التصنيف: الأرامل والمطلقات والمتأخرات عن الزواج

مرحبا بنات,,,,
بدخل في الموضوع على طول بدون اي مقدمات,,

يا بنات انا مهموومة ومضاايقة واايد,, ابا اعرس,, خلاص وصلت حدي,,, الحمدلله انا مب ناقصني شي وما ايعيبني شي.. بس نصيبي ما ياني الين الحينه,,,
انا بنت عمري في العشرين وحلوة ونسبي وااايد ايشرف والحمدلله متعلمة وجامعية بس ما ياني نصيبي,,
انا ما ابا الا الحلال والستر من رب العالميين,,,
درب الحرام سهل بس خوفي من ربي يمنعني,,,

صدقوني يا بنات ما تم حد من معارفنا واهلنا الا وعرس.. حتى الي اصغر عني,, وانا تامة في بيت اهلي ,,

الحمدلله انا انسانه متدينة ومحافظة على الفروض وما ارضى بالحراام ابدا..

انا تعبت والله تعبت,,,
ودي اتكون لي حياتي الخاصة,,, وبيتي الخاص,, وعيالي اللي ناوية اربيهم على الدين والاخلاق,,,

الحمدلله انا مستانسة ويا اهلي,, ومرتااحة وياهم وموول ما قصرو فيي بس بعد حاجة البنت للزواج ذبحتني,

بليييز يا بنات ادعولي,, انا محتاجة الزواج وااااايد وااااايد

عسى الله يرزقج الزوج الصالح اللي تقر عينج فيه بالقريب يارب
كل بنت بهالدنيا بحاجة للزوج
وانا مابقول لج لا تو الناس وبعدج صغيره ، عادي هذه فطرة بالانسان وانتي يمكن لج رغبة اكثر عن غيرج بهالسن بالارتباط والاستقرار وفتن الدنيا كثيره ، حلو انه البنت تطلب العفاف والستر

بس انتي تقدرين تساعدين نفسج بهالموضوع والطريقه
بالدعاء كل وقت وكل ساعات اجابه شدي حيلج ولازم يكون عندج يقييين وتفائل انه الله بيجيب دعائج ولا تنحبطين

احس الدعاء هو اقوى سلاح والحمدلله انتي انسانه تخافين الله وملتزمه ومانسيتي رب العالمين فكيف تبينه ينساج ومايرزقج وهو يرزق حتى العاصيين اللي يغضبونه

الله رحيم وقريب مجيب الدعاء

ترى مب مهم متى تعرسين
المهم منو تاخذين

ياما بنات عرسو وهم صغار بس تطلقو او عايشات بعذاب

وعسى الله يرزقج الريال اللي يصونج ويراعيج

الله يرزقج بالزوج الصالح وبما انج متدينه اكيد تعرفين انه كل شي قسمة ونصيب وادعي ربج والله مابيخيبج ان شاء الله

الله يوفقج بالزوج الصالح الي تستاهلينه. بعدج صغيره حبيبتي لا تفكرين في الموضوع ورزقج بيجيج. اصبري وبيكون حظج أحسن من غيرج. لا تقارنين نفسج بأحد صدقيني انتي ماتدرين الناس ايش شايله من هموم ومشاكل , تفائلي وان شالله حظج بيكون حلو!

يا حبيبتي
الستر مش مرتبط بالريال
وانتي بعدج صغيره بالعشرينات

توها الحياه جدامج

حبي الحياه هي بتحبج
لا تيلسين تتذمرين عشان الزواج

يمكن يكون خير لج
في غيرج يقولون ليتنا ماتزوجنا

أبيكم تدعولي انه الله يصبرني على فراق خطيبي ويحنن قلبه علي اذا رجعته لي خير لي واذا رجعته لي شر لي انه الله يعوضي بالزوج الصالح اللي يقدرني وينسيني همومي

هلاا حبيبتتيي .. قبل كل شي اعرفي انه كل شي من الله خير واللي الله كاتبه لج بيصيير
وان شاء الله يرد لج باسسرع ؤقت وبتشرينااا
الله يفرج همج ويريح بالج

