التصنيف: التنمية البشرية و تطوير الذات

بقوللكــم سآلفه صآرت بيني وبين أعز ربيعآتي ويآ ريت تقولولي انا غلطآنه او لآ ^^

هآي ربيعتي الله يسلمكم كآنت اقرب وحده لي من ربيعاتنا وكنا شرات الخوآت دآيمآ اكلمها بالفوون ولآزم اذا بنروح مولات هي ويآي

اذا بنروح مكآن انا واهلي نمر عليها نشلها ويانا .. وواذا هي بتروح مع اهلها تمرعلي !!

واهلنا يعروفون بعض بس مب وآيد وآيد ..

المهم انا و ربيعتي هاي ما عندنا حد من اهلنا ع قدنآ يعني بنات عمات وخالتات وجي .. كلهم صغآريه ..
بس هي عندهآ بنت عم وحده اصغر عنهآ بسنتين .. المهم هي وبنت عمهآ مآ كآنوآ وآيد مع بعض ,,

مآعرف ليش .. وبعد فترة بنت عمهآ سوت فيها حركه خآيسه .. صرقت رقم وآحد كآن خآطب ربيعتي واتصلتبه .. ورؤربيعتي عرفت واتصلت فيني تصييح وجي .. وقلتلها خلاص انسي السآلفه وجي

ومن بعدهآ مآ قامت ترمس بنت عمها موول..

بس بعد فترة مآدري شو صآرلهآ قآمت ترمس بنت عمهآ وتطلع معآهآ وجي وانا قسم بالله ما شليت بخآطري ولا غرت منهآ والله يشهد ع كلآمي ..

المهم من فترة اتصلت فيني ربيعتي قالتلي باجر بنسير دبي موول وتعآلي ويآنآ وجي .. قلتلها خلاص انا بخبر اهلي ..

خبرت امايه قآلتلي لآ مشغولين ومآدري شو .. تميت احن ع رآسهآ لين مآ وآفقت ..

المهم اليوم الثآني .. اترييت تتصل اطرش مسج بس مسويتلي اكبر طآآآف ( لانها بالعاده اذؤابنروح مكان تتصلي من الصبحواتقولي شو بتلبسين ومن هالكلآم )

المهم انا طرشت مسج بتسيرين المول طرشتلي هيه وبس

قلت يمكن مشغولة .. المهم تلبست وجي وسرنآ ( نحنآ هذيج الايآم كنآ سآكنين ف رآك )

المهم ضربنآ خط من رآك لين دبي موول .. او مآ وصلنآ اتصلت فيها بس مآ ردت ..

و عقب عشر دقآيق يمكن شفتهآ عند البآب دآخلة مع بنت عمهآآ !!

استغربت صراحه هي ما قالتلي ان بنت عمها بتي .. المهم سرت سلمت عليهم .. وبنت عمها مآدري كيف رافعه خشمهآ ومآ تسلم عدل المهم لبستها وقلت حق ربيعتي وينج اتصلتبج ومآ رديتي قالتلي مآ شفت سوري ..

عقب اتخيلو شو !!

قالتلي انزين عيل انا بروح ويا بنت عمي احين بشوفج عقب او بتصلج !!!

اناهني قفطت وانصدمت !! اتخيلو ودرتني وسارت تمشي وياها !!

ولآ اتصلت طوول اليوم تميت اتريآهآ تتصل ولا اتصلت ولآ عبرت !!!!!

وطبعآ امي هزأتني .. تقولي يايه حقهآ من رآك وهي مسوتلج طآآآف وجي !!

اتصلتبي اليوم الثآني بس لبستهآ .. وعقب فترة شفتهآ ف الكولج قآلتلي وينج هآك اليوم دورتج بس مآ حصلتج !!!

صدق وقآحه .. يعني مآشي اخترآع اسمه فووووون !!

المهم من هآك اليوم مآ رمسها ويوم تتصل مآرد وحتى ما كلفت روحها تسألني زعلانه ولا شي فيني ؟؟!

و من فترة اتصلت جان ارد .. ( قلت برمسها بس بتكون علآقتنآ سطحية بس حق الكولج يعني وعقب الكولج بعطيها اكبر طآآف )

جآن اتقولي اونه بنسير دبي مآ بتين !!! بغيت اسكر ف ويههها شو هالبنت مآ تحس !!

