الوسم: البتزا

المقادير لصنيه كبيره 2كوب دقيق 1بيضه نصف كوب لبن دافئ نصف كوب سمن او زيت ملعقه صغيره خميره فوريه مع القليل من الملح رشه ملح وفلفل اسود يراعى ان يكون كل المقادير بنفس الكوب نزوب الخميره مع السكر بدعكهم معن ثم تضع على كل المقادير السابقه وتعجن جيد جدا جدا جدا جداوبعد ذالك تفرد فى الصنيه وتغضى حتى تخمر وترتفع وبعد ذالك ضعى عليها ما يحلو لكى صلصه وطماطم وفلفل اخضر وزيتون وتونه وبصل وجبنه

تسلمين الغالية …

مشكوووووووورة يالغااااااااااااااااالية ..
ويعطيج ألف ألف عااااااااااااااااااااااافية ..

السلام عليكم والرحمه الله وبركاته ..
شخباركم سيدات الامارت …
بعد ما حطيت موضوعي عن جبن موزاريلا…

https://forum.uaewomen.net/showthread.php?t=523393
طلبت كمن وحده طريقه عجينتي الذيذه … وها انا اوفي بوعدي لهم .. صح شوي أتأخرت بس لأني كنت حابه اسوي البتزا و اصور الطريقه من كم يوم بس ما قدرت .. فقلت خلاص بنزل الموضوع من دون الصور ..^_^

– مقادير العجينه لـ ( 2 بتزا متوسطه ):-
-5 كوب (كوب جبن كبير) طحين رقم 1 .
– نص كوب زيت
– ذره ملح
– ملعقتين وربع خميره فوريه ( ملعقه طعام )
– نص علبه زبادي … أو … نص كوب لبن طازج ( مثلا مراعي … عين … روابي)
– ملعقه نشا
5‏ ملاعق سكر
– نص ملعقه ثوم مطحون أو أقل ( ما ادري أنا احط بطريقه عشوائيه )
– اريغانو للبتزا ( حسب الرغبه ).
– الطريقه :-
نخلط جميييع المقادير ونبدأ نعجن بماء دافي لين ما تتماسك العجينه عدل ( طبعا انا اوسوس ويلس اعجن واعجن لين ما خلاص أتاكد إن العجينه متماسكه ولين ما احس ان ايدي فقدت الاحساس .. خخخخخ …. ).
وتترك لتتخمر بس نص ساعه
وفي هذه الاثناء .. أنسوي الصلصه
– مقادير الصلصه :-
– بصل
– طماط
– كتشب
– ماجي
– ثوم
– دقوس
الطريقه :-
-نقطع البصل شرائح ونقسمهم الى مجموعتين
-نقطع الطماط شرائح ونقسمهم الى مجموعتين
-نضع المقالاه على النار وأنحط فيه الزيت
-ونحمر المجموعه الاولى من البصل حتى يذبل .. ثم نضع المجموعه الاولى من الطماط لين ما ينطبخ ونحط فوقه كتشب وماجي وقليل من الدقوس .. ونحرك . نحرك .. وبعدين انغطي شوي على نار هادئه ……
-وبعدييين نحط المجموعه الثانيه من البصل والطماط بس نطبخه شوي ونحرك مع المراعاه أنهم ما ينطبخون بس شوي علشان النكهه فقط ( فهمتوا … ؟؟؟؟ ) وبس خلاص

