الوسم: الامساك

ولدى يعانى من الامساك

بغيت اعرف شو ااحسن دوا ينباع فى الصيدليه عشان مشكلة الامساك عند ولدى لان من البارحه لليوم وحفاضته نظيفه وبطنه يعوره وايد ودووم يصيح فالى اتعرف اتخبرنى:1 (25):

وحتى لو فى دوا شعبى خبرونى عن اسمه وطريقته:1 (46):

(وعلى فكره ولدى عمره شهرين):22 (30): :22 (4):

ويزاكم الله الف خير مقدما:22 (4):

فديييييييييته ماعليه شر ان شاء الله ..

بس ماقلتيلنا ترضعينه طبيعي ولا صناعي ؟؟؟ لو كان صناعي فيمكن الحليب سواله امساك فالاحسن انج تبدلينه واعطيه حليب ( نيفلاك ) عن الامساك …..

وسويله ملعقة يانسون في كوب ماي مغلي وخليه ربع ساعه يتنقع .. وبعدين شخليه وعطيه يشرب منه مرتين في اليوم … يعني عطيه رقمين بالمرضعه …

وان كنتني ترضعينه طبيعي كثري من شرب شاي النعناع لانه مفيد لليهال عن طريق حليبج …

وسويله مساج على الخفيف لبطنه بزيت الزيتون ( من الاعلى وتنزلين لين تحت سره بشويش ولا هب بالقوه …) وحاولي انج تعرفين له ريوله شوي شوي علشان تساعدينه على الخروج…
وفيه جونسون اللي بالبابونج زين بعد هذا تسويله مساااج على الخفيف به …

وما عليه الا العافية ان شاااء الله ومايشوف شر …

حبيتي .. عندج الينسوووووووووون وايد مفيد وعطيه من فتره لي فتره وايد مفعوووووووله زين

يبعونه في كل مكان ..

البنات ما قصرن وياج

الله يعافيه فديته
مثل ما قالو الخوات عطيه ينسون ونعناع..يفيد الكبار.فما بلج الصغار
والنعناع ما تفورينه..تحطين عليه ماي مغلي وتغطينه دقايق بعدين ينشرب
ويمكن انتي مآكله شي..سواله غازات وإمساك

وديه العياده أحسن ..يحليله صغير

أنا بصراحه من أشرب شاي أخضر وأرضع ولدي على طول يمشي له بطنه والينسون وااااااااايد زين والله يعافيه

الامساك

طفلي عمره اسبوعين ويعاني من امساك شديد شو اعطي طفلي ليقل الامساك

اليانسووون زين للامساك

وفيه دوا هملايا بعد يمدحونه للامساك ….

الغاليه روحى العياده احسن ومعافاى ان شاء الله

سويله رضعه ينسون ..
فوري ينسون في ماي وحطي قطعه سكر نبات وخليه شوي يفور .. عقب صفي الماي وحطيله في مرضعه لين يدفى شوي .. وشربيه ولدج وان شاء الله الامساك بيروح عنه ..

وممكن يقولون اتدهنين المنطقه بالفازلين وقالت لي الدكتوره شوي احط فازلين على قطنه الاذن واحطها شوي في فرج الياهل وبيطلع كل شي

بس انتبهي مب اتدخلين القطعه بكبرها ! بس شوي فالفتحه عشان اتسهل عمليه الخروج

الينسون مع سكر نبات

ماشي مثل ال أنفاكول .. هالدواء رهييب للمواليد

خليجية

انا دايما استخدمه حق ولدي .. و ما شاء الله يريحه من الغازات و يسهل اموره

و الله يسهل امورج ^^

علاج الامساك

ولديه عمره ثلاث اسابيع وفيه امساك شو اسوي

>>اذا يشرب صناعي .. طبيعي الامساك ..
بس اذا طبيعي بس .. يمكن انتي تاكلين اشياء فيها الياف وايد ..
جربي تغيرين نوع اكلج عشان النونو ..

