الواحد وده يسافر يغير هالجو الكئيب
مشكوره ماقصرتي
مع كامل إحترامي لج أكيد انتي ناقله هالموضوع
وإللي حاط هالتقرير حاط صور من أوروبا على أنها صور كيش ,,
هذي أبداً مب صور كيش ,,
تمّ تعديل الموضوع ..
تقارير العضوات المصورة
الواحد وده يسافر يغير هالجو الكئيب
مشكوره ماقصرتي
تمّ تعديل الموضوع ..
هاي المره الثانيه الي اسوي فيها الموضوع ويخترب … ):
فسمحولي تعبانه الموضوع الاول كان فيه كل شي … فعلق علي …
كانت رحلتي لفلبين لشغل حق ريلي … فقررنا انه نروح مكان مميز نستانس فيه لانه الرحله كانت ثالث يوم العيد الفطر ..
أول كانت الرحلة مقسمه لقسمين:
القسم الأول :
310 in the Quzon City for 3 night ومنها رحنه لزيارة TagYtaY وليلة 8 في Shangrila-makati
ومن 810 الى 1110 Boracay Island وليلة 1110 في Shngri-la Makati
أول شي ترتيب الرحلة طبعا كانت على خطوط الإتحاد درجة رجال الأعمال ..
تكلفة التذاكر 12 ألف تقريبا
الرحلة كانت الساعه 2 فليل تقريبا
كيمرتي الحبيبة ^_^
بسم لله وصلت الساعه 1 فليل ونحن نتريا فقسم البزنس اليديد
طيارتنا هي هي هي ه
مكاناااااااااااا
طبعا كان الإقلاااااااااع زيااااغ زيااااغ ززياااااغ … وا وا وا
بعد ماهدت الامور و انخفضن دقات القلوب … يا وقت الهم هم بما إني في كل رحلة أسوي هاذيج الزوبعه ماآكل ولاشي لين تستقر الطياره فالسما بحماية رب العالمين…
حياكم قربو
قبل ماأرقد طلبت عصير برتقال + أيس كريم
طبعا ريلي متعود على أروبا ماصدق يحصل أجبان خخخخههه
طبعا أحلى رحله كانت لأنه كانو بس 3 عوائل كبار فسن وكلهم خذوها رقده ولاإزعاج ولاشي عاد أنا ماخذه راحتي بالقووووووووووووووو …
صار وقت لرقاد Z Z Z zz Z z z
صباح الخير ^_^
الأبيتايزرر ( كريمه مخفوقه مع صلصة الشيري + توست + عصير )
صحن الريوق الرئيسي مالي ( بان كيك )
صحن بو شباب ( تشيز أومليت )
قربنا من الفلبـــــــــــــــــــــــــــــــــــــــين
نحن فوقها
صور عشوائية ونحن فالطريق طبعا كنت وايد تعبانه
وصلنا الفندق إسمه Lemon Tree هذا الفندق ماأنصح فيه للسواح لأنه بس كان قريب من حايتنه بس ..
طبعا ريحنا وخذت شوار وطلبنه من ماك ولا برجر كنج ولله ماذكر و رقدت لين ثاني يوم …
يرجى عدم الرد
يتبع… TAGYTAY
المهم قضينه 3 أيام في كازون سيتي .. ولا شبرت ولا مكان لأنه المستشفى مجابل الفندق المهم بعض الصور ونحن سايرين القمه
ّّّّّ طبعا الجو خباااااااااااااااااااااااااال متغير متغير متغير كل نص ساعه ّّّّّّّّّ
وصلنا الحديقة …
الفلبين كلها ورد
يتبع مزرعة الخيول + الحيوانات …
الصراحه وايد تعب …. ترا هذا كله في مانيلا … يعني الجزيره بعدها
متابعين وياج يالغاليه .. ^^
Go a Head
^_^
كملـــــــــــــــــــــي نتريـــــــــــــــــــــــــــــــااااج ..
