التصنيف: دليـل الـعروس

هلا بنات ممكن تساعدوني وتقولولي وين الاقي فساتين اعراس للاجار ويكون راهيها ومصممها معروف مثل ازرا وماتو اومايكل اروشي وشكراا

انا عندي فساتين روعه بس مش من المصممين المعروفين…….فساتيني من تصميم المصممين اللي عندي

هلا اختي

جيكي الخاص

وانا بعد فى خاطريه فساتين اعراس واتكون لمصممين معروفين والله شراتج يا موزان ان شاء الله يساعدن البنات

حياكن عندي الغاليه شرفينا وخذي فكره بس عندي تشكيله كبيره من فساتين العرايس والسهره…. وإذا طلعتي وما عيبج لج ايلي تبينه ….كل الفساتين راقيه ويديده ومن اشهر المصممين…….وعندي كل المقاسات وصدقيني انتي الحكم في الاخير…للتواصل رجاءا على الخاص

هلا اختي ….

شوفي هالموضوعين

https://www.uaewomen.net/showthread.php?t=118677

https://www.uaewomen.net/showthread.php?t=90193

ومبرووووووك مقدما

فساتين اروشي اللي للتاجير تلقينه في محل شادي تابع لاروشي

المحل في مركز الهنا في دبي عند شارع ضيافه

السلام عليكم ورحمه الله وبركاته
شخباركم عساكم بخير

احم اليوم كانت ملجتي
الحمدلله واخيرا ملجت هههههههه
طبعا بس ملجه الياييل والاسبوع الياي
بتكون حفله الملجه
بس الصراحه كان الموقف وايد يخووووووف
دقايق وعدت على خير
بس صدج صدج حسيت باحساس غريب عمري ما حسيت فييه
ولا كللللله في صوووووب ويوم يايه بوقع في صوووب
ارتجف من الخاااااااااااطر واخويه يقولي وقعي هنيه وانا اقوووله وين (اعتمت هذيج الساعه)
واووووول مره اشووووف هالتوقيع ههههههههههههه مب من شي من كثر ما ارتجف
ادعووووولي
وان شاااااء الله عقب حفله الملجه بحط لكم التقرير

موفقة حبيبتي

مبروووووووووووووووووووووووووك يا حلوة و عقبال العرس ان شالله بس خبرينا شو كان احساسج ؟؟

الله يوفقج حبيبتي ويهنيج يارب..

مبروووووووووووووووك

وعقبال الفرحه الكبيره ان شاء الله

مبروك حبيبتي وعقبال الفرحة الكبيرة ان شاء الله

الله يوفقج ويسعدج

«ليلة الغمرة».. عادات وتقاليد مختلفة وأكلات متنوعة لزفة العروس

بالرغم من اختلاف العادات والتقاليد المتبعة في الزيجات السعودية بوجود طقوس مختلفة تميز كل منطقة في المملكة عن الأخرى، إلا أن هناك بعض المظاهر المشتركة التي تجتمع فيما بينها، مثل ليلة الحناء أو ما يعرف بــ (ليلة الغمرة) وهي الليلة التي عادة ما تسبق حفلة الزفاف.

