الوسم: الاخوان

انا بتكلم في موضوع حريم هالايام ..ومن واقع اشوفه مب اسمعه (اششششووووفه بأم عيني)

حريم الاخوان (الاغلبيه) اللي دوم يتشكون من اهل الريل ابغي ابغي اسألهم

1- ليش اهل الريل يحتشرون عليكم ؟
2- شو اللي مب عايبنهم فيكم؟؟
3- ماكله حلالهم مثلا؟
4-معرسه وماخذه اخوهم او ولدهم على حسابهم؟؟
5- مقصره ويا اهل ريلج؟؟

بصراحه كل بيت ادخله الاهل يتشكون من حريم الاولاد..

اهمال -نقلل حجي -خراطات -وجذابات-ومكارات درجه اولى-حالهم وحال العزابيه واحد-راعيات مشاكل-قليلات ادب-لسان طويل-وكله بسير بيت امي ويايه من بيت امي-وما عندها الا هالبلاك بيري غايصه فيه يعل عيونها البط-ملوعين بجبود اخواننا وجبودنا..

بصراحه نفس الاغلاط اللي ف بيتنا اشوفها في البيوت الثانيه..

نحن فالبيت

اخواني معرسين ..واللي ماخذينهم من الاهل ومشاورينا قبل لا ياخذونهم ..بصراحه كانو في بيوت اهلهم شعله من النشاط والاخلاق والادب ..

لكم من دخلو بيتنا ….
1- رقاد الين الساعه 1 او 2 الظهر
2- يوم يطلعون من حجرهم ييلسون شرات الاميرات فالصاله ويا هالبي بي الخايس
3- ما يحطون ولا يشلون قلاص ماي فالبيت
4- اهماااال شديد للزوج..طاف وبو لالباس بالحيل(ويوم يكلمونهم يزعلون )مالت
5-وشايات ونقالات حجي ..اخبار البيت واسراره عند اهلهم_
6-24 ساعه مبوزين ويبون يطلعون ويتمشون…(واخواني ما يحبون هالسوالف وهم ما ينعطون ويه ,كل يوم يبون يهيتون
7-مايوجبون اهالي رياييلهم..لا ف اعراس ولا ف عزا ولا عزايم..

ويوم انكلمهم بلطف وننصحهم ما يرضون ويزعلون ويطولون لسانهم يعل لسانهم القص (بصراحه ملوعين جبودنا وايد ويتحسبونا ساكتين عنهم خوف منهم بس ما يعرفون ان نحن ما نحب انزل مستوانا لهم عشان ما يطفشون اخواني والا هم زولة اتزولهم ) يتحسبونا ميتين عاليلسه وياهم..

وريايلهم لاعت جبودهم منهم وكل يوم حشره وضرابه وهم طاااف..والحين متحلفين لهم وبيعرسون عليهم..بس نحن نهديهم وما نبا بيتهم يخترب بس المشكله ان هم ما مطنشين.

الحين كل يومين بايتين برع وما ييون البيت..طفشو اخواني يعلهم الطفشه..

.وامي تهديهم وتهددهم من صوب ان ما يلعوزون بنات الناس..وتقول لهم كلمو اهاليهم …والله انهم مب ويه حشيمه
والله لو كنت مكان امي بجرخهم بمطرق ف ظهورهم وبروغهم من البيت بس امي ساكته عنهم

تطبخ للبيت وهم بكل وقاحه يالسين فالصاله وحزة الغدا ييلسون عالسفره يتحسبون عمارهم اميرات ومن يخلصون غداهم ينشون ولا يشلون صحن ..

وما يعيبهم يوم نكلمهم او نتحلطم ..اونه نحن سمعناكم ترمسون..عصبا عن ام يابتنا بنرمس شو يعني ياييبن تبونا نخدمكم…

رغم ان عندنا خدامه بس الطباخ علينا اخواني ما يحبون ياكلون من ايدين البشاكير..

لا تقولون لا تطبخون لهم لان البيت ماشالله فيه اخواني وابويه (طبعا مب عشان خواطرهم نحن نطبخ عشان اخواني )

وثيابهم البشاكير يغسلونهم حتى حجرهم وحماماتهم ..وتقولون خوات الريل..

