التصنيف: الحمل والولادة

بنات انا من الشهر الثالث من حملي كان عندي التهابات وكلما اعالج يرد مرة الثانية ولين الحين وانا في التاسع ويرد الالتهابات وفيني حكة وحرقان تحت البطن وهل هذا يأثر بالياهل او بالولادة هل بيعور والا شو في اثناء الطلق والضغط؟

والله ياختي مابا اخوفج بس اعتقد هي

حاولي تعالجين نفسج اول باول

والله يقومج بالسلامه يارب

لازم اتعالجين اختي لان بتتلعوزين في الربا والخياطه

ان شاء تقومين يبالسلالالالالالالالالالالالامه

لازم تعالجين أحسلج

الغاليه تودني بماي وملح (خذي الملح منالعطار) قوليله ملح البحر
وخذي الغسول الخاص بالالتهابات

ولو تروحي عياده خاصه وايد احسن

مشكورات بنات ماقصرتن بس انا مشكلتي ما اشرب ماي وايد لأن يلوع جبدي ويجيسني حموضة علشان جذي ماعرف شو اسوي

السلام عليكم ورحمة الله وبركاته … شحالكن حريم ؟؟ عساكن بخير وسهاله ؟؟؟ بنات انا من اسبوع يتني الدوره من عقب 9 شهور .. لانه عندي ولد عمره 10 شهور يعني يمكن الرضاعه واخذ حبوب المنع منعت الدوره ومن عقب خمس ايام من الدوره عادي تغسلت وصمت 3 ايام ومن عقبها اصوم عادي بس قبل الاذان او العصر ينزل لي ( كرمتو ) شوي وعقب خلاص لين اليوم الثاني اتطهر واصوم عادي وفي نص صيامي ينزل لي شويه لين اليوم الثاني ماااااااشي مول ونفس السالفه مادري شو السالفه هل يمكن من الحبوب لاني انا من بدا رمضان غيرت الحبوب وغيرت الوقت ومااخذه بالوقت مادري شو السالفه حد منكن استواله مثل اللي امر فيه انا ؟؟
**ياليت اللي تعرف تخبرني ؟؟

ومنو تعرف عياده او دكتوره زينه في بوظبي؟؟ غير الدكتوره ناديه لانه كل ما اتصل مايردون ومادري متى يفتحون في رمضان ؟وغير مستشفى دار الشفاء

والسموحه ..

up ….

يالله 14 زياره ولارد ..

رووحي مستسفـى النووور الجديم فيه دكتوره شيرين ودكتوره منااال

للرفع

بنات انا بطني يعورني من 15 يوم للدوره..,,
عوار خفيف حتى اول ما انش من الرقاد بطني يكون يعورني
ويوم البس شي ضيج بطني يعورني؟؟
والحين باقي اسبوع ع موعد الدوره..,,
مابا اقص ع عمري واقول حامل..,,؟؟
رب لا تذرني فردا وانت خير الوارثين..,,

ياليت اللي صار فياها شراتي تخبرني..؟؟

الله كريم خلج متفائلة ولو ما حملتي هالشهر الي بعد إن شاء الله الله لا يحرمنا

مشكوره الغاليه

انا كنت جذي وطلعت حامل
الله يرزقج الذرية الصالحه يارب عاجل غير آجل يارب

آآآآمين يارب

آآمين يارب ..
ومشكوره فديتج

السلااااااااام علييييييييييكم

خواتي انا حامل ف الشهر الثالث والحين بقولكم الحلم .. البارحه اختي حلمت انها يالسه ف السياره ورايحه الكليه وخالي اللي كان بيوديها يعني السياره اتحركت وانا لبست عباتي سرت صوب السياره عشان الحقهم ف بالغلط قطوه سوده كانت تحتي ما شفتها دستها واتزحلقت جان اطيح على بطني والجنين مااات وعقب انا و خالي يلسنا انصيح ف الحلم ..

