ولدي والخادمة

مرحبا خواتي الغاليات

ما أدري إن كان موضوعي بالمكان الصحيح أو لا

المهم.. أنا أعاني هالكم يوم من تعلق ولدي الشديد بالشغالة، على طول يقول أنا أبا ……. تبدل ثيابي

أبا…….. تأكلني، تنومني، تغسل إيدي ..ووووووو

وفوق هذا على طول يروحلها ويقولها يا فلانة أنا أحبج، ولازم ترد عليه وتقوله أنا بعد، وإن ما قالت تصير مناحة بالبيت

وساعات يروح لها يسألها أنتي تحبيني ، تقوله هيه ،يرد يسألها اشكثر

وساعات يكون قاعد يلعب ولما تمر يركض لها ويمد بوزه لها يعني نزلي ويهج بعطيج بوسه !!!!!!

وإذا طلعنا بالسيارة لازم يقعد بحضنها، مع انه قبل يقعد بروحه

وأنا متخبله منه ما عرف شو أسوي، فكرت إني أغير الخدامة أعطيها لحد وأييب غيرها، لإني بالأساس هذي الشغالة يايبتها بس لليهال مب لتربيتهم، لأ

بس تغسل ثيابهم تنظف غرفتهم وتراكض وراهم جان وسخوا ، تعرفون يهال ويبون يلعبون بكل مكان، ولما أطلع اليهال الألعاب ما أوبل ما شاء الله عندي 3 محتاية وحدة تراكض معاي

بالنسبة لتسبيحهم وأكلهم أنا أسويه، الحنان أعطيهم والله مو مقصرة معاهم، وبعد أصلاً بالذات هذا الولد الشغالة ما تتدخل بأمورة كلش، الاثنين الأصغر تتدخل بشئونهم أكثر

ما أدري شو أسوي وياه؟؟؟؟ حتى لما أطلعه معاي بروحنا يبدأ يكلمني عنها يقول لي ماما أنا أحب………. بس هي ما تحبني!! أسألأه ليش يمه؟؟ يقول لأنها ما تقول أنا أحب عبود !!

أقوله ماما عادي هي تحبك مو لازم تقول ..هي تبدلك وتسويلك أندومي وتلعب معاكم بالحديقة ووووو

بس بينفجر راسي من السالفة لأنه طافحة عن حدها

منو تعطيني حل ومشورة

على فكره هو عمره بالضبط 3 سنين و10 شهور

والله اختي اسمحيلي لو انا منك ما اخلي هذي الشغالة في بيتي ولا ساعة وحدة اخاف انها تكون مسوية شي للولد .. تعلقه بها غير طبيعي .. وبعدين ليش تخلينهم يبوسون الشغالة او يجلسون في حضنها .. لا زم تعلمينهم ان هذا الشيئ عيب هو ريال ما يسوي ها الحركات .. مش تكبرا على الشغالة لكن عشان ما نعلم عيالنا يشلون الحواجز بينهم وبينها والا شو الفرق بينك وبينها في البيت ؟؟ وفي حياتهم ؟؟
انتبهي اكثر لعيالك وسفريها وهاتي غيرها اذا تبين نصيحتي ..

هلا حبيبتي… أنا والله ودي أطلعها من البيت بس أخاف أظلمها لأنها زينة وتحب عيالي، وقايمة بشغلها وما شفت منها شي هب زين

وهي حتى بروحها مستغربة من لصقة عبودي فيها، تقولي مدام لما أغسل الثياب يدخل عندي غرفة الغسيل وأنا ما أرضى اليهال يروحون لا غرفة الغسيل ولا غرفة الشغالات ولا المطبخ حتى إلا بوجودي

هي بروحها مستعيبة منه ومن التصرف اللي فجأة طلع

وبعدين هذا ياهل .. عنده البوسة معناها الحب، وهو فقير يبا يبوسها عسب تحبه ، وأنا جربت معاه أمنعه بس كان يزيد ويتعلق أكثر فيها، جربت أول بالكلام حاولت أفهم هو شو سالفته بس مافي فايدة، وبعدين قمت أمنعه بالزعل وبعدها بالصراخ وبعدها اضطريت أضربه وهو غامضني

والله ما أدري شو السالفة مع إني دارسة علم نفس الطفل والكل يستشيرني بمثل هالأمور بس ما توقعت أمر بموقف ما مر علي أصلاً

الله يعينج الغاليه اكيد تغارين منها انا والله من نطلع في السياره واشوف ولدي في حضن الخدامه اعصب على طول اقوله لا اقعد تحت حتى ريلي يقولي خليه ع راحته بس اقوله لاعشان مايتعود

اكيد مافي شك في حبج له و اهتمامج لان لومشمهتمه ما كتبتي الموضوع
حبيبتي انا اشوف لاتسفرينها واتي غيرها مب زينه تضرب اوشي
المهم انتي راقبيها واهي ماتحس وابدا لاتخلينهاتنومه انتي افضي له ورقديه حتىلوسال عنها غيري الموضوع قوليله قصه
اشتري له هدايا واايد لان اعتقدهو الاكبر والصغار بعدهم وما يفهمون

اطلعوا بروحمكم وان سأل عنها غيري الموضوع
علقيهبشي يسليهوينساها
مثلا علقيه بالكمبيوترحطيله مواقع للاولاد سيارات وغيره وبينشغل انا جي اسوي بولدي

فديته شكله حنون والله يخليه حقج

انصحج الغاليه انج تغيرينها لانه مش طبيعي تعلقه فيها ولا تستبعدين اي شيئ عن الخدامات لاتقولين طيبه وايد في الظاهر طيبات ولكن ماخفي اعظم وشوفي يعني عيالنا عادي يطلعون يلعبون برى وتراقبهم الخدامه او تلعب معاهم لكن انها توصل انه يحبها ويبوسها فهذا شيئ غير مقبول ولازم تعودين عيالج انه تكون لهم حدود في علاقتهم مع الخدامة واذا فكرت تعطينها حد لا تخلينها مع حد قريب منج والبتالي بيظل يشوفها ويتعلق فيها اكثر
وبالنهايه صلي استخاره وتوكلي على الله الله يبعدنا شرور الخدامات

مرحبا الغاليه

انا من رايي انج لا تسفرينها حرام .. هي مب ذنبها تقطعين رزقها لان ولدج يحبها … بالعكس احمدي ربج انها ما تضره و لا تسوي فيه شي ترى صعب صعب هالايام تلاقين خدامه تحب العيال و تهتم فيهم .. بس اللي اشوفه انج تراقبينها من دون ما تحس .. و ركزي على ولدج الكبير اكثر و خليه يلتهي عنها بالاشياء اللي يحبها .. و قسمي وقته انج تشغلين له اياه 24 ساعه .. حالتج مثل حالت بنتي .. هالفتره كله عندها أحبج ماما أحب بابا .. و هي في نفس السن تقريبا .. وولد اختي نفس السن بعد و يقول للكل انه يحبهم .. يمكن في هذي الفتره يبتي الياهل يميز الحب و الكره ؟؟ دوري اكثر في الانترنت .. و الله يهدي سرج و يطمنج على ولدج

اختي عرووس مشكورة فديتج

أحسج فاهمتني.. أنا أحاول أسوي هالأشياء الغالية

بس تدرين لازم يوم يطريها أغير الموضوع

واليوم بطلع أنا وهو وأبوه بنروح فندق بالإمارات الشمالة ما حددنا وين بس بنتم وياه لآخر الأسبوع

يمكن انشغلنا عنه هاليومين ،بس بنعوضه إن شاء الله