على فكره كل البيوت ادخلها جذي..الا حريم السبعينات وبداية الثمانيات بصراحه ما عليهم كلام اما بنات التسعينات (اخرطي)

وقاحه وقلة ادب)

نروح بيوت الاهل نتزاور ما ييون ويانا اونه نحن مب مجبورين (عيل ليش معرسين؟ بنات طلال بن الوليد) طالعين من بيوت اهلهم عشان الاكل والرقاد – واتون اتلومون هل الريل…

ملينا منهم ومتندمين كثر شعر راسنا ان هذيله حريم اخواني ..واخواني اطيب منهم ماشي بس هذيله الجنقليه ما يستاهلون يدخلون بيتنا..

كل ما اتذكر ابويه وهو ساير يخطب بناتهم قلبي يعورني ..مع ان مستوانا وايد ارقى من مستواهم بس ما نحسسهم بهالشي وكل ما نروح مكان ونفصل لنا عبي ولبس بفصل لهم وانخبرهم بس مب ويه نعمه ..

نسو عمارهم…

والله يابنات انا ماطرحت الموضوع الا اني مقهوره -نحن اللي نعرف نقدر الريل ما يانا نصيب وهذيل المستهترات ييهم نصيب ويشلهم شلهم طهف..

لا حد يتهجم ويقول مب الكل..انا قلت الاغلبيه بنسبة 90 بالميه..واللي تعرف عمرها زينه لا تي تهاجم كلامي وتهاجمني ..خلاص الزينه ان شالله تكون ازين والشينه ام طبع زفت ياما تعدل من نفسها ولا تسوي نفسها دلوعة بابا وماما والا بتيها شوته من ريلها وهي راقده ولاتتحسب اذا كان يحبها ما يقدر يتخلى عنها؟؟ ترا الخيانات هالايام مثل شربة ماي..

وانا ما الوم الريال اذا شاف له شوفه وحرمته جنقليه

ما انطرح الموضوع الا وهو واقع نواجهه كل يوم…

أعتقد رقم مبالغ فيه

انا شفت اللي قلتي عنه ..
ومن كثر الغيرة حاولت تدمرر وتشوه صورتي .. بالرغم من إنه أهل ريلي ما شافوا مني شر أو سوء
وظلت طوال السنوات تشوه صورتي .. لين حصلت اللي تبيه

اقتنعوا بكلامها للاسف .. والحين هي ارتاحت لانه وصلت للقمه مب بذكائها في الخير
لا .. بذكاءها في الشر والخبث ^_^ وحصلت اللي تبيه

والحمدلله
واثق الخطى يمشي ملكاً .. شو ما سوت بظل إن شاء الله أحسن عنها خلقاً وخُلقاً

الله يصلحها ويهدى بالها

بالنسبة لحريم خواني .. ما أحسهم يغارون، أو ظاهرياً ما يبين وعلاقتهم مع بعض عال العال

خاصه اذا مرت واحد من الاخوان تشوف اخو ريلها شو يسوي حق حرمته .. بتم تذله على اليوم الي يا فيه.. و كل شويه بتم تقوله (شوف اخوك شو مسوي حق حرمته.. معدللها.. مسفرنها.. عاطنها ) و بعدين يعني؟؟؟ ولا و القهر بعد اذا مب مقصر فيها و بعد تباااا

حد منهن عافانا الله الغيره الي فيهن توصلهن انهن يفرقن بين الاخوان

حشا شو هالناس؟؟؟

يالله حرييم همتكن للاخت

بنات شو رايكن بالاخو اللى قبل ما يعرس كلما قلت له فلان ودنا هالمكاان يتعذر لج وما يفضى لج
او يوم هو يبا بيوديج ويقولج زحمه ما اقدر ومن هالكلااام

لكن بعد ما عرس تشوفينه 24 ساعه يطلع وتغير فظييع

يعني بالذمه نحن هله خواته خوانه مالنا حق

ليش يقصرون بحق هلهم وحريمهم مره تحت ريولهن

.
.
.

حسيته شي يحز بالخاطر

مايقدر
^^

موفقه ان شا الله ^^

عندي اخو واحد امعرس وساكن عنا ،،، سلمكم الله هذا معطي الكل بولابس حتى حرمته ،،، مول ما يظهرنا او يعرض خدماته علينا ،،، الله يهديه وان شاء الله عاد الثاني ما يكون مثله

المشاركة الأصلية كتبت بواسطة نسايم روح

نحن بالبحرين نعتبر زوجت الاخ شرات اختنا ويوم جيت الامارات تفاجاءت يعاملونس معامله مب زينه ويوم كلمه زوجي قطعني عنهم واخوه بعد ماسك حرمته بس بالمناسبات نروح نسلم لين درجه وحده منهم بتتزوج دزت مسج اتمنى ماشوفج بعرسي

افااااا