الوسم: الأسعار

السلام عليكم و رحمة الله و بركاته

بنات الكل يشتكي في البلاد من زيادة الأسعار

و صارت خياليه و مبالغ فيهاااااااااااا

الي قهرني انه محل للعبايات و الشيل يبيع الطقم خفيييييييف يا ناس ما فيه شي مووووووول بـ 3500

لا و سمعت ريال حاشر الدنيا و شال المحل على راسه يهزب الي تبيع (محل في بوظبي) و قالها على شووووو عقب ما روح قلت الا اسير اشوف سعر الطقم و الله مالوووووووومه

و البياعه تقوله عادي الكل يشتري عنا بالاسعار هاذي انت غريب اول مره اسمع زبون محتج على اسعارنا

حتى من كثر ما انه معصببببببببب قالها هيه عادي انتي ترومين تشترين الطقم هذا؟؟؟

سكتتتتتتتهااااااااااااااا و نزلت راسها حتى

عاد الريال ماشاء الله عنده 5 بنات و كلهن لابسات عبي و شيل

يعني لو بيفصل اطقم لبناته 3500x 5

و فيه وحده في دبي تفصل اطقم عبي و شيل الطقم الخفيف سعره سعر الطقم الي حق مناسبات و ين صارت هاذي

اسمحوووووولي نحنا السبب لو نحتج و ما ناخذ عنهم ما صار هذا حال السوق عندنا

هيه بصراحه اسعار عل الفاضــــــــــي … وماله داعي .. لو شي قيمته فيه بنقول عادي ..بس في اشيا ما تستاهل …

مشكوره عل الموضوع وياليت نلاقي حل لهالمغالاه في الاسعار

هيه والله صدقتي..واااااااااايد مبالغ فيها وياليتها لو حلوه..بعضهن موديلات للمنكر(السموحه )
بس العباة للستر مب للعرض…

انا مره سرت محل عبي..وشفت عباه وااااايد بسيطه..يعني مافيها غير قطعه شيفون ملصقه على كم واحد..وبدون الشيله..وحتى الشيفون اسود..
ويوم سألت راعي المحل..قالي سعرها 2500درهم.. استغربت..تحريته يتغشمر..لان والله واايد عاديه ماترزى ..جان اقوله وكم اخر شي ..قال لي..والله عشانج 2024 درهم..والشيله سعرها غير..
انا حرجت عليه..وقلت له من وين تعرفني عسب تخفض لي السعر..وبعدين انتو نصابين ..ترى مافيها شي لو فيها كرستالات او شغل ايدي متعوب عليه بقول مب مشكله.. فيها ابداع ..جان يقول لا هذه يديده وماادري شو؟؟والشيفون فرنسى ماادري ايطالي…يوم قلت له انت لو مكاني بتشتريها حق حرمتك بهالسعر؟؟!..ضحك بخبث ورد علي باستهزاء ..انتي مابتشترينها لكن وايدين غيرج يدفعون اكثر..

صحيح كلامه…يعني الشرهه مب عليهم الشرهه علي اللي معطيهم ويهه يشتري بهالاسعار..وبعدين الواحد محاسب على كل فلس يصرفه..حتى لو الواحد مترتاح ماديا مايبعثر فلوسه على اي شي..لان في عوائل في بلادنا راتبها نفس اللي ينصرف على هاللعبي..ويمكن اقل..

الله يهدي الجميع يارب..

السموحه على الاطاله

شفتو الردود عاد

كلها نفس الشي ردهم واحد

غيرج يدفع و لا أكثر

مره فصلت عباه لعرس حد من الاهل و بغيت ازيد عليها هالشيفون الفرنسي على الجوانب بس يمين و يسار جان يقولون لي ادفعي 700 شيفووووووووون ساده اونه لا هذا فرنسي

والله تراهم يتهزوون علينا بأسعارهم و ردودهم هاذي

فعلا خواتى انا ملاحظه هالشى بالامارات وااااااااايد الاسعار بالنسبه للعباية والملفع غاااااااااااااليه