شحـــــــــــــالكم … و شحال بلادي الإمارات
أنا مراسلتكم …. ميثاني العيناوية … أحييكم من العاصمة الكورية (( سيؤول ))
و بحفظ الله و رعايته و صلنا كوريا الساعة 4 العصر بتوقيت كوريا .. و بتوقيت الإمارات الساعة 11 الظهر من يوم الجمعة 9-7-2017 م
و مدة الرحلة 8 ساعات … على طيران الإمارات و الدرجة هي : درجة رجال الأعمال ^_^
و أحلى مافي رحلتنا بالطائرة انها كانت على طائرة الايرباص اليديدة ( الطابقين ) ^_^ لا تستعيلون أنا مصووورة كل شيء هههههه
مدة البقاء في كوريا ( شهرين ) و العودة باذن الله للوطن في عيد الفطر السعيد
و سبب طول البقاء في كوريا … ( شغل ريلي … دبلوماسي إماراتي في سفارة الإمارات بسيؤول ) ربي يحفظه لي و لبناته و يبعد عنه العين …. ^_^
و على فكرة كوريا و اهل كوريا يسلمووووووووووون عليكم
و الله يسلمكم الأوضاع في كوريا رووووووووووووووووعة و المناااااااخ يجنن …الجو ممطر و بارد و درجة الحرارة بالظهر هي : 23 درجة ( و طبعا هم يعتبرون هالحرارة مرتفعة جدا و الشعب كله لابس تيشرت و هاف ) ههههههههههههه عيل لو جربوا لهيبنا شو بيقولون لووول ^_^
و بصفة عامة ماشيء عرب وايد … الا عدد بسيط جدا !! يا انهم ( دبلوماسيين أو رجال أعمال )
و الحمدلله الأمن و الأمان متوفر …
و شعب كوريا راقي و متعاون و الإبتسامة دوم في ويهم .. مع العلم انه عدد كبير منهم بعمره ما سمع عن الإمارات أو بوظبي أو دبي … هههههههههه وايد عليهم انهم يعرفون ان نحن عرب ^_^
الحكومة الكورية وايد ظلمت بلادها … لانه ما نشوف اعلانات عنها … بس البلاد تجنن صراحة ^_^ و الصور اللي بحطها في رسالتي الثانية … بتكون أبلغ من الكلام ^_^
و بخصوص المطاعم في كوريا فهناك : المطاعم العربية و الهندية و الايطالية …. و فيه العالمية مثل تشيليز و ماك و هارديز و ربعهم
و بخصوص الأسوااق و هذا عوق الحريم … سوووووووووقهم رووووووووووووووووعة و الماركات على كيف كيفكم … بس البلاد وااااااااااااايد غالية !!!!
انا ع كل حال بحط تقرير مصور ( الرسالة الثانية ) لرحلتي شبه اسبوعي …. و بحط لكم صورة كل مكان سرناه …
طبعا السموحة هالتقرير الأول بلا صور … لاني للحين ما فضيت ابطل جناطي خخخخخخ وايد عليه ازهب نفسي و ازهب بناتي للطلعات …. و بصراحة راح تنصدمون بجمال كوريا شرات ما انصدمت انا …..
و السموحة جان طولت … و تابعوني بالرسالة الثانية ( المصورة )
وموفقين وننتظر الصوروتقاريرج الحلوه
عاد هالله ه الله في عماركم
بإنتظار التقرير المصور عزيزتي ^^
وان شاء الله يوم من الايام اسير اليابان .. واذا عيبتني كوريا ليش لا …؟؟؟!!!!!!!!!!!