هتون قاضي التي أقامت حفلة غمرتها في الليلة السابقة لزفافها في منطقة مكة المكرمة، ودعت إليها بعض المقربات من صديقاتها تقول «أحببت ارتداء اللباس التقليدي في هذه الليلة التي تجمع قريباتي وبعض الصديقات، وهو ثوب طويل مطرز مع برقع على الوجه مطرز هو الآخر بالفضة يحجب وجهي تمسكا بالعادات المتوارثة قديما كون العروس لا يراها أحد» وتضيف «إلا انني لم أقم بوضع الحناء على يدي ورجلي كما هو حال أمهاتنا في السابق، ورغم أن أمي حاولت إقناعي بوضعه إلا أني لا أحب أن أراه على يدي بل على أيدي الأخريات» وتكمل «أعتقد أن الزمن اختلف».
مصممة الأزياء نجاة ناظر المتخصصة في تصميم الأزياء التراثية وصاحبة بوتيك تجاري بجدة تقول «كل فتاة تنتظر الليلة التي تزف فيها إلى عريسها وتتمنى أن تقام لها ليلة تجتمع فيها مع صديقاتها للغناء والرقص تعبيراً عن الفرح، قبل أن تنتقل إلى عالم آخر حيث ستكون مسؤولة عن بيت وزوج وأبناء في المستقبل».
وتضيف «في تلك الليلة التي تقدم بها الحلويات على المدعوين وهي ليلة الحناء، تقوم العروس بارتداء زيين أو ثلاثة وتخفي وجهها بالبرقع الذي لا تنزعه إلا عند ارتداء فستان الزفاف في اليوم التالي، أما حالياً فالجميع يستعد ويهتم اهتماماًً باليوم الذي يقام قبل موعد الزواج بأسبوع أو ثلاثة أيام على الأقل، والبعض منهم يقيمه يوم الزواج، إلا أن الجميع يحرص على أن تكون (ليلة الغمرة) حديث الوسط النسائي من حيث زي العروس الذي يكون من القديم أو الحديث الممزوج بالتراث».
السيدة السبعينية جوهرة هاشم تكلمت عن عادات أهل المدينة في هذه الليلة بقولها «ترتدي العروس في ليلة غمرتها نوعا من الزي التقليدي يعرف بـالزبون وتزف على كراس أو صندوقين صغيرين يتم تبديلهما من الخلف إلى الأمام في كل خطوة تخطوها العروس، ويتم خلال تلك العملية نثر عدد من ريالات الفضة التي كانت موجودة في ذاك الزمن، أما اليوم فأصبحت (ليلة الغمرة) مجرد ليلة راحة لأفراد العائلة، وتقوم العروس بالتزين في صباح يوم زفافها بفضل انتشار عدد من اختصاصيات تجهيز العرائس اللاتي يحضرن لمنزل العروس حسب اتفاق مسبق بينهما». وتوضح جوهرة قائلة «يوم الغمرة قديماً يوزع فيه التفاسير (هدايا) وحناء على النساء ويتم مد سفر الطعام المكون من المعمول الكبير ويسمى قديماً (العروس)، والتعتيمة وهي (لبنة وهريسة وحلاوة لدو والشريكة والزيتون والمربى بأنواعها) بجانب الذبائح، ويتم استئجار الثوب للعروس لليلة واحدة» وتتابع «الآن هناك من لا يزال متمسكاً بالقديم وآخرون أدخلوا بعض التغييرات حيث تقام الغمرة قبل موعد الزواج بأسبوع أو ثلاثة أيام، وآخرون يقيمونها في يوم الزواج حيث يتم زف العروس على الدفوف مرتدية الزي المدني أو المغربي أو الهندي أو البدوي (المحاريد) وكل عروس حسب ما ترغب أن ترتديه، وعند الانتهاء ترتدي العروس فستان الزفاف».
أم محمد من منطقة عسير بجنوب المملكة تحدثت عن ذكرى أيام ليلة الحناء في الماضي وقالت «كان الجميع يستعد لهذا اليوم قبل الزواج بثلاثة أيام من الغناء واللعب احتفالاً بالزواج، وكانت تصنع للعروس بعض الأكلات الشعبية وتنقش يداها وقدماها بالحناء ويوضع على رأسها غطاء أبيض» وتتابع «في يوم الزفاف يتم تجهيز العروس للذهاب لبيت العريس حيث توضع في هودج وتبدأ المسيرة من الساعة الثامنة مساء ويصلون لبيت العريس مع طلوع الشمس، وهناك يستقبلها أهل العريس باطلاق بعض الأعيرة النارية وذبح الذبائح» وتتابع كلامها بحنين إلى الماضي «اليوم تغير الوضع كثيرا، فالعادات الجميلة والبسيطة عمد الكثير إلى تغييرها لدرجة أنها أصبحت جزءاً من الماضي».

