التصنيف: الأمومة و الطفولة

مسحوق الغسيل تايد وايد اوكي

مع تايد في الغسيل مفيش مستحيل…

احسن صابون لليهال

الوزيــــــــــــــــــــــــــــــر

عاشقة تمر ومريومه انا اقصد للبس الاطفال…
مع ان تايد استخدمه لملابس زوجي وماينظف زين مادري ليش…
ويسلموووو على الردود..

لولي فديتج اذا ممكن تحطين صورته او توصفينه!!

صابون الوزير طبيعي مصنوع من زيت الزيتون واااايد زين من ربيت و انا استخدمه لولديه

نفس الازمه انا ادور صابون يكون اوكيه لملابس بنتي كنت اغسله بفودر برسيل املحت ثيابها بجرب وزير
…

السلام عليكم خواتي
بغيت اسألكن

انا بنوتي الله يحفظها عمرها 10 ايام

بس عقب ما ترضع ابا " ادسعها" ماتدسع موول مرات ناااااااادره بس

وبعد صوت صياحها وايد متغير

يوم سالت الدكتور ماعلق !!

عادي لا تحاتين مب لازم على كل رضعه تدسع
وعسب الصياح بعده صغيره كل ما تكبر بتحسين نبرة صياحها تتغير

انا لاحظت من حليب صدري بنتي بعد نادر ما تدسع .. واذا عطيتها صناعي تدسع ماشالله عليها

فيمكن حليب الام ما اييب لها غازات ..

وبعدين بنتج توها بنت 10 ايام ماشالله .. فما تعودتي على طريقة التجشأ اللي تناسبها

احس انا عقب الاربعين فهمت كيف ..

يعني لازم يكون بطنها لاصق عليج وتمسحين على ظهرها شوي و تدقينها شوي.. و كل ماكانت بشكل مستقيم كل ما كان احسن يعني انتي تكونين يالسه يلسه مستقيمه عشان البنت تكون جنها واقفه بس انج انتي ميودتنها فهمتي.. عشان الغازات تطلع فوق و تدسع ..

وساعات اذا ما دسعت احطها و ترد تنش عقب شوي ادقها شوي تدسع .. وترد ترقد ماشالله عليها

اما عن الصياح ففعلا مثل ما قالت الاخت اللي ردت قبلي كل اسبوعين يألفون نغمه يديده فالصياح ههههههه

مشكورات خواتي

^^

صبري عليها او استشيري دكتور ثاني

انا ولدي نفس الشي ما كنت اعرف ادسعه ..
يوم سألت الدكتور قالي لازم تكون ريولهم ممدوده على تحت مصطلبه يعني ..
يعني يكون بطنها لاصق عليج مب غاضفه ريولها على بطنه…

و عقب قام يدسع..و ساعات اطيحه على بطنه على ريولي و يدسع.. و ساعات ايلسه و امسح على ظهره و ادقه شوي و يدسع..
لين ما تشوفين الطريقه اللي تناسبهم..

في يهال ما يطلعون شي … أو انهم يطولون وايد
انتي تمي شالتها وحاولي وياها ….. وخليج شالتها مال ربع ساعة عقب كل رضعة حتى لو ما تطلع لأن هالشي يريح معدتها

عالعموم فترة الأربعين متعبة وايد (أو عالأقل لين شهر)، ماتعرفين للياهل وكل يوم طالع لج بنغمة يديدة وشي يديد >.< )

بنات انا ولدي كل ما ارضعه يمص شوي و عقب يتم يصيح ويطلع الحلمه من فمه بسرعه ومايردها في فمه الا بالتعب مادري ليش احس اني ماعرف ارضعه ؟ واحس الحلمه تعورني يوم يمص شو اسوي لها؟ ومرهم ميبو ينفع احطه ع الخياطه تحت ؟ فيدووووني

ما عني فكرة بس حبيت ارفعلج

اول شي الحمد الله عسلااامتج

الغااااليه يمكن لانه تووج مربييه فماااايعرف كيييف ايوودهاا انا جي فبنتي

وعن الميبوو اول مره اسمع فييه بس مااانصح فيييه لانه نحن متعوودين عشي اسمه مااي وملح اوووك فووق لخيااطه بس لاااثكثرين

يمكن صدرج عود و الياهل صغير
ما اييله نفس .. جربي اشفطي و عطيه بالابره

ممم عن الكريم ..
في الملحق مكتوب انه ينفع للخياطه و الله يعلم

بالتوفيق

حمدلله على السلامه
حاولي تيودين صدرج عدل وتساعدين ولدج
والمرهم وايد زين واستخدمي غسول البيتادين بسرعه تلتأم الخياطه