الامساك و الرضاعه

مرحبا بنات

اعاني ويا الامساك الحاد من يوم ما ربيت
و ماقدر اخذ ادويه لاني ارضع ولدي طبيعي
و لا اني مثلا اشرب خروع لان قالولي يسبب اسهال للطفل
و خايفه تيني البواسير الله يعزكن

و البرتقال ما ينفع وياي خليجية

لو عندكن طريقة يا ريت ما تبخلن علي

الله يعينج أختي

بس جربي تاكلين اكل يحتوي على كميه كبيره من الألياف مثل التين وشوربه شوفان وبرتقال مب العصير يعني طلعي بالنت أكل يحتوي على ألياف وان شاء الله بيروح عنج الامساك ^^

حبوبة

كلي كيوي وعن تجربة

وعالريق شوفي عالريق شربي 4 قلاصات ماي وخلطي وياهن ملعقة عسل طبيعي

وصدقيني بترتاحين

وشربي ماي

كلي عنب ونتيجته فوريه

عن تجرربه كلي برتقالتين قبل لا تتريقين كل يوم وشوفي النتيجه

او حطي معلقه زيت زيتون في كوب ماي دافي واشربه ع الريق وقبل لا ترقدين

وادعييييييييلي

ان شاء الله حد يفيدج حبوبة خليجية
للرفع

انا جاني الامساك بعد ولادتي بالبكريه وما نفع معاي شئ الا التحاميل

ولدي . والامساك .؟ PLZ help

>>>>>>>>>>>>>>>>>>>>>>>>>>>>>>>>>>>

طفلي حبيبي من يووومين عنده امساااااااااااااك وما اعرف شووو اسوي له………..

شربته نعنااااااااااع ماا فاده معاه

وسويت لج مساج وبعد ما نفع

والينسوووون ما سواله شي

والحل

والله غامضني يعااني من بطنه وااايد…………

بليز خبروني شو اعطيه؟؟

كم عمره فديته

شوفي الغاليه بعد ماتسويله مساج بالزيت زيتون

خذي قطن الاذن وطيها في الزيت زيتون وحطيها في منطقة خروج البراز عيدي الكره بغمس قطن الاذن في الزيت

بتشوفينه بيطلع كل اللي في بطنه بس اتحملي دخليه شويه هب كل العود لين اخر القطنه بس

وانتي اتسوين هاي الحركه ا رفعي رجله للاعلى

وباذن الله بيرتاح

وقولي اللهم اغفر لوالدي وارحمه ويرحم اموات المسلمين اجمعين ويكون مثواهم الجنه يارب

عمره 3 اسابيع اختي

ان شاء الله بجرب اسوي له …
اللهم اغفر لوالدي وارحمه ويرحم اموات المسلمين اجمعين ويكون مثواهم الجنه يارب اميين

3اسابيع ووايد صغير وطبيعى يعانى من الامساك

اذا استمر معه الامساك فيه قطره في الصيدليه

واايد زينه للامساك اسالى الدكتور بعد اضمن

ولدي عمره شهرين ويعاني من الامساك انقذوني !!

السلام عليكم ورحمة الله وبركاته

خواتي ولدي عمره شهرين ونص .. ويعاني من الامساك من شهر تقريبا .. وديته العيادة وعطوه تحاميل .. والحين ما يخرج الا بهالتحاميل … ؟!! يتعصر وحليله ويصيح يغمضني … قالوا لي مب زين اعطيه هالتحاميل لانه بيتعود عليهم .. شو اسوي ؟؟؟ الدكتور قالي لي لا تعطينه اعشاب مثل الينسون لان الاعشاب صح تريح البطن بس تسبب الامساك … عطيته ماي وسكر نبات .. عطيته ماي وعسل .. عطيته بابونج .. ما نفع >< !

في وحدة نصحتني بعصير العنب .. يعني اعطيه ربع مرضاعه عصير وازيد عليه ماي .. شو رايكم انتوا ؟؟؟؟ اخاف اعطيه لانه صغير ؟؟ مادري ؟؟ نصحوني

على فكرة تراني ارضعه طبيعي

ويزاكم الله خير

لاحول ولاقوة الا بالله
الله يعافيه يارب
اختي جربي تعطينه حبة الحمرا
تحطين الحبه الحمرا في ماي وتخلينها لين تحسين انها انتفخت واستوت جاهزه للاكل طبعا بدون ماتفورينه
وعقب عطيه حبتين ع الاقل وانشاء الله بتنظف بطنه وبيخرج

