الوسم: الأسعار

**محتويات شنطتي:-
1. الحلويات الخفيفة.
2. كلينكس معطر من النوع الكبير…للعلم وايد نفعني في الحالات الطارئة مثل تنظيف اليهال بعد الأكل، ونحن بعد بعد ما ناكل والحمامات العمومية للعيال…وتنظيف الياهل اللي عندي بوحفاظة….
3. كلينكس ناشف.
4. مشط وشباصة احتياط
5. بوكي
6. قلمي والنوتة.
7. الكاميرا
8. الأي بود
9. سيرين لحماية الأطفال من الزحمة.

**من بيبي شوب**

**من مذركير**
هذا شكل السيور

10. اوراق وارشادات عن تركيا طبعتها بالترتيب حسب الأماكن اللي
بانروحلها بالضبط.
11. موبايلين للاحتياط ان اخترب واحد الثاني شغال للعلم عندي
معلومة بأنج لو يلستي اكثر من اسبوعين في تركيا التليفون ما يشتغل انا
قلت يمكن من فولت الكهرباء ولا شي..
12.مروحة ورقية لأني حاطة حساب الحر.

**محتويات شنطة ولدي:
1. مرضعتين للحليب.
2. مطارة الماي الحار.
3. مرضعة للماي.
4. مرضعة للعصير.
5. حافظة للحليب المجفف.
6. حفاظات للصغار وللكبار على شكل هافات في حالة ابتلشنا ولا لقينا
حمامات للعلم وايد نفعوني وانصحكم فيهن بتلقونهن مكان الحفايظ في
الجمعيات.
7. بيجامة للنوم احتياط مع ملابس داخلية في حالة وسخ نفسه.
8. منشفة صغيرة للياهل..
9. فراولة مقطعة في صحن ومنجا مقطعة في صحن مع سندويشات
مختلفة للعيال مثل الشوكولاتة والعسل والجبن.
10. حليب فريش علشان لو جاع ولدي الصغيرون اغمسله خبز بحليب
واعطيه اياه.

والشنط الكبار…واحدة للملابس وواحدة للأغراض…والأغراض اللي
حطيتها هي كالتالي:-
1. شنطة صغيرة فيها كل الجراجات (الكاميرا، التليفون، والأيبود).
2. مكواة ومحول كهرياء واحدة من الأخوات يزاها الله خير قالت ان
البلاك مال كهربة تركيا تختلف عن مالنا فاشتريت محول كامل نفعني
وايد هناك.

هذا شكل بلاك الكهرباء مالهم…وهذا شكل المحول للتوضيح

3. سخان للماي.
4. بعض الأطعمة السريعة مثل (كورن فليكس، زبدة صغيرة، كاكاو
معجون صغير، اندومي، مربى صغير، عسل صغير، أكياس شاي
ليبتون، علب الرينبو الصغار، سكر، ملح، بسكوت مشكل) حطيت
حسابي لأني عارفة ان الأكل غالي في تركيا وبعد علشان لما نتمشى
اكون مضبطة اموري ومسوية سندويشات للعيال.
5. ادوات الطعام السفري (ملاعق، شوك، صحون مقعرة، صحون
عادية، وسكينة وحافظتين للطعام عليهم غطاء وحافظات لليهال مع
اغطيتهم وهذول واااايد نفعوني وباخبركم في تقريري ليش).
6. صابون تايد في كيس عسب اغسل الثياب ان لزم.
7. مفرشين في حالة احتجت لهم.
8. كيسة داخلها ادوية احتياط (زجام، كحة، بندول، قطر للعين في حالة
الحساسية، ضمادات)

اكيد لما اتشوفون تجهيزاتي هذي اتقولين بلاها هذي جنها مسافرة دولة
ما بها شي…لكن يا عزيزتي الفاضلة الأم الذكية اللي اتسافر مراعية كل
شي حتى تستمتع بالسفرة صح…بدون غثة العيال ولا ليتهم…لأنهم هم
العيال اللي ممكن ينكدون رحلتج وهم اللي ممكن يريحونج.

**محتويات شنطة بنتي :-
كنت شالة فيها دفاتر تلوين ومغامرات وتمارين والوان شمعية وقلم
رصاص وبراية لها ولأخوها. ووايد نفعتني هذي الشنطة.