ʚɞ‏​.¸¸.•°˚✽

✽ يا رب . . .
طِهُرَ [ قُلِبيً و قَلبُ أحبّتي ]! مُنَ گِل ضْيَق ! ۆ يسُِـرْ أمُريً وامَرهُم فِيُ ؛ گِل طِريْقَ ” ربيً ؛ إنِگ أِعلمُ ؛ بْمآِ يُحَمِلہْ // قلوبنا . .
فأرُِزقنَا بَِما تقُسَمہْ لنَا { مِنْ خَيِر} 

الله يريح بالج يارب

لاتحطين فـ خاطرج .. يمكن هو مب من نصيبج

ويمكن هالشي خييره لج .. وعسى ان تكرهوا شيئا وهو خيرٌ لكم

الله يكتب اللي فيه الخير

الله يكتب لك عزيزتي مافيه الخير

الله يوفقج حبيبتي ويرزقج كل خير واذا ماكان نصيبج الله يكتبلج باللي احسن عنه

السلام عليكم

بناات بعرض لكم مشكلة ربيعتي وارجو الي عندها خلفية ماتبخل علينا

الله يسلمكم ربيعتي طلقها ريلها قبل تقريبا 3سنين طلقة وحدة ورجعوا لبعض

والحين من ايام رد وطلقها الطلقة الثانية وهي حالفة انها ماترجع له هالمرة

الحين شو المطلوب وشو لازم تسويه اتم عنده ولا تروح المحكمة ولا كيف

مع العلم هي عندها عيال يعني لو طلبت سكن ونفقة بيوافقون عليها

بنات بليز الي عندها خلفية فالموضوع ترد علينا ويزاكم الله خير !!

أتمنى حد يفيدج

والله يستر عليهم ويسهل دربهم

اختي الحل ترجع لزوجها دام عندها عيال النفقة والبيت ما يسوون فراق ابوهم لا والاكثر التربية يعني المشاكل بتزيد اصبري تصبر على ريلها ومشاكله احسن ما تطلع بمشاكل ما تروم لها الحياة صعبة والرجل ويا عياله احسن لها اختي

الله أكبر الله أكبر الله أكبر لا إله إلا الله
الله أكبر الله أكبر ولله الحمد

اختي اذا زوجها قالها اني رديتك ولمسها او حظنها تراها بعدها على ذمته وتيلس وتصبر وتحل مشاكلها بالتفاهم اما اذا طلعت من البيت واستوفته العدة ترا طلاقها طاح ولازم تروح المحكمة والله يسر امورها ويهدي زوجها يارب

الحينه هو لو ما يباها جان طلقها ٣ مرات وخلاص فك عمره! اما انه يطلق مره وعقب يردها وعقب يرد يطلقها يعني الغلط منها هي ف ليش تعاند وتقول ما بردله؟ المفروض تغير من نفسها وتشوف هي ف شو مقصره وليش هو جي يسوي وبينهم عيال خليها تكبر عقلها وتفكر ف نفسها وف عيالها والنفقه والبيت تبا طلاق بينونه كبرى مب ثاني طلقه ولو سارت المحكمه وبعدها مصره ع رايها تراهم بياخذون بالاسباب قبل لا يخلونهم يتطلقون وعادي من هناك ينصحونهم يردون لبعض ويخلون الاستشاريين يرمسونهم ف ليش تسوي هالمشاكل كلها والحل ف ايدها اما اذا هي طلبت الخلع ف مالها شي من عنده .. الله يهديها

الله يكتب له وله كل خير خليها تسأل محامي اختي .,و

بسـم الله الرحمـن الرحيـم

ثلاث كلمات ويستجاب دعائك بآذن الله
للشيخ /صالح المغماسي

( اللَّهُ لا إِلَهَ إِلَّا هُوَ لَهُ الْأَسْمَاءُ الْحُسْنَى) (طـه:8)

لفظ الجلالة " الله " لم يتسمى به أحد , وهو معنى قول الله جل وعلا :

( هَلْ تَعْلَمُ لَهُ سَمِيّاً)(مريم: من الآية65)

(لَهُ الْأَسْمَاءُ الْحُسْنَى) : الله جل وعلا له أسماء حُسنى وصفات عليا

وجُملة ما يُمكن أن تفقهه أيها الأخ المبارك : أن تعلم أن الله جلّ وعلا ..

وجههُ أكرمُ الوجوه , وأسماؤه أحسنُ الأسماء , وعطيته أكرم العطايا

فتوسّل إلى ربك بهذه الثلاث ,

قل : اللهم يا ذا الوجه الأكرم , والاسم الأعظم , والعطية الجزلى ..

