الوسم: التليفون

حبايبي ابا اشتري نفس التليفون .. ويكون شغال ..

انا رحت سوق الجديم وسوق العرصه وماحصلت .. اللي عندهم بس للزينه .. انا مابا للزينه
وين اقدر احصل منه .. وبكم سعره؟؟

بغيت مشورتكن في سالفه وان شاء الله تساعدوني فيها لأنها محيرتني

تحيدون موضوعي عن خيانة زوجي؟؟؟ اللي ما قرته، هذا الرابط:

https://forum.uaewomen.net/showthread.php?t=428228

أنا تميت ساكتة والله لبداية الشهر عن الموضوع وأشوف أعداد البنات اللي يرمسن ريلي زادوا وقلت لازم أشوف له حل

تاريخ 1 مايو ريلي كان متضايج ما أدري من شو… وما رضى يقول لي لأن هو في طبع اذا تضايج ما يرمس إلا بعد فترة اذا بغى طبعا….. ومرات ما يقول خير شر انزين الحين انت متضايج انا أشلي ما ترمسني

أنا في هاليوم قلت يمكن ضغط الدوام ورحت أرقد………شفته فتح اللاب وقلتله انت تعبان ارقد باجر دوامك الصبح جان يقول برقد بعد شوي

شوي إلا اسمع صوت فصوص التليفون وعرفت انه يطرش مسج…… وشوي تليفونه هز يعني استقبل مسج وتم على هالحاله تقريبا 5 او 6 مسجات

جان أنش وصكرت غطا اللاب وهو انصدم طبعا وشليته وحطيته عند راسي….. هو من الصدمه تم ساكت لأني انا مب جذي أصلا ….… تم يطالعني وعيونه كلها استغراب

وأنا حاطه راسي عالمخده قلتله عندك التليفون يكفيك عسب تعبر عن شعورك بكلام الحب والغزل

رد علي بدون ما يصد صوبي وقال: شوه!!!!؟؟؟؟؟

أنا غمضت عيوني بس ما أقص عليكم ان قلبي تم يدق من الخوف

وأنا لما نشيت وشليت لابتوبه ما فكرت ولا شي ……….. ما أدري شو اللي صارلي وقمت فجاة

المهم……. تمينا ما نرمس بعض بس أنا كنت أجهزله ثيابه لما يسبح واجهز الغدا أو العشى وطبعا ما كان ياكل ويتم الأكل ليوم الثاني مكانه

وهو يعرفني أنا ما أحب آكل بروحي …… عيل كيف وهو زعلان!!!!

المهم…. أنا تميت أتجرب منه مع انه هو الغلطان بس أشوفه يوم الثاني يرد شرات أول يعني مبوز….وقبل اسبوع طلبت الأكل اللي يحبه ووصلت البيت وهو كان توه بيسير يرقد جان أقوله الغدا…. قال بعدين باكل…. بس ما كل منه شي وانا بعد تميت يوعانه طول اليوم

يعني من بداية الشهر لليوم لا عدا ولا عشى …. بس أتريق وانا فالدوام كرواسون ولا فطيرة صغيرة

تاريخ 3 مايو طرشلي مسج كاتب فيه ان اخوه العود عرف فسالفتنا…. أنا انصدمت طبعا كيف عرف وانا ما قلت لحد شي مووووووول وأخوه مب ويانا فالبيت….. قلتله هو بس خمن لأنك تحب تقعد عالنت وليش ما نكرت!!!

هيه ما قلتلكم ان ريلي قطع رقمه من ثاني يوم ولما اتصل في اخوه يعطيه الرقم اليديد اخوه سأله ليش وريلي قال ان بنات يتصلون ومافيني عالمشاكل

والظاهر هني اخوه قاله اكيد من النت …… وريلي وعد أخوه انه ما يفرط فيني وتأسفله ووعده ما يعيد هالغلطة وندمان على هالشي………… طبعا هذا كله طرشلي بالمسج

انا طرشتله مسج كاتبه فيه ان الانسان من معصوم من الغلط وأهم شي انك تعلمت شي …. وأنا نسيت الموضوع

يوم السبت اللي طاف خذتله باقة ورد ودشيت الغرفه شفته عالفراش…… وكلمته عن سكوته وووووالخ…. بعد تم ساكت وقلتله قول شي اذا أنا غلطت عاتبني… قال: ما عندي شي أقوله واللي سويتيه من حقك…. تخيلوا يرمس وما يحط عيني فعينه

انزززززززززززززززززين الزبده ……………..
لليوم مب رايم يحط عينه فعيني
لليوم لا غدا ولا عشى
لليوم عايشين مع بعض كأنا ما نعرف بعض
لليوم … لليوم … لليوم ….. معاناه

أنا قلتله قبل مبارحه ننسى اللي صار ونبدأ من أول ويديد …. قال اوكي وأكدلي انه مب زعلان

أصلا ليش يزعل؟؟؟ أنا شو سويتله؟؟؟ المهم من حقه حتى يزعل لأني كنت أفتش تليفونه وأنبش لابتوبه والحين حلفت ووعدت بيني وبين نفسي ما أعيدها وقلتله هالرمسه اني سويت هذا كله عسب ما أظلمك وأتصرف بتصرف أندم عليه عقب

بس الحين شو الحل كيف أخليه يرد شرات أول؟؟؟؟ والله هو حاس بالذنب وأحسه يبغي يرمسني بس مب قادر…. مستحي ولا شو؟؟ ما أدري

أنا شو أسوي عسب أخليه يسولف ويضحك؟؟؟؟

حياتنا موووووووووووووول أبيض وأسود مو شي

انصحوني…. بطريقه أخليه ينسى انه غلط …… وأنا نسيت كل شي والله وأنا أدري ان هو يحبني وايد …..يبغي يرمسني بس حاس انه ظلمني وايد

ساعدوني أرجوكم

لا تقولون اعزميه…. لاني عرضت عليه بس قال انه تعبان… وقلتله هالويكند بنسير السينما بعد وصل لي نفس الرد

أترياكم

والسالفه يبالها وقت .. ومع الايام بينسى اللي صار ..

