الوسم: الاستقالة

السلام عليكم ورحمة الله و بركاته،، انتو مثل خواتي فالمنتدى عشان جي حبيت أشاوركم فهالشي،، الله يسلمكم أنا كنت احن أبا أتوظف لين الله رزقني و داومت،، وانا ساكنه فإمارة ثانيه بعيد عن اهلي،، وعندي عيال،، ماصارلي مداومه كمن شهر و اكتشفت أني حامل،، والحين وأيد أفكر استقيل احس بتعب وايد و ولدي أوديه الحضانة و عقب ان شاءالله النونو بعد حرام أخليه فالحضانة و هو صغير وايد،، من غير التعب كيف بشلهم الصبح بثنينتهم و عقب الدوام أرد تعبانه وايد ما بيكون لي بارظ أجابلهم،،شو تشورون عليه اخاف استقيل و أندم..

اختي مشكوره عالرد،، أنا بصراحه مبمرتاحه و مب عاجبني دوامي عشان جي مب متمسكة فيه..بس المشكلة اخاف ارجع للملل..

سبحان الله وبحمده سبحان الله العظيم

اذا ريلج قادر يصرف عليكم من معاشه ومب محتاجين معاشج فالافضل تستقيلين وتجلسين ظع العيال حرام بعدهم صغار
وهم بيشغلونج يعني لا تحاتين ملل ولا شي
والله يوفقج

يزاكم الله خير خواتي

نصيحتي لج استقيلي انا فضلت ريلي وراحتي على الدوام

طبعا معروف انه الواحد إذا قدم استقالته يداوم شهر وبعدين يستقيل هذا إذا يبي شهادة خبرة
بس لو الواحد قدم إسقالته وتراجع عن الاستقالة بعد مرور خمسة وعشرون يوم ؟؟؟ عادي وإلا خلاص راحت عليه؟؟؟؟
فيدوني لو سمحتو؟؟؟

فوققققققق

اتصلي فالموارد البشريه مالتكم وسالي لان كل مكان غير عن الثاني فالقوانين

لللللللللللللللللللرفع

انا مدرسة لغة انجليزية وهذي السنة الثالثة لي …

بغيت استفسر بخصوص الاستقالات هل بيوافقون اذا قدمت عليها

وكم المدة اللي بياخذونها لين يوافقون؟؟

لاني احس ما شي تقدير في التدريس خذيت ماجستير وما ترقيت واللي درسن وياي ما شا الله وين وصلوا وانا بعدني نفس الشي ما تحركت من مكاني@!

جاسني احباط لالني اعرف لين اموت انا نفس الشي مدرسة يمكن يرقوني درجة بعد مليون سنة من جذي ابا اطلع وادوم مكان يقدروني …..
ا
ارجو منكم الرد
ام سيف

معقولة محد عنده فكرة

الغالية ..
الاستقاله شي مب سهل الواحد يقرره بين يوم وليله .. لازم تدرسينه من جميع الجهات ..
يعني ليش استقيل ؟
هل انا محتاجه الشغل ؟
هل بحصل مكان ثاني وبظروف عمل أحسن بالسرعه إللي أبيها ؟
الشغل اللي أنا فيه أنا أحبه ولا لا ؟
بعدين مافيه مكان إلا فيه سلبيات .. طيب شغلي الحالي شو ايجابياته وشوسلبياته ؟
هل الرساله إللي إنت قاعدة اتوصلينها للطالبات في من يقوم فيها عنج ؟
بعدين التميز مب لازم ايكون بتغير المناصب .. يعني أنا اليوم مدرسه لازم باجر أصير مديرة لكن لكل مجتهد نصيب ..
يمكن تتميزين باسلوبج مع طالباتج .. أو بنشاطج في المدرسه ..
وأكيد بتحصلين اللي يقدر مجهودج ..
وانت بعدج في أول المشوار ..
لازم تتدرسين الأمر من جميع الجهات ..
أدري إن التدريس متعب جدا .. لاني كنت معلمه ..
واعرف كل اللي تواجهه المعلمه من احباطات… لكن أرد وأقول ان التعليم مهنه لايمكن لأي أحد يقدر عليها إلا النخبه من الناس ..
وعلى فكرة أنا استقلت من التدريس صار لي 3 سنوات .. بعد 8 سنوات تدريس ..
لان حياتي كانت على المحك بين إني أكون أم أو معلمه .. طبعا اخترت أني أكون أمممممممم ..
وأخيرا أقولج استخيري ربج بركعتين والله يكتب لج إللي فيه الخير ..