ثم سل الله ما شئت ..

وتوكلي على الحي القيوم واحسن الظن بالله

بأنه سوف يستجيب لك دعائك
———

ادعو لي يا اخوتي ولكم با المثل ان شاء الله

اللهم يا ذا الوجه الأكرم , والاسم الأعظم , والعطية الجزلى ارزق قلوب من ورق الزوج الصالح اللهم امين ..

يزاج الله الف خير و ان شاء الله الكل يستفيد منه

مشكووووووره

يزاج الله خير وربي يرزكم بالازواج الصالحين عاجلا غير آجلا

الله يرزقج و يرزقنا اللهم آمين

بالتوفيق اختي بارك الله لكي

مشكوورة و يزاج خييير

ممكن لي عندهن فكرة عن طلب تعويض عن الضرر النفسي عن الطلاق

اللَّهُمَّ أَنْتَ رَبِّي ، لا إِلَه إِلاَّ أَنْتَ خَلَقْتَني وأَنَا عَبْدُكَ ، وأَنَا على عهْدِكَ ووعْدِكَ ما اسْتَطَعْتُ ، أَعُوذُ بِكَ مِنْ شَرِّ ما صنَعْتُ ، أَبوءُ لَكَ بِنِعْمتِكَ علَيَ ، وأَبُوءُ بذَنْبي فَاغْفِرْ لي ، فَإِنَّهُ لا يغْفِرُ الذُّنُوبِ إِلاَّ أَنْتَ

اظن اسمه نفقة متاع

او تعويض سالي المحكمه او المحامي

والله يعين

يختي اشتبين بالتعويض ربنا بيعوضك ان شاء الله بالأحسن خله يولي و يحس بالندم انه تخله عنج يوم انج ما طالبتيه بشي وتركتي ذكرى طيبه فنفسه

اعتقد طلاق للضرر
تعويض الضرر ممكن تسالي محامي فاهم

او لمرة اسمع به

الضرر النفسي عقب الطلاق تقصدين ..؟

اذا هو يا اختي شعور طبيعي اي مطلقة تحس به عقب الطلاق بانها انظلمت وانكسرت

تفاءلي وعسى الله يعوضج باللي اخير منه …وصدقيني فتره وبتعدي عقب بيتغير هالاحساس

لا اله الا انت سبحانك اني كنت من الظالمين

الســلام على من اتبــع الهــدى

منو تطللقت واهلها منعوها من الشغل سواء شغل مختلط والا نسائي .؟ بوجهه نظركم ليش يمنعون الوحده المطلقه من الشغل حتى لو كان بين نساء ؟
الاهل بدال مايوقفون ويانا ينعتونا بمطلقه ويحرمونا من كل شي كان الحياه اتوقفت .. يعني زياده الطين بــله

معقوله
ما ادري ليش والله اذا هالشي يستوي
حرام احس الوحده شو ذنبها انها تطلقت
والطلاق مب عيب ولا حرام والله
الله يمون فالعون
و ان شاء الله خواتي يفيدونج

ما يخصه اختي يعتمد ع الاهل اولا واخيرا ..
واايد مطلقاات ويشتغلن بالعكس هل الوقت كل شي تغير …
ومب غلط ولا حرام انها تشتغل بالعكس تنفع نفسها …ابوها اليوم عندها بااجر يمكن لا ..اخوانها مب ملزومين يصرفون عليها …وان كان عندها عيااال …تنجبر تشتغل عشانهم ….وان ما قدرت تقنع اهلها تجرب تطلب من شخص مقرب للعائله يرمسهم مثل العم او الخال او اليد واليده …

لللللللللللللللللللللللللللللللللللللللللرفع

أول مرة اسمع بهذا الشي

تفاألي بالخير تجديه غاليتي ^_^

و ربي يوفقج أختي

اللهم علّمنا ما ينفعنا وانفعنا بِمَا علّمتنا وزدنا علْمًا يا رب العالمين

هي يسير
المهم تكونين قوية وتقولين بكل ثقة لااااا صدقيني مابيقدرون يمنعونج الا اذا شافوج ضعيفة
لاتدفنين عمرج في البيت
قوليلهم اللي تسود ويه اهلها هي اللي يمنعونها تشبر برع البيت
واذا خلاص تركتي الدوام ردي الشغل او الدراسة وقولي لهم اذا مانعوج من الردة انه غلط تظلين في فراغ ولازم تشغلين وقتج باللي يفيدج ويملا وقتج ( لان الاهل اللي يمنعون بنتهم المطلقة من الشغل يخافون منها انها ممكن تشوه سمعتهم) ارجعي للشغل واثبتي لهم عكس ضنونهم
والبداية انهم يمنعونج من الدوام وعقب بيمنعونج من الطلعة
اقصري الموضوع من البداية