المهم الفتره الي ما قمت ارمسها اتقربتلي وحده من ربيعآتنا وقامت تطلع وياي وجي .. يوم هذيج عرفت تمت تتصل وتقولي يالخآينه ليش مآ تخبريني وجي !!

قلتلها اشوفج انتي مقطعه بالاتصالات !!؟ جآن تسكت

المهم هآي هيه السآلفه .. احس كنت مخدوعه فيها

وابا اعرف هل الي سويته صح اني خلاص انهيت صداقتنا ولآ تسرعت ؟؟

وبنفس الوقت يمكن سااامعه رمسه عنج .. صدقيني ف بناااات ما يخاافن الله بس يحبن يرمسن عن فلانه وعلاانه ..

بس زين ماااسويتي …. خلييج ثقيله .. وعلاقتج سطحيه فيها .. وربي يبدلج باللي احسن منها اتقدرج واتعينج ع الحلوة والمرة

اقولج ماعليج منها دامها مسويتلج طااااااف رقعيها بطافيييييين اذا ترومين <<<متحمسه

بس صدق انا ما داني هالحركات لو انا مكانج بهزئها بطلع اللي فخاطري <<<ماتخلي شي فخاطرهااا

المهم لا تحاتين حبوبه خذيها مني

من باعج بيعيييه انتي ما سويتي شي غلط ^^

صراحة قهررر .. ماعرف شقووولج محد ما يشكي من ربيعاته … ان بروحي مقهوورة من ربيعتي
و خاطري اصفعها
نفس الشي عطتني طاف من انتقلت و لا نشدت عني خير شر
هذا و نحن ربيعات الروح بالروح !!!!!!

و انا اربع وراها فونات و مسجات و هي طاااااااااف و لا عالبال و لا عالخاطر
><

الله المستعان
الظاهر صدق انه ماشي رباعة بحق هالأيام موووول !

لو انا مكاانج بصييح خخخخخ.. الحركه الصراااحه قويه في حقج

والله يهدي ربيعتج القبليه

ويهنييج مع ربييعتج اليديده وان شااء الله تكونون احلى صداقه واخوه في الله

موفقه الغلا

هلا وغلا ——— خواتى عندي شغاله وحده من الاهل تشتغل عندي في البيت ومن فتره لاحظت اغراض مختفية دورت ودورت وما لقيتهن وكل ما اسالها تقول ما شفتهن

المهم وصلت امس الشغالة اليديده وقلت لجديمة لا تخلينها اسوي شي الا يوم تطلع النتيجة قالت اوكى

وطرشيت شغالة الاهل ويا شغالتى ودخلت حجرتها وشفت موبايلين بدون بطاقة شكلهن اليديده يايبتنهن وشفت مزف اوهو وما نبشت شي الا الشنطه من فوق ولقيت الموبايلين بقيت الاغراض ما عندي وقت انبشهن لنى سرت ايب بنتى من المدرسة وضاع الوقت لانى كنت ادور مفتاح الحجرة وحصلته في الوقت الضياع

وانا موصتنها تقولها انه ما ابغى يكون عندها موبايل يوم تبي ترمس اهلها بعطيها موبايلى واعطيتها موبايلى تكلم اهلها

وبنتى تتغدا اشوف شكل الاكل غير قلتلها منوه مسونه قالت انا وانا اعرف اكلها قلت لها مب اليديده قالت لا

ودخلت عليهن المطبخ لقيت اليديده ياس اسوي العجينه لبيتزا

على فكره زقريتها وقلت لها منوه جال المزق من العلبة وراويتها العلبة وقالت مب انا لو انا بستاذن قبل ما اشل

مب علشان المزق تقولون عنى زطيه بس هى بدام سرقته اكيد جاله اشياء ثانية كيف الصرف

والجديمة بياخذونها بعد يومين وما اقدر اطرشها اي مكان

لو انا بدالج اول ما اشوف شي ع البشكاره ع طول بسفرها

ما ابي اي يوم واندم

ولا ابي اخرب حيات اهلي ,,

صح السالفه هب سهله مممممم شليها المكتب عشان يرمسونها الين تشوفين حل لهاااا

والله يعينج الغالية ..

سفريها وييبي غيرها ..

