حاسه في البنات اللي عندهم هالمشكلة لانها معاناة نفسية و شي صعب وايد مب سهل تتغلبين عليه ويحتاج ارادة قوية وشجاعة لان العلاج النفسي اصعب عن الجسدي بالادوية بس نصيحة حق كل وحده اتذكري ريلج وحياتج وباه وانج تحببنه وما تبغين تخسرينه ولا تهدمين حياتج ولا تخلينه يروح حق غيرج اذا كان مب مرتاح وياج لان هاي فطرة في الانسان مهما كان يحبج ويعشقج !
المجتمع محتاج تثقيف ودورات قبل الزواج لان اغلب الناس اذا مب الكل ما يعرفون عن هالمشكلة واسبابها وعلاجها وتوصل للطلاق وحتى نسبة كبيرة من الدكاترة ما عندهم خلفية لانها مرتبطه بالجانب النفسي والعضوي يعني الخوف والقلق النفسي يتحول الى تشنج في عضلات المهبل ويستوي الجماع مستحيل وتنصدم البنت بعد الزواج ليش انا شوفيني ناقصة مب طبيعية يمكن عيب خلقي ولا مرض ولا التهابات وانا كنت وحده من هالبنات وتعبت تعبت تعبت لين ما قريت وبحثت واتثقفت والحمدلله كانت عندي اراده احافظ على زوجي وحياتي
ماقدر اقولكم كيف اتغلبت على المشكلة بالظبط لانها تفاصيل خاصة بس بعطيكم نصايح عامة بتساعدكم ان شاء الله :
1- حاولي تنسين هالمشكلة وما تفكرين فيها ولا تعطين عمرج اشارات سلبية انج مب طبيعية وناقصه وفيج شي ، عيشي حياتج بشكل طبيعي ويا ريلج اطلعي واستانسي وسولفي واضحكي بس نفس الوقت لا تهملين نفسج وتخلينها للقدر والايام لان بتخطف الشهور والسنين ويروح العمر وانتي ضيعتي احلى ايام حياتج بالحزن والهموم
2- اهم اهم اهم نقطة الارادة والشجاعة وتحدي النفس دوم قولي انا قوية انا اقدر وبسويها والموضوع سهل وبسيط ولا تتحطمين وتخلين اليأس يدمرج
3- اتذكري ان كل مشكلة لها علاج وان العلاقة الزوجية فطرة في كل ريال وحرمه ولو كان مثل ما انتي متخيله جان ولا وحده اتزوجت و يابت عيال وما اتناسلنا ولا عمرنا الارض، واتذكري ان هالشي ما يذبح ولا بتموتين يعني اقصى شي بيعورج دقايق وبيخف الالم
4- الترطيب وااايد مهم لازم تستخدمون مزلق في الصيدلية اسمه كي واي وايد يساعد بنسبة كبيرة واستخدمي غسول مرطب للمنطقة الحساسة عشان تتجنبين جفاف المهبل والالم اللي ينتج عنه.. وما انصح بالمخدر والكريمات لان بتكون بدون احساس واصعب
5- لازم تكونين هادية وريلاكس ع الاخر وفكري في اشياء حلوة وتحبينها وسعادة ريلج وبيبي يملي عليكم حياتكم واحساس الامومة وانسي الخوف مع انه صعب بس انا حاولت وايد لين ماقدرت واذا حسيتي رجع الخوف استغفري واقري الادعية والاذكار واهم شي الدعاء قبل كل محاولة "بسم الله ..اللهم جنبنا الشيطان وجنب الشيطان ما رزقتنا"
6- حاولي تسيطرين على ريولج عشان ما تشد وتتشنج وهالشي يستوي لا اراديا مع انج تقولين ما سويتها بس الحل اطلبي من ريلج يهديج ويطمنج اذا شافج شاده ومتشنجه يمسح على ريولج ويقولج اهدي استرخي تراج شاده عادي مافي شي ما بتتعورين وهالنقطة وايد تساعد
7- المداعبات قبل العلاقة واايد ضرورية حتى لو ساعة كاملة وحاولي تندمجين ويا ريلج وتدخلين الجو وتنسين كل شي وبتتضايقين من بعض المداعبات لان المنطقة يوم تتشنج ترفض اي شي يقترب بس اتحاملي علىنفسج و لا تمنعينه لانها بتساعدج
8- اذا تم الايلاج في بدايته بتحسين بشعور صعب ومزعج انج تبغين تمنعينه وتتقومين عنه وحتى تضربينه بس حاولي تسيطرين على نفسج وتكونين قوية ولا تخربين كل شي بس استحملي ثواني
9- اخيرا وبعد تجربة ومعاناة اقول حق اي وحده عندها هالمشكلة ان الجماع مافيه الم ابدا ابدا ابدا والله بدون مبالغة بس الالم اللي نحس فيه بسبب التشنج تكون المنطقة مغلقة مثل جدار ويستوي الموضوع صعب ومستحيل لكن اذا سويتي الخطوات اللي قلتلج عنها ماشي الم باذن الله وانا وحده ضحكت على نفسي قلت هاي المشكلة اللي كانت ترعبني طلعت بسيطة وسخيفة ومافيها اي الم
10- في حالة حاولتي وحاولتي وما قدرتي لا تهملين نفسج وانصحج بالعلاج عند دكتورة متخصصه في التشنج المهبلي بتعطيج تمارين وموسعات ويا علاج نفسي وانا سالت عندنا ما حصلت بس يمدحون دكتورتين في جدة أماني الشلتوني مركز سمير عباس الطبي وفي الرياض دكتورة طرفة العبد وكل اللي اتعااجوا عندهن اتغلبوا ع المشكلة في اسبوعين ثلاث
اخييرا لا تنسوني من دعواتكم ان الله يوفقني ويسعدني ويا زوجي ويرزقنا بالذرية الصالحة ويبعد عنا كل عين وحسد واتمنى تكون تجربتي مفيده حق كل وحده عندها هالمشكلة الله يفرجها عليها يارب
عموما رح احسن الظن و احلى زغروتة يا ستي لولولولولولولو لييييي
مبروك و اتمنى يكون موضوع مفيد
الله يسعدك و يوفقك يا رب
المشاركة الأصلية كتبت بواسطة ماسة ورد 
عموما رح احسن الظن و احلى زغروتة يا ستي لولولولولولولو لييييي
مبروك و اتمنى يكون موضوع مفيد
حبيبتي انا كتبت نصايح عامة عشان يستفيدون البنات اللي راسلوني ع الخاص وما تكلمت عن نفسي شخصيا وعشان تستفيد اللي عندها المشكلة ومش مسجله فالمنتدى وما ابغي الا الاجر من ربي لان عشت المعاناة وحاسه في كل وحده
.gif "12 (35)")
.gif "12 (96)")
.gif "12 (93)")
! 