الله يعينكم ويفرج همكم

مرحباا ادعولي بنات كل وحده تدخل تدعيلي خاطري اعرس واكون اسره واللي قرت موضوعي تعرف بالظروف

هذا موضوعي https://forum.uaewomen.net/showthread.php?t=1057055

الله يهدي سر باباتي .. والله يوفقني يارب اتمنى اكون اسره واستقر حالي حال اي انثى

لاتنسوني من دعواتكم

ياحبيبتي

انتي بعدج صغيره

لازم تعيشين حياتج لا تضيعينها بين متن و نكد ولاحقه تراج عالزواج والعيال بدري

الحين فككككككري بس فالضعف وشدي حيلج وحطي يومياتج مع الرجيم وكللللنا بنتابعج وبنشجعج

واذذا اهلج عادي سجلي في جيم وسيري لاخصائية تغذيه عسسب تساعدج

اليوم ١ اكتوبر يلااااا ابببدي من باكر ولا تيأسين وتتكاسلين

الحياه قداامج لا تضيعينها

والله يكون في عونج ويوفقج عزيزتي

ممكن اكلمج عالخاص اختي لان عندي لج شي بيفرج لج همج

ريسه المنصوري

افيدنا بعد نحن الله يجزاج خير

اولا انتي بعدج صغيره وتوج الا 20 سنه عيشي حياتج ولاحقه عالعرس وخرابيطه

ثانيا ماشاءالله وزنج وااايد على سنج وايد وانتي تعرفين ان وزنج مخرب عليج ليش تقولين ماعندي اراده ؟؟

انا لو منج اول شي بحط له هدف هو الضعف ؟

روحي عند دكتورة تغذيه روحي الجيم سوي رياضه خففي من اكلج .. وبعدين الضعف مب بس عشان تعرسين

عشان صحتج .. ترا المتن مب زين وخطر عالصحه

الله يوفقج

اختي انا كنت شراتج بس الحمد الله الله وفقني ونزلت من وزني هذا كله صار قبل عرسي انا عرسي كان تاريخ ١/٧/٢٠١١وفترة الملكه كانت ست اشهر والحمد لله اولا بفضل رب العالمين وثم الاراده خسرت ٢٠كيلو عليج بالزنجبيل واليوم سويلج دله وخليها عدالج وكل شوي شربي وعليج برياضة الايروبيك انا كنت اسويها بالبيت والحمد لله نزل وزني وبعد الزواج بشهر حملت والحين عندي احلى بنوته بالكون ربي يحفظها لي من كل شر وزني الحمد لله زاد بالاول لكن الحين نزلته وبنفس الطريقه وخلي غداج وعشاج شوربات واكلي ملفوف وكرفس وخلي ايمانج بالله قوي ودعي دايما اللهم اتنا فالدنيا حسنه وفي الاخرة حسنه وقنا عذاب النار لان هذا الدعاء يشمل كل شي

كله فكري انج يوم بتضعفين شكلج بيتغير
احيد ربيع ريلي كان متييين وزنه اكثر عنج وقصير يوم اشوف صوره ويا ريلي كنت اقول مسكين كيف يسافر ويلبس وهو وزنه مخرب عليه
سوا ربط معده والحين عرس شكله غيررررررر حتى ملامح الويه تبين انا ما كنت اعرف انه المتن يأثر علي الويه بعد
لازم تكون لج اراده
سواء بعمليه او ريجيم لازم تضعفين
العمليات اسهل منها ماشي هالايام والريجيم يبالج سنتين وبتوصلين للوزن المطلوب
بس اقطعي العيش والخبز الابيض والدهون

السلام عليكم ورحمة الله وبركاته

حبايبي………المطلقااات قصدي المنطلقاات
ويين هالغيبة …..فخاطري أسولف وياكم ونشتكي لبعض ؟؟؟

