التصنيف: الأمومة و الطفولة

شحالكم يا امهات وشحال عيالكم ان شاء الله كلكم بخير وسهاله
مثل ماقريتوا في العنوان ولدي عمرة سنة يعاني من الغدة الليمفاوية هذا على حسب كلام دكتور عبدالله سمرين اللي على البحيرة المهم هي مكانها تحت اذنة ومستوية مثل التيلة …. قاللي اذا تمت وارمة اكثر عن شهر باخذ عينة … وعقب 3 ايام من هالكلام راجعتة لانة كان عندة موعد تطعيم فقال ما اقدر اطعمة لين تخوز الغدة وقال ترييوا عليها اذا ماخازت عب اسبوعين عطوة هالمضاد "الكلام اختلف"… يليت لو تفيدوني اذا عندكم علم بهالموضوع او تفيدوني بدكتور زين ممكن اعرضه عليه
بانتظار ردودكم

ربي يشافي ويعافي جميع اطفال المسلمين..

امين يارب

حبيباتي عندي بنوته غمرها 8 اشهور الله يخليها لي بس بغيت اغرف ارضعها ضبيعي لين الحين مانزلت الدوره هذا طبيعي ولا لا ردو علي

لللللللللللللللللللللللللللللللللللللرفع

طبيعي اختي لاتحاتين في حريم يرضعن على نضافه ما اتييهم الدوره انا خواتي اثنينهم شراتج
بسبب الرضاعه الطبيعيه ما اتييهم

عاااادي جدااا هرمون الحليب مرتفع عندج ماااشااء الله وهذا اللي مانع الدوره تنزل
بس لاتعتمدين على ها الطريقه لمنع الحمل ^^

هل يصير حمل في هذي الحالة

.
:
::
اممم
مي تو نفسج!!
ع الغالب ما يصير حمـــــــــــل
::
:
.

انا شرااااااتج وزااااااايغه عن احمل‏>‏‏>‏‏>هههههههههه
اختي شراتي وما تيها الدوره وحملت لوووووول ماشاءالله

بنات ولدي عمره 3 شهور ونص لاحظت حبوب صغار وايد في كل جسمه هل تعرفون من الشو ما فيهم لون يعني مثل الرمل صغار وايد ومنتشره في كل جسمه شو السبب ؟؟؟؟

االغالية لاتخافين بنتي كانت جذي بس الدكتور قالي هاي مجرد حرارة و حطي عليها بودرة حرارة بيبي جونسن وبس ولا تلبسين ثياب واايد غليظة…

مشكوره الغاليه طمنتيني كنت بوديه المستشفى قلت بتريى الاسبوع الياي بوديه لانه عنده تطعيم قلت مرة وحده

هذي من الحرارة حبيبتي لا تهملينها

اختي هذي يمكن من الحراره ويمكن من الصابون وجلد الاطفال ما يستحمل بس عشان تتطمني وديه المستشفى ولا تثقلي عليه بالملابس وحاولي كل ملابسه تكون قطن وان شاء الله ما يشوف شر

انا استخدم الصابون والشامبو والبودره والبودي لوشن والكلينكس المعطر كله من موستيلا ماركه طبيه وللبشره الحساسه ما اظن من الصابون لانه من انولد وانا استخدم له ها الماركه ما صار فيه شي الحمدلله الا من كم يوم ؟؟؟؟؟؟

عالعموم مشكورين عالردود وفي ميزان حسناتكم ان شاء الله

احتي انا بنتي كان يطلع لها ع رقبتها كلها فقالي الدكتور من الحر ..فصرت اخفف عنها مااغطيها وايد غير بشي خفيف اذا كنت مقمطنها ..والحمدلله صارت احسن ..والحر والعرق يسبب هالشي .. وبالنسبه لادوات الياهل كل الدكاتره نصحوني بسبميد وايد طبي واحسن لبشره الياهل

السلام عليكم ..