شو تفسيييييييييييييييييييييره ؟؟

حبيت ارفع الموضوع

بس لاتشيلين هم

الله اعلم بس الي اعرفه ان القطوه حسد فعليج بالاذكار والتحصين والصياح ان شاء الله بتضحكون فرحا

تاملي خير بس دايما حصني نفسج

حبيت ارفع الموضوع

إن شاء الله خير إختي … و مثل ما قالت الأخت حصني نفسج بالأذكار وسورة البقرة
..والله يبعد عنج كل مكرووه …وتقر عينج بشوفة البيبي …يا رب….

خواتي انا كل يوم اقرا على عمري وعلى بطني..

بس ما ادري اختي ليش حلمت جي الصراحه خايفهــــ

ان الوحدة تكون على علاقة غير شرعية سمعنا في هالشيء بس توصل ان تحمل منه ولا حامل اربع توائم منه هاي المصيبة .. الله يستر عليها وعلى اهلها خسرت بيتها واولادها علشان قطعة سايق ما يسوى باكستاني .. المهم هي وايد تعبانة في حمالها ومب عارفة شو تسوي بنات سؤالي هل الي تحمل بتوأم تحس بتعب زيادة وشو تسوي اليوم بنزورها وابي اطمنها

السلام عليكم والرحمه

سبحان الله .. وكله بأمر الله

يزاااج الله كل خير عزيزتي

ماقصرتي ^.^

جزاكن الله خير حبيباتي 24 قراءة والي شاركت وحدة بس

للـأسف ماعندي اي فكرة

لكن اكيد تعبها يكون دبل

نحن بيبي واحد وهاد ظهورنا فما بالج 4……….

لكن هذي حكمة الله……. الله يهديها ويستر عليها وتتوب عن خطيئتها اللهم آمين

مشكورة حبيبتي على المشاركة بس اتمنى اسمع آراء اكثر لانها وايد تعبانة

لاحوله ولاقوة الا بالله

شو السالفه مافهمت لاحول ولاقوة الا بالله هو اغتصاب والا كيف هل متاكدة الاجنه من السائق يمكن يكونون من زوجها

السلام حبيباتي عندي مشكله والله موعارفه شو اسوي حملت شهر20175 وكملت شهر عقب عقيت اجهضت وصار معاي نزيف 8 ايام وعقب صار الموضوع عادي وعقب شهرين صارت الدوره اقل صارت 3 ايام بس ومن شهرين صارت بس يوم واحد والم شديد في الارحام اسفل البطن وفي صدري الم شديد قبل الدوره ماتنزل بااسبوع سرت العياده قبل يومين شافتني الدكتوره قالت لي في شي في الرحم بعد ماسوتلي سونار قالت هذا شكله كيس حمل قديم يعني كنتي حامل ونزل الحمل وبغى الكيس يابنات الكيس هذا من شهر 5 2024 لين الحين عشان جيه سوالي لخبطت هرمونات قالت اذا نزلت الدوره هذا الشهر ومانزل الكيس يمكن نسوي عملية تنظيف بس يابنات طالما انه سوالي لخبطت هرمونات يعني ماثر علي وانت خايفة يسويلي مضاعفات اكثروخايفه من عملية التنظيف لاني مجربتها من قبل المها كبير والله مافيه حبوب او اعشاب اخذها وتنزل الكيس مال الحمل بدون عملية

اختي اول شي الله يسر امورج

نصيحتي لج اشربي زنجبيل وكلي اناناس مافي احسن منهم في التنزيل والتنظيف
وروحي لدكتوره عشان تكشف عليج لا سمح الله يصير تسمم او شي

مرحبا الغاليات

عندي سؤال وصراحه متضــايقه من عمري ابى جواب

انا سويت ليزر حق ويهي اول مره كانت قبل ما احمـــل والحين انا في الشهر الرابع ووقالولي انه الليزر موب زين يضر الجنـــين وماسويته

