ماكياج وعطور Archives - الصفحة 350 من 351

عطر نادر الوجود

السلام عليكم

شخباركم

منو منكم جرب عطر جيهان فلاور بصراحة ريحته خبال!!!!!!!

انا شخصيا جربته من زمان بس ما اعرف وين يبيعونه انا دورت عليه في الامارات و لندن و باريس بس ماحصلته

عندكم فكره وين اقدر احصله؟

والله ياغناتي مااعرفه
سوووووووووووري
ان شاءالله البنات يفيدونج

والله اول مره اسمع فيه
انشالله البنات يفيدونج

حطي صورته عسب البنات يرومون يفيدونج
وان شاء الله البنات ما بيقصرون وياج

مشكوره الغاليه

السلام عليكم ورحمه الله تعالى وبركاته انا اخت يديده عليكم ون شاء الله تتقبلوني ضيفه خفيفه عليكم عني انا ما جد سمعت به ها العطر حطي صورته يمكن اعرف تحياتي ام المر

:22 (22): السلام عليكم ورحمه الله تعالى وبركاته انا اخت يديده عليكم ون شاء الله تتقبلوني ضيفه خفيفه عليكم عني انا ما جد سمعت به ها العطر حطي صورته يمكن اعرف تحياتي ام المر

القواعد الأساسية لماكياج العيون

السلام عليكم جيت لكم بجديدي و يا رب افيدكم بس ارجوكم الردود كثيرات لا يعرفن الطريقة الصحيحة لعمل الماكياج وبعضهن لا يجدن الوقت الكافي لعمل الماكياج بسبب المشاغل العديدة للمرأة. فيما يلي نقدم لك القواعد الأساسية لعمل الماكياج، كما نقدم طريقة سهلة وبسيطة لوضع الماكياج في دقيقة واحدة.
القواعد الأساسية لماكياج العيون
1- يجب عدم استخدام مرطبات حول منطقة العين قبل عملية الماكياج.
2- إذا كانت تحيط بالعين هالات سوداء لابد من استخدام كريم إخفاء العيوب (الكنسيلر) الذي يساعد على تخفيف الهالات.
3- اختيار النوع الجيد من الكحل المقاوم للماء.
4- اختيار ظل العيون الذي يحتوي على مادة السيلكون والشمع.
5- اختيار المسكرا الجيدة المقاومة للماء.
الأدوات المستخدمة لوضع الماكياج
1- ظل بودرة.
2- ماسكرا.
3- كريم أساس.
4- فرشاه صغيرة لتظليل وتوزيع اللون.
5- بودرة وجه.
6- قلم كحل لداخل العين.
أسرع طريقة لوضع ماكياج العيون
1- نضع نقاط خفيفة من كريم الأساس ونوزعها بالأصبع أو بالأسفنجة الخاصة بالكريم الأساس وهو الأفضل.
2- نضع بودرة لتثبيت الكريم.
3- نضع الظل بحيث نضع طبقة حول الجفن بلون خفيف بعد توزيع اللون الغامق بحسب الرغبة.
4- نرسم الآي لينر خطا خفيفا بمحاذاة منبت الرموش من أسفل وحتى الزاوية الخارجية وهكذا من أعلى.
5- نرسم العين من الداخل بالكحل.
6- نضع الماسكرا على الرموش العليا وننتظر لثوان حتى نضع طبقة أخرى.

الغاليه يزاج الله خير ………… بس لو مدعوم بالصور بيكون افضل …………. وشو الافضل نحط الاول الواقي والا المرطب ………… ايهما الاول

تسلمين الغاليه

يسلموووووووووووو

المشاركة الأصلية كتبت بواسطة ام جواهر

الغالية تحطين المرطب اول شي عسب البشرة ترتاح وتستفيد من العناصر لي فيه عقب تحطين واقي الشمس لحمايتها ..

تسلمين يا الغالية

تسلمين الغالية

شو رايكم في هالعطور ؟؟؟

السلام عليكم

بغيت اشتري هالعطرين
منو جربتهم ؟
وشورايكم فيهم ؟
وعلى كم اسعارهم ؟؟؟
خليجية

خليجية

الاول يمكن شوي احلى
والثاني ماعيبني

عطور ديور ماعليهن كلام.
انا مدمنه على العطر الثاااااااااااااني. تعجبني ريحة مووت ^___^

الثاني حلوه ريحته يوم تبرد..
والاول ما حبيته فالبدايه بس بعدين تعودت عليه..

اجمالا" الاثنين روايحهم جذابه وغريبه ..

