الوسم: الرضاعه

بنات أنا أرضع وبنتي عمرها شهر ونص ،، وانا قررت اشرب خلطة ( السنوت + الليمون ) عشان اضعف ،،، سؤالي عادي اشرب هالخلطه ولا لا ؟؟؟

يعني ما بتضر بنتي ….؟؟؟

اتريا ردودكم الغاليات ………………..

هلا الغالية …

الصراحة ما عرف اذا منها ضرر ولا لأ …

بس انصحج لا تستخدمين هالخلطات فترة الرضاعة .. ما تدرين يمكن بعيد الشر اضر بنتج …

والله يعافيكم من كل شر ان شاء الله …

مشكووره الغلا عالرد ،،،

بنات ليش محد يرد ،، ممكن يكون تافه بالنسبه لكم بس الموضوع وايد هامني !!!!!!!!!!!!!!!!!!!

الغاليه

عاادي مافيه اي ضرر

مرت اخوي كانت تشرب
وعلى فكره السنوت واايد اوكيه للطفل
يبعد عنه الغازاات

توكلي ع الله

خلاص عيل بشرب وبتوكل على الله ،،،

مشكووووووووره عالرد اختي ويزاج الله خير

ومنكم نستفيييد

بس كيف هالخلطه وكم مره لاني انا بعد ارضع وبنتي عمرها شهرين ونص

السلام عليكن خواتي شحالكن .؟

انا مربي من خمس شهور وشوي . وارضع طبيعي ورضعه صناعي واعشاب ..
ولين ألحين ما يتني الدوره الشهريه ..ولا أستعمل أي مانع غير الواقي , وبصراحه حسيت زوجي مل منه
وسؤالي ألحين عادي أستعمل حبوب منع والدوره مانزلت عليه ؟؟؟

إذا كان عادي شو أنسب حبوب لي ؟؟

اتمنى مساعدتكن خواتي ….

المفروض تاخذين حبوب الرضاعه قبل شهر و شوي من المعاشرة عسب مفعولها يستوي قوي يعني انصحج بسيرازيت بس خذيهم شهر وشوي بطريقة منتظمة جدا يعني ما تغيرين التوقيت ابدا عسب مفعولها ما يخف وكملي على الرضاعه الطبيعية وبعد فترة اتركوا الواقي وهالحبوب ما توقفينها سواء يت الدورة والا لا
في دكاترة بعد يركبون لولب بدون دورة ترومين تركبين
والله يوفقج

مساء الخير اختي.. ممكن الدورة تروح الدورة مع الرضاعة او تتاخر فعادي
اما بالنسبة للمانع ففي نوع مانع وحيد للرضاعة اسمه cerazette
28 حبة وما يتوقف ورا بعضة
وانشالله بناسب جسمك وترتاحي معه

يعني عادي آخذهن وأنا أرضع هيه؟؟؟
ويزاكن الله خير …

قصدي عادي آخذهن وأنا الدورة مانزلت عليه .؟

انا ماخذت الحبوب المنع قبل الاربعين علشان مايخف حليب صدري …لاني بأول ولاده لي كلتهن ووايد خف حليبي
سويت كل الطرق من اكل ومن رضاع انا انتفخت وغديت متينه من الطحينيه والحليب والعصاير …صدري ناشف وغادي شرات الخلقه ..
وماكملت رضاع البيبي بعمر 4 شهور دخلت صناعي وضعف وايد لانه ماكان يحصل حليب
فقلت بالولاده الثانيه ماباخذ حبوب الا عقب مايكمل ال6 شهور وريلي كان موافق معايه
اما الحين الحمدلله كل شي زين فقررت اخذ حبوب .

خذي حبوب الرضاعه ماتنشف الحليب وتمنع بنفس للوقت

بدخل فالموضوع دايركت يا ناس أنا تغبت من الرضاعه الطبيعيه والله أنها تعب لدرجه اني اتنرفز وتيني حالة عصبيه يوم بنتي تقول ناناه يعني صدر. قبل كنت ألوم الحريم اللي ما يرضعون عيالهم طبيعي لكن الحين اشجع الصناعي. عليكم بالمراضيع والله انه راحه

حبووبه صح اني مب معرسه .. بس من اللي شفته من الرضاعه الطبيعيه يعني اشوف امايه اترضع اخويه الصغير
الرضاعه الطبيعيه مفيده لج ولبنتج .. يعني في المستقبل ان شاء الله بتنج بتكون بصحه جيده بإذن الله وبالنسبه لج
بتكون هناك نسبة ضيله جدا انج اتكونين مصابه بسرطان الثدي لا سمح الله والله يبعد هالمرض عنج وعنا ان شاء الله