لا تثقين فيها اختي << نصيحة

والبعد عن اليأس والإحباط والعجز والتكاسل

رب يوفقج ويستر عليج ان شاء الله ^^

أنا كنت اكلم واحد صايـــع تعرفت عليه من النت و كنت اعرف انه مب اوكي و انه كله يلعب ع البنات و جـيه
لا تساللووووني ليش تعرفت عليه غلطة و صارت كلمته بالفون يمكن مرتين بس لمدة دقيقة بس
و عقب قررت اني اتركه بس جيه مزااااج لانـي ما احــبه اصلا

يوم قررت اتركه ما عرفت شو اسوي طبعا تم يهددني اونه لو ما سمعت صوتج اليوم يا ويلج و ما ادري شوو و انا بيي بيتكم بااجر و ما ادري شوووو
المهم انا كنت خايفة وااااااااااااااااااااااااااااايد أنا اعرف واحد اكلمه من ايام الاعدادية طبعا اكلمه في النت بس
و هو شخص راااائع ما شاء الله عليه
المهم قالـي عطيني رقمج و بتفاهم معاج و جـيه و هو يشتغل في الشرطة
هو قالي يوم بيتصل فييج الصايع لا تردين عليـه ابداا و يوم بيطرشلج مسج لا تردين بعد انتي بس طرشي له مسج قوليله انا انخطبت و خلاص
المهم تم هالصايع يدقلي و يطرشلي مسجات يوميــين و عقب خلاص اختفـــــى اكييد لقاله بنت ثانــية لا لا هو اصلا عنده واايد بناات بس عرف انه ما مني فايدة

الي صار الحين كنت كل ما اخااف اتصل في الشرطي و اكلمه و كنت ارتااح
شوي شوي نسيييينا سالفة الصايــع و تعلقنا في بعض لدرجة انـي اكلمه كــــــــــــــل يوم
هو شخص يعزنـــي واااااااايد و مستحيل يضرني لانـي ما اعرفه من يوم و لا يومين من ايام ااعدادية و الحين انا في الجامعة

كان يكلمني كل يوم و فجااااااة صرت اتصل فيه و جيه ما يرد علي بالاياااااام و اطرش له مسجاااات ما يرد علي
و عقب تم يكلمني بس يوم الجمعة قالي انه مشغوول وااايد في شغله و ما يقدر يكلمني و جـيه و ساعات ما يرد بيتهم فليل انا صدقته و جـيه

اول شي ما تقبلت السالفة لانه كان يكلمني كل يوم و كنت كل ما اتصل يرد علي و فجااااة صرت ما اقدر اكلمه الا يوم الجمعة يوم عنده اجازة

المهم الي صار عقب اتصلت فيييه مرتين ما رد علي و كان عنده اجازة فرحت انا و طرشت له مسج اني تعبانة و متضايقة واايد فاتصل فييني و قالي شفيج ؟ قلت له : اهتم فيني شوي قالي: فخااطري بس مااقدر
انتي يوم تتصلين فييني اتعمد ما ارد عليج لانـي اشووفج متعلقة فيني واااايد و انا متعلق فيييج قالي انه مستحيل في يوم من الايام اهلي يرضون فيــه لان مستواي اعلى منه

و الله العظيــــــم كان يقولي هالكلاااام و قال كلام زيادة و هو يتاالم و يتعذب من صوب و انا اتالم و اتعذب من صوووووب

أنا حــبيته من قلبـــي و ما ابى غــيررررره لو يبااني اعييييش معااه في البر و الله بعــيش
و بعدين يوم نقعد نتكمل في هالموضووع نتاالم وااااااااااااايد قالي انتي الانسانة الي تمنيتها بس اتعذب يوم اسمع صوتج و اكلمج و اعرف انـي ما بقدر اخذج و جـيه

هالذي الرسالة الي وصلتني
بنات ياليت تساعدوونها و تخبرووونها شو تسوي
هـي بتدخل الموضوع و بتقرى كل شي و انا برد بدالها هنــي

خليها تودره وتيلس تستغفر وتدعي ان الله يجمع بينها وبين هالريال بالحلال

والله يبعدها عن الحرام ياارب

خليها توكل الله وبعدين اذا يبيها صج يي ويرمس اهلها ويشوف ردهم

هب يحكم ع شي هو مب عارفنه عسب المستوى المعيشي …..

