الخلطة الاولى
1 كيس حمص مطحون تحصلونه في الجمعية
1 ملعقة صغيرة كمون مطحون
1 ملعقة صغيرة كركم
نصف ملعقة صغيرة ملح
1 ملعقة صغيرة بيكربونات الصودا
ماي حسب الحاجة
اول شي نجهز مله ونحط النواشف و نخلطهم مع بعض وعقب نصب الماي بكميات قليلة ونخلطه زين واهم شي الخلطة هذي لازم ما تكون غليظة ولا انها سايلة يعني وسط وتكون متماسكة وانتو تحكمو في كمية الماي و العجينة وعقب ما نخلطها زين نغطيها ونخليها في مكان دافي لمدة ساعة
الخلطة الثانية وهذا السر اللي يعطيها الطعم العجيب
6 بصلات
نصف باقة نعناع او باقة سبانخ
كمون ملعقة صغيرة
زنجبيل مفروم ملعقة صغيرة
رشة ملح
6الحين نقطع البصل انصاف وشرايح نقليهم في ملعقتين زيت
بنات البصل لازم يكون محمر هب محروق يعني تقلون البصل على راحته مع التحريك وعقب ما يجهز البصل نخليه يبرد شوي في هذا الوقت نجهز الاشياء الثانية
نصف باقة نعناع نفرم الاوراق فرم خشن او تقدرين تستبدلين النعناع بسبانج طازج و مغسول زين ومقطع
عقب نصفي البصل من الزين ونضيف النعناع او السبانخ مع البصل والبهار ونخلطهم زين
الخطوة الثالثة نضيف البصل على عخلطة الحمص ونخلطه زين ما زين
ونجهز الزيت ويكون غزير وناخذ ملعقتين صغار ونشل من خلطة اللي جهزناها ونضيف العجينة على شكل كور في الزين ومن يتمر الوجه نجلبها على الطرف الثاني وخلصت الطيخة
وتقدرين تحتفظين في الطبخة لين اليوم الثاني في الثلاجة
بنات جربوها والله لذيذة وطعمها غير وادعولي واللي عنده اي سؤال انا حاضرة وبالعافية عليكم
تسلمين ع الطبخة
خواتي عشان الصور ما اقدر احط صورة واذا اي وحدة منكن جربتها تحط الصورة وسامحني
