تعبت من جفاف وتشقاق القدم لفترة طويلة يمكن سنة ..
ماخليت شي ما استعملته .. ولا خليت خلطه ما جربتها ..
كل مره يكون العلاج مؤقت .. لفترة بسيطة ومن اتركه .. ترد أقدامي مثل قبل 
بس من خذت هالكريم .. بناءً على نصيحة دكتور استشاري في الجلدية ..
والله أني نسيت شي اسمه تشققات .. اختلفن ريولي 180 درجة ولله الحمد ..
(( مالي حايه امدح في الكريم ولا في الدكتور .. النتايج المرضيه اللي شفتها فيني أنا شخصياً .. شجعتني انصحكن بهذا الكريم )
نصحني بهالكريم لتشققات القدم .. من شركة .. DU’IT الاسترالية ..
ومن عقب ما استخدمته .. ما اقول غير الحمدلله والشكر ..
حتى أن أمي كانت ما تشوف علي من الغيظ عشان تشققات ريولي ..
والحين .. تقولي ياوييييييلج إن ودرتي استخدام هالكريم .. خليج ريولج حلوه مثل البنات 
حتى أنها هي قامت تنصح به الناس ..
قبل كانت اقدامي تسوي صوت من تحتك بالفراش من خشونتهن ..
وحتى أن بعض شلاحي من تحت تخترب من كثرة التشققات من الإحتكاك ..
بس من عقب ما استخدمت هالكريم .. بفضل الله احمده واشكره ..
ومن ثم لنصيحة هالدكتور ربي يوفقه .. نسييييييييت شي اسمه خشونه وتشققات الأقدام ..
من فترة كنت اراجع عند هالدكتور .. واشتكيت له من جفاف بسيط في ظهر اليدين ..
قالي هذا شي طبيعي مع بداية الشتاء .. بس لازم تحافظين على نعومتهن .. وتراعينهن .. ونصحني بكريم لليدين والوجه وينفع للجسم بعد ..
من نفس ماركة هالكريم ..
بس كريم الأقدام لونه اصفر .. وكريم اليدين والوجة والجسم لونه ازرق ..
اللي يميز هالكريم ان عليه صورة تمساح ..
يخفف الجفاف وايد .. وينور باليدين والوجه ..
وترا فترة الإستخدام مرتين في اليوم على حسب جفاف البشرة ..
ولا يغسل بالصابون .. إذا بغيتي تغسلين ويهج أو إيديج ..
اغسليهن بالماء بس .. لأنه خفيف ع البشرة ..
على فكرة الكريم خذته من مستشفى حكومي .. بالتأكيد بتحصلنه في الصيدلية ..
كريم الأقدام مكتوب عليه ..
FOOT & HEEL BALM PLUS
for very dry, rough feet and cracked heels
ومعلومات إضافيه عن المنتج هذا الرابط ..
https://www.cincottachemist.com.au/pr…php?crk=201612
أما كريم اليدين مكتوب عليه ..
HAND & BODY
intensive treatment for dry or seriously dry skin
يمكن يختلف شوي كرتون الكريم ..
( اللي عندنا في الإمارات شكله أصلي ) .. احس أن اللي في الموقع شركة تقليد .. بس أنا حطيت إلكن الرابط عشان تآخذن فكرة عن صورته وشكله ..
.. موفقات خير إن شاء الله ..
.. لا تنسني من صالح دعواتكن ..
والله انا بعد هالفتره حاسه بجفاف فايديني ولايعه جبدي منه
انشاء الله بجرب هالمنتج
والصراحة وااايد مفيد
حياكن الله عزيزاتي .. وإن شاء الله الكل يستفيد من هالكريمات ..
وللتأكيد من نتايجه المرضيه .. هذا رابط موضوع الأخت .. همسـة ..
ما شاء الله عليها نزلت موضوع عن نفس الكريم ..
كتبت فيه استفادتها منه في نفس الوقت اللي انا استخدمت واستفدت بعد من نفس الكريم ..
https://www.uaewomen.net/showthread.php?p=3789760
ربي يوفق الجميع ..