اول شي مبروك عالولد وتستاهلين السلامه ^_^
حبيبتي طريقة رضاعتج شكلها مب صح دام الحلمه تعورج والياهل ما يقبضها عدل
اهم شي في الرضاعه انج تخلين كااااااااااامل الحلمه والهاله المحيطه بها في فم الياهل عشان يقبضها ويرضع صح وهذا الشي حتى يقلل من اصابتج بتشققات الحلمه ..وضعية الياهل وايد مهمه لازم ذقنه يكون مرتفع ولاصق عل صدرج من تحت الحلمه علشان يهيأله الرضاعه السليمه ..
Mebo كريم ميبو من افضا الكريمات ويعتبر طبيعي من اعشاب اثبتت فعاليتها في علاج الجروح وهو المستعمل حاليه في كااااااااااااااافة الجروح..تقدرين تحطينه على الحلمه وتقدرين تحطينه على مكان الخياطه بعد بس اهم شي نظافة المكان وجففاااااااافه قبل وضع الكريم ……
ومبروك ومرحبابج في عااااااااااااااااااااالم الامومممممممممممه ^_^ واذا حابه اي استفسار ثاني انا حاضره ..

شحالكم خواتي … من أسبوعين تقريبا زاد لعاب (( روان )) ولدي وقام يمص أصابعه وإيديه حتى بعد الرضاعه مباشره

فكنت أعتقد أنه يوعان يعني ما شبع ومن إمبارحه تمس حسيت أن مزاجه معكر وإمبارحه مستوي هادي وما يبتسم ولا يضحك جنه مريض

هل هاي أعراض التنسنين ولا شي ثاني خاصة أنه عمره 3 شهور ونص بس

^^

ويزاكم الله خير

بنتي ربي يحفظها بعد نفس الشيء..
بالنسبة لمص الأيدين،،
قريت في وايد مواقع انه هالشيء طبيعي،، الياهل يبدأ يستكشف ويتم يمص ايديه..

وعن الروان،،، والله ما أدري أنا بعد توقعت بنتي بتسنن بس ماشاءالله دشت الرابع و بعدها ما سننت فما أعرف

أنا بعد ولدي يمص أصابعه ووايد لعابه يسيل وعمره الحين 6 شهور و10 أيام وما طلعله أسنان مب عارفه شو الحل

يزاكم الله خير عالإفاده

صراحه شي يحير يمكن طبيعي أغلب الأطفال جي

اذا كان طفلك يمص اصبعه فماذا تفعلين وهو في الاشهر الاولى

من حياته ؟

1- دعي الطفل يمص من ثديك وقتا اطول حتى يشبع حاجته للمص

فهو كما يشعر بالجوع عند حاجته للاكل كذلك يشعر

بحاجة للمص لاشباع هذه الغريزة

لان بعض الاطفال قد يشبعون حاجة الجوع بسرعة

قبل ان يشبعوا حاجة المص .

2- اذا كان يرضع من المرضعه , فلا تجعلي ثقبها واسعا حتى يشبع

حاجته للمص مع اشباع حاجته للاكل .

واذا استمر طفلك يمص اصبعه بعد السنة الاولى , فالاحسن ان تتركيه

يفعل ذلك , لانك اذا لم توبخيه او تجعلي من الامر قضية تزيد من قلقه

ترك مص اصبعه لوحده .

فالولد يلجا الى هذه العادة عند مواجهة الصعاب او النعاس او التعب

ليعبر عن حاجته الى المزيد من الحنان والعطف

او الى التشجيع لمقاومة الصعاب او الشدائد

التي يجابهها وهو ينمو .

عادي كل بيبي يمص ايده

بنتي عمرها 3 شهور تقريبا .. ونفس الشي تمص ايدها وعاد الروان حدث ولا حرج

تخرس ملابسها مما يؤدي الى البرد الزائد .. كم مره ابدل لها الاوبه في اليوم

ومادري من شو هالشي

هلا ماماهاتنا

بما اني وحده منكن

فديتكن

امهات لاول مره

شو الشيء الي حسيتي انه مواجهته صعبه للمره الاولى بعد انجابج اول طفل

تسبيح الطفل

ارضاعه

تنويمه

تلبيسه

نختار المدة

ماما فور فيرست يييييييييييييييرmama for first year ام لاول مره في اول سنه
شو العراقيل الي عشتيها مع اول طفل