حبيت أشارككم رحلتي لماليزيا وبالصور ^-^
رتبنا مع الشرقية للعطلات على :
* حجز التذاكر على طيران الاتحاد
*حجز فندق برجايا في لنكاوي 3 أيام
*حجز فندق برجايا تايم اسكوير فكوالالمبور 7 أيام
رحلتنا كانت الساعه 2:45 من مطار بوظبي ولمدة 7 ساعات في تاريخ 27-7 يعني يووم ميلادي
وصلنا الساعه 3 بتوقيتهم واترينا طيارتنا الثانية اللي بتودينا لانكاوي ساعتين وكانت مدة الرحلة 50
دقيقة
هذي صور من الطيارة …
وصلنا المطار وركبنا عند تاكسي طيب ومحترم خذنا رقمه و وصلنا الفندق اتعشينا ورقدنا
اتصلنا بتكسينا وشلنا ودانا الشلالات …
ونشوف الناس تنزل هلكانه ونقولهم شو لقيتوا فوق يقولون ما قدرنا انكمل
وأخيرن وصلنا
وبعد ما وصلنا بخمس دقايق نزل مطر كان الجو روعه والمطر كان يزيد ونحن مب شالين مظلات
اطرينا ننزل نركض تحت المطر بس ما حسينا بتعب من حلات الجو …
اتغدينا وسرنا السوق الصيني واتفقنا مع الشرقية يغير الفندق والمنطقة ويحجزلنا فبينانغ لأنه
كوالالمبور زحمه وحر
بالباجر طلعنا وسرنا مصنع الجلد وخذت شنط وسرنا مصنع الشوكولاته
وركبنا باص بيوصلنا بينانغ المفروض خلال 4 ساعات لكنه كان يوقف كل شوي وتمينا فالباص 7
ساعات و وصلنا فندق هايدرو ماجستيك الساعه 9 فليل
الصبح اتريقنا …
واتمشينا على الشاطئ
وسرنا حديقة الفواكه
فليل سرنا سوق يبطل من الساعه 8 المغرب وااايد حلو بس ما صورت
اليوم اللي عقبة نزلنا المدينه ندور بنك عشان نسحب فلوس لأنا مب
شالين بطايق السحب وهاي أكبر غلطه وكان عندهم اجازة يوم السبت و الاحد وكل شي مسكر وبعد
3 ساعات لقينا وستر يونيون واستلمنا الحوالة
رجعنا وسرنا رحلة بحرية لشاطئ القرود …
أول شي صدنا …
وعقب اتمشينا فالجزيرة وسولنا باربكيو
ولعبت بالبارشوت مره ثانيه
خاطري اسيرررررر
خباال المكان والجو روووعه
انشالله استانستواا
تسلمين عالصووور
عاشقة ولدي …
أشكركن على المرور ^^
ان شاء الله يكون موضوعي هذا دعايا حق تركيا ^^لأنها فعلا بلد جميـل ويستحق الزياره..
وزيارتي كانت لفتره بسيطه وكانت لعروس البحر الاسود (ترابزون)..الشمال التركي..
وطبعا عن طريق طيران الاتحــــاد..
ركبت الطياره وكلي شــــوق لهذا البلد الرائع الي كنت احلم في زيارته من زماااان ..^^..
المهم يا وقت الاكل ووزعوا علينا المنيو فحبيت اصوره بس انا ما بعلق على الصوره وبخليكم انتوا تعلقون كككككككككك
المهم كانت الفتره الي طرنا فيها طويله اتوقع 6 ساعات لين ما وصلنا اسطنبول ونا طبعا ما حسيت فيهن لاني كنت صراحه باخه رقاد ^^..
وهذي بعض الصور الي صوريتها للسحاب وكان منظر السحاب روووووووعه^^وكان ودي انط فيه من حلاته..
وهذي صور لمدينة اسطنبول ..
ومن بعد ما نزلنا في مطار اسطنبول انتظرنا 4 ساعات تقريبا علشان نركب الطيران المحلي ونروح لترابزون..^^
ولما ركبت الطياره عجبني منظر الطيارات المسطفه ورا بعض بالدور تنتظر دورها علشان اطير وصورته^^
يالله تعبت ان شاء الله بكمل بعدين وبحطلكم صور لعروس البحر الاسود بس أول شي اجوف رايكم بالصور^^..
وصلنا الى الفندق (Novotel Trabzon ) وصراحه كان الفندق جميل والاسعار يااابلاش^^..
وكان منظر البحر الاسود من جامه الغرفه جميــل^^..
((ويوميا كنت آكل الكفته التركيه لاني ما كنت اقدر اقاوم طعمها من حلاتها وماريد اجرب اكله غيرها نصيحه للي بيزورون تركيا ما يفوتونها ولا يفوتون حلاوه الرز باللبن))
صراحه كل شي في ترابزون له طعم ثااااااااني حتى الشاي روووعه والروتي عندهم في كل مكـان وله طعم غيـــــــر ومزة ثانيه سبحان الله اشجار الشاي في كل مكـان والانهار في كل مكان والمياه النقيه في كل مكان والفواكه ما شاء الله منتشره عندهم بكثره وخصيصا البطيـخ والبندق والفراولا والكرز وغيره من الفواكه ..
