الوسم: الأحجار

سريلانكا.. سيلون.. سيلان.. سرنديب..

هي عبارة عن جزيرة تقع جنوب شرق الهند وفي شمال المحيط الهندي

المدن:
كولومبو: العاصمة
كاندي: ثاني مدينة من حيث المساحة وعدد السكان بعد كولومبو
نوراليا: مدينة جبلية باردة بها مزارع ومصانع الشاي
بنتوته او نيقومبو : مدينة السمك
العملة: الروبية السيريلانكية

أسعار الصرف: 1دولار أمريكي=100روبية سيريلانكية
او 1 درهم إماراتي=29 روبية سيريلانكية
1ريال سعودي=25روبية سيريلانكية تقريبا

الديانة: بها عدة ديانات لكن الأبرز
1- البوذية: هي الديانة المنتشرة والحاكمة ولها الكثير من المعابد ( صنم بوذا ) في سيريلانكا
2- التاميل: هم عباد البقر ويعرفون بالنقطة الحمراء على جباههم
3- المسلمين: وهم قليل وما نسبته 7% فقط ( على كلام احد المسلمين هناك )

فارق التوقيت: +6 عن توقيت جرينتش و +4 عن توقيت الامارات

التيار الكهربائي: 220V ، 50 zH

اللغة: السيريلانكية وهي اللغة الرسمية ولكن يتقن أهل البلد اللغة الانجليزية وقليل من يتكلم العربية

===================================

طبعا السفر كان بتاريخ 19/12/2017 كما ذكرت سلفا وحتى 24/12/2017
على الخطوط الإماراتية.. درجة رجال الإعمال.. تكلفة التذكرتين 9500 درهم
طبعا من وكالة السفريات حجزنا فندق الهيلتون كولمبو.. لمدة ليلتان فقط

طيارتنا كانت الساعه 5 العصر
وصلنا الساعه 8 مساء

يتم منح الزائر فيزا سياحية مجانية لمدة شهر ..

الصورة من احد الاخوان

بعد ماتستلمون الامتعه وقبل الخروج للبوابه.. ستجدون صرافين (تحويل)
وانا انصح الاعضااء ومن يزور سيريلانكا بأن يصرف في المطار ، لانه اعلى سعر ممكن تلاقيه، في المدينة وفي الفنادق..يخسرونكم شوي..

عمله الدولار واليورو جداا مهمه في سيريلانكا لانهم يريدووون رفع عملتهم بالعمله الاوربية والانجليزية ، يعني تعااملهم بالدولار اكثر ..

طبعا ناس وايد تعااملو مع شخص اسمه زهراني، وهو مغربي او جزائري نسيت جنسيته، وحذرونه من التعامل معاه لانه نصب عليهم.. خليكم مع السيرلانكيين لانهم احسن واااايد
اما بخصوص (زهراني) انا لم اتعامل معااااه ، وانماا قرأت للبعض بانه جيد، والبعض الاخر قال بأنه استغلاالي .. لذا لم يأتي على بالنا ابداً (لاني عضوة في منتدى آخر.. والجماعة ذكروا اللي اسمه زهراني.. وحبيت انوهكم)

من المطار الى الفندق 45 دقيقة لانه زحمة.. والمسافة اصلا 30 دقيقة

لما تطلعون من المطار لكم طريقين.. يا تروحون العاصمة على طوول.. نص ساعه
او تروحون مدينة نيقومبو… نص ساعه.. وتخلون العاصمة لآخر يوم…

=====================================

التالي………….. كولومبو العاصمة

انتظروني.. الظهر ان شاء الله

العاصمو كولومبو…

فندق هيلتون…… خمس نجوم……

طبعا موسم اعياد.. للمسلمين والمسيح……. وكانوا وايد مستانسين بالكريسمس.. ومسوين حركات في اللوبي..

هذا الفندق من برع

اللوبي

الغرفة من داخل

صورة آخرى

الحمام وانتوا بكرامة

الميني بار

طبعا الصبح كان عيد الاضحى المبارك.. فزوجي الغالي.. عطاني عيديه.. كوب نسكافيه معتبر

وبعد ساعه نزلنا المطعم نتريق..

رجعنا الغرفة تجهزنا..

من البلكونة.. صورتلكم هذي لانه اليوم اللي وصلنا فيه ليل ومطر..