واقري عن الرضاعه الطبيعيه في النت لانها وايد زينه ولا تقولين تعب .. هو تعب في البدايه بس عقب بترتاحين ^^

والسموحه ع الاطاله

ادعولي ان الله يرزقني بولد الحلال

بس يالغالية مرتبة الام عالية مو كذا الرسول قال الجنة تحت اقدام الامهات مو عبثا نحصلها نتعب ونصبر ونحصل اجر مضاعف

الله كريم يا اختي كل شي عشان خاطرهم يهون

صدقكم ولكن تعب يبالها صبر مشكورين عالمرور

للرفع

انا من كم يوم مربيه الحمدلله
وكلهم شجعوني على الطبيعي مع اني اعاني والله عشان بنتي ترضع بس ان شاء الله ربنا بيصبرني وبيخليني اكمل طبيعي لانها افيد لبنتي ….وهي كل حياتي

مرحبا خواتي شحالكم شخباركم……

اختكم مربيه وكملت تقريبا45 يوم مشكلتي من الرضاعه استوى عندي صدر صغير والثاني كبير ومب عارفه كيف احل هالمشكله قمت ارضعها اكثر من الصدر الكبير عشان يتساوي ويا الصدر الثاني وماشي فايدة دخيلكم قولولي الحل؟؟؟؟؟؟؟؟؟؟

سلام عليج الغالية اشحالج

واشحالها فديتها الميترو (هاي شفره خخخخخخخخ)

بسم الله عليج جي جذه المفروض الغالية ترضعينها من الصدرين عادي

يعني المره هاي من اليمين والمره الياية من اليسار

واذا في نفس الوقت ارضعت من اليمين مثلا وحستي انها بعدها ما اشبعت ارضعيها على طول من اليسار

وطمنينا عليج

وان شاء الله بعد الخوات ايفيدونج

يــــــــــــــــــــــاحيج يالغاليه لج وحشه فديت عمرج شحال اللومي شو اخباره …….يابوج المترو ملعوزتني شوفي انا من قبل كنت احاسب على هاي السالفه كنت الرضعه من كل صدر 10 دقايق والرتب السالفه بس ماادري كيف ……

حبيبتي انتي جيه اتزيدين الطين بله بالعكس الصغير رضعيها منه اكثر تعرفين صغير لانه مافيه حليب وكل مارضعتيها منه اكر بيسوي حليب اكثر

مشكورة حبيبتي ميميه والله حسيت اني ازيد الطين بله وفكرت نفس التفكير قلت عشان انا قمت ماارضعها منه خف الحليب

ههه شو هالشفرات

حبيبتي .. ماعليه بيكبر صدرج لا تحاتين ^^

عادي لا تحاتين ……………… شي طبيعي

بس اهم شي مره من هالصدر ومره من الثاني ………. يعني مب بس واحد .. وهو لازم يكون فيه توافت فلحجم

بتخبركن ..

الحرمه اللي اترضع دورتها اتكون منتظمه ولا لا ؟؟؟؟؟؟؟

انا ارضع و بنتي عمرها 6 شهور .. يتني العاده يوم كملت شهرين و يوم كملت 5 شهور ؟؟ << يعني بس مرتيييييييييييين ….

يعني مب منتظمه مووووووووووووووول .. مع انه قبل ما أحمل كانت منتظمه ..

فهموني شو السالفه ؟؟

ليش جي مستوي بها ؟؟ هل له خص بالرضاعه ولا لا ؟؟؟

و السمووووحه عالمغثه …

هيه حبوبة الوحدة يوم ترضع مااتيها الدورة

يعني ها شي عادي لاتحاتين

عادي حبوبة معظم اللي يرضعن ما تييهم دورة وحتى يوم بتوقفي رضاعة يبالج كم من شهر عسب تنتطم

عادي حبوبة معظم اللي يرضعن ما تييهم دورة وحتى يوم بتوقفي رضاعة يبالج كم من شهر عسب تنتطم

يزاكن الله خير .. كنت خايفه ان فيا شي .. بس الحمدلله دام جي السالفه …

شحالكم بنات بغيت اسألكم فديتكم اختي عندها بنوته بنت شهرين وترضعها طبيعي وصناعي والحين عندها ظرف جدااااااااا صعب وبتتوقف عن الرضاعه لمدة اسبوعين بسألكم هل بتتقبل بنتها الثدي مرة ثانية والحليب عادي بيتم والا بينشف هي كل يوم تشفط لبنتها بالشفاطه بس ما ادري……..
فديتكن اللي تعرف ترد عليه ما تقصرن.