رحلتنا كانت بتاريخ 14-7 وحتى 23-7 لكن غيرناها لما كنا هناك
وباخبركم الأسباب في الموضوع…واحنا كنا 2 بالغين و2 اطفال
ورضيع وكنا بندفع على التذاكر 8400 لأني حجزتهن من وقت بس
ريلي تأخر ما دفع فراحت علينا الرخيصة ودفع 8700 درهم على ما
اعتقد….

**خط سيرنا…
العادة للي يروح على تركيا يبدأ رحلته من اسطنبول…بس احنا كونا
فهمنا طبيعة اسطنبول حبينا نستمتع بالريف الأول وبعدين نخلي
اسطنبول على اخر شي…فصارت خطتنا (من اسطنبول على طول
نفس اليوم على بورصة بالباخرة وبعدها يلوا واباند والعودة الى
اسطنبول).

المصروفات:-
من الأمارات صرفنا 1000 دولار يعني قرابة 3700درهم غير اننا دفعنا مقدما للريال اللي حجزلنا الفنادق 500 درولار يعني قرابة 1800 درهم. للعلم الليرة تساوي 3.2 درهم والدولار يساوي 3.67 درهم

للأهمية:-
لازم اترتبين امورج صح انتي وزوجج خصوصا لو كنتوا عندكم عيال…
يعني سفرتنا هذي قسمنا المسؤولية على الأثنين…
**زوجي:-
-يتحمل مسؤولية ولده الرضيع (بحليبة وحفاظته وبأكله)…للعلم ان ولدي خذتله عربانة سفر نفعتني وايد…باتقولون شو الفرق بين عربانة السفر والعربانات الباجية.عربانية السفر خفيفة وما فيها شغل وايد وسلال وخرابيط يعني شرات هذي خذتها من بيبي شوب ب109 دراهم.

-عليه يخلص الجوازات يخلص التذاكر الخاصة بالمناطق السياحية اللي انروحلها.

**أنا:-
-اتحمل مسؤولية عيالي الأثنينة…باتقولون ظلم…لا لأني انا الوحيدة اللي اعرفلهم واعرف نقاط ضعفهم…خخخخخخخ شريرة…
-مسؤولية حمل البيزات والجوازات ومسؤولية ترتيب الميزانية.

**ملاحظة للحوامل
لازم اتطلعين وثيقة او تصريح سفر من المستشفى قبل لا اتسافرين…بالنسبة لي طلعتها من الكورنيش من الطواري على طول سوولي فحوصات كاملة من صورة وتشييك على النبض وعطوني الوثيقة…مدة صلاحيتها اربع وعشرين ساعة داخل الدولة يعني طلعيها قبل السفر ب7 او 8 ساعات…وانتبهي على مدة صلاحيتها خارج الدولة… يعني سفرتكم لو يبيلها 20 يوم قوليلها تعطيج مال شهر احتياط…وخليها جريبة من متناول يدج لأن طول الوقت في المطار يطلبونها منج.

:

رحلتنا بتكون بعد 13 يوم ان شاء الله تاريخ 12 / 6 / 2024

الرحلة سياحية و علاجية حق امايه الله يشفيها .. بس اول فتره بتكون سياحة و شهر 7 بننزل ميونخ عسب مراجعة الوالدة

انا بتكلم عن الفترة الاولى من تاريخ 12 / 6 الين 1 / 7 يعني 18 يوم

حجزنا التذاكر على طيران الإمارات .. عددنا 10 أشخاص ، 6 كبار و 4 صغار تحت الـ 12 سنة ( بس ما اذكر اسعار التذاكر لاني حاجزه من شهر 4 )

الرحلة كلها مع التذاكر و السكن و تأجير السيارة ( السيارة مدة 28 يوم ) بتكلفنا 60000 درهم حق 10 اشخاص لمدة 18 يوم ( مستحيل تحصلون هالسعر عن طريق المكاتب .. اقل شي 75000 !! )

مطار الوصول بيكون مطار ميونخ ان شاء الله بس ما بنسكن فيها .. بناخذ السيارة و بنطلع زيلامسي على طول

ترتيب الرحلة : دبي – ميونخ – زيلامسي 3 ايام – انترلاكن 10 ايام – باريس 5 ايام – ميونخ

بتسئلوني ليش انترلاكن 10 ايام ؟ مب وايد عليها ؟! .. بجاوبكن لا مب وايد ، اخترت انترلاكن لانها في منطقة الاوببر لاند في قلب سويسرا و كل يوم بنطلع مدينة قريبة و بنرجع و بعد حصلنا شقة رخيصة في انترلاكن و لان ويانا يهال ما نحب التنقلات وايد ^_^

