التصنيف: تقارير العضوات المصورة

السلام عليكم ورحمة الله وبركاته ..

اليوم المغرب والحمد لله وصلنا من صلالة من مطار دبي الدولي ..

سافرنا يوم 16/8/2017 ..

والحمد لله الرحلة كانت وايد روعة .. والجووو وايد حلووو …

وصورت كل التفاصيل .. وبرجع احطها ان شاء الله

لان الحين راسي داير من الطيارة وحاسة بدوخة ..

بس تابعوني وان شاء الله تسترجعون ذكرياتكم وياي ..

الحمدلله على سلامتج

و في انتظار التقرير

^_^

راسي درا من نموري الفووقي خخخخخخخخ

ننتظر صور صلالة ارض الاصالة

والحمدالله على السلامة

هاه كلتي المضبي

بسم الله الرحمن الرحيم ..

على كثر ما سمعت عن صلالة …بس ما صدقت لين ما شفت بعيني ..
سبحان الخالق خلق فأبدع … جنه الله في أرضه .. طبيعة بكر مثل ما يقولون ..

رحلتنا كانت يوم السبت .. الظهر .. 16/8 2024 ..

الخطوط: طيران الجزيرة

المطار: دبي

سعر التذكره تقريبا 1200 درهم للشخص.

مدة الرحلة: ساعة ونصف

فرق التوقيت: نفس توقيتنا بالضبط

العملة: الريال العماني .. ويعادل عشرة دراهم امارتية او اقل بقليل ..

احنا سبع أشخاص اربع كبار وثلاث صغار …

طبعا وصلنا المطار في وقت مناسب جدا وكانت لنا فرصة اننا نتمشى في السوق الحرة في دبي ..

وما شاء الله السوق كان ضخم وكبير جدا ..

اشترينا بعض الأشياء الخفيفة من الكاكاوات واقلام والوان لليهال ..

ورحنا خلصنا امورنا كلها وقعدنا نتريا الطيارة .. لين ما وصلت ونزلوا منها الركاب ..

ويا دورنا ..

الطيران كان على الجزيرة للطيران ..

الطيارة نوعا ما كانت صغيرة .. لكن الحمد لله مريحه ..

وبالنسبة للوجبات لازم تشترونها على الطيارة ..

وكانت اسعارها غالية .. فيفضل تاخذين خفايف لليهال احسن من المشترى على الطيارة

وبعد الركوب في الطائرة ..

وبعد فترة بسيطة طارت الطيارة ..

وشفنا مشاهد روووعة جدا جدا .. لما الطيارة تدخل في الغيوم … ولما تطير فوق البحر والبر ..

بس احلى شيء لما ندخل في الغيوم مع مطبات جوية خفيفة بسبب كثافة الغيوم ..

ولما وصلنا صلالة شفنا الطبيعة الجبلية من فوق روووعة جدا ..

بس للأسف كاميرتي تعيسة في الزوم ..

والحمد لله وصلنا لصلالة على العصر وخلصنا من المطاار بسرعة ..

وكان في فرق شاسع جدا بين المطارين .. والله يعزج يا بلادي ..

ولما وصلنا هنااااك ..

المطاار كنا مسوين حجز فندق وحجز سيارة ايجار ..

وكانت السيارة واقفة تتريانا .. حطينا اغراضنا في السيارة ..

وكانت فورويل قير عادي بـ 30 ريال عماني في اليوم والليلة .. يعني 300 درهم امارتي ..

وما رجعنا الفندق لا ..

قلنا نستغل الوقت شوي وندور في الخضااااااار والطبيعة العجيبة ..

ورحنا صوب اليبال شوي …

وهذي صور من اول ما وصلنا ..بصراحه كنا منبهرين … من الجمال .. وروعة الطبيعة ..

لأننا كلنا يايين اول مرة ما عدا اخوي دايما يروح ويا الشباب .. بس احنا الحريم اول مرة ..

طبعا في الصورة الضباب كثيف .. وكان في رذاذ والجووو روعة وبارد تقريبا

وكان الجو قريب المغرب ..

يتـــــــــــــــــــــبع ..

نكمل يا الغاليااات ….

لما الدنيا ليلت علينا وكنا تعبانين من السفر ..

رحنا الفندق .. وكنا حاجزين من الأمارت ..

فندق بيت الحافة .. وهو قريب جدا من المطار مسافة كيلو متر واحد فقط ..

وجنب دوار النهضة على طول ..