يعطيج العافية على الموضوع وسبحان الله كل واحد وعاداته

الأزياء السعودية التقليدية

أزيـاء من المنطقة الغربية

ثوب مكـة

ثوب بني حـرب

ثوب الـزبـون

أزياء المناطق المختلفة

المنطقه الوسطى

ثوب بنـي تمـيم

ثوب نجــدي

مرحبااااااااااااا ملاييييين ولا يسدن

هذا الرابط راح يساعدج ان شاء الله

https://72.35.75.145/showthread.php?t=4446&page=9

اختج قمرمنور

الاخوات في بن ياس

والحمدالله على السلامة

أول شي حمدلله ع السلامه … نورت البلاد

عندج صالون ابتهال .. أماني .. النقوش الجميله

وان شاء الله البنات يساعدونج

الاخوات اللي ف بوظبي جنان
800

مشكورااااااااااات خواااااااااااااااااااااتي

والله يسمكم من الشر ياااارب

والنووور نوووركم

ماااتقصرن

بس اذا في صورة احبكم اكثر^!*

حبي فديتج دشيت بس كل اسااامي لو في صورة وله ارقااااااااااااااام

والكل يمدح الصينيه

وام دالياا..؟

ممكن الرقم وله صورة بليززززززززززززز^^

تسلمين وكلج ذوووووووووووووق

السلام عليكم و رحمه الله و بركاته
جيف حالكم خوااتي ؟عساكم بخ ــير

الغاليات انا محتايه فزعتكم ..

ختيه ان شاء الله بتعرس جريب بتاريخ 09-10-2
و هي لين الحينه مابدت تزهب .. و ماعندنا غير الباجي من ها الشهر و الشهر الياي و نص شهر 8
لانهـ عقب رمضان .. فـ مابنقدر نقضي حاياتنا .. لانهـ بنصبحـ صيام و بنمسي انصلي التراويح .. و العرس عقب العيد بـ 10 ايام تقريبا .. و غير جيهـ بتكون ايام دواام
فـ مابنلحق ….

المهم الحينهـ نحن مب عارفين بشو نبدى و شو نشتري .. بذات انها اول عروس عندنا .. يعني ماعندنا خبرهـ فـ اموور الزهاب
فـ ياليت لو وحدهـ منكن تساعدني فـ ها الامر و تقولي كيف ممكن نوزع مهرها ….
و تقولي شو الاشيا المهمـهـ اللي لازم تاخذها .. و شو الاشيا اللي من الحينهـ نبدا فيها و الاشيا اللي نخليها لين قراب العرس
بـ معني ثانيـ .. ابا جدول زهاب .. فـ اتمنى من اللي عندها اطرشلي اياهـ و بكون صدق شاكرهـ الها و بدعيلها من خاطــري انهـ ربي يوفجها و يسعدها و يعطيــها الف عاف ـيـه ان شاء اللهـ

و السمووحـه ع المغثهـ

وانا بعد نفس حالتها ياليت أحد يساعدنا

فديتج طرشي لي ايميلج على الخاص ….وبرسل لج الفايلات اللي عندي

وهذا الرابط بيفيدج وايد:

https://forum.uaewomen.net/showthread.php?t=430083

انا بعد عرسي 2 10

بس ما قلتي جم مهرها عسب نعرف كيف نقسمه لج

مبروووكـ عليها,,

جوفي روابطيه انشاءلله تفيدج

^^"

ياليت اللي مسويه جدول حلو للزهاب اطرشه حقي

السلام عليكن..

بنات أنا مالجة من 4 شهور وريلي من الأهل….

أكبر عني بـ 15 سنة

ما أحس أني بعيش معاه عمري وانا مستانسه… ماأحس أني حبيته… خلال هالأربع شهور…

عنده سلبيات كثيره في وجهة نظري:::

1 ما أقدر أجوفه إلا بالويك أند بسبة طبيعة عمله يحتم علينا
(يعني أنا بتحمل كل مسؤولية الحياة الزوجيه لحالي، وهو بعيد عني)

2 عش الزوجيه هيه عبارة عن غرفة صغيره في بيت أهله … مابسوي ليه لا ملحق ولا شقه والمشكله إنه ماشاء الله في بيتهم 8 شباب وأمه ،، يعني غرفتي عند غرف أخوانه .. يعني ما باخذ راحتي وخاصة هو في الدوام يعني اروح أعيش في بيت أبويه لين متى هو راح يرجع لي في الويك أند