مشكورة اختي
شكرا على الرد
اود ان اوضح بعض النقاط:
اولا انا دخلت التدريس بقناعة تامة واحببته و الحمدلله تقديري امتياز في التدريس ولكن البيئة المحيطة بي لا تشجع وتنفر من التدريس مثال العبئ كله على المعلمة وغير هذا ان سلوك الطالبات من اللامبالاة والاهمال يقتل طموحي ويزيد من احباطي مع اني استخدم انواع مختلفة من الوسائل التعليمية واحفزالطالبات كثيرا (فئة و ليس الكل)
وايضا لدي اسباب تتعلق بأسرتي، انا وقتي كله للتدريس الى وقت متأخر من الليل احضر واجهز الوسائل لذا احسست ان حقوق ابنائي ضائعة لقصر الوقت الذي اقضيه معهم..
مسؤولياتي كثيرة لذا يجب ان اقرر ان اخسر شئ اما التدريس او اسرتي
اتصور ان اسرتي اهم من كل شئ …
وانا عندما ذكرت الترقية لا اقصد الناحية المادية وانما اقصد التقدير والتشجيع..

حاسه فيج الغاليه والله يصبرنا

الغالية اتصلي واسألي الوزارة او منطقة التربية و التعليم الي انتي فيها وإن شاء الله الموافقة عالاستقالة ما تاخذ وقت خاصة اذا وجد البديل
واتمنى انج اتفكرين قبل اتخاذ القرار و تستخيرين
فعلا التدريس مجهد ويستنزف طاقتنا خاصة إذا كانت عندنا مسؤوليات غيره
أقترح تقدمين في مكان آخر و إذا لقيتي البديل المناسب ساعتها تقدمين طلب الاستقاله
والله يوفقج

الاستقالة له وقت معين ،،، واعتقد في شهر 10 يطرشون استمارات الاستقالات للمدارس

واذا كان عندج ظرف معين لاسمح الله يمكن يقبلون الاستقالة او اذا عندج واسطة

وقبل كل شي لاتنسين صلاة الاستخارة

والله يوفقج

السلام عليكم

خواتي ابغي اكتب رسالة استقالة وانا اداوم ف مؤوسسسة حكومية

فهل اكتبها للمدير المباشر او لمدير الموارد البشرية او للمدير العام

ممكن تساعدوني ؟؟؟

اول شي تبدئين للمدير المباشر وبعدين هو يرسلها للموارد البشرية والمدير العام ……

ما قصرت نعوم

ما عرفنا ليش بتستقيلين حبيبتي .. فكري عدل ترا الوظيفة مهمة فهالزمن الصعب و تسند المرأة في جميع الميادين

سبَحآن الْلَّه وَبِحَمْدِه سُبْحَآن الْلَّه الْعَظِيْم

الله يعينج

للمدير المباشر مع ذكر اسباب الاستقالة ،،، ثم تروح للموارد البشرية و تم التوقيع عليها من قبل المدير العام ،،،، اهم شى في الموضوع ،،، شهادة الخبرة بعدد السنين ،،، ثم ضم نهاية الخدمة الى مكان العمل الجديد ،،، لان عند التقاعد راح يدفعونج المبلغ الي اخذتيه عند الاستقالة ،،،، انا خلوني ادفع ما يقارب ال 40الف للاتصالات لاني أخذت منهم نهاية الخدمة

مرحبا خواتي

حابة إننا نتناقش ف موضوع مهم في نظري…اذا حد يبي يستقيل من الدوام

1- كيف يخبر دوامه عن الاستقالة
2- شو الاشياء اللي ممكن يسويها عشان يترك انطباع حسن عند الموظفين والمدراء؟
3- شو الأشياء اللي ممكن نطلبها وبتفيد عقب..يعني مثل طلب رساله توصيه..شهادة خبرة ,,الخ؟

أتمنى التفاعل من خبراتكم واراءكم

لوووول اختي انطباع حسن

انا طلبت الاستقالة من شغلي السابق بالقوة

يعني قدمتها مرتين ورفضوا مادري شو السبب؟!