واذا لقيت شى عادى ما يستاهل او قديييييييم الاقيه ب 500 او 1000 ليش جذى حرام

لا وقبل فتره رحت محل مشهووووووووور عندكم بالسيتى طلعت عبايه والله عااااااااديه كريستال شوارفسكى على الجم قلت لها بجم قالت ب 7500 من غير ملفع على شنووووووووو زيييييييييين

والله أختي شكلهم بيزيدون اكثر و اكثر

دام الناس راظيه و ساكته

حتى لو الواحد عنده خير المفروض يفكر شوي هاذي عبايه و شيله باجر بتطيح موضتها و ما بتنلبس أو بتخترب

بس شو نقول

الله المستعان

للاسف ان نحن نعطيهم ويه ونستحي انرادد وايد وياهم …

يعني مب معقوله الثياب تشترين لج بدله يطلع ب700 ولا 900 ! وين قبل يوم كنا انخم خم ويالله يالله يطلعنا هالسعر ..

الحين سيروا مانغو ولا زارا! القميص ب250 والتنوره ماشي اقل عن 350 ولا 400 !
ونحن نشتري ونشتري !

السلام عليكم ورحمة الله وبركاته

الموضوع منو عنوانه

منو خواتي تعرف موقع يبيع سوالف الماركات الأصلية مش التقليد

ابا ملابس أطفال ماركات اصلية شرات بربري و ديور و أرماني و دولتشي و غيرهم

لن الموقع الرسمي لهم تكون فيه الأسعار فوووق

خلنا كلنا نستفيد العيد ياي و الكل حاب يخلص أموره

هلا حبوبه شوفى محلات الماركه كلهم مسوين تنزيلات الحين,,,,وعندهم اسعار صراحه حلوه,,,,الوالده ما خذه لخوانى اشيا وايد روعه من دبى مول من غاليرى لافيت ومن بوتيكات الاطفال اللى فى الطابق الثانى ,,,,يعنى الموضوع يباله شويه حواطه فى السوق بس أكيد بتكون النتيجه مرضيه

تسلمين ظبية عالتجاوب السريع ما أدري ليش متكاسلة اسير دبي مول لان بطني جدامي وثجلانه

مشكورة حبيبتي

للــــــــرفع

للرفع…

https://www.childrensalon.com/

شوفي هالموقع اسعارهم شرات اسعار التنزيلات في دبي مول
في الموقع بيزيد عليج تكلفة الشحن احسن شي تاخذين لج لفه في المولاات

فعلا هالموقع ممتاز أنا من يومين طالبة من عندهم بدله ماركة Armani ويا القماط بعد ووصلني في خلال يومين بس أنصحج به بصراحه …

هذا عنوان لمقال قرأته في جريدة الاتحاد الصادرة في 2742017
وإليكم أهم ما استوقفني فيها…"أشعلت بعض إدارات المدارس الخاصة في الدولة سوق الرسوم الدراسية مبكراونجحت مدارس كثيرة في تمرير زيادات مالية وصلت في بعضها الى معدلات تتراوح ما بين 25 الى 50 بالمئة خاصة في المدارس ذات البرستيج العالي مما جعلها أعلى من الرسوم التي تحصل عليها بعض الجامعات خاصة المرموقة في الدولة.
وانظروا اخواتي الى ما سلطت الضوء الجريدة عليه:
1. المعايير الاستثمارية والربحية تقدم على المعايير التعليمية حيث تفتقر بعض هذه المدارس الى الحد الادنى من المعايير من الناحية التعليمية والتدريبية بل والتربوية.
2. الساحات المخصصة كفناء غير موجودة في معظمها او تكون ضيقة جدا.
3. مغالاة معظم المدارس في اسعار الكتب حيث تتجاوز قيمتها الحقيقية بنسبة 250% فبعض الكتب يتم شراؤها من مكتبات خارج الدولة بقيمة 20 دولار وتباع هنا بمبلغ يتجاوز 75 او 80 دولار؟؟؟؟؟
4. حتى الرحلات المدرسية اذ عمدت بعض المدارس بالتعامل معها على انها الدجاجة التي تبيض ذهبا فالرحلة الى حديقة الحيوانات لا تكلف المدرسة اكثر من 10 درهم ما بين الانتقال الى تذكرة الدخول وعلبة عصير للطالب فتحصل المدرسة عليها مبلغا يتراوح ما بين 30 الى 75 درهما والباقي يذهب الى جيوب الادارات المدرسية."
هذا اهم ما حبيت ان انقله لكم من المقال واريد ارائكم اين انتم يا اولياء الامور؟؟؟؟؟؟؟