اللي تعرف عن أي دورات في تربية الأبناء في ابوظبي تفيدنا..

أيضا عن أي محاضرات دينية .. و يزاكم الله خير

عندج محاظرة الشيخ سالم العجمي " تربية ابناء " تقدرين ادورين عليه فالنت ون ما حصلتي راسلييني ع الخاص واقدر افيدج وعندج الشيخ محمد صالح المنجد مبدع الصرااحه ومثل ما قتلج ان بغيتي بطرشلج الرابط بالخااص ..

المحااظره وااااايد مفيده وااايد حلوه احسن تاخذين محاظراات دينيه تعلمج بالسنه والقرآن ونا عن نفسي استفدت من المحااظرات بشكل كبير .

سبحان الله و بحمده
سبحان الله العظيم

اب
اب
اب

انا بعد ابى اللي اتعرف اتخبرناا

للرفع

ابي اعرف عن الارز المصري عادي اعطيه لبنتي لما تصير 4 شهور وين احصله وكيف طريقه تقديمه
واشتري معلابات ولا شووو

انا عني اعطي عيالي يوم يكملون ستة سهور واشتريه من الجمعيه ولاكارفور واطبخه لين شوماينهرس شوي وبعدين احطه في الخلاط مع شوية حليب وزبده

خذيلها هذا العيش .. بتقلينه في كارفور و سبينس

حد يشرح بالتفصيل لو سمحتواا^^
يعني اول شي احطه في ماي مغلي وعقب بالخلاص احسه ما ادري ما بينخلط ولا احطي في ماي مغلي واخلط ويااه شوي حليب
مع العلم بنتي ما تاخذ مرضعه لو شووو حتى لو يوعانه عاادي ترقد بس ما تاخذ المرضعه

انصحج تبدين تأكلينها يوم تكمل الاربع شهور .. مب قبل

و ابدي وياها بالفارليز كمن يوم عشان تتقبل الاكل بشكل عام وشعور الملعقه لأنها بتتضايق اول فترة تبا ترضع وما تعرف للأكل.. وعقب يوم بتتعود دخليلها العيش..

خذيلها عيش سنو وايت المصري.. بتلاقينه في اي جمعية ..

وهاتي جدر صغير .. حطي فيه ملعقة طعام من العيش عقب ما تغسلينه زين ما زين.. وصبي فوقه كمية ماي بحيث يكون حوالي 2 سم فوق مستوى العيش لأنه الماي مع الطبخ بيتبخر..

وخليه لين ما يفور الماي وقصري عالضو وخليه يطبخ على نار هادية .. وردي جيكي عليه عقب 10 دقايق شوفي حبوب العيش استوت لينه وايد ولا بعدها.. اذا بعدها خليها ولو احتجتي زيدي الماي لين ما تشوفينه لان..

طلعيه وصفيه عن الماي لو تم ماي..

وحطي في خلاط البيبي .. وصبي عليه مقدار من حليب الاطفال.. او من حليبج كله واحد..

يعني اعتقد ملعقة طعام وحده بتحتاج حوالي 30 مل من الحليب.. واخلطيه فالخلاط لين يستوي ليييييين ..

واعطيها اياه دافي .. الحليب بيخلي طعم الاكله مألوف وان شالله بتتقبله بس انتي طولي بالج عليها…

انصحج ما تحطين ملح ولا شي.. لأنه بيضرها وما بينفعها ..

بالتوووووووووووووووووووووووفيق

مشكوووووووووووووورة ع المجهووود ،،، … بارك الله فيج …

بس إسمحي لي بنقل موضوعج بقسم نادي تربية الأبناء ….

