السلام عليكم ورحمة الله وبركاته
موضوعي بإختصار شديد
هو إني مالجه من فتره بسيطه من ايام
وريلي مشاءالله عليه انسان خلوق وبار بوالدينه هذا الي لاحظته
والمعروف بعد عنه
لكن ف هالفتره البسيطه
لاحظت انه انسان يتحمل وايد مسؤوليات
يمكن مسؤوليه امه وابوه مع ان عنده 9 اخوان اولاد
وهو مب العود لكن يتحمل جزء من المسؤوليه
عمومن
هاشي من بر الوالدين وانا مالي علاقه فيه
لكن المشكله انه دومه يحسسني اني لازم بعد العرس اشتغل
واني لازم اسوق سياره واتعلم السواقه
وغيره يعني يبااني اتحمل مسؤولية اشياء
وبيني بينكم انا اصلن مابعرس عشان اتحمل هالمسؤوليات
لاني عندي قناعه ان هالشغلات من مهام الريال مب الحرمه
بكمل دراستي وبتخرج وبيلس فالبيت
بشتغل اذا انا حبيت وقت مانا ابي
ومابي اسوق بالمره
وهو مب محتاجه لا مادياً ولاغيره
بس مادري احسه يباني اتحمل مسؤرولية الحياة وياه
محد يقولي مافيها شي البنت تشتغل وتسوق والدنيا محتاجه جي
على عيني وراسي بس هالشي في الدين الحرمه مب مجبوره فيه
يي عن طيب خاطر طبعن هو مابيغصبني بس هالاسلوب
مايعجبني احس الريال يطيح من عيني
ولاني توني مالجه مابي اخرب علاقتي فيه ولا من البدايه اختلف
ف اقول ان شاءالله خير واقول الاماكن الي ممكن احب اشتغل فيها
وقلت له رايي بسواقه اني مابي وبفكر في المستقبل
ماعرف كيف اتصرف وياه
كيف افهمه واوصله رساله ان هاي مهامات الريال
وكل مايعتمد على عمره اكثر في هالجانب يكبر بعيون الحرمه
ابي اوصله هاشي بدون اجرح شعوره ولا اضايقه
اباها توصل بطريقه حلوه
ياليت حد ينصحني
حاولي اتفهمينه وجهه نظرج
وبالتوفيج
زوجك انسان مقتدر ،، يوم قال تشتغلين يعني تتحملين مسؤلية نفسك مثل لازم يكون عندك سيارة عشان تقضين مشاويرك الخاصه من جامعه وسوق وغيرة ،، مو عشان يخلي مسؤليته منك لا بس يبك تعتمدين على نفسك ،هذا الي فهمته من كتابتك ، والشغل يمكن يبك تنشغلين وتقضين وقتك لانهم من كتابتك انه انسان مشغول مع اهله او شغله ،،
واغلب الرجال شايلين مسؤليات كثيرة من شغلهم واهلهم وزوجاتهم يعني هذي الحياة ،
بعدين الزواج شراكة يعني مسؤلية من الجهتين مافيه واحد متحملها لحاله ..
والله يوفقك ويسعدك ..
انا ما اعرف كيف وضعه المادي يمكن مايقدر فعشان جيه يطلب منج تساعدينه وتوقفين وياه في هذي الشغله
وانتي كوني مرنه معاه واللي بتاخذينه تعايشي وياه ومااقول الا الله يعينج
اختيه انتي مب مجبوره وكل كلمه كتبتيها صح الحرمه اذا اشتغلت بتشتغل برضاها مب بالغصب واذا ساقت برضاها حتى اذا الحياه تجبرها تتعلم هي مب مجبوره ولا مغصوبه انها تسوق وتشتغل صارحيه احسن شي وقوليله بعد هالموقف يخلي الريال يطيح من عينج بس انا اذا كنت في مكانج ما برتاج ويمكن اطلب ننفصل عن بعض
الانسان الى يشتغل وينتج هذا بحترمه واعامله زين هو في نظره ان الانسانه العامله
منتجه وغير اتكاليه ويقدسها ويحترمها هو ما يبا فلوسج هو يباج انسانه لج عملج وشغلج
الى يميزج عن سائر الناس وبالعكس بيزيد حبه لج واحترامه لج لان هذى نظرته وتفكيره
المطلوب منج دامج ماتبين الشغل تشوفى لج هوايه وتشغلى نفسج فيها صدقينى بيحترم
هوايتج وبيعتبرج انسانه مفيده ومو كسوله وبتكبري في عينه