3 دراستي جامعيه وهو خريج ثانوية ( مايستوعب الكلام اللي أقوله يبالي اشرح له بالتفصيل الممل) يعني مايفهما وهيه طايره مع أنه أكبر عني بـ 15 يعني لازم يكون عنده خبره…
بالمختصر مايفهمني على طول يوم اتناقش معاه هالشي يرفع ضغطي …؟؟؟

4 مهري مايكفي حق مصاريف العرس ومابيصفى ليه شي… (وأزيدكم من الشعر بيت أنا بحط من بيزاتي حق عرسي)

5 تفكيره قديم ,,, يمكن لأنه ماعاش في تطور التكنولوجيا وغير متحضر يعني هو شيبه من الدقة القديمة جداًَ

هاذي هيه سبياته بالترتيب من الأولويه إلى الأقل أهمية…

والله ماأحس أني مستانسه أني بعرس …. أحس هالزواج إذا تم مابرتاح فيه (((إدري بتقولون ::: عسى إن تكرهوا شيئاً وهو خيراً لكم)) لكن هاذي مشكلتي … حياة العزوبية أفضل من أعيش معاه وارتبط فيه…

لكن مشكلتي هيه أني ماأقدر أرمس وأخبر حد… خايفة على أبويه . لأنه أبويه مريض بمرض القلب.. وأميه يكفيها اللي فيها وماابغي ازيدها… وماعندي خوات عشان اكلمهن لأني البنوته الوحيده بين أخواني….

وماأقدر انفصل عنه.. بس الخوف على أبويه.. لأني بنته الوحيده وخايفة لايصير له شي بسبتي وأندم عليه طول حياتي

ارشدوني كيف اتصرف وانا الحين ماارتبط وياه وجيه عيل كيف إذا الله رزقنا بيهال المسئوليه بتكبر عليه.. علماً أني موظفة…

أفيدوني … جزاكم الله كل خير….

سبب التعديل هو الإضافة

أنا قبل الملجه استخرت أما الحين لا مااستخرت…. واصلاً انا كنت مجبورة عليه لأنه الكل اللي كان يتقدم لي مش من عائلتنا واحنا عاداتنا أنه ماناخذ حد غريب وهذا أول شخص يتقدم من الأهل…

وثاني شي هو عنده طبعاً إجابيات مثلاً:: أنه محترم وطيب زيادة عن اللزوم ومش عصبي ولكن واايد ينسى بشكل فضيع وضعيف الشخصيه…

اتخيلوا الحين هو في الويك أند بجوفني أنا ولا بروح عند خواته ولا بروح عند ربعه ولا بيلس مع امه…

يوم الجمعه اللي طاف كان عازمني على العشا وانا اتجهزت عشان يمر عليه ولكن خواته وعيالهم ساروا عنده وقالوا تعال ايلس معانا… وكنسل العزيمه عشانهم وانا ما اجوفه إلا هاليوم …..

قلت له لو كنا معرسين نبغي نظهر وهم يوا عندكم لأنهم ظارين كل جمعه اييون بنطلع ولا بتكنسل الطلعه قال مب حلوه نطلع احتراماً لهم…. بصراحة هالموقف رفع ضغطي … حتى الويك أند مب كله لي

أدري أنه يحبني وواثقه بهالشي لكن أنا مااقدر اتحمل مسؤولية الزواج لحالي…. وانا صارحته بهالشي وقال أدري المسؤولية بتكون عليج….

أبا اصيح…. بس شو أقول الحمدلله

الصراحه الله يكون في عونج
استخيري ربج

الله يعينج

انزين لو قلتي لهم من البداية انج ما تبينه عسب ما تتوهقين
شوفي انتي الحين مالجة بضيعين على نفسج

صلي اسخارة اكثر من مرة وان شاء الله يكون فيه خير لج

وبعد الحب يطلع بعد الزواج ويمكن كل شي يتغير فيج بكون عادي عندج

الله يفرج همج ان شاء الله

والله ف النهايه هذي حياتج

انتي اتقولين ماتبين اتخبرين حد يعني شو الفايده عقب لو شافوج مش مرتاحه وياه وبتطلقين ويمكن اتكون عندج يهال وتتحملين مسؤوليه اكبر انا لو مكانج بحاول افهم ابوي وجهه نظري بهدوء واشوف شو بيكون راي ابويه حبيبيتي لاتضيعين حياتج