انا ولدي عمره شهر ويعاني من الاسهال
ومب عارفه شو اسويله الله يعافيهم يارب ويطمن قلوبنا عليهم

أنا بنتي بعد،، يمر يومين وما تسوي شغلها،، وتم تصيييح و تتعصر..
بس ما عرف شو أسوي،، قالي الدكتور هذا عادي،،، وما نقدر نعطيها شيء إلا لو يمر عليها 3 أيام..
بس فديتها واايد تعاني،،
اعطيها يانسون بس ما أحس يساعد

الغاليه لا تعطينه تحاميل .. بيتعود عليها .. ولا بيروم يسويها الا بالتحاااميل..

انا بنتي شهد يمر اسبوع ولا اتسويهااا..

عطيتها الحبه الحمرا ولا فاد وياااهااا.. بالعكس مسكلهاا بطنها اكثر .. وعطيتهااا ماي وسكر نباات ولا فاد وياااهاا..

وماي بالتمر .. ولا فاد وياااهااا..

بالاخر عطيتهااا يانسووون .. اعطيها يوميااا 30 مل .. والحمد لله ما يمر يوم الا وهي مسويتنهااا..

واليانسون زين حق الغازات والامساااك ..

وربيه يحفظلج ولدج..

خليجية المشاركة الأصلية كتبت بواسطة خيماويه 999 خليجية
لاحول ولاقوة الا بالله
الله يعافيه يارب
اختي جربي تعطينه حبة الحمرا
تحطين الحبه الحمرا في ماي وتخلينها لين تحسين انها انتفخت واستوت جاهزه للاكل طبعا بدون ماتفورينه
وعقب عطيه حبتين ع الاقل وانشاء الله بتنظف بطنه وبيخرج

انا ولدي عمره شهر ويعاني من الاسهال
ومب عارفه شو اسويله الله يعافيهم يارب ويطمن قلوبنا عليهم

عطيته الحبة الحمرا بنفس الطريقة وما فاد معاه !

مشكورة اختي والله يعافي ولدج يا رب

خليجية المشاركة الأصلية كتبت بواسطة ::ملاك:: خليجية
أنا بنتي بعد،، يمر يومين وما تسوي شغلها،، وتم تصيييح و تتعصر..
بس ما عرف شو أسوي،، قالي الدكتور هذا عادي،،، وما نقدر نعطيها شيء إلا لو يمر عليها 3 أيام..
بس فديتها واايد تعاني،،
اعطيها يانسون بس ما أحس يساعد

عيل ولدي تمر عليه 4 ايام احيانا 5 ولا يوصخ !! يعاني والله .. والينسون منعه الدكتور قال يسوي امساك !! لا حول ولا قوة الا بالله

خليجية المشاركة الأصلية كتبت بواسطة الياسيه20 خليجية
الغاليه لا تعطينه تحاميل .. بيتعود عليها .. ولا بيروم يسويها الا بالتحاااميل..

انا بنتي شهد يمر اسبوع ولا اتسويهااا..

عطيتها الحبه الحمرا ولا فاد وياااهااا.. بالعكس مسكلهاا بطنها اكثر .. وعطيتهااا ماي وسكر نباات ولا فاد وياااهاا..

وماي بالتمر .. ولا فاد وياااهااا..

بالاخر عطيتهااا يانسووون .. اعطيها يوميااا 30 مل .. والحمد لله ما يمر يوم الا وهي مسويتنهااا..

واليانسون زين حق الغازات والامساااك ..

وربيه يحفظلج ولدج..

شي غريب .. والله هالدكاترة ما نعرف لهم .. قالي لا تعطينه ينسون لان الاعشاب اتسبب الامساك .. انا بعطيه كل يوم 30 مل وبشوف .. ان شا الله تنفع هالطريقة معاه

مشكورة حبيبتي

الغاليه ان كنتي تعطينه حليب صناعي غيري الحليب

و عطيه ماي

و جيبي العود ما الاذن و حطيه فزيت زيتون خلي القطن لين ما تتشرب الزيت

و حطيه لو جوه

بشويش دخليه و طلعيه مرتين او تلات

و هو بادن الله راح يرتاح

لا تعودينه على تحاميل

احسن شئ الماي و زيت الزيتون

و اي استفسار راسليني اختي عادي احنا خوات

خليجية المشاركة الأصلية كتبت بواسطة meshad خليجية
الغاليه ان كنتي تعطينه حليب صناعي غيري الحليب

