشرطيه مع بعض هذا اللي أعرفه لأني ماخذه الليسن من خمس سنوات وكان معاي شرطي وشرطيه بالإضافه لثنتين من الأخوات اللي كانوا يدربون للحصول على الليسن
نفس ماقالت غرشة عطر .. الشرطي ييلس جدام و ورا تيلس الشرطيه و بنتين يايين يقدمون تراي
انا 3 شهور خذت الليسن
انا ادربت فمعهد الشارجه ولما امتحنت ركبت معاي شرطيه مب شرطي هم ثنتين وحده جدام و وحده ورى
وطبعا عادي يستوي تقدمين فأي معهد
وطبعا عادي يستوي تقدمين فأي معهد
سامحيني ماعرف
خواتى جزاكم الله الف خير على اهتمامكم بموضوعى
صحيح انا اللى سمعته ان فى راس الخيمه يكون معاك شرطى وشرطيه بس انا مب حابه ايلس اسوق وعن يمينى ريال غريب _اتمنى انكن فهمتوا على _ حتى لو فى حريم معاى فى السياره,,
وبالنسبه للمعاهد عرفت ان فى شرطيه بس سمعت انى لازم اكون مقيمه فى نفس الاماره اللى فيها المعهد , عشان جى بغيت اسال,,
وشكراااااا
وينكم؟؟؟؟؟؟؟
