حبيت اعرف لو في حد منكن عيالها في مدرسة العالم الجديد New world school..
سمعت انهم مشتكين عليهم في البث المباشر بسبة رفع اسعار الملابس…
بصراحه يستاهلون …
انا عندي ولدين … والملابس شريتهن ب1400 ….
وريلي على عماه مطرش وياي 1000 على اساس خمسميه لكل واحد .. والحمدلله اني
شايله فلوس زياده في شنطتي….. ولا كنت تقفطت ..
مو معقوله ملابس للمدرسه ب700 درهم …
السنه اللي طافت كانت ب500 وقلنا وايد .. محد سمعلنا ..
عاد هالسنه صدمونا ان الملابس نفسها (بدلتين ..+ بدلة رياضه ) … ب700 درهم ..
وفوق هذا ..الكواليتي مال الملابس هالسنه مو نفس الجوده مالت السنه اللي طافت ..
واللي قهرني اكثر انهم مسوين جاكيتات موحده للشتا.. واجباري نشتريها ب100 درهم ..
يعني شو هالنصب..؟؟؟ كفايه رافعين اسعار الدراسه .. والباصات … والاكل ..
والله مساكين هاللي عندهم 3 او 4 عيال في المدرسه ..
شو بيسوون ؟؟ والله شفت ام ما خذت غير بدله وحده لكل واحد من عيالها ..
وما شرت لهم بدل للرياضه .. وحليلها يمكن بتلبسهم مال العام …
شو هالحاله ياربي …
اخاف السنه اللي يايه نشتريلي البدل لكل واحد من عيالنا على 1000 .. ونشتكي
ولا حد يسمع لنا …
بس عيالي بروحهم في هالمدرسه ؟؟؟؟
محد من دبي هنييه ؟؟؟؟
وين يبون و شو هالعب الي يستوي زادو الاسعار فالمدارس قلنا اوكي زادو ع الباصات قلنا اوكي زادو ع الاكل قلنا اوكي بس مب يزيدون ع الثياب شو ها وين يبون وين عايشين نحن
صح في بلاد عز بس مب لهدرجه يعني لو وحده عندها فوق ال4 او 5 شو بتسوي 1000 حق كل ولد هاي 5000 بس ثياب حشى رسوم طالب فالكيجي قبل بعد مب الحينه
الله يهدييهم وين المراقبه والله حاله
الله يعيينج اختييه
المشاركة الأصلية كتبت بواسطة P!NKSh 
و
خخخخخخخخخخخخخخخ
والله موتيني من الضحك …
والله حتى ملابس العيد مال عيالي ما طلع علي ب1400 درهم ..
مانقول غير الله يساعدنا ويساعد الجميع ..
شكلنا بنكتفي يهالياهلين عسب نقدر نعيش .. ونعيشهم …