الفندق : بيت الحافة

التصنيف: 3 نجوم

سعر الليلة: 80 ريال عماني يعني ما يقارب 800 درهم امارتي

تقييمي: جيد .. بس الرطوبة عالية …

والخدمة ما لحقوا يخدمونها ..

في الفندق عيادة وصيدلية وملاعب وصالة رياضة .. بس كلها عاديه وبسيطة ..

اما المصعد ضيق جدا ..

وهذي التفاصيل

اول ما دخلنا الفندق ريحه الرطوبة العالية ضربت روسنا .. وقلت الله يستر من

الياي . .. طبعا حجزنا غرفتين …

غرفتنا كانت زوينه .. ونظيفة ..

وهذا الحمام تكرمون ..

طبعا انا من النوع اللي احب اصور تفاصيل للذكرى ..

فصورت بعض اللوحات المعلقة في الغرفة ..

بصراحه حسستني اني رايحه مصر مو عمان …

كلها لوحاات فرعونية ..خخخخ ..

شوفوا معاي .. لوحتين والباقي مظلمات في الصور ..

الغرفة الثانية ما صورتها .. بس كاااانت تعيسة والفراش معفن

وريحته الرطوبة تضرب الراس من الخاطر

.. وتحسين بصعوبة بالتنفس .. ولأننا كنا واصلين بالليل ..

عدينا الليلة الأولى وراح اخوي الصبح مباشرة واحنا رقود خلانا

وراح حجز مكان ثاني ورجع خذنا لهناااك ..

قمت الصبح … واسمع صوت بقر ( الخوار )

قلت لأختي مب صوت بقر هذا ؟؟ قالت شو بيب البقر عند الفندق من صباح الله خير ..

ولما فتحت الدريشة لقيت سيارة البقرة في باركنات الفندق .. ويغردووون خخخ

بس بيني وبينكم مدري ليش حبيت المكااان الأول ..

بس الفندق الثاني كان يديد وتوه من اسبوع مخلص بنائه ..

يعني نظيف نظافة تامة .. واحنا افتتحنا الغرف

واول من يسكن فيه على ذمة صاحب الفندق ..

وشلنا قشنا وسرنا للفندق الثاني ..

فندق الهــنــــــــــــــــــــــــــــاء

وصلنا فندق الهناااء ..

نزل الشنط هو ويا العمال وما خلالنا ننزل ..

قال انتوا الحريم تعطلونا … خلونا نستغل الوقت ..

وركبنا السيارة وتوكلنا على الله ..

طبعا عندنا الجهاز هذا مرافقنا في كل مكان في الدولة وخارج الدولة ..

في حلة الضياع .. يحدد لنا الأتجاهات ونخزن فيه مكاننا علشان يحدد لنا

ويساعدنا في الره بعدين ..

وقال بيودينا لشاطئ المغسيل .. وكهف المرنيف ..

وهذي بعض الصور قبل الوصول للجهه المقصودة أعلاه ..

لاحظوا الكهووف …

وطبعا الطريج فيه عدد كبير من الحيوانات كالأبل والأبقار الأغنام … ولازم تكونون حذرين جدا جدا

..

بيــت الله الحرام تـــآأآأيـــــــم :






و بــــــــــث ^_^

و ططبعاا فالهوتيل مالنا كان شي يوميا بوفيه ريوووووووووووووووق . يمي ما افوتـــــه اكون انا اول وحده ناششششة ههههههههههههههههههههه
الاكـــــل لذذذذذذذذذذيذ يجنن حلوو
1 :

الكورفليكسسسسس بانواعه :

العصــــــــــــأآيــــــــــــر :

و هــذا طبــــقي الجميل ههههه :

و تعرفون لازم هالدبات حق الاهل فالبلاد خخخخخ :
( مااي زمزم )

انـــــآأآ ^_^ تصورت قبل مانرووح هع :

يـــــتــــــبع ..

حلووووووووو تقرييرج صح كلامج من بعدهااا رااحة وحسييت ما ابي اررجع اناسرت ورديت قببلج في الاجازة =) …. متعاايزة انزل تقرير

عييبني تصوويرج شو نوع الكاميرا اللي تستخدميينها

فديييييييتج حبيبتي تسسلمين غناتي

يلاا ان شاء الله يوم بتفضضين نزلي

نوعها : D550 canon

تقبل الله طاعتكم اختي

ومبروك عليكم العمرة الله لا يحرمنا ولا يحرمكم من زيارة بيته

الله على عمان

ذكرتيني بايام صلاله الحلوه مممممششششششششكوره

روووعععععععععععة

بس صور الثلج في صلالة وين مكانهن بالضبط؟؟؟؟؟؟؟؟؟؟!!!!!!!!!!!

