شخباركم أنا أول مره احطي موضوع في هالقسم
تمنى انكم تشجعوني عسب اني انزّل اي سويت اسويه عندكم
خصوصا اختكم كيب راك مب فالحة الا في الحلويات بس
أولاًــ الطبقة الاولى :-نحتاج بسكويت داجيستيف
و اصبع زبده بس ما صورته
نطحن البسكوت ونحطيه في قالب الكيك (متحرك القاعده) ونبشر فوقه الزبده
بعدين نضغط على البسكويت زين لين يتماسك
جذه خلصت الطبقة الاولى ونضعها في الفريزر لين نخلص الطبقة الثانيه
ثانيا_ الطبقة الثانيةونحتاج فيها
نضع الحليب المركز المحلى وظرف دريم ويب وقشطة وجبن فيلادلفيا ما دري ليش ما طلع في الصورة
و(نذوب ملعقتين من الجيلاتين في ثلث كوب ما حار) في الخلاط
ونشغل الخلاط خخخخ
بعدين نطلع الصينية من الفريزر ونصب الخليط فوق الطبقة الاولى >>
وعقب ندخلها في الثلاجة
ولا تنسون باب الثلاجه مفتوح سكروها خخخخخ
عاد عقب صدوا وراكم بتشوفون المطبخ جيه صاير
بهبة ريح بيستوي
المهم خلو الجيز كيك في الثلاجة لمدة 3 ساعات وعقب بالهناو العافيه
واسمحوليييي قطعت الجيز كيك و وديته بيت ابويه ونسيييت اصوره
مره ثانيه ان شاء الله
تسلم اييدج اختي . . , ’
=)