دام إنها بتستخدم الشفاطه فبتقدر تشفط الحليب كل ما يتجمع في صدرها وبعدين تقدر تشفط كميه من الحليب وتخلونا في الثلاجه أو حتى تجمدونها في الفريزر في مكان مكعبات الثلج ما راح يصير لها شي..بس طلعوا كميه بسيطه وسخنوها وعطوها للبنوته طبعا مع الحليب الصناعي وبعد عطوها ماي التمر..تذوبين حبتين تمر في ماي حار وتشخلينه وتخلينه إلين ما يدفى وتعطونها أياه بيشبعها وفي نفس الوقت مفيد لجسمها..أتمنى إني أكون أفدتج بشي والله وياكم ويرجع أمها بالسلامه..

مشكوووووووره اختي ويزاج الله خير ما قصرتي…….

السلام عليكم

بناات انا حاليا نفاس و ارضع بنوتي وعندي عوااار في ضرسي

خاصة فالليل وماااروم ارقد من العوار

السؤال هنيه عادي اشرب بروفين 600 ولا بيأثر عليها ؟

UP UP UP

الغلآ انا يوم طلعت من الدختـر عطوني بروفين وبندول وتحاميل مسكنه للألم واايد ادويه

فـ تخبلات الدكتورة قالت عادي ما يآثر

احيدنـي خلصت علبه وبديت فالثانيـه

والحمدالله الحين اهون

البروفين و بندول عادي ما يأتر على الحليب

عااااااااادي ما يؤثر الغالية ..؟؟

السلام عليكم وشحالكم كلن بحاله
انا عندي مشكله وياولدي عمره فديته 20 يوم وملعوزني مايبا يرضع من صدري وانا اضطر اعطيه صناااعي واتيه غازاات وماابغيه يتوعد عليه
الحين اشفط له من صدري واعطيه بس انا اباه يرضع من صدري لانه الرضاعه واااااايد مفيده
هالموضوع لامهات واصحاب الخبره
دخيلكن انا بكريه وهذا اول بيبي عندي وابغي اهتم فيه واعوده ع الاكل الزين
ام سهيل

خليه ايووع وعقب بيشرب
حاول يوياه موول لاتعطينه مرضعه يوم كامل بيشرب من صدرج يوم بيوع وماافي حل غير الصدر

انا بعد كنت نفس الشي تقريبا اسبوع ما يمسك صدري

بس تميت ادعي الله واحاول لييين ما مسكها

ومثل ماقالت الاخت قبلي يوعيييه

مووول لا تعطينه حليب لين ما يمسكها

والله يعينج ويوفقج على تربيته

اول ما ينش من النوم عطيه على طول صدرج
لا تعطينه مرضعة عقب تعطينة صدرج

خليـــه ايووع ,,
بيرضع عقب

لاتعطينه مرضعه فديته صغير

ربي يحفظة لج
ااااااااااب

السلام عليكم ورحمة الله وبركاته..

عندي مشكله صغيره ممكن تفيدوني بخبراتكم؟؟

انا طولي 154 وكان وزني 54 يعني طبيعي .. هذا اكثر وزن كسبته بحياتي..

المهم حملت وربيت ويا الرضاعه ضعفت ووصل وزني 45 والكل يقولي انتي وااايد ضعفانه
مع العلم اني اكل مثل قبل…

فبغيت اعرف في اكل معين بيزيد وزني حتى لو ارضع..
مع العلم اني عندي الكوليسترول.. حاولت فتره اني احاسب باكلي بس ما قدرت .. لاني ارضع ووايد اشياء ممنوعه للي عندهم كوليسترول فتعبت وكان ييني هبوط كل يوم..

سوري طولت عليكم بالسوالف ..
بس ممكن تفيديوني شو ممكن اسوي؟؟؟

من فوائد الرضاعة الطبيعية للأم انخفاض الوزن التلقائي لها، وعودة حجم الرحم إلى ما كان قبل الحمل، والمحافظة على الرشاقة، ومنع الحمل لفترة مناسبة، وكذلك التقليل من نسبة الإصابة بسرطان الثدي.

وعلى المرضع بشكل عام أن تتناول المزيد من الفاكهة والخضراوات وتتجنب الحلويات والأطعمة الدسمة التي تزيد الوزن، إلا أنه يستحسن أن تتناول الحليب لأنه غذاء أساسي للأم والرضيع وعليك أيضاً أن تتغذى جيدا وأن تتناولي كمية وفيرة من السوائل. ولاتنسي اكل العسل يوميااااا