والله يوفقها

الله يكتب الا فيه الخير لج وويوفقج

والسموحه منج

اشحالكم

امممم ادري انه الموضوع مب بهالقسم لكن

حد ايعرف باجر القرية العالمية شو؟

يعني عايلات ولا نساء بليززززز ردوا بسرعة

بس برفع الموضوع

وان شالله البنات يفيدونج

الصراحه عقب ما قلت اللي بخاطري ارتحت نفسيا .. ( الحمدلله على كل حال ) .. ماكنت ابا شي ابا ربيعه صديقه تكون معاي عالحلوه والمره تناسبني بشخصيتي وعقليتي ..

دوووم الحال من المحال

الله يعوضج باخت وصديقه

المشاركة الأصلية كتبت بواسطة bellegirl

لا حول ولا قوة إلا بالله

غاليتي

أول شي الحمدلله انج ارتحتي والإنســان يوم يفضفض معنوياتـه ترتفع ونفسيتــه تتحسن

ثـــاني شي أختي اعذري البنيــة ,, يمكن استوى لها شي لاسامح الله أكبر من الي تقـــدر تقولـــه

محد غير رب العالمين يعرف شو في قلب الإنسان

عشان جي نحن نعذرهـم وهم وضميرهـــم

ونصيحـة من أخت غاليتي ماعمرج تعطين للناس وتتريين المقابـــل

يعني انتي صادقتيها وكنتي صريحـة معها لإنج انسانـة خلوقـة وتعرفين دينج وشو الي لج والي عليج ^_*

بس لا تتريين ان النـــاس اتعاملج بنفس الشي

لإن الناس مستويات وثقافات وتربيـة مختلفـة فلا تتريين ان الشخـــص يرد لج الجميـــل

إذا رده فهذا من حســـن خلقـه

وإذا ما رده فهذا الي عرفـه وأكيد لو عرف أحسن جان سواه ^_^

أهم شي حاليا أختي انتي اهتمي بنفسـج واشغلي وقتج ولا تعطيـن الموضوع أكبر عن حجمــه ^_*

وبنات الناس في كل مكان ,, شرات ماكانت هذي ربيعتـج رب العالمين بيسر لج صحبـة صالحـة غيرها

أحسني الظن واستغلي خواتــج الطيبات هم بعد يكونون صديقاتج وافتحي لهم قلبج

للإن محد بيحفظ سرج شرات أهلج

وشخصيـــأ أعتبر رب العالمين سبحانـه وتعالى نعم الصديق

يسمع همنا وشكوتنا ويجازينا بالفرج من عنده

لا تبخلي على رب العالمين بقربج

وربي يوفقج أختي الغالية

تسلمين الغلا والله كلامج منطقي وكان مثل الثلج ع قلبي

شحالكم؟؟؟؟ أن شاء الله بخير وسهاله..

يااااااااااااناااااااااااااااااااااس والله اني انقهر قهر يوم أقرا موضيع بعض البنات والله قهر

أي أخوها يحب ويرمس والي ترمس وتحب والي تحبه وكانت ترمسه وخطبها والي والي بلاووووووووووي وايد وهذا اكثر شي أكرهه في حيــــــــــــــــــــــاتي

تعرفن الي تاخذ واحد مرمستنه أصلا كله غلط في غلط حياتها يعني اتحرى ربها بيوفقها ان ماتابت ..

والله قهر

والي ترمس واحد معرس وبعدين تاخذه وووووووووووووالله … والله قهر …

شو هااااااا هذه مايستحن وماااااااااااااااااااااا يخافن ربهن ….. مايعرف الادب والاخلاااااااااااااااااق والكراممممممممه وتخوووووون اهلها وحتى لوكان واحد من اهلها حراااااااااااااااااااااااااام والله هو مب محرم يعني عادي ترمسه وجنه حلاااااااااااااااااااااااااااااااااال…

أصلا لووووو كان أخوي مرمس وحده وعن حب أونه ويبا ياخذها انا اول المعترضين لان ها مب من دين والا من العاداتنا وتقاليدانا …

وشوف والله ان المسجات امبينهم مسجاااااااااااات الي يقوله الريال لحرمته شوهاا وأونه عفيفه ماااااااااااااااااااااااااااااااااااالت عليهن وعلى ويوهن ..

