|
للامانه الموضوع منقول من منتدى اخر
السلام عليكم يا بنات ابشركم احلى بشااااااااااااااااااااااااااااااره لكل وحده يائسه وحزينه وخاطرها بشغله تشوفها مستحيل انااااااااااااا ربي استجاب دعائي المستحيل الحمدلله حمدا كثيرا طيبا مباركا الحمدلله كما ينبغي لجلال وجهه وعظيم سلطانه الحمدلله والشكرلله بس الحمدلله هو اللي شكيت له الحال وسجدت له وانا ابجييييييييييييي الحمدلله اللي رحمني برحمته وعطاني اكثر من اللي طلبته الحمدلله اللي استجاب لي بس على طريقة مفاجأة يعني من غير لا احتسب جاني الفرج وتحقق حلمي المستحيل احس اني انولدت من جدييييييييييييييييييييييد الحمدلله الذي بنعمته تتم الصالحات ماني مصدقه ماني عارفه شقووووولكم و شخلي ما خليت موضوع ما قريته بقوقل ولا خليت موضوع ما قريته او ما شاركت فيه بقسم الاسلاميات وابشركم ان حلمي المستحيل الله استجابه بلحظه تعقدت فيها الامور بشكل كبير وصار ماكو ولا حتى 1% ان يتحقق تحقق حلمي بلحظه اقدر اقولكم فيهم انه لا مفر لا مخرج لا حل لا امل خلاص لن يتحقق اللي ابيه واللي ادعي فيه بس هذا كله من الشيطان قاعد يحبطني والحمدلله الذي ألهمي الدعاء بهذه اللحظات العصيبه ادعي وانا موقنه بالاجابه وثقتي زااااااادت لما شفت ان ماكو امل يتحقق وكان هالشي الجمعه اللي طافت واذكر اخر مره دعيت فيها اخر ساعه من نهار يوم الجمعه وبعد ساعه سمعت احلى خبر بحياااااااااااااااااااااااااااااااااااااااااتي تحقق المستحيل بنات ترا ما ابالغ اذا قلت لك ان اللي ابيه شي مستحيل بشكل ما تتصورونه لان ابيه يتحقق بشكل معين وصار 6 شهور وانا ادعي ليل نهار عصر مغرب ضحى وليل وكل شي سويت كل شي يرضي ربي صدقه استغفار ذكر طبعا كل هالاشياء مو كل يوم اسويها يعني كل ما تذكرت استغفر واذكر الله وكل ما قدرت تصدقت لكن اللي اخليته ولا يوم هو حتى بوقت الدوره هو الدعاء دعييييييييييييييييت وانا كلي ثقه ان الله راح يفرج همي وراح يعطيني اللي ابيه اللي هو المستحيل ربي عطااااني حلمي وانا الحين انسانه انولدت من جديد واتبدا مشواري وانتهى الهم والحزن اللي كنت عايشته والحمدلله محد فادني ونفعني غير الله ابوي واخواني خواتي و رفيجاتي والخدامه والصالونه اللي تجي البيت وعاملات النظافه بالكليه من كثر من كنت مهمومه حيل حيل ما خليت شخص ما شكيت له كنت اعيش باحباط شديييييييييييييد ادور نتفة امل عندهم ابي حل ابي فرج ابي مخرج المستحيل اللي في بالي ابيه بشده ابيه حيييل ابي مخرج واقعد اشكي وانا مو مستوعبه حسيت نفسي صغيره وذليت نفسييييي حيل واي فشله ولا بعد اقعد ابجي وانا اشكي لهم بس الحمدلله انتبهت لنفسي وتعلمت من تجربتي هذي ان لازم نؤمن بهذي الايه (( وان يمسسك الله بضر لا كاشف له الا هو وان يردك بخير فلا راد لفضله)) ان الله هو فارج الهم وهو كاشف الغم وهو قاضي الحاجات هو اللي فرج همي وهو الي قضى لي حاجتي والحمدلله حمدا كثيرا طيبا مباركا الحمدلله تبارك الله سميع لدعاء ومجيب الدعاء اللي عطاني اكثر ن اللي ابيه بنات اي وحده تبي شي مستحيل تظل تدعي فيه ولا تيأس لان اجابة لدعاء جت في وقت تعقدت فيه الامور وخلاص ماكو امل ولو اقولكم شكثر كان ودي احلم حلم يبشرني باللي ابيه ما تصدقون لو قلت لكم اني ما حلمت ولا حلم تدرون شنو صار؟ ناس قريبين وبعيدين ما تربطني معاهم اي علاقه يدقون علي ويقولون حلم فيج حلم جذي وجذي تخيلوا ناس مالي فيهم علاقه منصدمين شكو نحلم فيج حلم وكل تفاسير الحلم ان الله راح يحقق لي حلمي المستحيل والحمدلله انا لحين اتبسم واضحك واكل واشرب هم وانزاح والحمدلله الذي بنعمته تتم الصالحات |
|
السلام عليكم بنات وايد عضوات سألوني عالخاص شنو الاشياء اللي سويتها عشان الله استجاب دعائي المستحيل انا كنت في هم وغم + شغله ابيها مستحيله + ابي حياتي تتغير تغيير كلي مو جزئي ابي احس اني انولدت من جديد بقولكم شنو صارلي من هدا الهم: والحمدلله الله نور لي طريج وهو طريجه وان لا فارج للهم والغم الا هو ولا قاضي للحاجات الا هو بنات تعرفون كلمه ( هوس ) ؟ وطبعا هدا من بعد ما شفت حلقات كثيره باليوتوب متعلقه بالدعاء: ملاحظه: بس الحمدلله قعد اردد بقلبي ابيه هالشي يثبت بعقلي الباطن لان صابتني حاله يأس واحباط: وابتدا مشوار تطبيق كل اللي قريته وشفته من برامج دينيه باليوتيوب عن الدعاء شنو سويت: @ ما مر الثلث الاخير من اليل في يوم من ايامي الا ورفعت اديني ودعيت من كل قلبي حتى بأيام الدوره الثلث الاخير من اليل كان بالنسبه لي اهم جزء يشغل بالي ادا طافني يوم ما دعيت يضيق خلقي حيييييييييييييل لان الله الرحمن الرحيم الرؤوف اللطيف ينزل كل ليله بأخر اليل يقول هل من يسألني فأعطيه من يدعوني فأستجيب له.. وكنت اكلمه وادعيه وولازم ادعي واقول اسألك بحق تنزلك بالثلث الاخير من الليل وقولك من يدعوني فأستجيب له اسألك ان … ( واقول الشي اللي مضيق خلقي وابيه )+ الاستغفار 100 مره لان الله اثنى بالقرآن على اللي يستغفرون وقت السحر وهو اخر ساعه من الثلث الاخير من اليل يعني ساعه قبل ادان الفجر وقال { والمستغفرين بالاسحار} @ تركت الاغاني ترك كامل حتى موسيقى في برنامج بالتلفزيون اغير القناة (وانا في قلبي اقول عشان الله يستجيب دعائي) كل اللي كتبته فوق كان نابع من هوس هوس هوس هوس هوس اعمال صالحه اسوي اي شي ابي ارضي الله ابي يرضا علي ويعطيني اللي ابيه ابي مخرج بالنسبه للدعاء ما خليت دعاء لا بالقرآن ولا بالسنه ما دعيت فيه..تخيلوا بنات لما ادعي تقريبا ياخد مني نص ساعه وانا ادعي بتواصل وألحاح شديد شفتي شلون تحنين على امج او ابوج او زوجج ادا تبين شي حيل حيل تبينه..كنت ادعي ربي بألحاح وتكرار مبالغ فيه قلتلكم فيني هوس ابي حياتي تتغير تغير كلي + ابي الشي اللي في بالي + وابي الهم يروح وبما انه كان فيني هوس دعاء 24 ساعه وبكل وقت ما كنت اقدر كل مره ادعي مدة نص ساعه..