ممكن بعض الكتب تساعد علا التعلم
فيها احرف او بعض كلمات بسيطه او صور
وتكرار الشي يعلمه يعني تعلمينه حرفين ثلاث
وبالمثل الكلمات او الصور
ويتم تكرارها لين الطفل يحفظ
وبعض الطفال يفضل تخلينه يشوف حركة الثمج كيف عسب
يحاول يقلد مخارج الحروف
التصنيف: ذوي الإحتياجات الخاصة
ذوي الإحتياجات الخاصة
التوحد ومعاناتي ؟؟
ارجوكن ابا مساعدتكن بالمعلومات عن التوحد في الامارات الي عندهم طفل يعاني منه خبروني كيف عالجتوه شو صار فيه صراحه راسي دار مره يقولون لي اضطراب تواصل مره توحد مركز زايد قال اضطراب تواصل مركز دبي للتوحد قالو توحد
اعصابي تعبت ما اعرف مصير ها الولد كيف اتصرف وياه خواتي ابا كل تجاربكم في الامارات يمكن معلومه تافهه تفرق وياي ارجوكن فرجو همي الله يفرج همكم
1- هل في فحوص عضويه للجسم يمكن تسبب له اعراض التوحد ؟؟؟تنصحوني اسويها
2- وين احسن دول في علاج التوحد المانيا او امريكا وشو اخر طرق العلاج وهل ياخذ وقت طويل وشو اسم االاماكن
3- هل الطفل الي فيه توحد لا قدر الله احسن يروح مدرسة توحد ولا يدمج في المدارس العاديه مع مدرسة ظل ؟؟
4- هل الي فيه توحد ما يتكلم طول عمره لاقدر الله هل هو عنيف هل ما يقدر يتعلم ؟؟؟؟؟
الياهل الي عندنا ينط وايد يرفرف بايده ما يتكلم الا كلمات محدوده يحضنا عادي يبتسم لنا يلعب مع خواته يوم يبا بس ما يستجيب للاوامر يعني اوقف اقعد صفق ما عنده صبر اذا يبا الشي يوديني له ويتم يصيح عداله واذا يقدر ايبه ايبه بروحه بس يعرف يله بناكل يله بنطلع يله سياره بس ما يتكلم يسوي اصوات
حسبي الله ونعم الوكيل
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }
انا ولد خالتي بامريكا عنده مرض التوحد الولد الحينه عمره 9سنوات يدرس طبيعي وييونه دكاتره للبيت يعلمونه الكلام بس ما يتكلم يعني كمعاشرتي له احسه وايد وايد ذكي, ما يتكلم ولما يتكلم عن نفسه او يبا شي يقول ريان يبا ها لانه اسمه ريان فتحسينه عايش في عالم خاص, يفهم الكلام بس ما يحب يتكلم ومرات يعيد الكلام اللي يسمعه اذا كلمه شخصو وايد حنون حساس في دراسته وايد اوكي بس مستوى الكلام عنده كطفل عمره سنتين مع انه كبير فسبحان الله ها المرض غريب ناس تقول انه بطء نمو او مرض نفسي ما يخصه لانه للحين محد يعرف شو مسببات ها المرض او علاجه
فأنصحج بالصبر وطولة البال وياه ولازم تكون له معامله ورعايه خاصه وأكيد بتواجهين نظرات او كلام من الناس لا تاخذين عليهم بالعكس لانه اللي اعرفه انه اللي عندهم مرض التوحد يكونون وايد اذكياء والله أعلم
بما انه يقدر يتكلم، يلعب مع خواته، يحضن، يبتسم .. الحمدلله …
التوحد مرض مزمن .. واللي يعانون من هالمرض اغلبهم يعيشون حياه تقريبا طبيعيه
وممكن انه يتحسن اذا عاش في بيئة تلبي حاجاته !
انا درست عن هالمرض : مااقدر اقولج يفضل انج تدمجينه في مدارس عاديه او لا .. لأنه في مختصين هم أدرى بهذا الشي ..
ممكن اذا درس في مراكز خاصه تتحسن حالته … وهم اللي يطلبون بدمجه في المدارس ..
طلب منج :
لاتهملين هذا الطفل لانه التدخل المبكر جدا مهم في تحسين حالته!!! أعراضه اللي قلتيها الحمدلله اعراض بسيطه ! وممكن يتحسن اذا في تفهم و وعي منكم كأسره!
عن طريق المراكز المختصه ، حاولي تعرفين طرق التعامل مع هالطفل ! وتساعدينه يتواصل بطريقه صح ويتعلم صح !
