انا BotamBa رجعتلكم من جديد
قبل كنت انزل يومياتي بس وقفت
ومن يومهاا وانا وزني
طالع 
و
ونازل 
اللين قررت اصعب قرار لاني تعبت من الوزن
.gif "12 (29)")
الحمد الله سويت عملية قص معده 
الحل الاخير للصراع مع الوزن اللي من سنين وانا اعاني منه
يوم العلميه
بعد صلاة الاستخاره ومشاورة الاهل اللي كانت بين رفض وقبول الحمد الله تيسرت الامور
سويت العمليه عند الدكتور حكمت مطر في بوظبي
اول يومين تعبت بسبب البنج والم الجروح بس اليوم الثالث الحمد الله كانت اللالم اخف
اي عمليه فيها تعب بس كله يهون عشان النتايج
علما اني اخاف من المستشفيات وهذي اول عمليه لي
بس سبحان الله وكلت امري لربي وتيسرت اموري
تبون الصدق انا للحين متفاجأه كيف تجرات سويتها ومعروف عني خوافه هههه
اليوم بكمل 10 ايام من العمليه
وحابه اشاركم بيومياتي وفرحتي بنزول وزني ان شاء الله
لان العمليه بداية المشوار
وانا ذكرت العمليه عشان كل وحده متردده وتعاني مثلي تتوكل على الله وتصلي الاستخاره وتسويها
بعد العمليه
يوم العمليه شرب ماء بسس
واليوم الثاني لمدة اسبوع ماء وعصير تفاح و شوربة خضار مصفايه خفيفه وحليب فرش
انا للحين مستمره على شربهم
الوزن قبل العمليه 125
وان شاء الله بعد مرور شهر بقولكم كم نزلت
وان شاء الله اضعف وانا بصحه وسلامه
لي عوده مع يومياتي ومثل ماتعودنا بالصور اكيد
^_^
وان شاء الله تضعفين وتستوين رشيقه وأنتي بصحه وسلامه
ربي يوفجج
الله يرزقج الرشاقه بصحة و عافيه
مووووو فقة
وان شاء الله ينزل وزنج وانتي بصحة وسلامه
وانباركلج على الوزن النازل بعد شهر ومتابعينج
موفقه عزيزتي
وان شاء الله توصلين للوزن المثالي واني بصحة وعافية
حبيبتي ممكن تخبريني أي مستشفى موجود الدكتور حكمت مطر؟
أنا أراجع عند الدكتور عبدالسلام في مستشفى النور
بسسسس ثقة رفضت تسويلي العملية مع انه وزني فووووق 100
