اخواتي الحبيباات اليووم العصريه سويت Cinnamon Roll على طريقتي
طبعا لكل وحده فينا عجينتها الخاااصه وكل عجينه لها طعمها الخااص
واتمنى Cinnamon Roll اليوم الي بسويه يعجبكم
خلونا نبدء
بسم الله
مقادير العجينه
استخدمو كوب جبنه بوك الي مثل كوب الماي عشان تضبط المقادير عندكم
2 كوب طحين متعدد الاستخدامات منخول
نص كوب حليب بودره
نص كوب حليب على درجه حراره الغرفه
فنجان سكر
فنجان زيت نباتي
فنجان ماء دافئ
م ص ممسوحه بيكنج باودر
م ص ممسوحه خميره فوريه
رشة ملح اي نص م ص
نخلط المقادير الجافه : طحين – ملح – حليب بودره – بيكنج باودر – ونحطه على جنب
نخلط : السكر – خميره فوريه – وفنجان ماء دافئ – مع بعض ونخليه لمده 10 دقائق
وبعد 10 دقائق نحط في خلطه الخميره الفوريه حليب و الزيت
ونعجن فيه الطحين اذا اظافركم طويله اعجنوها بمكينه العجن
واذا تقصووون اظااافركم اعجنوها باليد ^_^
وكثر ماعجنتوها كثر ما صاارت العجينه طريه ونتركها تتخمر لمده ساااعه
وهاااي العجينه قبل التخمير وبعد التخمير
والين تتخمر خلونا نحظر الحشوه الداخليه
وصوووص الي نحطه فووق التوفي و الصوص الابيض
طبعا كل واحده لها طريقتها في عمل صوص التوفي وصوص الابيض و الحشوه
وهاااي طريقتي في عملها الي تعجبني
خلونها أولا نسوي الحشوه الداخليه
نحتاج الى
1 م ط ك كاكاو بودره
1 م ط ك قرفه بودره
1 م ط ك سكر عادي البعض يفضل السكر البني بس احس انه فيه طعم حاد لهذا افضل العادي
25 جرام زبده على درجه حراره الغرفه
نص كوب جوز أو مثل مايسميه البعض عين الجمل مقطه الي قطع وسط
نخلط الكاكاو وسكر ولقرفه مع بعض ونحطه على جنب
الحين الصوص الي نصبه فوقه
نحتاج الى
لصوص التوفي نحتاج الى
4 حبات من التوفي مثل مافي الصوره
وفنجان قشطه ساائله
ولصوص الابيض نحتاج الى
ربع من قشطه قيمر
م ص سكر عادي
صوص التوفي
نحط على نار هاديه التوفي ولقشطه السائله الين تسيح
بعد ماتسيح نشيلها عن النار ونحطها على جنب
الصوص الابيض
نخلط القيمر مع السكر ونحطه على جنب
وهذا الصوصين جاهزين عندنا
يتبــــــــــــــــــــع
نفردها على طاوله المطبخ نظيفه بعد رشها بطحين عشاان ماتلصق العجينه
ندهنها بزبده لاتخلصون الزبده خلو منها شويه عشاان ندهن السينابون قبل تدخيلها الفرن
ونرش عليها خليط القرفه ونحط فوقه الجوز الي هو عين الجمل
ونلفها شوي شوي مب بسرعه براحااات يعني وبعدين نقطعها على شكل دوائر
مب لازم تقطعونها بنفس المقاااس عادي لو طلعت كمن وحده على احجام مختلفه براحتكم يعني
ندهن الصينيه ونصفيه فيه
ونضغط بأيدنا السينابون شوي شوي
نخليها ترتاح لمدة 15 دقيقه
وفي هاي الاثناء نشغل الفرن ونخليه يسخن استخدم فرن كهربائي
بعد مارتاحت
ندهنها بزبده وندخلها الفرن الساخن أول شيء من تحت لمده 10 دقائق
وبعدين نشغلها من فوق وتحت الين تحمر من من فوق ونطلعها من الفرن
هنيه بعد ماحمرت وطلعناها من الفرن
وهنيه بعد ماصبيت فوقها صوص التوفي وصوص الابيض
ووقت التقديم زينوها بشويه هريشه شوكولاه ومكسرات على ذوقكم
من الداخل
وقدموها مع القهوه البارده او الساخنه او اي مشروب انتو تفضلونه
وهذا اول طبق لاول رد ^_^
ان شااء الله يعجبكم طبق العصريه اليووم
ولا تنسوني من صالح دعواتكم
في أمان الله
^_^
طبعااا بدون كلام خزنت الصفحه
مع اني اسويه بس حابه اجرب طريقتج
اكتب بسرعه عشان يكون اول طبق لي
تسلم هالايادي يارب
المشاركة الأصلية كتبت بواسطة قصص 
طبعااا بدون كلام خزنت الصفحه
مع اني اسويه بس حابه اجرب طريقتج
اكتب بسرعه عشان يكون اول طبق لي
تسلم هالايادي يارب
بالعافيه عليج حبوووبه
وان شااء الله اشووف تطبيقج
واسعدني حظورج المميز على صفحتى المتواضعه
شكرا
^_^
ما شاء الله عليج
مع اني ما احبه .. بس تبين الصراحة أشتهيتها من ايدج
ع كل حال ^_^ أنا سرقة الطريقة ^_^
المشاركة الأصلية كتبت بواسطة نوفاني ويعافيج حبووبه
يالله اليوم الي سويته كل وحده تاخذ لها قطعه وبالعافيه عليكم حبووبه
تسلمين فديتج على مرورج الجميل لصفحتى
لا تحرمينا منها
^_^