وهذي صور للشلالات والانهار الي قدرت اصورها في رحلتي مع انه الكاميرا كانت ظالمه الصووور وااايد لكن مع هذا الصور حلوه ^^
شحالكم عضوات
وقت السفر من تاريخ 23-3 الى 4-4
والرحله كانت ميلان – باريس – لندن
ميلان كم 23 الى 26 و باريس من 26 الى 30 و لندن من 30 الى 4 -4
بس في هالتقرير بطرح صور ميلان و البقيه في مواضع مستقله
اولا الحجوزات كلها عن طريق النت و موقع booking
الرحلة كانت 4 اشخاص طيران الامارات
الفندق : Armani Hotel Milano
وخذنا غرفتين 3 ليالي
و من الفندق 10 دقايق لساحة الدومو
و الصور موجوده في الموقع للي يبي يشوف الغرف
الكاميرا المستخدمه كانون دي 400 لانها خفيفه و ما شليت الكبيره ال 50 دي لانها تكسر جتفي كفايه الشنطه ><
العدسه تامرون 18 – 200
نبتدي بالصور من ساحة الدومو
الكنسه كاثدرائية ميلان
علم بلادي
اليوم الثاني رحنا المحطه درب فينسيا من الدومو الى محطة سنترال اف اس و من هالسنترال الى فينسيا
يتبع ..
تقريبا كل اماكن الحلوه فيها رحتوها
جد جد ودي اروح هالمكاااان
و مشكوووره حبيبتي على هالصوووووور و المجهووود الطيب
اشحالكم حريم وبنات عساكم ابخير !!
الحمدلله رجعت من سفرتي لليونان واللي كانت لمدة 9 ايام و8 ليالي من تاريخ 25.03.2016 إلى 02.04.2016
كانت الرحلة عن طريق جامعتي جامعة الامارات العربية المتحدة
وكانت الرحلة لطلاب الماجستير وانا وحدة منهم
كنا 15 بنت مع مشرف ومشرفه
رحنا لمدينة أثينا وتمينا فيها 6 ليالي ومدينة ثانية اسمها Galaxidi يلسنا فيها ليلتين راحة واستجمام
الرحلة كانت عبارة عن زيارات اكاديمية لسوق الاسهم في اثينا + بنكين + مصنع القطن + شركة شحن بحري
وكان الجدول انش الصبح تريق ونتحرك كل يوم لواحد من الاماكن الاكاديمية اللي ذكرتها فوق لمدة 3 ساعات تقريبا لين الظهر,, وبعدها نحن فررررري لوقت الساعة 6 وبعدها من 6 الى 8 المسا يكون seminar في الفندق اللي سكنا فيه ومن عقبه نطلع نتعشى ونرجع السكن عالساعة 10 ولا 11 ويله احلى سهره بنات فالفندق خخخخخخخخ
الجو كان بين الـ8 وال15 درجة
بارد وحلو لكن وقت الظهر مع اشعة الشمس اتحسون حر شوي
يعني نفس جو اوروبا وحسيته الجو اقرب لجو اسبانيا
ولا تنسون اليونان كل ابوها جزر لازم الجو يكون حار شوي عن باقي الدول الاوروبية
ك مدينة اثينا مافيها شي حلو لهناك ,, لكان قروب البنات كان احلى شي واستانست الحمدلله ,, وخاصة باباتي كان قايلي بوديج اي مكان الا اثينا لانه مافيها شي هههههههههه فقلت اسير مع الجامعة عن خاطري
اول فندق سكناه في اثينا اسمه The Margi
وهذا موقع الفندق للحجز https://www.themargi.gr/
الفندق كان جيد جداً ونظيف اهم شي والريوق لا باس فيه
امممم اغلب الصور كانت صور البنات وصوري لكن تنقيت بعض الصور لعيونك بدون ما انحط صور حد
نبدأ بالصور
اول يوم وصلنا مطار اثينا على العصر وسرنا الفندق سوينا جيك ان وريحنا وعالعشا سرنا بيت بروفيسور يوناني كان ياي الامارات من قبل زيارة لجامعتنا وقال لازم تتعشون عندي
تعشينا عنده ف بيته بين اهله وعياله وما شاء الله كرم الضيافة عندهم ما كان ناقص عن كرم العرب ابداً وما قصروا
وهذي بعض الصور من بلكونة بيته من فوق
الاشجار اللي فيها زهر لونه وردي .. هذي اشجار اللوز
اشجار البرتقال في كل شارع وكل حاره وكل بيت ما شاء الله
يتبع ،،
بانتظار باقي الرحلة
تسلمين ع الصور ..
..
ربي لا هانكم