حبيت اهديكن هذي الخلطة المجربة ان شاء الله تستفيدن منها مثل ما انا استفدت وشفت نتيجة
الخلطة تصلح للوجه كامل وحول العينين وتذكري حتى الاذون والرقبة وكااامل الجسم بما فيها المناطق الحساسة وتحت الآباط وكل مكان
في الخلاط حطي:
علبة روب حامض (انا استخدم زبادي الشام من المراعي، وممكن روب ميلكو او اي روب ثاني المهم النوعية حامضة)
خيارة صغيرة مغسولة بكامل القشر (يعني لا تقشرين الخير)
عصير ليمونتين
ملعقة كبيرة عسل (انا استخدم عسل السدر)
ملعقة كبيرة وجداً مليانة كركم (كركم اللي نستخدمه في المطبخ)
ملعقة زيت زيتون
ضربي في الخلاط عدل
خذي نصه والباقي احتفظي فيه بالثلاجة
في الحمام استحمي بليفة وشاور جل او سكربي اللي تحبينه، غسلي بالماي ونشفي بالمنشفة
بعدين حطي الخلطة مثل ما وصفت لكم فوق (كامل الوجه والجسم ولاتنسين اي مكان)
اتركيها على الاقل 20 دقيقة
الخلطة سايلة، كل شوي زيدي وافركي و وزعي خلال هذي الفترة
عقب غسلي مرة ثانية بالليفة والشاور جل وغسلي بالماي
آخر خطوة مهمة
وبعده جسمج مبلل بالماي رشي على الوجه والجسم ماء ورد (بدون تخفيف بالماي)
خليه دقيقة وعقب نشفي عادي ولبسي
نعيماً
بجربها ان شالله
تعدّل وتوازن البشرة وتحت العيون ممتازة تروح خطوط الجفاف وكأنه جلد بنت صغيرة ما شاء الله تبارك الله
بشرة ويهي مختلطة الى دهنية والفترة الاخيرة طلع لي شوية حبوب وجسمي جاف
بعد هذي الخلطة تسير بشرة ويهي وجسمي معتدلة لا دهنية ولا جافة مترطبة من غير زيوت وفادتني وااايد عن الحبوب وآثارها،، يعني ما شاء الله توازن البشرة مهما كانت
والخلطة عادة و بدون قصد، لأني انشغل مع اليهال، بعد ماضربها في الخلاط واقسمها قسم في الثلاجة وقسم اللي بستخدمه في الحمام وبعد ساعتين ثلاث استخدمه تكون المكونات دخلت في بعض عدل، فما ادري اذا تركتوها شوي قبل الاستخدام تدخل المواد في بعض افضل او لا
لكن هذي طريقتي وتجربتي اللي استفدت منها