استخيري ربج

أختي الله يحفظج،، ذكرتي كل سلبيات الريال،، لهالدرجــه مافيه ولا ايجابيه،،

أختي انتي وافقتي عليه ليش ما صليتي استخاره؟؟ أنصحج انج تصلين استخاره،،

يعني مثلاً الله يتمم لي على خير ليوم عرسي،،

بس ريلي بإذن الله،، نفس الشي عنده ثانويه عامه و أنا خريجة تقنيه،،

و مب متفتح وايد يعني لدرجة النت رافضنه بس للضروره القصوى،، يعني هو ملم بحياة الدنيا وايد

بس في أشياء عاديه ما يخليني أسويهن،،

و ان شاء الله،، بعيش انا وياه في غرفه،، بيت هله،، بس و الله هالامور ما شكلت لي عائق و الحمدلله،،

انتي ابدي حاوريه ،، حاولي تعلمينه فنون الحوار،، و شو يعني لو فهمتيه،، ؟؟

أختي احس انتي ما تبينه عسب جي ما قادره تتقبلينه،،

حاولي تحبيه،، حاولي تحبيه،،

و لا تنظرين للمستــوى التعليمي صدقيني يمكن طيبة قلبه تكفي،،

و الحمدلله أنا مرتاحه وياه وايد ولله الحمد،،

و بعد استخيري الله يا اختي،،

السلام عليكم ورحمة الله وبركاته

خواتي حبيت اعرض عليكم تقرير بسيط عن عرس اخويه الي كان تاريخ 27-6-2017 يوم السبت الماضي في العين

للرياييل والحريم في فندق العين روتانا

البطاقات مالت الحريم طلعت رووووعه وكانت من تصميم الاخت فاطمه لوتاه من المصمم للبطاقات وكلمة روعه شويه عليها وكانت باللون الوردي والسلفر
وللرياييل من عند المطبعه العصريه وكان ديزاينها يديد والحمدلله بعد عيبت الكل

للعرس حطينا للرياييل خيمتين وحده للاستقبال ووحده للعشا وخلينا ساحه للعياله والرزيفه
والحريم كان في قاعة زاخر

للرياييل كنا حاجزين ل800 شخص ولكن ما شاء الله يونا فوق ال الف
والحريم 450 وين حريم ما شاء الله وبقت طاولتين فاضيات يمكن او 3 ووايد حريم تعذرن لان فالعين وقالن بعيد ونحن من دبي وخاصه انه يوم السبت واليوم الثاني دوامات

طبعا يينا الفندق من الصبح لان راعي الكوش كان يشتغل فالقاعه من الساعه 12 وشي فليل وسرنا 6 او 7 سيارات يالله يالله كفتنا نحن وضيوفنا الي يايينا من برع البلاد واغراضنا

وانا طول الليل ارمس راعي الكوش بالمسجات اسال عن الترتيبات وشو سوو ووين وصلو وماقدرت ارقد من التفكير والمحاتاه الا الفجر وهو كان يطمني وماقصر حليله

اتعاملنا بالنسبه للديكور ويا مصمم فرنسي من space & flower الي كان عليه الكوشه والسنتر بيس وطاولات العطور والمدخل ومفارش الطاولات وشوية اضاءه للكوشه ومسكة العروس

طلب اضاءه مساعده للكوشه غير المحطوطه فالفندق بعد

فخذت 13 اضاءه مع كشاف العروس من استوديو الاطلال فالعين وكان سعرهم جدا مناسب وحلو

تعاملنا ويا حرمه مبدعه الله يجزيها كل خير سوتلنا اشكال حلوه لعلب الكلينكس بحدود 45 او 50 حبه وصياني العرس وفعلا كانت تستاهل اكثر من السعر الي طلبته

وللرياييل يبنا عياله وفرقة المزيود الحربيه

والحريم يبنا طيران فرقة وفاء وكانت ربششه ربشششه من الخاطر
واول مره عرس من اهلنا جي يكون ربشه ورقص ترا عيب عندنا يرقصون
الممر ماكنا نروم نمشي فيه من الرقص
وفاء رقصت والصبابات كلللهن وهل السعوديه وهل البحرين وهل الكويت والسودان وانا واختي وبنت خالتي وبنات العين وبوظبي وحريم ماعرفهن بعد رقصن واستانسنا وااايد واايد
والحمدلله الفرحه كانت باينه ع الكل والله يديمها