وبعدين اصريت عليها واخذت شهادة خبره

مشكوورة اختي ع الرد,,لا نحن مانبغي بالقوة نبغي نترك انطباع حلو وسمعة طيبه
فياليت اتفيدينا اذا كانت عندج الفرصه شو كنتي بتسوين؟

ردي في الإقتباس بالأزرق.

لا اختي انا قدمت مرتين بكل طيبة وبكل احترام وكل شي

بس بعدين الوضع لا يحتمل والله يعلم بالنفوس

واخرها الحمد الله المكتب تقريبا راح لان الحق حق

وانا كنت متوظفه في مكتب كله رجال والحمد لله فكني

وثاني انا ماكان عندي خبره عشان جي صارت هاي المشاكل

لا اله الا الله

ربي يوفقج أختي

في حديث سهل بن سعد مرفوعاً إلى النبي صلى الله عليه وسلم:

ثنتان ما تردان :

( الدعاء عند النداء وتحت المطر )

رواه أبو داود وصححه الألباني في صحيح الجامع (3078 ).

السلام عليكم

صديقتي تحتاج مساعدتكم اخواتي

ستتزوج بعد اشهر ..وحاليا تعمل لكن تريد ان تستقيل..

مش عارفه كيف تخبر مديرها انها تريد الاستقاله وذلك بسبب الزواج..تحس باحراج لو ذكرت السبب انه فقط لمجرد انها ستتزوج

زوجها لا يمنعها ان تعمل ..ولكن هي تفضل ان تتفرغ لحياتها الجديده و بيتها ولا تريد ان تهمل زوجها وبيتها ..و زوجها سيوفر لها كل احتياجاتها.

كيف تكون صيغه رساله الاستقاله بالنسبه لهذا الموضوع و كيف تخبر مديرها انها ستستقيل بسبب الزواج دون ان تحرج نفسها؟

وشكرا.

موفقة ان شاء الله

من وجهة نظري لا تستعيل ما تعرف شو الايام اليايه شو مخبتنها

خبريها ما تستقيل … تاخذ اجازة طويييييلة بدون راتب … و تستخير …و عقب الاجازة اذا بعدها على نفس الراي تستقيل و تبلغ المدير برسالة رسمية تجنبا للحرج.

لا اله الا الله

ما أنصحها تستقيل ^_^ !

ربي يوفقج أختي

السلام عليكم بنات
انا امس قدمت استقالتي
بديت احس بندم ؟؟؟؟؟؟؟؟؟؟؟؟

شو اسوي فيني اتراجع ؟؟؟؟؟؟؟؟؟؟؟؟كيف؟؟؟؟؟؟؟؟؟؟؟؟؟

للرفع

ارجعي حبيبتي …

صدقيني بتفتقدين وااااااااااايد اشيا …

بس قبل لا تاخذين قرار

صلي استخارة و الله يوفقج يا رب

يستوي تسحبين الاستقالة اكتبي رسالة إنج تبين تسحبينها وسيري بسرعة باجر قبل لايبتدون في الإجراءات ويطرشونها الوزارة وصلي الاستخارة قبل لاتسيرين

اخواتي والله حبيت اسالكم كم المبلغ اللي ياخذه المعلم 10 سنوات خبرة كمكافئة نهاية خدمة بعد ما يقدم استقالته

فوووووووووووق

اتصلي بشؤون الموظفين في الوزاره او المنطقه بيخبرونج

اشكركم عالمرور بس اذا اي وحدة عندها اي خلفية تخبرني الله يعطيكم العافيه

اشكرج اختي عالمرور

تقريبا 120 الف