والاسعار والله ما اذكر بس اعتقد حدود 200 وشي..!!

مممم العطر الاول مووول مب حلوة ريحتة dior poison

الثاني miss dior she’3e رووووووعة .. خاصة مع الدخون

الاثنين رووووووووووووووعة الاول ريحته على ياسمين و الثاني ماعرف شنو بالضبط بس هم ريحته عجيبة تدوووووخ و اسعارهم بحدود الـ 400 درهم اتوقع

الثاني ريحته احلى بوايد وصيفي تحسين ريحته

الاول قوي وايد وشتوي حسيته

اظن اسعارهن 300

لان الثاني ريلي ماخذنه لي يوم كان مسافر وما رديت اشتريته ما باريس غاليري

مبرووووووووووووووك الاشراف يام احمد ومحمد

السلام عليكم ورحمة الله وبركاته

شحالكم خواتي وعساكم بالف صحه وعافيه :22 (5):

نرحب بمشرفتنا الجديده ام احمد ومحمد مشرفة نيو لوك :22 (12):

ونتمنالها كل الخير والتوفيق وننتظر ابداعاتها في سبيل تطوير القسم ورقيه

والله يوفقج غاليتي

مبروووووووووووووووووك الشيخه >>على الاشرااااااااااااف بالمباااااااااارك >>
والسموحه^ـــــــ^

مبروك ما لا نهلية بتستاهلين يا غاية و بانتظار موضوعلتك الشيقة

الف الف الف الف الف مليون مبروك
تستاهل الغاليه

ألف مبروك إختي أم أحمد ومحمد على الاشراف
وقدها وقدود إن شاء الله

مبرررروك الف الف مبروك لج الغاليه تستاهلين كل خير .. موفقه ان شاء لله

مبرووووووووووووووك الاشراف يام احمد ومحمد

الالوان الداجه اللي تناسب مكياج العروس .

السلام عليكم خواتي…
:1 (26): :1 (26):
شوفوا حبايبي بغيت أعرف شو الالوان الدارجه الحينه لمكياج العروس…
وعندي سؤال ثاني..وعن الكريستالات اي مكان حلو ينحط للعروس…
ممكن تحطولي صور لمكياج عروس فيه كريستالات…
وســــــــــــلامتكم يا أحلى عرايس في المنتدى..
:1 (26): :1 (26):

احس ان ماشي لون معين بس هو على حسب ثيم العرس و الكوشه

و انشالله البنات مابيقصرون و ياج

و الله يوفقج

دومج سباقه يا بنت زايد…ومشكوره حبيبتي..
ويزاج الله خير..

ان شاء الله البنات مابيقصرون و ياج

المكياج الدارج هو الهادي الي يبرز ملامح العروس بس الناس اذواق وبالنسبة للكرستال وين ينحط على حسب الماكيرة وين تشوف المكان المناسب

ممممممممممممممم احس الحين دارج الالوان الناريه ……… قبل فتره سرت كذا عرس وكل العرايس تقريبا لون مكياجهم احمر على برتغالي ……..
او الذهبي خليجية

مشكوره حبيبتي شيما على ردج…
وتسلمين…

أم شامخ….تسلمين حبيبتي وما قصرتي وكلج ذووووق…

BentLiwa تسلمين حبيبتي والله يعطيج العافيه..وكلج ذووووق ..

بنات راااااااك لحقوا علي انا متأزمة .

السلام عليكم و رحمه الله و بركاته

ملجتي ان شاء الله بتكون عقب اسبوع و لين الحين مب محصلة حد يعدلني (مكياج+تسريحة)

و إن تعرفن حد من راك و تعديلها حلو ردوا علي خبر
أتريا ردودكن

و السموووووووحة

تبغين مواطنات والا صالونات …

عني انا افضل تعديل المواطنات ….

عندج …

شمس
ام عبدالعزيز
عزة مطر

هذيلا بس اللي انا شفت مكياجهم …

السموحة

اختي عندج صالون حناين في وحده اتمكيج واتسوي تسريحات اسمها كوك لبنانيه والصالون في معيريض اتصلى اسألي عنها شغلها حلو

هلا حبوبة
أنا أبا مواطنات و لو ايين عندي البيت يكون أحسن
و لو عندكن صور راووهن لي

عواطف المناعي تعديلها روووووعه

انا جربت حنان في انفنتي مكياجها وايد حلو وراقي هي من صالون انفنتي جربيها ما بتندمين

هلااا حبيبتي انا انصحج عند شمس لانه مكياجها وايد حلو
اما لو انتي من بوظبي غأنا عندي لج أم اليازيه من بو ظبي اهي يديده ومكياجها رووووووووعه لو تبين صور من شغلها عادي اطرشها لج عالخاص

