خواتي دخيلكن طالبتكن
ابي شوية معلومات عن كمن جامعة و الي هم :
جامعة دبي الأمريكيه
جامعة الشارجه الامريكيه
جامعة الشارجه
جامعة الغرير
لا تقولون لي زوري مواقعهم
زرتهم
بس ابي اعرف منكم كم تبعد كل جامعة فيهم عن منطقة الراشديه ؟؟؟ يعني بالمساحه او بالوقت ؟
+
من الساعه كم إلى الساعه كم تفتح الجامعة
+
كم اسعارها السنويه لتخصص الإداره و الاقتصاد؟
و بسسسسس
بليييييييز حاولوا تتصلون بأي أحد تعرفونه و خلي يخبركم
لو حتى تجاوبوني على نص سؤااال
بس المهم اعرف شي
يااااااااريت اليوم
يااااااااريت
و جزاكم الله خير
بالنسبة لجامعة الشارقة يبالج ربع ساعة اذا مافي زحمة واذا فيه زحمة نص ساعة الى ساعة حسب الزحمة
واول كلاس يبدأ الساعة 8 وأخر كلاس يكون الساعة 5 ويعتمد على عدد كلاساتج واوقات المساقات وعدد المساقات كل كورس تقدرين تاخذين من 3 الى 6 مساقات
دراسة الادارة بالانجليزي كلية ادارة الاعمال يبالج 4 سنوات للتخرج والرسوم تتراوح من 15000 الى 20240 حسب عدد المواد
واسمحيلي هذا اللي اعرفه لاني درست ف هالكلية ومتخرجة 2024 ويمكن الحين في اشياء تغيرت
والجامعة الامريكية تقريبا نفس المسافة بس ماعرف شي عن الكلاسات والرسوم الدراسية
ما تقصريين