صدقج انا اليوم كنت استفسر عن التجيل ,, ابا اسجل بنتي الثانيه ,,

واستفسر عن رسوم الكي جي 2 ,, قالت لي فيه زياده 10%

بس بعدنا ما حطينا الاسعار ,,

يعني الحين الكي جي 2 وصل 18 الف وشي قبل كان 17 الف !!!

اما الكي جي 1 وصل 12.700

الحين التعليم صار تجاره بعد !!!

الله يكون في عونا والله ,,

الله يعين والله

والله التعليم من ضروريات الحياه لكن صعب فى الغلاء اللى صاير فى التعليم والتعلم واحنا معك فى هذه الوقفه

على ايدك ياللة واللة لا انتم مرتاحين ولا احنا انا سعودية في دبي ومن جيت هنا ورسوم المدارس كل سنة تزيد عن اللي قبلها اتمنى يكون فية تسعيرة محددة مثلا نعرف على اي اساس هالزيادة اوليش والمشكلة اذا سالتي مايردون ويقولون كل شي زاد سعرة يعني لو يزيد سعر البترول والا الرزوحتى البصل رفعو سعر المدارس شدخل المفروض مثلا يكون فية شي على اساسة يرفعون واللة الكتب نفسها والمنهج نفسة بس الاسعار تتغير اللة يرحمنا برحمتة

الصراحة انا وحدة موووووول ما شجع علي المدارس الخاصة
انا اكبر اعيالي صف 10 بس كلهم مدارسهم نمووووذجية حكومية والحمدالله
المدارس الخاصة معظمها اذا مو كلها تجارية اول همهم الفلووووووس

السلاااااااااام عليكمـ,

لكثرره العضووات الي طلبن من عندي دخوون وعطور لصاحبه (ازهار للعطور)

وصناااديق بأرخص الأسعار

العطور الي 30 ملي اتبيعيهن 50 درهم

والدخون الي غرشه صفراء 70 درهم

والصنااديق للهدايا 300 درهم

والي تبي الصور والأحجام و رقمهااااا تراسلني ع الخاص ……

لاني ماروم احط شي بدون عضويه تاجره ..

أختي جربي تحطين طلبج في قسم العروض التجارية
مثبتين موضوع عن طلبات الزباين

ان شالله

وتسلمين ع المرور

………………؟؟

؟؟؟؟؟؟؟؟؟؟؟؟؟؟

:1 (26): :1 (26): :1 (26): :1 (26): :1 (26): :1 (26): :1 (26): :1 (26):

بسمالله الرحمان الرحيم

انشالله الله يسهل عليج البيع

بللللللللللللللليز

غناتي نحن سافرنا وايد ،، وعمرنا ما اعتمدنا على مكتب سياحي ..
ندش موقع نادي العرب والمسافرين .. ونظهر كل المعلومات منها ونعتمد على رحلات الناس وتجاربهم
ونحدد الميزانية .. وعلى اساس المعلومات نسافر ..
لنه الصراحه ,,, احس المكاتب مايودونج كل الاماكن الحلوة فالبلاد الي بتحججزين لها ..
والفنادق بعد مايكونون لين هناك ..
مره جربنا مكتب سالم للسفريات وحجز لنا فندق .. اونه 5 نجوم .. والليله ب 700 والله العظيم
حتى نجمه وحده مابعطيه والفندق قديمـ .. ومبني في الستينات .. ونحن تفاجأنا بهذا كله يوم وصلنا هناك