والله يتمم لاخويه الثاني ان شاء الله واراويكم تقرير عرسه السنه اليايه باذن الله

الصبابات من خدمة بنت الباديه

الاكل للرياييل كان من قرية البوم السياحيه وللحريم شي من قرية البوم وشي من الفندق نفسه
يعني نوعنا فالاكل

الحلويات سوينا 13 صينيه من باتشي صينيتين وبنشوا صينيتين والباقي كله من شغل حريم مواطنات امسيات وغيره

العطور من الجود للعطور لراعيته ام محمد وشغلها صراحه روعه لا يعلى عليه وكل عرس يستوي عندنا من عطورها ناخذ ولزهاب عرايسنا من عندها بعد

فساتينا كانت من عند ازرا لابركتن فيه انا وخواتي والعروس

امي سوت عند جوليا دوماني

وام العروس عند اروشي وكلهن افتكن من ازرا وصدعته

ماخلصو فساتينا الا بالضرابه كانو مخربينها ومخربين فستان العروس حليلها مع ان مخلتنهم يسوونه من شهر 1 وكانت عاطتنهم موعد العرس قبله بشهر لكن ماسلمولها اياه الا قبله بيومين
لكن الحمدلله فالنهايه عقب الضرايب كلها والتعديل طلع روعه فستانها

العروس وامها وامي وحرمة عمها اتمكيجن عند ريحانه
وانا وخواتي وبنات خالي وضيفاتنا من برع البلاد مكيجتنا كاتيا من اكاديمية مي كاب فور ايفر

شعرنا العروس وامها وامي وخواتي وانا وحرمة عمها وبنت عمي سوتلنا ماتيلدا
والضيوف سوتلهم رنده الي طلعت من صالون مورا

ويبنا برشلونه للتصوير الفوري

وتصوير العروس من استديو الياقوت وحتى الرياييل بس طلع ان في كذا مصور عند الرياييل

الحين بنبدا ويا الصور

اول شي صورة كلينكس العرس

هذيل طاولات العطور قبل مايخلصونهن وقبل مايحطون عليهن باقات الورد وغراش العطور
حطو 3 ع اليمين و3 ع اليسار

وهذي الكوشه

وهذي السنتر بيس بس مب واضح في ورد داخل الماي وفي احجام من الزجاج المدور

هذي طاولات العطور عقب العرس وعقب ما شلو الورود وعقب ما شلو غراش العطور
من هالصوره كنت ابا اراويكم الليتات الطوال هذي كانت منتشره في قسم الاستقبال لين طاولات العطور وعاطيه منظر حلو
وشوفو ورا كيف ساندينهن ع اليدران

واخيرا هذي مسكة العروس من نفس المحل واستخدم فيه نفس الورد والصوره مب واضحه لاني صورتها بتلفوني من صوره

والي عندها اي استفسار انا حاظره

وامانه ادعو لاخويه ان الله يسعده في حياته ويا حرمته ويتمم لاخويه الثاني واختي عرسهم ع خير ان شاء الله ويسعدهم

روووعه ماشاء الله العرس باين انه مرتب وحلو والله يوفق اخوج ويا حرمته وعقبال اخوج الثاني
والله يسعدهم ويهنيهم ويا بعض ويبعد عنهم عيون الحسد وبل المبارك عليكم

الله يتمم عرس اختج وعرس اخوج ع خير ويسعدج يااااااااارب ويسعد اخوج وحرمته امييييييين

حبوبه الوشه من وين وجم سعرها وايد عيبتني؟؟

رووووووووووعه فديتج
بس لو صغرتي الصوره شويه .. ؟؟!