روح الامارات و فديتك أنا وهموم القلب و سجايا الروح وووووو غيرهن حبايبي والله

الي تدخل الموضوع ياليت كل وحده اتخبرنا عن حياتها اليديدة ،،،أكيد معظمكم عرستوا ,,,,,

فديتكن حبايبي

اللهم اجرني في مصيتي وابدلني خيرا منها

اللهم آميييييييييييييييييييييين

ويساعد كل مطلقة ويفتح عليها الخير بإن الله

هههههه والله فرحتيني مي تو والله حبيبتي إشتقت لكم عن نفسي بعدني صامدة منطلقة بيني وبينج الرياييل نادرين ها الزمن
عسب جي قلت خليني عزابية واايد أحسن وبصراحة تعودت على حياة العزوبية مالي بارض للريل سوي وقومي ووووو

أنتي إشحالج شو دنيتج ووين وصلتي

موفقه

والله الموضوع حلو والله يوفق كل بنت مطلقه ويرزقها الزوج الصالح

والزواج مب كل شي في حال انه للحين مالقيتوا الزوج

واهم شيء تربية العيال احسن تربيه والتفائل بهالحياه وكل وحده لازم تعيش حياتها

ولا تخلي اي هم يسيطر عليها

الله يوفق الجميع

لا خويتي بس الصعب لما المطلقة تحس بالوحدة ومافي أحد حوليها بس ها المؤلم في الموضوع

مرحبا ياغاليات
يابنات لا حظت بهالقسم مواضيع المتأخرات بالزواج زايده , كل وحده تشتكي من تأخر زوجها وتأخر سنها ورغبتها في الزواج ربي يرزقهن الزوج الصالح وايضا تأخر الحمل يعني كل وحده تعاني من مشكله مختلفه تعيق حملها وتعالو شوفو نفسيتها مسكينه بسبب هالمجتمع الي ما يرحم وتجي اختنا تنفس وتفضفض بالمنتدى عشان نساندها وندعي لها
كم يعتصر قلبي واتألم لما اقرى المواضيع الي تتكلم عن هالشيين بالذات لكن يابنات موضوعي هذا ربما يكون يد حنونه تمسح عليكم , موضوعي دعوه للتفائل من خلال نماذج بذكرها لكم وراج تشوفون حقا ان ما على الله سبحانه وتعالى شي غريب او بعيد وكل شي ممكن يصير بالدعاء واللجوء الى الله ,, واذا ربي قال للشي كن يكون …
للمتأخرات في الحمل
عند اختي الكبيره صديقه متزوجه من سنوات طويييله يعني الحين عمرها يمكن فوق الاربعين , هذي صديقه اختي كانت معاها بالجامعه ولما كانت معاها كانت متأخره بالحمل يمكن 5 سنوات , المهم توظفو الثنتين واستمرت علاقتهم ببعض واختي ماشاء الله الله من عليها بالذريه وكلما تسأل عن صديقتها تكون الاخرى ليلحين تنتظر الذريه ,, مسكينه عانت جدا جدا وهي ترغب انها تكون ام وعندها اطفال , تعرفون الدنيا تلاهي واختي لهت عن صديقتها وصديقتها كذلك ,ضاعت ارقامهم من بعض وقبل فتره اختي شافتها وفرحت جدا ,, عندها بنتين الحمدلله يااارب بعد معاناه 18 سنه ويا الحمل الله رزقها ببنتين بينهم سنتين فقط سبحان الله , تقول صديقه اختي والله قبل ادعي الله يرزقتي الذريه والحين ادعي الله يهديهم مجننيني ومخبليني …
قصه ثانيه , وحده من قريباتنا طولت ما حملت ياقلبي عليها صارت تتجنب الاجتماعات العائليه عشان محد يحرجها , صار لها 8 سنوات ومن كم شهر سمعنا خبر حملها اخييييرا ربي يتمم لها على خير ويرزقها بالذريه الصالحه يااارب سبحان الله …
بنت خالتي العقم من زوجها , عانت جدااااا ’,, تبي تحمل تبي طفل تبي تسمع كلمه يمه واخيرا بعد معاناه 6 سنوات نحجت عمليه اطفال الانابيب والله رزقها ببنتها وبهجه حياتها الله يخليها لها ياااارب ويرزقها الذريه …
اخت زوجي متأخره بالحمل 4 سنوات كان عندها اكياس فوق المبياض وحاااله وسوالف ويبي لها عمليات عشان تزيل الاكياس وتحمل , حاولت تتناسى الموضوع الى ان تسمح ظروفها بالعمليه لانها كانت مرتبطه بدوام وما تقدر تاخذ اجازه , في هالوقت اهتمت بنفسها ونست موضوع الحمل وسوت ريجيم قاسي والنتيجه انها حملت وتفاجأت جدا لانها من سنوات تنتظر ومافي شي ماجربته ولما نست الحمل وما سعت له ربي رزقها اياه
يعني يااابنات التفكير يأثر في النفسيه واااااااايد …
اما للمتأخرات في الزواج
قبل يومين راجعه من زفاف وحده من جماعتنا عمرها 32 سنه ومتزوجه واحد اكبر منها ولم يسبق له الزواج وسوت عرس ولا حصل والكل كان يقول هذي مستحيل تمشي بالاخص ان الي اصغر منها اخواتها كلهم اجمل منها وتزوجو وهي حظها في الجمال قليل لكن سبحان الله كل تأخيره وفيها خيره ..
بنت عمي عمرها فوق الاربعين فاتها القطار , تقدم لها واحد تاجر ومطلق في عمرها والسبب من زوجته الي خذت العيال وعايشه معاه احلى عييييشه وصار لها فوق الثلاث سنوات , سعيده جدا ربي يتمم عليها ..
وحهد قريبه جدا من قلبي خواتها الي اصغر منها تيسروا وتزوجوا وبقت هي بروحها عمرها 31 يأست من الزواج لانها سنين وهي تنتظر ومو قاصرها ولا شي جمال وكمال وطول وبياض وسمعه واخلاق ودين وعائله وكل ما يتمناه الرجل لكن الحظ والنصيب , الحمدلله يااااربي زواجها ان شاء الله بعد شهر , ربي رزقها برجل ولا في الاحلام كأنه مفصل تفصيل لها صج يرزق من يشاء بغير حساب , كانو الناس يحاولون يصيدون نظرات الغيره والالم في عينها بزواج اخواتها لكنها صبرت واحتسبت وربي عوضها
يابنات هذي النماذج ذكرتها لكم عشان تتفائلون وتعرفون ان ربي ماعليه شي بعيد او غريب ,, يعني تفائلوا بالخير تجدوه , اتركوا اليأس والحزن والهم وتفائلي وان شاء الله فال السعد بيكون جدامج ياااربي ,, كل مافكرت اكثر في تأخر الحمل او الزواج انتي بهالاسلوب تتعبين روحج , اتركي الامر على الله وادعي ولاتنسين الدعاء , تفائلي وكوني سعيده ومتأكده ومتيقنه وربي بيرزقج فوق ما تتمنين …
واخيرااااا يا حبيباتي خلونا ندعي لكل متأخره بالزواج ان ربي يرزقها بالزوج الصالح عاجل غير اجل ولكل متأخره بالحمل ان الله يرزقها بالذريه الصالحه السليمه والمعافاه …
اذا تعرفون نماذج وقصص مشابهه ذكروها خلونا نبرد على قلوب خواتنا ونخليهم يتفائلون اكثر

