السلام عليكم ورحمة الله وبركاته . .
أنا برمسكم فـ سالفة انرمس فيها وايد بس صج تضيج بالشخص غصب. .
سؤال . . .؟
الحين الشخص لما يطرح موضوع شو يكون هدفه ..؟
انا بجاوب. . أكيد يبا يستفيد او يفيد . .
انتوا اللي يبا يفيدكم تاخذون كلاامه واللي يبا يستفيد حتى لو موضوعه عادي
لازم بتدش جمن وحده بأسلوبهم اللي مافيه اي نوع من الرقي او الاحترام ..
أنا مثلا عندي مشكله أحس انها كبيره بالنسبه لي بس أخاف أكتبها وحد ياكلني
وانا من النوع الحساس يعني لو شفت وحده اسلوبها مب شي على طول بصيح
مشكله عاديه جدا بس بعد اللي شفته والله قمنــا نحاسب مليون مره قبل لا نطرح اي
موضوع . ..!!
لانه بعض البنات جنها متضاربه ويا زوجها ولا حد من اهلها وتبا تحط حرتها
فالمسكينه اللي طارحه الموضوع ..
بعض المواضيع حساسه والمفروض ماتنطرح ما اختلفنا في هالشي .. بس في
اسلوب راقي فالاعتراض .. يعني ما عيبج شي مب لازم تكتبين فالموضوع عندج
طريقتين ممكن تبينين انه الموضوع ما عيبج :
1. تطرشين حق الاداره
2. تراسلين العضوه نفسها بأسلوب حلو وتشرحين لها وجهة نظرج
لانه اذا كان اعتراضج خوف عليها هي نفسها وهي حست بـ هالشي من
اسلوبج اكيد بتسمع كلاامج .. اما والله انتي ما تستحين وما أدري شووو
منو بيسمع الكلاام اللي تقولينه . . .؟!!
أنا نفسي لو رمستني وحده بأسلوب ماعيبني مستحيل آخذ بكلاامها
حتى لو كان صح .. اما لو طرشت بكل احترام فالخاص وقالت فلاانه
انا ماعيبني موضوعج الفلان والمفروض تسوين جيه وجيه على طوول
بسمع اللي تقوله لانها تبا مصلحتي . .!!
اقتراح للاداره . .
انا من رأيي تحاسبون هالنوع من ا لعضوات يعني البعض يمصخها الصراحه
عالاقل تحذير فـ رساله خاصه عسب ماتكرر هالاسلوب فالرمسه وفالنهايه ترى
خسارة عضوه وحده افضل من 100 عضوه يكرهون عمارهم ويكرهون المنتدى
بسبة اسلوب فلانه . . . !!
نصيحه لهالنوع من العضوات . .
قبل لا تكتبون اي كلمه فكروا فيها مره ومرتين وعشر. . قولي لو انا انقالت لي
هالكلمه هل بتكون عادي بالنسبه لي ولا بتضايج ؟؟ ولا تقولين العضوه ما تستحي
وطارحه هالموضوع ومن هالكلاام .. مهما كان الموضوع هذا مب مبرر عندج
مليون طريقه توصلين فيها اعتراضج شرات ماقلنا قبــل ..
أحس اني تفلسفت .. بس صج كنت ناويه اطرح موضوع مع انه عادي بس ترددت
وايد ..!!
بس حلوه هاي مضاربه ويا اهلها واتطلع حرتها في الصاحبة الموضوع
ذكرتيني بايام المدرسه اونه يوم المعلمه تي معصبه وتحرج علينا (انقول مضاربه ويا ريلها واتطلع حرتها فينا؟)
هاهاهاهاهاهاهاها مره كلنا جدام الاخصائيه هالرمسه ماتت من الضحك
انزين صج ترى ماشي تبرير ثاني
يعني بالذمه داشه متحمسه وبتاكل البنت ليش. .
ادري الاداريات مب قصرات وما نقدر نلومهم
لانه المنتدى كبير ماشاء الله ووايد مواضيع
تنزل كل يوم يعني مايقدرون يتابعون الردود
بس هالشي دورنا نحن المفروض شفنا اي شي
ماعيبنا نرمس الاداريه واذا هي شافته غلط بتحذفه
اما اذا مافيه شي خلااص بيتم مكانه وينكون سوينا
اللي علينــا .. . .
و الله البارحه بعد رديت على وحده بخصوص هالموضوع
قسم بالله قمنا نخاااف نحط مواضيع و السبب هو بعض الردود الجاااارحه
و انا بعد مثلج اذا شفت كلمة تجرحني على طووووووووول الدموع اربع اربع
فدووم اقول ابعد عن الشر و غنيله و ما قمت حتى اكتب اي موضووع
و اللي تحس عمرها ما عندها اسلووووب ما يحتاي تكتب اي رد
حرام والله مثل ما كل وحده ما تبا تنجرح و تتفشل بليز خل تعامل الناس بالمثل
ترانا بشر و خوات 
و الكلمة الطيبه ما في احسن عنها و تدخل القلب خاااصه اذا كانت نصيحه
انا عن نفسي اذا وحده نصحتني باسلوب مب حلى اعاااند و اكرر الغلط بس الاسلوب الحلو و الكلمه و النصيحه الطيبه على طول بسمعها
و يزاج الله خير على هالموضووع بصراحه وايد عيبني و كنت ابا ارمس فيه من فتره بس قلت ما يحتاي اخاف اصيح ههههه
و ربي يوفقج دنيا و اخره
فيه عضوات الله ياكافي ماعندهم اسلوب تقولين جاهلات مايفهمن وكله يضاربن مدري
يحسبونه قوه ماادري ايش النظريه عندهن مايدرن ان الله ممكن يبليهن بس لاتاخذين على عمرك
70 / من العضوات صغاريه تحت العشرين و هذولي ايش تقولين فيهن الله يهديهن
للرفع
المشاركة الأصلية كتبت بواسطة Amore 
