الغاليات انا مريت على كم موضوع في كذا قسم والي تسأل شو سويتوا حق العيد ؟؟؟ وشو فصلتوا ؟؟؟
شو باجلكم ؟؟؟
كم شنطه خذتوا وكم نعال عزكم الله شريتوا ؟؟
والي تقول أنا خلصت عيالي وخلصت عمري ؟؟؟…………….الخ
سؤال بسيط شو جهزتي لزوجج وابو عيالج الي لولاه لما جهزتي كل ها الاشياء حقج وحق عيالج (وحليله انا أحس أكثر انسان ينظلم خخخخخخخخخخ )
ادري انه لأغلبيه بتقول والله الريايل ما يحبون حد يسويلهم شي , ويشترون على ذوقهم , وما أعرف شو ؟؟
أنا حبيت أعرف كل وحده شو تقدم له يوم ليله العيد وبصراحه ؟؟؟؟؟؟؟؟؟؟؟؟؟؟
بتكلم عن نفسي ليله العيد اسويله هديه أحطي اشياء اساسيه ( العطر +دهن العود+ قلم + بزم + نعال عزكم الله + ساعه ) بصراحه كل عيد اسوي ها الشي
واشتريليه 4 غتر أوديهم اللاندري يغسلهم ويجهزهم واحطيهم في كبته واكتب علي الكيس ( خاص للغالين) احم احم وفي مره بعد خذت قياسه وفصلت له كنادير على ذوقي وبعد جهزيتهم وكل شي …
وعلى فكره بعض الاشياء يكون مثلا ريلي مشترنها يعني مجهز نفسه لكن يوم أنا ايبله الاغراض يخليهم ويتجهز من الي أنا ماخذتنهم ( اكون انا صدق مستانسه حزتها ) ..
تخيلي انتي تسوين ها الشي شكثر بيستانس منج ريلج حتى لو باشياء بسيطه مب شرط كل ها الاغراض
نبغي نعرف كل وحده شو تسوي حق ريلها ؟؟؟؟؟؟؟؟؟؟؟؟؟؟؟
وفي زواجي الثاني ،،،،، يوم بعرس بخبرج،،خخخخخخخخخخخخخخخ
دعواتج لنا في هذا الشهر الكريم 
عيبتني أفكارج اللي تسوينها لريلج،،، بادره طيبه منج تقرب القلوب لبعض أكثر وأكثر
الله يسعدكم ويهنيكم
انا عن نفسي اخذله الوزرة والغتر وجلابيات للبيت بس
تسلمين غناتي
جاري البحث عن الهدايا لووووووووول
فصلتله كنادير ملونه وكل كندوره لها غتره نفس اللون..لآنا على ابواب الشتاء..وريلي يحب الكنادير الملونه في الشتاء..
ونعالين واحد أسود وواحد ماروني غامج..
وساعه من guss وأربع عطور..وناويه اسير اشتري مندوس كبير واحط الاغراض فيهن..
ان شاء الله براويكن الاغراض يوم بيجهزن…