بالنسبة للمواصلات حجزنا سيارة من عند شركة هرتز العالمية .. فان مرسيدس 9 ركاب مع نفقيشن لمدة 28 يوم على 1666 يورو ( 9517 درهم ) يعني اليوم الوحد يطلع على 340 درهم تقريبا بس بدون التأمين الشامل

:

:

و الحين بنتكلم عن السكن .. طبعاً حجزنا شقق في كل المناطق لان اكبر و اريح و ارخص و فيهن مطبخ وناخذ راحتنا و بعد ما نخاف على اليهال ( في الفنادق ما يعطونا غرف متصله و ما يسمحون اكثر عن شخصين في كل غرفه ! )

السكن في زيلامسي شقق Trinker Appartement

جربناها الصيف الماضي و عيبتنا وايد و حجزنا عندهم هالصيف .. بخبركن عنها و براويكن الصور بتصويري :

الشقق ممتازه جدا و سعرها رخيص و موقعها حلو و اصحابها طيبين و متعاونين و فيها انترنت مجاني ..

و موقعها في السنتر تقريباً (150 متر بعد الماكدونالدز و 5 دقاايق مشي من الانفرميشن سنتر )

الشقة عبارة عن غرفتين نوم و صالة فيها مطبخ مجهّز بكل الأدوات و سرير اضافي و 3 حمامات (اعزكم الله) و مافيها مكيف بس الجو يجنن و فيها انترنت مجاني

و سعرها 140 يورو في الليله ، خذناها لمدة 3 ليالي بـ 420 يورو ( السعر هذا آخر شهر 7 و بداية 8 )

هالمره في شهر 6 حجزناها على 115 يورو يعني 655 درهم .. المجموع 3 ليالي = 1966 رهم

هذا عنوانهم :

Familie Helga u. Ferdinand Trinker
Loferer Bundesstrasse 14
A-5700 Zell am See
Tel. ++43(0)6542-74628
Fax: ++43(0)6454-74654

الايميل : [email protected]

الويب سايت : https://www.appartement-trinker.at[/COLOR]/"]https://www.appartement-trinker.at/

:

:

السكن في انترلاكن شقــــة مفروشــــة

اما شقة انتنرلاكن تقدرون تشوفون الصور و التفاصيل في موضوعي على هالرابط : ..!! [ شقة في انترلاكن السويسرية 3 غرف نوم بالصور ] !!..

المبلغ الإجمالي مع الضريبة و التنظيف النهائي = 2836 فرنك سويسري يعني 9930 درهم لمدة 10 ليالي

:

:

السكن في باريس CITEA MARNE LA VALLEE MAGNY LE HONGRE

و هي عبارة عن سلسلة شقق اقتصادية و متواصعه في فرنسا و اسعارها رخيصه .. عندهم اكثر من فرع داخل باريس و في المناطق المحيطة

نحن حجزنا في المنتجع اللي قريب من ديزني لاند تقريبا 5 دقاقيق بالسيارة في قرية MAGNY LE HONGRE .. تبعد 45 دقيقة الين باريس

لان ما حصلنا حجز في فروعهم اللي داخل باريس و قلنا مب مشكلة عندنا سيارة بنطلع من الصبح و بنرجع المسا =)

الفلل عبارة عن منتجع كامل فيه إدارة و بوابة و سكيورتي و باركنات للسيارات يعني أمان 100%

نحن حجزنا شقة دورين ( يسمونها فيلا ) حق 8 اشخاص .. فيها 3 غرف نوم دبل و صالة و مطبخ و حمام – عزكم الله –

الليلة على 142 يورو يعني 800 درهم .. المجموع × 5 ليالي = 4162 درهم

اللي تبغي تشوف الصور و الفيديو تضغط على هالرابط : صور المنتجع و الشقق

العنوان :

Hotel CITEA RESIDENTIEL MARNE LA VALLEE MAGNY LE HONGRE
5, rue de la clé des champs
77700 MAGNY LE HONGRE, France
Tel: +33 1 64 77 80 00
Fax: +33 1 64 77 80 01

الويب سايت : Citéa Magny Le Hongre

:

:

في الختام اتمنى تستفيدون من البرنامج و ادعولي لاني تعبت وايد على هالموضوع ^_^

و اي استفسار انا في الخدمه .. ما يردج الا كيبوردج ^_*