واستعدينا لجولتنا في العاصمة..
طبعا اخذنا سيارة من الفندق.. مع السايق.. وبصراحه السايق ماقصر ابد معانا..
واللي راح تفكر في سريلانكا.. تخبرني عشان اعطيها اسم السايق.. رجل امين.. بتعرفون ليش بعدين..

نزلنا بعد ساعه تقريبا.. خذنا جولة في الفندق.. وتعرفنا على المطاعم.. وعلى الكوفيهات والمحلات..

لفينا من الساعه العاشره صباحا وحتى الساعه الواحده والنصف ظهرا

رحنا متحف الاحجار الكريمة.. Gems Museum ,, وياكثرهم في سيرلانكا

وهني صورة من المتحف… صورة للعمق اللي ينزلون فيه ويسحبون من الماي.. عشان يستخرجون الاحجار

وهذي بعض من الاحجار

وبعدين رحنا لكذا سنتر..

MAJESTIC CITY
CRESCAT BOULEVARD
LIBERTY PLAZA
HOUSE OF FASHIONS ( رخيص ..بضاعتهم مب شي )
ODEL… نفس اسعارنا.. فيه درهي..ومورجان.. وoxox وغيرها من الماركات
غالي … مب رخييييييييص.. بس عندهم شغلات حلوة للأطفال.. من لبس ولعب..
خذت بنطلون وقميص.. طلع سعرهم.. 900 درهم عورني قلبي وانا ع الكاشير.. استخسرت في السيلانيين..هههههه

مرينا على بيفرلي ستريت Beverly Street… محل حلو شرات مانجو وزارا.. بس بضاعتهم ارقى..
fashion Bug
soft logic…. اثاث مودرن.. وايد عجبني
archard….. ساري.. رهييييييييب.. وشيك

مبنى الاستقلال

معبد في وسط المدينة

وسط المدينة

عندي وايد صور للمدينة مابقدر احطها كلها… عملية التحميل وايد متعبه..

المهم. على الساعه 1 ونصف .. يعنا.. هيه يعنا.. متريقين الساعه 9..

خذانا السايق اللي يطول بعمره.. لمطعم رهيييييييييييب.. امامه بالضبط سكة حديد.. يعني ديروا بالكم وانتوا داخلين المطعم… نحن شفنا القطار ونحن طالعين..

صور للمطعم…………

صور للوجبه….طبعا بحري بحت.. ورخييييييييص.. بس اكله لذيييييذ

طبعا وانتوا تاكلون هالمنظر جدامكم

وعنده كتاب قدي.. كل الناس تكتب فيه.. وبتلاقوني كاتبه اذا رحتوا له..

واخيرا….. رجعنا الفندق… وكنا خلاص منهديييييييييييييييين… ماطلعنا قضينا اليوم في الغرفة واللوبي..
واتعشينا في الفندق.. فيه ممر من المسبح للمطعم الايطالي .. ويمر من فوق الشارع.. اكلهم حلوو

رجعنا الغرفة… وجهزنا اغراضنا للغد………..

إلى كاندي…………. تابعوني

مشكووووورة اختي على التقرير الرائع ,,,

^ـ^

نحنا كنا قبل شهرين في سرلنكا
الصراحة الجو عجيب هناااك خصوصا منطقة نورعليا كان ودنا ما نرجع للبلاد مووووول
والسائق الي اخذنا كان جدا امين ومحترم ( مسيحي ) بس انسان خلوق ومثقف وما خلانا نمل وطول الدرب وهو يسولف معانا ويضحك وكان يشرح لنا كل شي بالتفصيل الصراحة ما قصر
انا انصح كل عائله تروح لسرلنكا تتعاون مع المكتب الي جنب مكتب زهراني وتااااخذ السائق ( نيشان )

كملي اختي …….والله شوقتيني ل سرلنكا

يا سلام على التقرير الرائع والمفصل
بصراحة ما توقعت سيرلانكا جي… وطلعت مب هينه! خخخخخ

كملي التقرير المشوق ومتابعينج

تحياتي

مشكورة حبوبة على الصور والتقرير الرائع

شحالم خواتي

بما أن الموضه الحين هالإكسسوار

فحبيت ألبسه للعيد

وين بحصل إكسسوارات الفضه والأحجار الكريمه بس تكون راقيه وأسعارها مناسبه

وتسلموووووووون

للرفع

إن شاء الله البنات بيفيدنج ما بيقصرن

تسلمووووووون

فى سوق الذهب فى دبى فيه اكتر من محل بيبعهم
والسوق المركزى فى الشارقه