و عطيه ماي

و جيبي العود ما الاذن و حطيه فزيت زيتون خلي القطن لين ما تتشرب الزيت

و حطيه لو جوه

بشويش دخليه و طلعيه مرتين او تلات

و هو بادن الله راح يرتاح

لا تعودينه على تحاميل

احسن شئ الماي و زيت الزيتون

و اي استفسار راسليني اختي عادي احنا خوات

ما اعطيه صناعي … ارضعه طبيعي

وسويت هالحركة الي تقولين عنها .. بس ما يخليني ويصيح صياااااااااااااح .. بس مرة وحدة نفعت معاه .. والحين كل ما احاول اسويله هالحركة يصيح بشكل .. شو اسوي

الامساك عند اليهال!!!

السلام عليكم ورحمة الله وبركاته

خواتي عندي مشكله ويا بنتي….اهي عمرها سنه و8 شهور

فطمتها واحين تشرب حليب المراعي,,,بس وااايد تتعذب اذا يت تخرج وانتوا بكرامه

مرررره اتم اصارخ لين تخلص..اعطيها عصااير وايد وخيار وروب والاكل الاعتيادي بس ماشي فايده

ساعدوني والله قلبي يعورني عليها يوم اتم اصيح

خليجية

فديتها قلبي عورني عليها احنا يوم يجيسنا امساك نهلك فمابالج بالياهل
الغالية عطيها برتقال بروحج طعميها البرتقاله بحالها لان الفايده بالالياف و الخوخ الحين موسمها وووووااااااااااااااايد مفيد للامساك
حاولي تستبدلين حليب مراعي بحليب ثاني سيري لدكتورة بتعطيج حليب زين للقضاء على الامساك

مشكووووره حبيبتي

انا ادري عن البرتقال ..لكن والله عيزت اباها تاخذ ما اطيييع مول

بالغصب اذا خذت قطعه

صدقج يبالي اغير عن المراعي

يزااج الله خير

ان شاالله بييبه عسى بس أحصله

ثمان شهور وحليب المراعي غريييييييييييييييييييييييييييييبه

اللي اعرفه ابد حليب الطازج مب زين لليهال اقل من سنه

اعطي بنتج حليب سميلاك غين ابرك لها وعليج بالحبله الحمراء ويا الماء وبيمشي بطنها

وكثري من السوائل لها

الله يوفقج الله يرزقنا الزوج الصالح

الغاليه غيري الحليب خللي المراعي حق عمرالسنتين وفوق بعدها صغيره جربي حليب بديا شور رووعه

ولدي والامساك ارجو الاهتمام والرد ضروري

السلام عليكم شخباركم بس حبيت اقولكم عن ولدي عمره سبع شهور وطبعا بديت اعطيه اكل مثل بطاط وكوسه وجزر وسيريلاك وميلوبا ارز ولكن استوه له امساك من 5 ايام تقريبا وكله يصيح اباكم تساعدوني الله يخليكم اي شي يلين البطن اعشاب ما اعرف شو بس ردو علي ضروري

الغالية فديتج سلامته بس جربي تعطينه عصير برتقال طبيعي سويه في البيت صدقيني بروح الامساك عنه وبتشكريني ان شاء الله انا كنت اسويه حق بنتي والحمد والله نفع وياها وااااايد

اقطعي عنه البطاطا والموز والروب والاكل اللي. يسوي الامساك
وجربي عصيربرتقال مثل ما قالت اختي
وان شا الله ما عليه شر

الغلا
بقولج شي وانتى سويه
تعرفيين الخيار اعصريه وعطيه فالمرضعه وحطي فنجال ماء والله العظيم راح يرتاح
وعندج
وبعد
البرتقال زين وايد
وعند ماء العيش زين

والله يشفييه
بس بسن هذا عادي الامساك لانه جسمه يتكون
سبحان الله

حطي خاشوقة عسل اوي الحليب

أنا جربت عصير البرتقال للإمساك..والصراحة وايد زين..
بس حبيبتي الروب يسبب إمساك من الأساس..وحتى الموز يسبب إمساك فهالأشياء ابعديهن من قائمة أكله..وإن شاء الله يروح الإمساك..