والحين متلعوزه طلــع شعر بويهي وأرفانه منه :1 (36):

وسؤالي شو رايكم بالتشــقير ومنو اللي جربته وهي حامل انا سمعت انه يشوهه الجنين :1 (5):

وابى استخدمه

اللي مايعرف التشقــير هو اللي يخلي الشعر أصفر ومايبيــن

واتمنى الاستفأآآده منكم

يزاكم الله كل خيــــر

الغالية عادي انا استخدم التقشير وايد ناس خوفونى منه وسالت الدكتورة اوراس والحمد الله ما ضرنى يوم كنت حامل ولا ضر بنتى

عادي التشقير انا بعد سألت اوراس قال عادي دان انج عدتي شهر الرابع

فديتكن ماقصـــرتن

وان شاء الله اشوف ردود ثانيه

عادي حبيبتي الشقير لا تحاتين 0000000خاصه وانج عديتي الثلاث شهور الأولى000000بس حاولي ما تتنشقينه 00000000000والسموحه

الغاليييية التقشير عادي وما يضر بس من الاحسن قبل ماتحطينه تدهنين ويهج بزيت زيتون اشوي او فازليييين,الدكتورة نصحتني جذه عسب المواد الضارة فالاكسجين ماتدخل للجسم,والله يوفقج الغالية

عادي أنا أشقر أثناء الحمل وخواتي مثلي بعد ، من الرابع وساير ان شاءالله مامنه مضره ، بس حاولي ماتكثرين

أنا بهالحمل شقرت من أول شهر لأني ما كنت أدري اني حامل ، والدكتوره طمنتني على الجنين الله يحفظه

السلام عليكم ورحمة الله و بركاته …

شحالكن أهل المنتدى …

المهـــــــــــــــــــمـــــــــ حبايبي خلوني ادخل في الموضوع >>> طوالي ـــــــــ .. ^^..

كان يا مكان .. كان في ست .. تزوجت من فارس أحلاما … بس عم تحلم تخلف صبي .. طبغا كل بيدربنا … شو نعمل >>> استهبل … ما بطول عليكم ..

حبايبي قلتلكم هذاك الشهر إن الدورة تأخرت 11 يووم عن يوما الأساسي رحت و فحصت و ماشي حمل .. و هذا الشهر بعد تأخرت 9 أيااام بس هالمره ما حطيت في بالي إني حامل لأنها خانتني الشهر إلي طاف … شو أسوي هذا نصيبي .. ^^..

أمي من يووومها تحن علي توديني عند حرمه تمسحلي بعد ما خذيت أرقام حريم منكن (( الله يجزيكن خير و يحقق أمانيكن ))

حبيت أسالكم متي أنسب يوووم أروووح عند الحرمه عسب تمسحلي .. بعد كم من يووم من الدورة بضبط ؟؟

السؤال الثاني شو سبب تأخير الدورة كل شهر (( للعلم إنها منتظمة كل 30 يووم بعد العلاج من هرمون الحليب)) ؟؟

السؤال الثالث يمكن هرمون الحليب يرتفع مرة ثانية ولا شو …؟؟؟

السلام عليكي اختي سمر انا من باب خبرتي للحريم اللي يمسحون ايفضلون المساح وقت الدورة عشان تتاكد انج مو حامل واسهل تعدل لج الرحم بعد لاني انا مره مسحت عندها وقت غير الدورة وكنت وقتها حامل ولا اعرف وبعدين الدورة تتأخر عنج كل شهر لانها يمكن اتييج ثقيله وبعدما تخلص الرحم ياخذ وقت طويل للين يرجع ويكون بطانه جديده وبس .