بصرااااااااحه موضوع عجيب ولو الكل شارك وايد بنستفاد ياريت الكل يشارك

ومساؤكم فل خواتي

حبيباتي .. حبيت أسألكم عن أسعار الملابس والشيل والعبايات بالإمارات في هذا الوقت كيف؟
لأن قالولي كل شي ارتفع سعره عندكم بصورة مبالغة..
وأنا حابة أجي الإمارات أتسوق لزهبتي .. فقلت أتأكد منكم قبل؟

وهل فيه تنزيلات بدبي قريب؟ وكيف أسعار القرية العالمية؟
وأسعار مصانع عجمان حتى ارتفعت؟ عادة تنانيرهم ب100 درهم ب140 ب120 فما اعرف كيف الحين؟؟؟

في انتظار ردودكم ..
لا تخيبوا ظني

هلا الغالية
للاسف كل شي زاد سعرة في الامارات من المواد الغذائية الى الملابس و الاكسيسوارات و كل شي تقريبا..

بالنسبة للمصانع ماعندي فكرة عن اسعارهم اليديدة لاني ماسير هناك .. والعبي و الشيل ارخص شي بتحصلين في عيمان..

فب المولات بعض المحلات مسوين سيل و شي مول اسمة دبي اوتلت مسوين تخفيض 30%

مشكورة حبيبتي عالرد.. وأسعدتيني ..

ووين البقية؟؟؟؟؟؟؟؟؟؟؟؟؟؟؟؟؟؟؟؟؟

وإذا حد يعرف عن الأسعار بالمصانع يخبرني؟
وكيف ما بيسوا تنزيلات بمهرجان دبي للتسوق؟

المصانع رفعت اسعارها النتوره الحين 150 وطالع في محل ديفانس والقماش مايسوى احسن تفصلين .

هلا لمياء ..
مشكورة حبيبتي عالرد ..

المشكلة التفصيل عندنا مايضبط مثل إللي تشتريهم ..
بصراحة إحبااااط مع غلاء الأسعار..

خسارة كل التنانير بـ 150 وهنا ما يسون هالسعر. .

):

):

هلا خواتي وين أقدر أشتري ماكينة ترقييم البضاعة يعني هذي الأوراق الصغيرة اللي على شكل استكر ومكتوب عليه السعر يعني مثل البضاعة اللي مسعرة في الجمعية بدال ما أكتب بخط ايدي ممكن ادلوني على مكان في الشارجة أقدر اشتري هذي الآلة ضروري خواتي الغاليات

اختي بتحصلينه عند مكتبه دبي للتوزيع

السلام علــــيكم :22 (5):

شخباااااركم يا حلوات

اليوم طبعا طلعت السوق … وكان النصيب الأوفر من مشترياتي اليوم اهو المكيااااج … :1 (35):

ما أدري حسيت عمري يوعانة مكياج :1 (25):

أمزح بس اشتريت شغلات لفتت انتباهي وانا بحاجة لها … بسم الله نبدأ الصور والاسعار

طبعا المشتريات كلها من ماركس اند سبنسر ببوظبي

دخلت محل بيكسي وهاي صورة الكيس واللي بالصورة للكرت صاحبة المكياج بريطانية
https://monsi.jeeran.com/111.JPG

واشتريت :1 (35):

##### القترات 12 لووووووووووووووووون بالترتيب من اليمين لليسار
( ذهبي: أخضر: تركواز: أزرق: أزرق غامق شوي : كحلي: أبيض: فضي: ورديعلى موف: فوووشي: برتقالي فاقع: اسود على حبيبات لمعة حمراء)
https://monsi.jeeran.com/222.JPG
https://monsi.jeeran.com/333.JPG

سعر العلبة 67 درهم الصراحة جربت اللمعة وطلعت واااااو:1 (37): على عيوني وتثبت .. والألوان قوية ولكنها حجم صغير يعني تكفي العلبة الوحدة للاستخدام على العيون عدد 7 مررات

###### بودرة مضغووطة تناسب لون بشرتي .. جربتها خفيفة وحلوووة تغطيتها الوحدة ما تحس فيها وسعرها 145 درهم .. واسفنجتها وااايد حلوة وغريبة ملمسها .
https://monsi.jeeran.com/333.JPG

###### روجات 3 الوان بعلبة حلوووة الأوان هي درجات الوردي لكن باختلاف ملحوظ بالدرجات والصورة المقربة اهيه الألوان بالضبط. وسعره 74 و25 فلس.
https://monsi.jeeran.com/555.JPG

https://monsi.jeeran.com/666.JPG
………………………………………….. ……………………………………….