منقول

لا تنسوني من الدعاء بالزوج الصالح الذي يجمع بين كل الصفات الي تمنيتها و بالرزق الكثير الحلال المبارك

مشكووره
أصلا ما في شيء مستحيل عند رب العالمين
و أنا بعد وحده الله عطاهم أعيال عقب 20 سنه انتظار
سبحان الله
الواحد يسعي و يتقرب من الله و ما يتجه للحرام وقت اليأس
و يقول مليت الانتظار
الله يمهل و لا يهمل
والله يفرح كل وحده فخاطرها تحمل أو تتزوج
اللهم أرزقهم بالابن الصالح و الزوج الصالح و ابعد عنهم كل هم وضيق

الله يرزقكن بازواج صالحين وذرية صالحة

انا تأخرت في الزواج وبعد في الحمل بعد ماتزوجت

والحمدلله انا ام متزوجة حالياً

نصيحة للي تأخر زواجها
لا تستعجلين بالزواج من اي خاطب الاتكونين انتي واهلج مقتنعين فيه
خاصة من ناحية اخلاقه ودينه اللي ابد لا تتنازلين عنهم ابداً ولا تقولين بيتغير بعد الزواج او بتسنعينه
وعليكن بصلاة الفجر في وقتها
وقراءة سورة البقرة كل ثلاثة ايام
وقراءة سورة يس يومياً
وكثرة الاستغفار

