أخواتي الغاليات
السلام عليكم ورحمة الله
شو رايكم نخصص هذا الملف للبضائع التي تباع في المنتدى
نتكلم عنها وعن تجاربكم وياها واذا تنصحون الآخرين بالشراء منها
طبعا هالملف يخضع لقوانين :
2- عدم اتهام اي تاجرة بالغش
3- نرجو من التاجرات عدم استخدام الملف للدعاية عن بضايعهن واللي بتسوي جي بخبر عليها المشرفة
4- تكلمي عن المنتج بالسلب والإيجاب يعني لا تتلومين في التاجرة
5- ما قد يناسبني قد لا يناسب غيري ( حطوا هالشعار دايما في بالكن )
6- لولا اختلاف الأذواق لبارت السلع
7- كوني أمينة وصادقة في رأيج واستحضري الله جدامج وانتي تكتبين رايج في المنتج
8- يمنع على أي تاجرة ان تهاجم الزبونة طالما انها أبدت رأيها بصراحة دون تشهير أو اساءة لأنه هذا الشي من حقها وفي حالة التهجم على الزبونة سيتم ابلاغ المشرفة بذلك
فبالتالي الهدف من هذا الملف كل وحدة تذكر تجربتها فمن خلال قراءة المشاركات تستطيع العضوة ان تميز ما إذا كان يناسبها المنتج أو لأ
يعني مثال وهمي من راسي :
يت وحد وقالت : اشتريت كريم اساس ديرما كول واحس مول ما والمني ثقيل وأحس عمري حاطى طبقة على ويهي
هالمثال شكله سلبي لكن ممكن وحدة تقراه وتقول:
الله هذا الكريم ثقيل وهاللي ادور عليها لأنه بشرتي ما يناسبها الا الطبقات من الكريم
علشان جي لا تترددن بطرح أراؤكن وأفكاركن
ولا تعتقدين انه انتقادج للسلعة بيقطع رزق التاجرة بالعكس بيساعدها علشان تعرف تختار نوعية بضايعها
والأرزاق بيد الله
هالموضوع من اعدادي و ما أسمح لأي أحد ينقله لمنتدى ثاني و ما يذكر اسم المنتدى الأصلي ولا احلل
موضوع حلو..
ننتظر العضوات..
اشحالج 
مقص الحف
مااستفدت منه
مع ان غيري استفادو
يمكن ماعرفت استخدمه!!!
++++++++++++++
الديرماكول
ماناسبني
طلع في ويهي حبوب
همم يمكن بعد ماناسبني
وسبحان الله اللي ماناسبني يمكن ناسب غيري
الأذواق والانطباع يختلف من شخص لشخص
اذا تذكرت شيء بخبرج
مشكوره اختي
المشاركة الأصلية كتبت بواسطة jeenan 
موضوع حلو..
ننتظر العضوات..
مشكورة أختي على المرور وبانتظار البقية
المشاركة الأصلية كتبت بواسطة عيون_الورد اشحالج
مقص الحف
مااستفدت منه
مع ان غيري استفادو
يمكن ماعرفت استخدمه!!!
++++++++++++++
الديرماكول
ماناسبني
طلع في ويهي حبوب
همم يمكن بعد ماناسبني
وسبحان الله اللي ماناسبني يمكن ناسب غيري
الأذواق والانطباع يختلف من شخص لشخص
اذا تذكرت شيء بخبرج
مشكوره اختي
أول وحدة ومشكورة يالغلا
ردج مثالي ومنطبقة عليه القوانين و مفيد جدا للعضوات :1 (68):
خذت كريم الملكه .. ومن استخدمته احس فعلا انه ينعم ويفتح بالتدريج … مت عليه وقبل ما يخلص القوطي الاولي طلبت قوطي ثاني هههه
اشتريت جهاز تثبيت الكريستال .. وللحين ما استخدمته بس جربته مره وطلع استخدامه سهل وايد مايباله شي .. هذا وانا ماعرف في هالسوالف وايد وعيبني
خذت شنط تقليد ومب بس انا اللي تخبلت عليهم ! كل حد يشوف الشنطه يموت من وين وبكم ويموت يوم يعرف السعر انه رخيص وكلهم يبون منه ويوم سالت التاجره قالت نفس شنطتج كلهم خلصوا ههههههه ويوم اخبر البنات يموتن نبغي وما بتيب نفسه ومادري شو ..
اشتريت فنجان البسكويت بالشوكولاته .. وروووووووعه مت مت عليه .. طعمه خبال من الخاطر .. طبعا كلته بدون ماحط فيه شي ولذيذ .. وجربت وياه قهوه وبعد لذييذ ..
اشتريت بعد الكريم الوردي .. والصراحه مووووول مافادني ! ولا حسيته سوى شي .. 
هاييل اللي تذكرتهم للحين ..
وفي طلبيات بعدها ما وصلتني .. الصابون المعطر وبيجامات وجي .. يوم بتذكر شي او توصلني طلبيه بكتب رايي فيهم على طول
تسلمين اختي على الموضوع الحلو
