خواتي انا عندي مشكلة مع اصغارية فلبيت من خلصو امتحانات سهرانين طول الليل و ينشون مالهم خاطر فالاكل و يترحطمون :
ملينا من نفس الاكل
اكل برع مانبا
سويلنا شي غيررررر
مشكلتي بحكم دوامي ماحصل وقت أدورواطبق خاصة فالاكل لان مافيني تطلع مب شي واقط النعمة ربي يكرمكم فزبالة
مابي اجرب قبل لأسال المجرب منو فيكم طبخت او جربت اتسوي شي يديد من اختراعها هههه اكلة حق عيالها اوهلها فلبيت حبوها بليز تشارك
ملاحظة : خواتي يبون خفايف مب اكلات دسمة هههههههه
وثانكس مقدما 
تقدرين تسووين لهم بيتزا الي بالخبز تاخذين صمون الدائري الصغير وتقصينه وتحطين عليه مكونات البيتزا وعقب بالفرن
و سندويجات شورما او زنجر الجاهز تاخذين خبز تورتيلا وتحشينه فيه بيصير نفس التويستر ,,, ومعكرونه جبن خفيفه بس تحطين علبتين قشطه مع قفشتين جبن سايل وعلبه صغيره كريمة وحق الحشوه دجاج مقلي مع بصل وثوم وفلفل بارد وحطي الخلطه الاولى عليه وبالفرن
اول شي تدهنين البيف باستري بمايونيز وكتشب وحطي نقانق مقلي بشكل مايل ومن الجنبين سكري البيف باستري بحيث يبين معاج شكل النقانق وهو داخله وعقب في الفرن وخلاص
اكله سريعة ولذيذة خاصة لليهال
وجهزي كل شي من قبل بحكم دوامج وما شي وقت
ادخلي اليوتيوب بتحصلين تشانيلز بالهبل من كثرتهن 
وكل تشانيل احسن عن غيرها
حتى الانستغرام مب مقصر تحصلين كل شي خاطرج فيه
اللي في بالج & اللي تشوفينه اول مره 
عجاااايب
والاحلى انج تسوينه بايديج وتستمتعين
(شعور مميز)
الحمد لله 
نوعي بالخضار .. وأسهل شي انك تحطين خضار مختلفة على الشواية الكهربا.
تطلع شكلها جميل وصحي … وسهل ما يباله شي وخفيف.
باذنجان – كوسا – طماطم – بطاطس (يبالها سلق خفيف قبل) – بصل – جبن ! – اسبراجوس – جزر – فلفل – فطر
بس عطيها دهنة زيت زيتون وملح
بالتوفيق
والسلام عليكم ورحمة الله
