المقادير:
– 2 كوب طحين رقم (2)
– ملعقتين طعام سكر
– ملعقة صغيرة خميرة
– نصف ملعقة صغيرة كركم
– ماء دافيء
الطريقة:
يضاف الطحين في وعاء الخلط ويضاف السكر و الخميره والكركم .
ثم يضاف الماء الدافيء تدريجيا على تصبح العجينة طرية ويتلاحطون ان عند حمل كمية ومنها ورميها لا تلصق باليد وتطيح بسرعه.
أنا أحب اللقيمات واااايد ..بس ليش كركم عشان اللون ولأ ليش؟؟؟
تسلمين اختي على الطريقة
وصادقة هاي هي الطريقة الجديمة يعني مافيها لا حليب ولا روب ولا لبن اب ولا بطاط ولا ايش شيء
بس حابة اذكر انه في وايد ناس ما تحط كركم وتحط بداله شوية زعفران يطلع احلى من الكركم بس طبعا الناس اذواق
وفي سر من اسرار القيمات بعد انج لازم تخلينها يخمر هب اقل من 12 ساعة علشان الطعم اللي يفر الراس من حلاته صدقوني ها القيمات اللي تخلونه يخمر ساعتين او 4 ساعات ما ينفع وعلشان جذي ما يطلع شرات الأول
المهم اممممممم
في سر ثاني بعد
يوم بتحطون الما لازم تخلون القوام اشوي غليظ ليش علشان يوم تخمر العينة تلين اكثر ويم بتون اتسوونها وكانت يامده ترومون تزيدونها ماي
المشاركة الأصلية كتبت بواسطة saraonly1 