الله يرزقكن الي تتنمننه خواتي

الله يرزق جميع بنات المسلمين بالازواج الصالحين
اللهم امين

تسلمين أختي

آلله يوؤوفقج غلآآيه ويرزقه الي تتمنينه ^^

هلا خواتي حبيت اكتب لكم تجربتي يمكن تفيدكم ويصيرلكم مثلي

انا عمري 19 هالشهر بيستوي 20 ان شالله

السنه الماضيه سنة 2024 رحت العمره وكنت ادعي انه الله يرسلي ولد الحلال اللي يسعدني ويريحني لاني كنت في ظروف الله العالم فيها وعشت اخر سنواتي كله مشاكل وتعذيب والحمدالله ع كل حال
قعدت ادعي كل يوم طول رمضان وانا اصلي قيام الليل ادعي وكان عندي كذى دعاء يا من رزقت يعقوب وغيره وكنت استغفر دوووم اي وقت واذكار الصباح والمسا ومرات ادعي اوقات العشا او المغرب المهم كنت الح بالدعاء وكنت واثقه ان الله بيرزقني اذا مب اليوم باجر و تميت جي الين تقدمولي 2 عن طريق خطابة وعقب سجلت في موقع يمكن الكل يستغرب بس انا خذيت بالاسباب تعرفون ليش ؟ بغيت غريب مب من اهلي او حتى حد من اهلي يعرفهم لانه كنت اعرف لو حد سال عني بيقولون عني كلام مب زين من الحقد وماحد يحب لي الخير والله وصارت زواجات ناس قريبه مني وايد بس سبحان الله كاني مش موجوده المهم كلمت الادارة والموقع موثوق وزين وتاكدت لي وحده مشرفه الله يعطيها العافيه من الريل وعطتهم رقم امي ويونا بعد يومين بصراحه امي ماعيبتها امه عشان هيه سمرا وبيسرة ع قولة هليه وغير ها اسباب تافهه صليت الاستخارة كذى مرة وكنت ادعي يارب تيسرلي اموري وعقب الخطبه صارت مشكله بين امي وامه ولدجة امي حلفت اني لو تزوجته مابتجهز لي عرسي ولا بتساعدني بس انا اعرف قلب الام حنون وغير ها كذى شخص تدخل من عايلتي وغيري رايج يا فلانه ماطعت كانه في شي يقولي لا تسمعين كلامهم والله وتيسرت امورنا وملجنا وصار كذى موقف حلو وتاجرنا شقه حلوة وجهزناها وعرسنا كان ماشاء الله حلو كانه عرس شيوخ مع انه مابالغنا في الصرف بس الترتيبات كانت كلها بايدي انا وريلي محد تدخل الا في اشياء بسيطه والحمدالله الحين مرتاحه عن قبل بواايد ولو الحين في بيت اهلي الله العالم بحالي كيف بتكون ؟! ونتريا البيبي الاول انا وريلي

صدق والله بنات خلوا ثقتكم بالله قويه ولاتنسون الاستغفار والدعاء وثقوا اذا مش اليوم باجر خلوا عندكم امل وبالامل بييكم كل الي تحلمون فيه

ومابا شي منكم غير الدعاء لي ولولدي وريلي

اللهم احفظ انتحار وزوجها وجنينها من كل عين حاقده او حاسده وبارك لهم وعليهم واحفظهم بحفظك يا رحمن يارحيم

ولاتنسون كلمة ماشاء الله يوم تقرون الموضوع

الله يحفظج و يحفظ لج ريلج والله يخليكم لبعض ..
والله لايغير عليكم الا للاحسن ..
الله يوفقج عزيزتي بحياتج الزوجيه ..
وان شاءالله تقومين بالسلامه و نسمع اخبار حلوه عنج ^^

مووووووفقه ياارب

الله يخليكم لبعض ويحفظكم من شر كل حاسد

ويرزقج الذرية الصالحة التي تسعدتج

ياارب

ماشاء الله

مآشآءالله مآشآءالله مآشآءالله

ربي يسخر لج ريلج ويخليكم لبعض يآ رب
وعسى ربي يسهل عليج ولآدتج

سبحآن الله بالدعآء كل الأمور تتسهل ^^

واللهم آميين

الله يحفظج و يسخر لج ريلج حبيبتي