على فكرة لو عمان تستغل المناطق اللي عنها صح

شان الخليجين والعرب كلهم في عمان لا اوروبا ولا شرق اسيا ولا بطيخ؟!! بس لو اهتمام شوية من ناحية الخدمات؟؟ صح كلامي اووووووو؟؟؟ شرايكم

صح اختي ام سالم والله المناطق روعه بس لو في خدمات افضل مثل الفنادق الراقيه لكن بعد انرد ونقول ان الواحد يوم يوصل هناك ويشوف الطبيعه الخلابه ينسى الطريج الطويل وينسى وين بيسكن وينسى كل شي ويقول سبحان الله فيما خلق

مش معقوله ثلج في جبل شمس ….في أي موسم ها

السلام عليكم ورحمه الله وبركاته …

في البداية حبيت اقولكم ان هالتقرير المفروض انزله من فترة طوووووووويله بس الهيازة اللي فيني ما خلتني انزله .. واليوم حسيت عمري ملانه وقلت فرصة انزل الموضوع عشان بنتي تشوفه لوووووووووووول …

الرحلة كانت لفيينا وايطاليا مع بعض المناطق في فيينا ..
بحط الصور للمناظر في كل دولة ..

اول شي فيينا ..
صور للساحة ..

الرجاء عدم الرد

اجرنا سيارة خاصة مع دريول ولحسن الحظ كان الدريول فلسطيني .. وطبعا كان مرشد سياحي وما خلى مكان ما ودانا .. وتم ويانا لنهاية السفرة .. وياخذ 200 يورو عن اليوم الواحد ..

في طريقنا الى زلمسي ..

وصلنا زلمسي .. المكان يجنن والطبيعه روووووووووووعه .. تحسين نفسج هايدي ههههههههههههههه

فندق جراند اللي كنا ساكنين فيه

الزحلاقية وااااااااااااايد حبيتها .. تركبين التلفريك لفوق الجبل وبعدين تزحلقين من اعلى الجبل بس للاسف نسيت كم متر طولها ..

سالزبورغ ..

هذي الحديقة فيها معالم كل الدول على شكل مجسمات مصغرة .. وكان فيها الاقصى بس للاسف دورناه وماحصلناه ويوم سألنا قالولنا شلوه (وماعرف شو السبب)

واخيرا وصلنا ايطاليا ..

[url=https://uaewomen.net/upload//uploads/images/uaewomen-66a8f03ba1.jpg][/url

[CENTER]

فى يوم من الايام قررت اخذ اجازة من شغلى وافضى راااااااسى

وقلت بطلع اتنزه مع خواتى وسرنا قصر المنتزه بالاسكندرية ومتحف الاسماك

واخدت بعض الصور بس تركت اماااكن كتيييييييير روعه ما صورتها

ان شاء الله المرة الجاية بصورلكم كل شئ
علشان تشوفوا جمااال مصر والطبيعه

واللى مايعرف قصر المنتزه ده كان قصر الملك فاروق حاكم مصر زماااااان
ماشاء الله الراجل كان عايش فى قصر بمساحه مدينه خخخخخخخخخخخخخخ
وحدائق وشوارع وبيووووت واستراحات وبحووور كل ده فى بيته
صرف كل اموال مصر على نفسه ههههههههههه

وانتظروا صور رحلتى لمدينه مرسى مطروح

دى صور للبحر الجميييييييل داخل قصر المنتزه

صور من داخل متحف الاسماك

ودى صورة من شباك المتحف لبحرى اسكندرية ومناطق الصيد

[/CENTER]

رووعه مااشااء الله

تسلمين اختي

حلو الصور

سبحان الله وبحمده سبحان الله العظيم

حلوة الصور تسلمين على هالرحله الحلوة

شحالكم بنات

حبيت اخبركم عن رحلتي الى ماليزيا – اتمنى اني افيد خواتي اللي بيسافرون ماليزيا

يلا جاهزين؟؟

1

2

3

نبدا

انا سرت ماليزيا 4-3-2017
طبعا يلسنا 7 ساعات ف الطيارة انا بغيت امووووووووووت
لاني مب متعودة ايلس مكان واحد ومااتحرك
وسفرتنا كانت ف الليل ماشفنا غير الليتات خخخ
والحمد لله وصلنا بالسلامة
وبصراحة هالوقت موووووووووول ماشي عرب
هالشي الوحيد اللي ماكان عايبني
لان كنا بروووووووحنا انا وريلي ولا مواااااااااااااااطن ف ماليزيا
حتى الماليزيين استغربوا يوم شافونا قالوا العرب موسمهم شهر 7
بس ع حظنا كان عندهم تنزيلات ف كل السناتر وكل شي رخيص شهر 7 يغلون اسعارهم