وعقب دشيت البودي شوب .. واخذت

### شايني ليب .. وجربته طلع وايد حلو واهوة اصلا 3 في واحد (قلوس ومرطب ومعالج للشفايف) حتى اني مب حاسة اني حاطة قلوس (مب النوع اللي تحسون ان شفايفكم مزيته ودهنيه).. سعره 69 درهم
https://monsi.jeeran.com/777.JPG
### 3 اقلام تحديد الألوان اللي تشوفونها سعر الواحد 39 درهم

https://monsi.jeeran.com/888.JPG
### وهذا لملء الحواجب بس اللون مب واضح واهوة بني غاااامق وبني افتح شوي منه.. وسعره 69 درهم
https://monsi.jeeran.com/999.JPG

### قلوس بلون الوردي .. واللمعة اللي تنحط فوقة وتراها وااايد حلووة .. ملاحظة ترى اللمعة واايد ناااعمة .. سعره 65 درهم.

https://monsi.jeeran.com/000.JPG

إن شااااء الله المجموعة تكوووون عاااجبتنكم وأفدتكم ….

وأي استفسااار نحن حاااااضرييييييييين …. لا تحرمونا من ردودكم الحلوة … :1 (66):

بالعافية عليج

فيونكا تسلمين الغلا

بالعافيه عليج…..الالوان حلوه وهاديه………..

بالعافيه عليج الغاليه
وان شاء الله تتهنين فيها

ولا رابط فتح عندي..
بس بالعافيه عليج وتتهنين بهم…

تتهنين فيهم ان شاء الله وعساج ع القوة دوم
ذوقج حلو ما شاء الله بس شو ياينج ع الميكب خخ

أختج
ماسة شرجاويه

هلا حبيباتي شو أخباركم يا كروشات مثل ماقريتوا العنوان…..وين أتشوفون أفضل مكان للولاده فالشارجه وعند أي دكتوره بالضبط…..وإذا تعرفون الأسعار يكون أفضل….عشان الكل يستفيد من الموضوع……موضوع للنقاش….وياله بأنتظااااااار الردود الطيبه

انا بعد ابي اعرف هذا اول حمل لي وانا دخلت التاسع ..

ان شاء الله اشوف البيبي بالسلامه يارب .. ادعوولي خواتي .. ربي يوفقكن يارب

مشكووره اختي عالموضوع

أختج
ام مهره

احسن مستشفى الي يمدحونه وايد هو الزهرا وانا اراجع عندهم حاليا وان شاء الله بولد عندهم بالسلامه

واحسن الطبيبات عندهم .. اميره ونفيسه وشما

واعتقد الولاده الطبيعيه تكلف تقريبا 6000 اذا ليله وحده

ليلتين 7500 شي جي

والولاده القيصريه 10000 درهم

بهذي الحدود لكن ما اذكر بالضبط بالضبط الاسعار لكن بهذي الحدود

راي من رايج ..

للرفع

تصحيح بس لمعلوماتك الطبيعي 10000
والقيصري 20240

انا ارجع عند نفيسه والحمد لله مرتاحه ومربيه عندها بحملي الاول معها يمكن بالمراجعات ما بتحكي كتير بس بالولاده ممتازه كبيره بالعمر وفاهمه شو بتعمل

اميره يمدحوها بالمراجعات لانها تشرح كل شي بس للاسف بالولاده ولا شي وخياطتها زفت ولو صارت مشكله معك لا سمح الله بالولاده ما تعرف تترف