للرفع

للرفع

الله ييسر لج امورج
و يرزقج الذريه الصالحه ان شاء االله

مشكووورة ع النصيحة … إن شاء الله باخذ موعد منها و برووووووح …

مشكووورة ع الرفع الله يشفيلج أمج …

السلام عليكم حبيباتي

انا باقلي اسبوع وبدخل الثامن
واليوم الدكتوره خوفتني قالتلي البيبي راسه دايمن فوق مول مانزل من بدايت الحمل قلتها انا روحي احس ان البيبي ماينجلب بس يرفس

جيكتلي ع الحبل السري وقالتلي ملتف لفه وحده حول الرقبه
يمكن عشان جه مب قادر يجلب

خواتي منو صار لها نفسي وهل بقدر اربي طبيعي ولا خطر

بليز خواتي ادعولي اربي طبيعي وينفتح الحبل السري وينزل راس البيبي …

الله يهون عليج يارب العالمين
اهم شي اتابعين مواعيدج بانتظام
و عقب يمكن تجوف الدكتورة ان لازم تسوي لج قيصري

قيصري او طبيعي كلهم من رب العالمين عادي لا تتضايجين

وي ذكرتيني بولدي الاول الرحم كان فاتح خلاص وبربي طبيعي على اخر لحظه قالوا لي الياهل وايد تعبان لان الحبل السري ملتف عليه حياااااتي سبحان الله ربج ربيت طبيعي بس يوم طلع ماخلوني اشوفه او اشله قالت اختي كان خلاص بيختنق لونه كان بنفسجي توكلي على الله وامشي فديتج وان شاء الله تتغير وضعيته وربي يسهل عليج وادعيلي الله يسهل عليه ولادتي قربت باقيلي اسبوع

الله يفرج همج يارب ويسهل ولادتج ويفرحج في ضناج يارب

انا مش عاوزه اخوفك بس الموضوع محتاج متابعه بالنسبه للحبل السري
اما وضع الجنين انا كمان كان لاول التاسع مالف نصحتني الدكتوره ان اعملك وضع السجود كا ما اقدر والحمد لله لف فعلا عل اخر لحظه وبقى زي العسل ان شالله تقوملنا بالسلامه يااارب

فديييتكم ماقصرتوووو الله يسهل ع كل حامل ويرزق كل وحده اللي تتمناه
ان شاء الله خييير متوكله ع ربي

الله يعينج يااختي ويسهل عليج
حاولي تطولين فالسجود

السلام عليكم ورحمه الله وبركاته بنات حبيت اسأل منو تعرف اذا في شي يزيد وزن الطفل فالشهر التاسع ….

حليب فرش

الحلبه + العسل

تغلين الحلبى وتضيفين لها ملعقه عسل وتشربنها كل يوم المغرب زين لج عشان الولاده وللبيبي

انا بعد حجم البيبي عندي وايد صغير مااتخيل كيف بيكون مع اني اول بيبي كان كبير جربي حليب للحوامل والمرضعات من الصيدلية اسمه ( ليدي ميل ) (ladymil) طعمه حلو انا خذته فيه بعدة نكهات انا خذت بالكاكاو والفانيلا بس الكاكاو احلى عيبني

اختي عليج بالرهش..ما اعرف اذا له اسم ثاني…انا كنت اكل من الشهر السابع تقريبا وما كنت ادري انه يزيد الوزن…كانو يايبيلنا رهش الكويت وموزع في علب صغارررر جانه مال توزيعات…وكنت يوميا اكل علبه صغيره مع فنيال قهوه المغرب…يوم سرت في الثامن الدكتوره استغربت من الزياده وما شاء الله في اول يوم في التاسع السونار كان معطني اني في الاسبوع الاخير من الحمل بسبب وزن الياهل…والحمدلله ربيت في بداية ثاني اسبوع في التاسع وزن بنتي كان ٣ و ٦٠٠ وشوي…

وبعد كنت اشرب يوميا حليب فرش مع ملعقة عسل طبيعي فاليل كان يهدي اعصابي واااايد…

مشكورات وماقصرتن وانشالله الله يتمم عليكم بالصحه والعافيه وانشالله كل وحده تتحقق الامنيه اللي تتمنونها