الله يهديهن ان شاء الله …

فمان الله

وهذا كللللله من قلة الوازع الديني والفراغ

نسوووا انه فوقهم رب يشووفهم وعدالهم ملائكة تكتب اعمالهم

بس شو بتقولين لهالفئة غيييير ربي يهديهم ويوسعهم برحمته

ما نقول غير الله يهديهم …

^^

بس نحن مآبيدنا غير .. آلله يهدي بنآت البلاد
فديتهن ما عليهن زود .. بس يبن الهدايه
ربي يحفظهن من كل شر .. ويبعدهن عن الدرب الزلق

بس الل يحب حياه الله من باب البيت …. مب من الدريشة ولا كلامي غلط ….

.
.
صدقوني اللي ترمس واحد مستحيل يتزوجها بيخدعها وبيستغل طيبتكن وشوفوا شو بيسوي
.
.
واقول حق البنات اللي يكلمن شباب هذا جزات اهلكن اللي وثقوا فيكن وجيه اتسوون من وراهم
.
.
هذا شيطان يلهيكم وينسيكم عن رب بيسألكم ويحاسبكن في يوم
.
ما نقول غير الله يهديهن
.

حزيييييييييييييييييييييييييييييييينة
حزيييييييييييييييييييييييييينة
اللهم لا اعتراض لامرك
والله اني اطالع بنتي وعندي احساس قوي ان اخوي بيكون مجرد ذكرى في حياتي ….وان في يوم بقوللها ان كان عندها خال
احس ان هاي اخر ايامه ويانا
…………….
…………………………..
…………
حزيييييييييييييييييييييييييينة
حزييييييييييييييييييييينة
واللهم اني اعوذ بك من الهم والحزن….اللهم اني اعوذ بك من الهم والحزن
……………….
وصل لدرجة انه يالس ينبح مثل الكلب
ويصارخ صرخات غريبة
وعقب شوي يرد يطالعنا ويبتسم ويقول لاتخافون اصلا هو اللي خايف
…………………
…………………
يوم يكون زين
وعشر شين
يوم ينبح
ويوم يصارخ
يوم يبتسم
ويوم يضحك
…………………
فديته
والله ثم والله فديييييييييييييييته…وفديت راسه وايدينه البيضا وريوله واصابعه
والله انه طيب وحنون وقلبه ابييييييييييييييييييييييض شرات ايدينه
فديته وفديت طبعه يوم يكون اخوي هو اخوي
والله اني اشتقتله
اشتقت يوم يقولي عطيني 50 درهم
اشتقت يوم يقولي حوليلي رصيد
………………………
………………
والله اني مستعده اعطيه من رصيد حياتي بس يريد مثل قبل
اباه يظهر ويا ربعه
اباه يرمس في التلفون
اباه يدقلي ويقولي بس حبيت اطمن عليج
فدييييييييييييييته …اطمنت عليه العافيه
……………….
…………
….
خلاص
ما اقدر اكمل

الله المسنعــــــــــــــان

خواتي عندي لكم سؤال " اذا حد قالج لا تدخلين بيتي بتتدخلينه؟" ادري ان سؤال سخيف وأن الكل يمكن يقول لأ مستحيل .. بس ربيعتي تقول ان صارت سالفه او شبه ضرابه بين ابوها و واحد من الاهلهم، ويوم ابوها ما كان في البيت دخل الشخص اللي منعه ابوها وقعد اكثر عن 3 ساعات ويا اخوها ( بتقولون ليش ما طرده ؟ وانا سألتها نفس السؤال هي تقول ان اخوها شخصيته ضعيفه قص عليه اب كلمتين ودخله البيت )..!!!!. ماعرفت شو اقولها وكيف اساعدها ان نمنعه ان يدخل البيت مره ثانيه .. بس اللي قلته لها ان هذا ما عنده كرامه..
خواتي هي تبا اتساعدونها كيف تمنعه يدخل البيت مره ثانيه ..

خواتي البنت قالتلي السبب والله العظيم لو قتلكم السبب بتقولولي قوليلها ان يشتكون عليه مب يطردونه.
اولا السالفه تخص اخوها ( اللي قتلكم عنه شخصيته ضعيفه ) و الله قلبي عورني يوم قالتلي شو سوا فيه. هذا يستاهل الضرب مب الطرد ..
ثانيا الريال اصغر عن ابوها و يوم ابوها راح ورمسه غلط عليه مع ان الريال هو الغلطان مب اخوها . و ابوها انا اعرفه واااايد طيب وما يزعل من حد ..
الله يعينهم ..

والله يهدينا أجمعين