هالاطفال يحتاجون ل صبر
وانه نعطيهم فرصه عشان نفهمهم
كوني سلسه في التعامل معاه ..
.
.
دمتِ بخير انتي وطفلج !
واسال الله العظيم رب العرش العظيم ان يشفي كل المصابين بهذا المرض
نادي الثقة للمعاقين
خواتي أعضاء منتدى سيدات الإمارات
عندي سؤال يتعلق بنادي الثقة للمعاقين أو خلنا نقول مجموعة أسئلة
أولا: في وحدة منكم تعرف حد دخل هذا النادي؟ والشو النغيرات اللي صرات بحياته؟
ثانيا: هل يقبلون حالات معينة؟
يعني بس اللي قادر يتكلم ويمشي ويعني معتمد على نفسه ولا كل الحالات؟
ثالثا: هل خذا النادي للكبار فقط أم للصغار؟
واذا عندكم أي شيء يتعلق بالنادي اتمنى انكم تفيدوني
سويت بحث في جوجل وما حصلت شيء
اتمنى انكم تفيدوني وانا شاكرة لكم جميعا
وعندهم ويب سايت بس ماشتغل عندي
انا عضوه في احد النوادي وان شالله بساعدج بكل شي
محتاجة مدربة لابنتي علاج طبيعي و نطق و وظيفي
شحالكن خواتي
الغاليات ابا مساعده
بنتي عندها تاخر نمو لانه راسها صغير ف ما تقدر تقعد ولا تمشي او تتكلم
محتاجه مدربة تعرف تعطي علاج طبيعي او نطق او وظيفي
الا تعرف ممكن تساعدني المواعيد ف المستشفيات الحكومية تتاخر ومرة ف الاسبوع وانا اباه مكثف
انا من العين
وفي ميزان حسناتكن يارب
بالنسبه للوظيفي تمي على توام لان كل المستشفيات الخاصه مالت العلاج اللي فالعين ما عندهم وظيفي اصلا
العلاج الوظيفي مهم و مركز تاهيل توزام الوحيدين اللي يفصلون جبيره حسب الطلب و طبيعة الحاله
قصدي الجبيره البلاستيك اللي تتبطل وتتركب
انا اوديهم طبيعي في مركز الفيصل الطبي عدال دوار الصناعيه
صراحه الحين كملت اثر من ثلاث سنين وياهم عشان الطبيعي لكن للوظيفي مالج غير توام
انا وااااااايد دورت و سالت و كلامي هذا عن تجربه
فييه مركز عدال الفيصل للعلاج الطبيعي بعد اظن اسمه خطوه او شي جي بس صراحه ما جربته
ركزي على العلاج الطبيعي وااااااااايد مهم لقوة و مرونه العضلات
الله يشفيها و يعافيها و يااجرج على الله على تعبج و الله اني حااااااسه فيج يا الغاليه اذابغيتي اي شي راسليني ع الخاص و فالج طيب
اتصلي و تاكدي لاني اذكر انهم سكرو هلاقسم لان ما عندهم موظفين او شي جي …….. مب متاكده
اللهم امين اجمعبن تسلمين
والله يا الغالية بكمل شهر وانا انتظر موعد توام لاني رديت من السفر علاج ل بنتي وقطعت 4 شهور وانتظر الموعد عسب الدكتور يوافق انها ترجع العلاجات وكل ما اروح مراكز خاصه اسجلها راعية منزلية يرفضون او بالاصح يقولون الثقه رفضت وصار لي سنه ف تدربيات الا تعطيها توام وكله زحمه ف المركز ومرة فالاسبوع تاخد بس علاج طبيعي خاططري علاجات مكثفه ودي تتحسن وتكبر مع اختها التاخير ما فصالحهم ومرة ف الاسبوع وهالمرة تكون 45 دقيقه ما رح تساعد لتقدمهم
سيري الاستقبال ف عيادة الاعصاب و اكيد بيساعدونج
او سيري عند الموظفات في شؤون المرضى في المبنى الرئيسي وايد بيساعدنج . انا اكلم لينا ماشالله عليها
اذا ما يحتاي يشوف الدكتور البيبي سوي شرا ما قلتلج
انا يبت تقرير عملية النمسا و عطيتها لمركز الفيصل
لام المركز ما كان يسوي علاج لولدي اكثر من ربع ساعه بسسس تخيلي
بعد ما ردينا من السفر و عطيناهم التقرير زادو المده و استوت الحين نص ساعه