احتاج انكن اتفيدوني عن تحاميل الامساك

سلام …. اشحالكن
انا صار لي 40 يوم من ربيت طبعا اول مولوده امس حسيت ان بنتي فيها امساك ابسبة الغازات وحطيت لها تحميل وهي ع طول نزلت برازها ويا الحميل ومره ثانيه حطيت لها وهم نزلته وعقب حطيت لها التحميل ما طلعته عقب قريت انه يستخدم من عمر 2 الى 5 تم تقريبا ساعه وعقبها اشوف هي امطلعه التحميل بس هي تضغط ع عمرها لحد الحين وانا خايفه يكون من مفعول التحميل

حبيبتي بنتج وايد صغيره ليش تعطينها تحاميل حرام

الطفل بهالعمر عادي يكون عنده امساك

وعادي لين 5 ايام وشي دكاتره يقولج لين اسبوع عادي

اصبري عليها

الغاليه اذا تعطينها حليب صناعي غيري نوعية الحليب مرات الحليب يسوي امساك اذا فيه نسبة حديد مرتفعه، حاولي ترضعينها واااايد لان حليب الام الطبيعي يمشي البطن سبحان الله…… التحاميل ما تضر لكن لازم ما تستخدميها كل يوم ، استخدمي تحميله وحدخ بس و اتريي يومين قبل ما تحطين تحميله ثانيه…. نصيحه اذا تمتع هالحاله البيبي وديها عياده ضرووووري… انا صراحه اعطي عيالي شوية عسل مذوب في ماي.. صراحه يلين البطن

جربي العسل بالماي لا تتريين اكثر من 3 اياااااام!!!!!!!!!!!!!

بنتج وايد صغيره على التحاميل
اذا تعطينها طبيعي بيمشيها بطنها كل يوم
بس اذا تعطينها صناعي نصيحه غيري الحليب بسرعه وابتعدي عن التحاميل بدون وصفه من الدكتور

دكتور اطفال منع اني استخدم تحاميل لولدي
قال الامساك اذا كان الخروج جامد ويتألم الطفل اثناء الخروج حتى لو كان الطفل يسويها ثلاث مرات باليوم ومايعتبر امساك اذا كلن لين حتى لو كان خروجه مرة كل خمسة ايام
لكن عمر اربعين يوم ماييهم امساك اذا رضاعة طبيعية يمكن تعطينها صناعي فغيري الحليب
اذا ماتقدرين طبيعي ابتاميل ممتاز يخلي الخروج نفس اللي يرضع طبيعي
أفضع حليب صناعي اس 26 يسبب امساك لمعظم اليهال

اذا اضطريتي عطيها duphalac شراب شفاف يمشي البطن بدون اسهال ولا يتعود الجسم عليه يعني لو استخدمتيه بشكل يومي وقطعتيه فجأة عادي ومايمتصه الجسم صالح للصغار والكبار وحتى الرضع والحوامل نص ملعقة صغيرة يومياً

البسلة تقاوم الامساك

البسلة تقاوم الإمساك

——————————————————————————–

أكد باحثون أن البسلة ترفع نسبة السكريات في الدم، كما أنها تمنح الجسم مواد مهمة عديدة تعمل على حفظ التوازن الغذائي عند من يتناولها، هذا بالإضافة إلى أنها مصدر جيد للبروتينات النباتية والألياف التي تساعد على تنبيه الأمعاء وتقاوم الإمساك.

وأوضح الباحثون أن البسلة تمنح الطاقة للجسم، لما لها من سكر وألياف وبروتينات، لذلك تكفي كمية لا تتجاوز 150 جراماً من البسلة لإشباع الشخص.

وأكد الباحثون أن البسلة تحمى من العمى، وذلك لأنها غنية بمادة "اللوتين" التي تلعب دوراً في الوقاية من مرض "تدهور الجزء المسئول عن الإبصار في الشبكية" والذي يعتبر السبب الرئيسي وراء الإصابة بالعمى بين كبار السن.

منقول للفائدة