سلام بنات.. الطبق سهل وسريع، اذا كنتي متوهقه وبيونج ضيوف لا تحتارين سوي هالطبق وان شاء الله يعجبهم.
المقادير:
– معكرونيا (أي شكل تحبين) جيس صغير
– علبة وحده قيمر كي دي دي.
– 2-3 ملاعق كبيرة جبن كرافت.
– خلطة البيتزا: طماط مقطع صغار+ مشروم+ فلفل أخضر مقطع صغار+ زيتون.
– جبن موزاريلا مبشور.
الطريقة:
– نسلق المعكرونيا مع ماي وملح وشوية زبدة أو دهن.
– بماعون كبير نحط القيمرمع جبن الكرافت السائل ونخلطهم مع بعض ونحط عليهم شوية فلفل أسود.
– بعدين نضيف المعكرونيا على الخلطة السابقة ونخلطهم عدل مع بعض.
– نحط المعكرونيا بطبق بايركس ونرش فوقه خلطة البيتزا، ونقدر نضيف نقانق
مقطعه أو مرتديلا أو لحم مفروم أو دياي مسحب.
– نرش عليه اوريغانو، وجبن موزاريلا ونغطيه بالقصدير وندخله الفرن لما يذوب الجبن
وبعدها نشيل القصدير ونفتح الفرن من فوق 5 دقايق وتقدمينه حار وبالعافية.
وهذا هو شكلها النهائي ,, وعليكم بالعافيه
وهذي اوضحه
ما شاء الله .. شكلها لذيذه
وعاد نحن صييااام >> سويتيلنا تعذيب خخخ
تسلم ايدج
باجر بسويييييييه بس شو هذا الاوريغانووو ؟؟؟؟؟؟؟ ماعرفته
والله يعطيج العافيه