*_^ ,,,

مبروووووووووك

الكوشة روووعة …
ماشاء الله وااايد حلووو ..
الله يسعدهم ان شاء الله ..ويوفقهم فحياتهم ..ويتمم لاخوج واختج عرسهم ع خير ان شاء الله …
وانا بعد الله يتمم زواجي ع خير ان شاء الله ^.^

ربي يوفقهم ان شاء الله …
انا بعد ناويه اسوي الورود للعرس والمسكه عند سبايس اند فلور =) عجيب هالريال 3>
حسيت انه كان روعه عرسكم بس الصور كبيررررره

السلام عليكم

خواتي كيف حالكم ؟؟

بغيتكم تساعدوني ابا اعرف وين ياجرون صناديق الذهب

نفس صندوق جميريه

محد يعرف؟

تعرفين بعض المحلات ووين؟

روووووووووووووووووووعة ماشاء الله ؟؟؟؟؟؟؟؟؟؟؟
من وين هالحركة !!!!!!!!!!!!!11

بتلقين منهن في محل رتوش في دبي..اتصلي بهم و سأليهم عن مكانهم
و أعتقد بعد عند البداد…

مشكوووره بتصل فيهم وبشوف

موفقه

((((((((((((((((( نصيحتي لكي أثناء الــــــــــــــــــــــــــزفة ))))))))))))))))))))

_زيني نفسك بالخجل وكوني هادئه ابتسمي بهدوء ابتسامة جميلة وخجولة وامشي بهدوء ولا ترفعين صوتك
( فالكثير من العرايس يفقدن جمالهم بهذي الليلة بسبب الصوت العالي المرتفع على قريباتهم )

_لاتعملي حركات غير مقبولة اثناء الزفة كالتمايل الغريب الحركات الي تدل على جرئتك وتسمح بالكلام عليكي وتحط امك اهلك في موقف محرج

( مثلا شفت مره عروس كانت فرحانه ومن فرحتها كانت توزع قبل بالهواء على صديقاتها وهذي الحركه كثير من العرايس يعملونها ________وشفت وحده ثانية كانت تسابق اهلها للزفة والجلوس على الكرسي)

_لاحظت في الكثير من الاعراس اثناء الزفة ان المصورة تطلب من العروس حركات غير لائقة تعملها كالتمايل والالتفات للخلف والتمايل بالالتفات والابتسامه الغريبة والغريب ان العروس تستجيب لرغبة المصورة بكل حركه تطلبها وتجلس تقريبا ساعه وهي تعمل هذي الحركات قدام الناس فتخرب زفتها و تخرب جمالها وخجلها وتجعلها سخريه عند المعازيم

( قبل الزفة اتفقي مع المصورة انك تعملي معها هذي الحركات اذا كنتي ترغبين فيها في الصالة الخاصة للعروس وانتي بعيدة عن المعازيم)

_لاتظهري فرحتك بالزواج بشكل مبالغ فيه اضبطي نفسك لجل مااحد يحكي عليكي ولجل ماتسمعي كلمة
( شكلها ماصدقت تتزوج )

تذكـــــــــــــــــــــــري

_ ( ان الجرئه واظهار الفرح بشكل مبالغ فيه يفسد ليلتك وجمالك عند زوجك وعند الناس )

_يمكنك مشاركة الاخرين فرحتك بالزواج ولك دون مبالغة لانك سعيدة بليلتك ممكن تطلع منك حركات لا شعورية فاضبطي نفسك
( تقول امرأة عن ليلة خطوبة ابنها طلبوا البنات من العروس مشاركتهم الرقص وقامت ورقصت بشكل مبالغ واحرجتني قدام قريباتي وصاروا يحكون عليها والى الان كل ماجبوا سيرة حفلة خطوبه جابوا سيرة خطيبة ولدي ورقصها

عطي المعازيم انطباع جميل عنك وشرفي امك واسرتك بالحكي الجميل الي راح يقال عنك

( منقول)