الدعاء ابو نص ساعه بالثلث الاخير من اليل + الوقت اللي انهار فيه + الوقت اللي اكون فاظيه لكن هناك مجموعه دعوات ادعي فيها كل وقت ورا كل صلاة وبكل سجدة اسجدها لله ادعي هالدعوات الخمسه ما خليتها ابدا ابدا ادعي ومرات ابجي من كثر ما اني متأثره بهل الادعيه وما تاخد مني اكثر من ثلاث دقايق واكررها طول النهار واليل ملاحظه مهمه جدا جدا جدا ادا ابتدعين لازم تديرين بالج من نقاط مهمه جدا جدا جدا وهي اداب الدعاء: وادا تبون تطبقون نفسي احفظي اللي بين الاقواس وقوليهم بالترتيب. ملاحظه مهمه عن نفسي: مع مرور الايام وزيادة يقيني ان الله يقدر يستجيب لي المستحيل ويخليني احس اني انولدت من جديد.. وتكراري لرؤيه حلقات معينه باليوتيوب عشان ترفع من معنوياتي اكثر.. صارت عندي ثقه ان هالشي المستحيل مرح يكون مستحيل على الله…وتصكرت الابواب بوجهي وتعقدت الامور بطريقه غريبه واقول بقلبي سبحان الله كل ما اجتهدت بالدعاء والاعمال الصالحه تطلع لي مشاكل وتتعقد الامور اكثر.. ما اصابني اليأس نفس بعض الضعيفات بالعكس قلت سبحان الله لان حسيت انها حكمة من الله.. ولم ألتفت حق هالتعقيدات في حياتي ولم اعرها اي اهتمام كان همي اني اظل ادعي لان الرسول عليه الصلاة والسلام قال: ( يستجاب لأحدكم ما لم يستعجل.. يقول دعوت ودعوت ولم ار يستجاب لي..فيترك الدعاء) وانا ما كنت ابي اكون من هالفئه..فظليت ادعي وماتهمني الظروف ولا الاحداث اللي تصير حولي.. ومع دلك كل يوم ابجي ليل نهار بس الحمدلله ما ابجي جدام احد كنت ابجي عند ربي بس ومثل ما قلت لكم كنت حيل ودي احلم حلم يبشرني ان هالشي راح يتحقق عشان اواصل دعائي بتفاؤل ولا يصيبني احباط.. ما حلمت ولا حلم…لقيت ناس ما يقربون لي ولا لي علاقه فيهم يحلمون فيني احلام ويطرشون ناس عشان يقولوهم ان حلمنا بطموحه بزياده حلم..وانا جتني البجيه شكثر ربي رحيم مو شخص ولا شخصين اكثر من 5 اشخاص حلموا فيني ولما قعدت افكر متى تكون الاجابه بظل هالظروف توقعت تكون بعد سنه ونص او سنتين او ثلاث ( نظرتي كانت واقعيه مابي اكون خياليه فقلت لنفسي هالشي يبيله صبر وانتظار ما يقدر عليه الا الاقوياء فقررت اكون قويه وانطر حتى لو طالت المده) والمفاجأة كانت يارب كلكم تجربونه ولا تنحرمون منه وحصلت على اشياء عمري ما حصلتها قبل ارزاق تهل علي يمين ويسار والحين صارلي اسبوعين من الاستجابه ومتنت واحب اقعد ويا رفيجااتي وخواتي وحدي مستانسه واحب الاكل حيييل ومطحيه بالجمعيه ككاويات وعصاير وخرابيط صرت انسانه حيه ولا قبل من الهم جني ميته.. هدا من فضل ربي ليبلوني أأشكر أم أكفر ومن شكر فأنما يشكر لنفسه ومن كفر فإن ربي غني كريم احمدلله حمدا كثيرا طيبا مباركا |
في ميزان حسناتج
يزاج الله خير ع اختيارج ف النقل
في ميزان حسناتج يارب
وطرح موفق