خبيرات المكياج ممكن تدخلون شوي

مرحبا بأخواتي
عندي اي شدو من ماكه نارس ولين اللحين ما اعرف كيف استخدم هالالوان
جربت كمن مره وحسيت اني ما اقدر على هالالوان الجريئه والقويه ممكن تساعدوني كيف اوزع هالالوان مشكلتي يوم اوزع الالوان اخاف من عمري ههه ههههه واغسل ويهي على طول
هاي هي الالوان
خليجية

وشكرا لكن

:1 (9): :1 (9): :1 (9): :1 (9):
:1 (9): :1 (9): :1 (9): :1 (9):
:1 (9): :1 (9):

صراحة صدق قوياااااااااااات

انصحج الازرق تدمجينه مع اسود بيطلع حلو وهادي والاخضر حطيه تحت الرموش السفلية بعد ما تكونين راسمه تحت عينج بالقلم الاسود بعد ومموهتنه

الالوان الثانية حلوة وما تحتاج اسود لتخفيفهاااااااا .. حطي جحال تحت عينج ومن هالايشدو تحت عينج وفوقها (طبعا) الجفن الثابت بعدين ماسكارااا بيطلع شكلج فرششششششششش

خليجية

مشكوره اختي الغربيه
بس الالوان واااااااايد قويه الازرق قوي بشكل ما تتصورينه اذا حطيته فالجفن كله وعلى الزاويه اسود
بفلخ بخلق الله ههههههههه بس يجرب باجر الطريقه وبرد عليج هههههه وعجبتني حركه الاخضر لتحت العين
انزين الالوان الثانيه بعد لونهن وااااااايد قوي وااااايد ما تخيلت انه هالمكياج بيعذبني جيه
وجربت الوردي الغامج للجفن والزاويه البنفسجي وما عجبني اللون وااااايد قوي جني قوم سكالوه

غناتي انتي لا تحطين اكثر من طبقه .. حطي مسحه خفيفه من الايشدو .. والالوان الثانيه انا احبها .. بس الاخضر والازرق تبين الصدق احس عمري حد معطني بكس لو احطه ههههههههههه

عشان جي احطه تحت الرموش السفليه بسسس خليجية

جربي وخبرينييييييييي

بالعكس الوانج وايد حلوه وهي قويه تنفع للاعراس

بس عشان يتم التوزيع صحيح وتخفين من حده اللون عليج بالماي يعني خرسي الفرشاه بالماي ووزعي كل مازادت كميه الماي خف اللون .. بس لازم تعرفين تتحكمين في نسبه الماي اللي بتبللينها بالفرشاه…….

سؤال ؟

ماركه نارس ، من باريس غاليري ؟ اول مره اسمع عنه ياليت تردين علي

مرحبا الغربيه مشكوره عزيزتي وما قصرت التوبه ماباخذ الوان جريئه ثاني مره
عناقيد حلم مرحبا بجرب طريقتج وبقولج بالنتيجه اليوم ……ماركه نارس وااااايد الوانها قويه وثابته
اشتريتها من سيفورا من باريس اظن موجوده عندنا والله اعلم

حيرانه ساعدوني

السلام عليكم

هذا اول مشاركه اتمنى ماتخيبوني

انا حابه اشتغل في كوافير بس عندي مشكله لما احط الظل بعد فتره يطلع فاتح مع ان في البيت غامق لما اطلع يصير فاتح
ومكياجي من نوع جيد بن ناي اتمنى تجاوبوني

تحياتي

انا سمعت انه لثبات المكياج تمسحين جفونج بفازلين

بس ما جربت

حطي اول شيء مائي وفوقه الجاف

هلا حبيبتي
بعد ما تحطين كريم الاساس اتحطين البودرة صح ؟
حطي بالج ان البودرة ما انحطها على الجفن عشان يثبت لون الاي شدو
وبعد نصيحة حطي اما اي شدو مائي نفس اللون او قلم كحل نفس اللون
تحياتي

ما شاء الله على الخبيرات ومنكم نستفيد

عيون الغلا82 :تسلمي غالتي على النصيحه انشاء الله اجربها واقولك النتائج
برق لمع :تسلمي غالتي كيف حطي اول شيء مائي وفوقه الجاف
الغـ كله ـلا : تسلمي غالتي على النصيحه
والله يعطيكم الف عافيه والله لايحرمنا منكم
تحياتي

ماقصرن الخوات ،، عطونا معلومات اضافية