خبر غريب و قرار أغرب

اتطلعوا واقراوا بتروي مع كاسة مهدئ اعصاب
قرر زوجان شابان شراء كلب لكي يتمرنا على كيفية الاعتناء بطفل يخططان لإنجابه. وقالت سونغ نان (25 عاما)، التي تزوجت في عام 2024، قررت وزوجها تأسيس عائلة في العام الحالي، «لقد رأينا أن كلينا شاب وليس لدينا الصبر والحس بالمسؤولية الكافي للاهتمام بطفل، فقررنا شراء كلب لكي نتدرب على كيفية الاعتناء بمولودنا المنتظر».
واشترى الزوجان كلبا في أبريل الماضي وأمضيا طيلة الأشهر الثمانية الماضية في الطهي والتنظيف والاعتناء بالكلب المحظوظ.
وأضافت سونغ «لقد ساهم احتفاظنا بالكلب في زيادة صبرنا وحسنا بالمسؤولية وساعدنا على الفهم بأن لدينا الكثير الذي يجب أن نتعلمه لذا قررنا عدم التسرع في إنجاب طفل».

استغفر الله …ما عندهم عقل لااا وعمرها 25ما تعرف تربي ياهل .عيل فالحيييين يعرفو…….

السلام عليكم …… ابي اعرف عن الفتاق اللي عند الأطفال لأن عندي ولد عمره شهر واسبوعين كان مافيه لكن قبل اسبوع شفت انتفاخ تحت بطنه جهة اليسار ويوم وديته حق الدكتور قال لي انه فتاق ولازم عمليه .. انا خايفه اسويله العملمة لانه فديته بعده صغير والله اني خايفه وايد اللي عنده معلومه تكفى لا تبخل علي واللي اتعرف جراح اطفال شاطر يكون بالشارجه او دبي اروح له يقدر يفيدني ….الرجو الرد علي..

هلا حبيبتي
فديتج والله نفس معاناتي ويا بنتي يوم قريت موضوعج كانج تكلمين عن بنتي
بنتي فديتها عمرها شهر نص وطلع الها ورم او انتفاح تحت بطنهااا جهة اليسار بالضبط من اسبوع
وباجر عندي في الوصل عشان يفحصها الدكتور والله بروحي مستهمه شكله بيقولي فتاق لانه الكل قالي فتاااق
وانا وايد خايفه عليها
الله يشفي ولدج يارب ويشفي بنتي فديتها
بس لغاليه ما قلتي لي متى عطوج موعد للعمليه
حبيبتي وديه الوصل احسن عشان حكومي احسه انظف عن الخاااص

بنت أخوي نفس الشي و سوتلها عملية و الحمدلله هي بخير و كان عمرها شهرين

الله يشافيهم ويعافيهم …. ان شاء الله ماعليهم شر ….

وطمنوني ……

الله يشافيهم ويعافيهم ****لله ..
رحت اليوم الوصل وعطوني موعد عقب اسبوع عسب دكتور الجراحه اشوفه ويحدد لي موعد العمليه .. والله خايفه عليه واايد

الله كريم

العمليه وايد سهله وماتخوف انا سويتها لبنتي وكان عمرها 6 شهور و ولدي بعد كان عنده وانا عالجته بروحي مشكلة ولدي كانت في السره كان يوم ايصيح تغدي سرته قد اللوميه نشيت ويبت درهم وعقمته بديتول وحطيته على سرته ولصقته بلصق طبي والحمدلله اسبوع واختفت الورمه
الله يشفي عيالكم ويحفظهم
والسموحه

أحب شي عندي يوم اسير اتسوق حق اليهال وااااااااااااو روووووووووووووعه تحسين ثيابهم جيه صغاااااااااار كيووووووووووووووووووووت وهذي مجموووووعه من محلات زارا

تسلمين

خاصه البنات يحلون الملابس

هيه والله صدقج الغاليه
وربي لا يحرمني من مررررررررررررروووج

يسلمووووو حبوبه على الصور …….ز

روووووووعه تسلميـــــــــن

الشكر لكم حبايبي على مرررررررررررووكم

واايد حلويين تسلمين حبوبه…