@@@ هي طيارتنا@@

@ @ @

هذا الفندق (رينيسانس) – احنا حجزنا كل شي من الامارات عسب مانتوهق

شوارعهم عكس شوارعنا – وسياييرهم جنه سيارات مال لعوب يلفون ع كيف كيفهم اي مكان – والسكان ع اليمين
ف البداية مخي انجلب عقب رد مكانه خخخ

هالمنظر من الفندق
شوفوا سحبهم كيف (اصلي) مب (تقليد) نفس اللي عنا ملوث ههههه
جوهم نقي والمطر يوميا يطيح على مدار السنة
يعني عادي الشمس طالعة والمطر يطيح
مطرهم عجيييييييييب ودرجة الحرارة عندهم 32 ماتتتغير

يـــــــــــــــــتـــــــــــــــــــبـــــــــــ ـــــــــــع

بصراحه روعه

ما شاء الله روعه انشاء الله استانستي و مشكوره ع التقرير

اول مكان سرناله (حديقة الحيوانات)

الحديقة كبيرة وااااااااااااااايد – يعني يبالكم جوتي رياضة
شي دكاكين ف الحديقة اهم شي تاخذون لكم ماي من اول ماتدخلون الحديقة لان يمكن تضيعون ولين ماتحصلون الدكان يباااااالكم

@ @ @

تبارك الله كانه صورة مرسومه،، عقبال ما أسافر تركيا < شو يخصة *_^ لوول

واليوم الثالث ركبنا التاكسي – وقلنا حق الريال ودينا اي مكان سياحي
جان يودينا صوب المنبع الحار (وااااااايد حار)
يقولون زين حق الروماتيزم واغلبية الناس ل يايين شياب وعييايز

[url=https://uaewomen.net/up/index.php?action=viewfile&id=3064][/url

هي بعض صور (المعبد الهندي) او( الكهف)
هالمكان رهيييييييييب انا اول مادخلت قلت سبحااااااااااااان الله كهف بهالحجم وعميييييق وايد
طبعا تصعدون على مااظن 400 دري لين توصلون الكهف
انا كل 20 دري ايلس استريح شوي
بس السبلان مايخلون الواحد ف حاله يتفلون ع الناس ويهجمون عليهم (بس الصراحة احنا كنا نلعوزهم شوي) هع هع

طبعا السبلان ف كل بقعة من ماليزيا

يبيعون اكل حق الحمام والناس يعطونهم عسب جي متيمعين عند المدخل

هذا هو السبال اللي كان يهددنا هههههههه – لاتودون وياكم اكياس لانهم بيهجمون عليكم

الكهف من برع و داخل – بس من داخل ظلام شوي – شي معبد ثاني صغير حق التماثيل بس وقبله نهر

عقب سرنا مركز يسمونه (تايم سكوير) المركز يتكون من بنايتين بينهم نهر وشي قوارب للي يبون يتجولون ف المركز وبرع المركز – بس المركز مخربط ماعرفنا راسنا من ريلنا – واللي عنا احلى بواااااااااايد

امــــــا بعد سرنا مكان يسمونه (شلالات) رووووووووووووووووعة – هذا احلى مكان سرتله لان مفتقدين الشلالات ف الامارات – هالمكان عبارة عن حديقة تتكون من 7 شلالات كل شلال فةق الثاني يعني تركبون الدري وعقب شلال لين ماتوصلون السابع
وشي مكان حق السباحة – الشلال ينزل ف حوض يعني حق الشباب اوكي

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

حلوه ماشاء الله

الواحد وده يسافر يغير هالجو الكئيب

مشكوره ماقصرتي

[IMG][/IMG]

[IMG][/IMG]

[IMG][/IMG]

[IMG][/IMG]

تجنن

مستحيل تكون هذي جزيرة كيش ,,
مع كامل إحترامي لج أكيد انتي ناقله هالموضوع
وإللي حاط هالتقرير حاط صور من أوروبا على أنها صور كيش ,,
هذي أبداً مب صور كيش ,,

حتى انا اقول مستحيييييييييييييييييييييييييل