خخخخخخخخخخخخخخخ
آخر قصة وايد حلوة^-^

الله يهديج ليش ما نزلتي هالموضوع قبل عرسي؟؟

يزاج الله الف خير حبيبتي

سلمت يدك على النقل المميز

ههههههههههههه اويه انا احس من كثر دفاااشتي بوزع بوسااات

خخخخخخخخخخخخخخخخخ انا احب ارقص كيف بيود عمري

ههههههههه مشكورات حبيباتي ع المرور
و يزاكن الله خيييييير

خواتي ياريت اتساعدوني ربيعتيه فديتها بالاتي

بالنسبة للقاعة متى نبدا نختار ونحجز الكوشة المميزة وخبروني بااسعار مناااسبة ومحلات وعناوينهم وياريت الرقم عالخاص
الصبابات مميزات للشارجة مع تجهيزاتهم الكاملة الرقم عالخاص
تصوير كاميرا وفيديو وعند منوه احجز والرقم بليييز
متى نبدا نجهز ونحجز الديجي وعطوني منوه الاوكي فيهم واسير له
بطاقات العرس والرقم بلليز
يوله اولاد الصغار عند منوه انكلمهم
ليتات العرس
الفساتين وين افصل بالضبط ويكون غاوي ويضبطونه صح وطبعا للسهرة فقط وليس فستان عرس

ياريت اتخبروني بالترتيب متى الحجز وهو في الشارجة وبيكون العرس تقريبا شهر 12 اخر شي

والاهم اذا نسيت شي اكتبه يخص القاعة خبروني ومنكن نستفيد بكل التفاصيل

اتريا ردودكن بالافضل مع الارقام عالخاص مع اني ادري الاغلبية عنده خلفية وما يحب يطبع فياريت اتساعدوني ولو بالقليل وبارك الله فيكن

واتمنى رفع الموضوع ويايه حبايبي ويزاكن الله خير

افااااا يا اهل الطيب

فساتين السهرة :

مركز المنال + مركز البستان [ جاهز بس فخم ]

ولو تفصيل شارع المرقبات ^^

بطاقات العرس : انا مسويتها في محل بالشارجة بس فكرة حلوة طلعت ^^ السعر على حسب الطلب ^^ وشي شارع طويل عريض في الشارجة عدال مركز الذهب كله محلات كوش وديجي وتصوير وكل ما تبين حق العرس ^^

وانا مسوية التصوير في الملجة عند شمس المدينية ،، صج صج طلع روعة ^^ ومب غالي

نسيت اخبرج

الحجز يكون قبل العرس بشهرين ^^ لانه الناس تحجز يا غناتي ويطير منج الحجز ^^

بس التصوير وغيره يعني مكيب وتسريحة وغيره قبل العرس بشهر^^

أمممممممممم
أنا أحب أفتح الملحق الجريده ,, وأطالع هالسوالف ..
واااااااااايد بتحصلين أنواع الديجيه .. والصبابات .. وكل شي …

شووووفي وجربي شووو بتخسرين ..

مشكورات بس شو بالضبط اللي احجز قبل بشهرين وشو اللي قبل شهر

ما فهمت وياريت بالترتيب احس اني مخبصة

لا اله الا انت سبحانك اني كنت من الظالمين

سبحان الله والحمدلله ولا اله الا الله والله اكبر

لا حول ولا قوة الا بالله العلي العظيم

اللهم انك عفو كريم تحب العفو فاعفو عنا جميعا يارب

استغفر الله العظيم

سبحان الله العظيم وبحمده

رضيت بالله ربا وبالاسلام دينا وبمحمد رسولا ونبيا " عليه الصلاة والسلام "

هلا اختي اول شي مبروك والله يسعدج ويوفقج ان شاءالله

ثاني شي سويلج جدول احسن وباللنسبه للحجوزات ابتدي احجزي من الحين اذا انتي حاجزه القاعه ودافعه انا عرسي ان شاءالله قبل عرسج بشهرين حجزت المكياج والشعر من الحين حتى يوم اتصلت قالتلي انتي اخر وحده وفل ما بنستقبل طلبات استغربت لان شي وقت ويوم اتصلت اسئل متى اسير حق الفستان قالوا لازم من الحين بعد استغربت قالت لا تنسين العيد ياي والصيف العمال بيسافرون وزحمه عندنا بالنسبه للتصوير افضل انج تحجزين قبل العرس بثلاث شهور والكوشه ما اعرف يعتمد عالمكان لان بعد الاماكن ما اطلع اكثر من كوشتين في نفس اليوم وبيقولولج تاخرتي قبل العرس ب 4 شهور احس انه مناسب بالنسبه للبطاقات قبل العرس بشهر زين …… هذا راي وان شااءلله البنات بيفيدونج اكثر