بعد مرور نص ســــــــــــــــاعه من العجينه
نفرك العجينه واتكون أشوي سميكه ( شوي … مب وايد بس علشان ما تكون يابسه )
-نضع طبقه خفيفه من جبن المراعي ( الكريم ) على العجينه مباشره قبل الصلصه لحفاظ على ليونته ….
– بعدين انحط الصلصه فوق الجبن ( طبعا الصلصه مكونه من البصل وطماط المطبوخ والبصل والطماط الغير مطبوخ …. )
– نقطع جبن شيدرمكعبات متوسطه : ونغرسها في العجينه يعني على البتزا الوحده يعني تقريبا من 8 الى 10 قطع .
-نقطع جبن شيدر على شكل اصابع طوال .. طوااال : وانلف أطراف البيزا وانحط صبع صبع من الجبن لين ما أنكمل اطراف البيتزا الدائريه ( لتثبيت أغرس الشوكه على نهايه كل لف من اطراف البيتزا )
-وبعدين أنحط دجاج .. أو .. لحم ..أو .. ربيان .. أو .. نفانق … الخ
-فلفل الرومي البارد ( أنا افضل اقطعهم شرائح مدوره )
-زيتون .
-والفطر المعلب ( طبعا حسب الرغبه )
-واخيرا انحط جبن موزيريلا ( PRESIDENT )
-وخلاص
لا تضحكون علي اعرف شوي كاتبه بالعاميه وشوي بالفصحى بس المهم أن شاء الله وصلت لكم بيتزا بطريقه مفهومه …
–

واوه نسيت اقولكم هاي العجينه تنفع لفطاير والسنابون بس لا اتضيفون الثوم المطحون و اريغانوا
وهنـــــــــــــــــــا والعـــــــــــــــــــــــــــــــــــــافيه

ان شا الله بجربها

مشكوووورة وتسلمين
ان شاء الله بجربها

انشاء الله بجربها وبخبرج

مشكوووورة وتسلمين
ان شاء الله بجربها

يعطيج العافية الغلا انشاء الله بنجربها

يسلمووو اختي
يعطيج العااااافيه

السلام عليكم ورحمة الله وبركاتة
شخباركم سيدات بخير ان شاء الله
عندي عزمة وابي طريقة الخلية النحل والبتزاء والسبنون ويزاكم الله خير

و عليكم السلام و رحمة الله و بركاته

صباح الخير….

اختي انا اعتمد دايمن هالعجينه انا مجربتها ..
.رووووووووووعة قليله عليها

في هذي العجينه قليل عليها والله ….. والله يجزاها خير صاحبتها
نبدي في طريقة عمل هذى العجينه
المقادير:
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق.
وانا زدت عليها 2 ملعقة حليب بودر … لان الحليب يعطيها طراوه اكثر
الطريقه:
تخلط هذه المقادير مع بعض وتترك لمدة 10 دقائق
بعدالعشر دقائق يضاف لها
3 كاسات دقيق /نصف كاس زيت.
وتعجن جيدا وتستخدم على طول
ملاحظات
مثل ما شفنا العجينه تنقسم لقسمين وتتخمر عشر دقايق في القسم الاول … وتضاف عليها باقي المكونات
يعني مجموع الطحين في العجينه هو خمس كاسات
الكميه ممكن تكون كبيره على بعضكم لكن ممكن تشكلي فيها وتنوعي يعني تقسمي العجينه حق فطاير وحق عمل البيتزا او حق خليه

لاتنسين العجينه تتكون من مرحلتين
والكاس المستعمل هو كاس الجبن =240 غ
والملعقة ملعقة الاكل وتكون الكميه ممسوحه
والحليب عادي وحتى لو الملاعق مليانه
والفنجان استعمل فنجان القهوه التركيه بس ما امليه على الاخر
والعجينه تتكون من مرحلتين
بالاول تخلطين المرحله الاولى وتتركيها عشر دقايق وراح يكون شكلها سائل اشوي
فنجان قهوة سكر / 2 ملعقة اكل خميره فوريه / 2 كاس ماء دافي /ذرة ملح / 2 كاس دقيق واضيفي ملعقتين حليب بودر مليانه …. انا احط ملعقة خميره بس
وبعدها تحطين مقادير المرحله الثانيه عليها
3 كاسات دقيق /نصف كاس زيت
وتبدين تعجني فيها … بالاول ممكن تلصق في ايدينك بس عادي حطي في ايدينك اشوي زيت او طحين وابدي اعجني فيها وكل ما طولتي عجن فيها راح تكون احسن واحسن
لما تتكور معاج وتصير ملسه وما تلصق في الوعاء …
اتنسوني من صالح دعاؤكم

فووووووووق