بسم الله الرحمن الرحيم
السلام عليكم ورحمة الله وبركاته
مبارك عليكم الشهر خواتي
ادش ف الموضوع على طول يكون احسن
توفير للوقت واختصار للموضوع
خدامتي اندونيسيه مسلمه عمرها 26 اعرضها اهنيه عندكم للتنازل
مشتغله قبل سنه ف السعوديه مربية اطفال بس ما كملت عندهم لان الولد كان معوق عافاني الله وما كانت تعرف شقا تتعامل وياه عدل
وشهرين ف الامارات ف راس الخيمه ما كملت عندهم بسبة ان صاحب البيت ريال كبير وكان يتحرش بها على حسب كلامها
ويتني انا من ثلاث شهور
بس انا ما يايبتنها بكيفي ومزاجي ريلي كان يحن عليه ان اييب خدامه تساعدني
مع اني مب محتايتنها ابد
كوني ساكنه ف بيت اهل ريلي
يعني ساكنه ف غرفه وصاله ومطبخ وحمام
ومب عيزانه عن شغل البيت
وما عندي اعيال عشان يثقل علي شغل البيت
فعشان جيه استكثرت عليها الراتب 700 درهم على شغل بسيط
اتخيلوا يا بنات
انا كنت عاطتنها جدول
انها اتقولم الساعه 5 ونص الفجر تسبح وتصلي عقب اتغسل سيارة ريلي
وعقب الساعه 7 اتغسل الثياب وتروحهم
وتغسل الحمام عزكم الله واتنظف المطبخ والارضيات تمسحهم واتخم وتنظف الجام والاسطح
والساعه 11 ونص تكوي الثياب
يعني اتخلص شغلها ع الساعه 1 الظهر
واذا بسوي غدا اخليها اتجهز لي
مثلا تقطع لي الدياي
والخضره
وانا اللي اطبخ
ف يوم كامل ما تسوي شي
لان ما عندي بيت يستدعى انها تشتغل فيه
مع ان شغلها ما عليه كلام
وهي نظيفه الصراحه
وتعرف اتسوي اكل انا وعمتي علمناها بهالثلاث الشهور
تعرف اتسوي عيش
قولي لها حق صالونه
بتجهز لج الاغراض وبروحها بتسوي اذا حبيتيها تطبخ
وتعرف اتسوي بسبوسه ومحشي كوسه وكيك
هي اول ما بتييج بتقولج ما اعرف اسوي
بس عقب بتصارحج وبتقولج اعرف
انا جيه سوت وياي ويوم كنت عازمه اهلي
قالت لي مدام انت تعرفين اتسوين كوسه انا اعرف
واتعرفين اتسوين بسبوسه وكيك انا اعرف
جان اقولها عيل يوم انج تعرفين لزي المطبخ وسوي
وحلو اكلها الصراحه
بس انا والله العظيم ما احتاج خدامه لا هيه ولا غيرها وربي شاهد عليه
وبس هذي هيه اسباب تنازلي عنها
وعمتي بيتها صغير فما تحتاي خدامه
وهيه ما اتييب اندونيسيات كله اتييب بنغاليات فما تباها
مع انها تمدح وايد بشغلها بس اتقول ما عندي ادفع راتب ثتنين
ومن الاساس بيتي ما يساعد اني اييب شغالتين
فأي وحده تباها
تراها مكلفتنا وايد والله
فوق ال 5000 وشي
وقلت لكم يديده من 3 شهور الا يايبتنها
وهيه معرسه وعندها ولد عمره 4 سنوات
وتتحجب وتلبس لبس الخدم عادي
ولا طويله ولا قصيره ولا متينه ولا ضعيفه زينه
وبيضاويه
ومرتبه
وبس
وسعر التنازل 5000 درهم غير قابل للتفاوض
لأن هالسعر هو سعر التكلفه واقل من سعر التكلفه بعد
واللي تباها اتسوي لها تأشيره نقل كفاله من المكتب
والمكتب هو مكتب فاست للخدمات في راس الخيمه حذال الجوازات
المشاركة الأصلية كتبت بواسطة نسيان 
شحالكم انشا الله بخير وصحه وسلامه .gif "12 (101)")
.gif "12 (13)")
ههههههههه.gif "12 (55)")
.gif "13 (30)")
.gif "12 (73)")
على المرور وتشجيعج قوي الصراحه…واثلج قلبي.gif "12 (94)")