يعني بخبركم عن نفسي

كنت رقيقه جدا وكنت خايفة عليه من النسمه وكنت انش فالليل اشوفه يتنفس او لا

وبعد يوم تيه حمى او يصيح اصيح معاه خخخخخخخخخخخخخخخخخخخخخخخخخخخ

بس الحين فهمت الجو خلاص

انا ام للمره الثانيه
اول ما يبت سعودي ما اعرف اتعامل ويااه ما اعرف ارضعه ولا اغير له الحفاظ والسبوح يدته كانت اتسبحه لين طلع من الاربعين وعقب قمت اسبحه بروحي بمساعده الخدامه حتى مره شرق علينا ومن الخوف طرنا عالمستشفى بس يوم كبر اشوي واستوى بو اربع شهور تصادقنااا والحين عندي حمودي الحين ما احتاج حد يعلمني لان عند خبره بس متبهدله ويااه اذا صاح ما يسكت الا اذا حد غيري شله

كل ياهل يفرق عن الثاني ساعات البجر ما يبهدل بس من اتيبين البيبي الثااتي تتلعوزين

انا فاول ياهل شراتج لازم كل ساعتين كنت انش وابدله وارضعه واذا صاح قلبي يتقطع عليه
بس الحين من يبت الثاني عادي اذا طولت فرقادها مابوعيها ارضعها اقول اذا بتيوع بتصيح

انا عندي بنوته حلوووووة بس بصراحه ما اخاف عليها ترقد وايد بس امي قالت لزم ارضعها كل ساعتين لو حتى هي راقده لزم اوعيها وارضعها بس خواتي عادي اعطيها ماي هي عمرها احين 7 ايام… عادي اعطيها ماي عادي…

الله يحفظلكم عيالكم

وانا متى بستوي ام؟

اهيء اهيء ادعوليي

السلام عليكم …

أنا أم لأول مرة …. طبعاً كنت قبلها عمري ما غسلت ياهل ولا سبحت ياهل ولا اتعاملت مع أي ياهل ..

وولدي ياي وزنه 2400 وكان وايد صغير ..
في البداية تعلمت ارضعه وعقب ابدل له حفاظ والحمد لله كان وايد هادي وما يصيح ما شاء الله عليه
والسبوح ما كنت اتجرأ اسبحه وكانت امي تسبحه لين ما كمل الأربعين والحمد لله قمت اعرف اموره كلها وما احتاج مساعده من حد
الحين فديته بعد كم يوم بيدش 6 شهور والصعوبة الوحيده هي كيف أدخل عليه الأكل

والسموحه

مرحبا خواتي بغيت اسال متى الياهل يكتسب وزن في اي شهر اللي يشوف بنتي يقولي صغيره وانا ارضعها طبيعي والحمد فيني حليب ماشاء الله وخوها ربياني بصحه ولله الحمد بس الناس تقهرني يوم يقولون عنها صغيره فيدني خواتي بنتي توها مخلصة الاربعين

السلام عليكم ورحمه الله وبركاته

حبيبتي كل ياهل غير عن الثاني انا ولدي يوم يبته كان صغير وقصير وكانو يقولولي عطيه حليب صناعي لانه صغير وايد طبعا ماعطيتهم سالفه لين كمل الست الشهور وعقب تمو يحنون بزياده عطيته الصناعي بس ما تغير تفس ما هو صغير يعني ماعليج من الناس

واذا تبين اعرضيها ع دكتورتها وهي بتخبرج شو الاحسن لبنتج

شو تبين بالناس … اهم شي تكون بصحة وترضع عدل …

انا مادري اذا كان هذا وزنها الطبيعي ولا الناس مستعيله عليها انا سمعت على الشهر الثاني تبدا الزياده مادري هالكلام صحيح ولا لا

ما عليج من الناس،
كل ياهل جسمه غير

طنشي!

المهم صحته جيدة وحالته زينه

قوليلهم بتكبر ان شالله و بتتغير

ماعليج منهم ابدا

انا نفسج كنت بس ماكنت ارضع طبيعي
كنت اقول الحمدالله .. وان شالله بتكبر و بتتغير

لا تراقبينها وايد ترا الياهل ما يكبر يوم تمين مركزه ع هالاشيا

ما عليج من كلام الناس أهم شي هي بصحة وعافية …. انا كل عيالي جذي من صغرهم وتموا يحنون عليه ….. يلين كبروا تغيروا الحمدلله ….