حبيبتي حاولي انت تساعدينها و تسويلن لها تمارين فالبيت بعد
الله يشفيها
كيفية التعامل مع الاطفال المضطربين لغويا وسلوكيا
لاحظت في الاونة الاخيرة كثير من تساؤلات الاخوات عن كيفية التعامل مع الاطفال الي عندهم اضطرابات لغوية وسلوكية وطرق التواصل معاهم وادماجهم في الوسط الاسري
انا كنت اعاني نفس المشكلة مع ولدي لكن فضل الله ارشدني دكتور الى الدكتورة حورية كانت تشتغل قبل في مستشفى راشد الحين موجودة في ****
وهي تخصص يشمل كل انواع الاضطرابات اللغوية والتواصل والاضطرابات الذهنية والسلوكية وصعوبات التعلم
شخصت حالة ولدي بانه عنده فرط حركة وعدم انتباه كان ولدي ما يتكلم وصعب التواصل معاه
لكن ماشاء الله الحين من بدانا المراجعة عندها وفي فترة قصيرة الحمد لله لاحظنا تحسن كبير في سلوك ولدي وفي تعلمه الكلام وصار طبعه هادئ
لاني استفدت منه حبيت اني افيدكم بتجربتي وياها
والله يحفظ عيالنا وعيالكم ويهديهم
ولدي نفس الحاله عمره 3 و متاخر فالكلام و عنده مشكله فالسلوكيات.
السلام عليكم
ان شالله البنات يفيدوكي
اختي اعرضيها على طبيب انف واذن وحنجرة
بنتي كملت سنتين ولين الحين ما تتكلم عدل
كلمات معدودة وغير مفهومة
ختيه يمكن السماعات فيهن شي يعني يوش وشن عليها
ولا مختربات او صوتهن عالي ماتتحمله
وحاولي تحبيبينها بالسماعه او حتى تحطين لج شي
مثل السماعه عشان تفتكر ان الكل لازم يلبس
وحاولي تكلمينها انتي وايد
وبالنسبه للمعاملت في مراكز تعليم المعاقين
او خاصه اذا تواجد لاني شفت اخوات يعرضن ع المنتدى
انهن يعلم
والله يكون في عونج وتحصلين
لغة الاشارة- Sign Language
.
.
السلام عليكم ورحمة الله وبركاته
خواتي حد منكن يعرف وين ممكن أحصل اخصائي في لغة الاشارة باللغة الانجليزيه؟
أو مكان يعطون دورات في لغة الاشارة
بليز اللي تعرف تساعدني
والله يجعله في ميزان حسناتكم آآآآآمين
مشكورات حبيباتي
.
.
.
تتم الافادة عبر الرسائل الخاااااصه
بس ان شاء الله الخوااااااات يفيدونج
تسلمين غناتي ماقصرتي …
.
.
.
بليز ينات اللي تعرف لا تبخل عليه plzzz
.
.
ثانكس حبيباتي ^^
.
.
مدرسات الظل
اخواتي كيف اقدر اوصل لمدرسة ظل لها خبره في الاطفال الذي لهم احتياجات خاصه وتكون عملها مرافقة الطفل اثناء وقته الدراسي الي تعرف حد ترسل لي
ذوي الاحتياجات الخاصه!!
خواتي بغيت أسأل اذا في وحده تعرف عن مكان لذوي الاحتياجات الخاصه و صعوبات التعلم ف بوظبي
اذا تعرفن لاتبخلن علي .. باسم او رقم تلفون
اذا قصدج للدراسة (عندج مركز بوظبي لذوي الاحتياجات الخاصة) ومكانه في المفرق
وعندج مراكز خاصة في بوظبي من ضمن اللي اذكره مركز النور ..
مشكووووووووره وماقصرتي
ان شاء الله حد يفيدج حبوبة
للرفع
مؤسسة زايد العليا
يا اخواتي البنات والامهات والمعلمات
أبي منكم لو سمحتو لأي وحدة عندها خلفية عن مؤسسة زايد للرعايا الانسانية وذوي الاحتياجات الخاصة
عندي اسألة وياليت اللي تعرف تجاوبني
ما هي مصادر التمويل للمؤسسة؟
هل المؤسسة مشاركة باتفاقات الأمم المتحدة مثلا أو غيرها من السياسات والقوانين؟
كيف أحصل على احصائيات تخص المؤسسة؟؟
أبي الأجوبة خلال هالاسبوع جزاكم الله خير .. انتظر مساعدتكم ^^