يعني توكم عرسان ويسوي جذي ؟؟ قهر والله

بنات ابليس عوووووووووووووذ بالله منهن

عزيزتي : وايد تحصل هالامور بين العرسان سواء جدد توهم ولا جدامى من زمان…

و بالفعل شرات ما قلتي ، الانسان هب معصوم من الغلط ، و كل انسان يغلط يتعلم درس من اخطاءه ، و خير الخطائين التوابون…

ما يقدر يحط عينه ف عينج لأنه ندمان وايد على الي سواه ، و ضميره يأنبه ، و مستحي ، عشان جذه يبالج اختيه تصبرين فترة ، و الصبر مفتاح الفري…

ان شا الله فترة و بتعدي ، و بتردون شرات السمنة ع العسل ، بس اهم انتي ما اذكرينه بالي سواه ، و اتحاولين اتنسينه ، و دوم اتقربي منه ، ناقشيه و عاونيه..

ترا الريال شرات العجين ، الحرمة تشكله على ما هيه تبا ، و الريال شرات الياهل ، لو الحرمة حسسته بالدفء و الحنان عمره ما بيلتفت لأي انسانة ثانية لأنه لقى عند هالحرمة كل الي يبغي…

ف حاولي عزيزتي انج تكونين لزوجج الام ، الزوجة ، الحبيبة ، الصديقة الي زوجها ماله غنى عنها ابدا…

الله يوفجكم و يهنيكم ف حياتكم و يسر لكم اموركم كلها..

الله يحفظج حبيبتي…

اختج :

/

د.حصــــــة الظـــــاهــــري

انتى وريلج ولايشوف غيرج يارب

مب انتي غلطانه عشان اتسوين كل ها

اسمحيلي يعني يمكن هو عايبنه الوضع انه مايرمسج ولا يتقرب منج والا في واحد غلطان

ومرته مسامحته ويسوي جي!!!! انا مابا ارد احط شكوك في راسك بس ليش يعني هالحركات

لو الواحد ندمان بيسوي اي شيء عشان يرد ثقة الثاني مب يتم ساكت!!!

اسمحيلي ااذا ردي ازعجج بس هذا رايي

والله يهديه ان شاء الله

هلا بنات إشحالكم عساكم إلا بخير

بنات بغيت أتخبركم عنمحفظة بالتليفون أقدر أكلمها مرة في الأسبوع على الأقل و تكون تعرف التجويد و التفسير

أنا أسير مركز تحفيظ و حطولنا معلمة يديدة الله يسامحها بتخليني أهجركل مراكز التحفيظ

إذا غلطنا في تشكليل كلمة نكتبها 50 مرة

إذا غلطنا في التسميع تسأل البنات ها شو رايكم في تسميعها و تقول شوفوا كيف كل عندها أخطاء شو ها الإحباط

لا و فوق هذا لازم إنتم ثلاث ساعات بس نسمع باقي البنات يسمعون يعني بس تسميع

و أنا ما عندي وقت حق جي

عندي دوام و أهل

و المعلمة لله يهديها تباني أحفظ فوق طاقتي و أنا مب بالسهولة لما ألزمت نفسي بالحفظ

منو الله يجزيها في الدنيا و الآخرة تساعدني في ها المحنة

لها دعوة حلوة

ربنا يسهل امورك ويقدرك اختي على حفظ كتااابه

ان شاء الله بتلاقي اللي يساعدوكي

صراحة اسلوب المحفظة ابدا ما اعجبني الله يهديها

https://quran.muslim-web.com/new.php

معقولة ما في أرقام محفظات

لا إله إلا أنت سبحانك إني كنت من الظالمين

وان شالله ربي يسهل عليج الحفظ ^.^ ويرزقج حفظ القرآن كامل

البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي .لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت سعود؟ قلت: ايه بالعون.
لعيونك.. اسمي سعود لو كان ضيـدان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا محمّـد.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ .ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي .واكثرالنّاس يشـرون
وانتي عليـك اليـوم تقديـر الاثمـان

قالت :اشوفك قمـت يامحمـد تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
يامحمد .اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت …وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان

المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم عمشاء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان

شكرا لكِ عزيزتي

ننتظر المزيد من مشاركاتكِ الرائعة

أرق تحية لكِ

دمتِ بود

بس الناس أذوااااااق

الهاتف ذلك الجهاز الصغير في منزلك تستطيعين من خلاله جمع عدد كبير من الحسنات بإذن الله !
فكيف يكون ذلك ؟
بيد أن النساء بين متساهلة فيه .. فلم تعي كيف تسعى من خلاله إلى مرضاة ربها …
وبين من جعلته طريقا إلى الغيبة والحديث الذي لا فائدة منه …
دعيني أخيتي أن انقل لك هذه الأمور لتكون عونا لك في مرضاة ربك وزيادة حسناتك ..

لتحتسبي وأنت تستخدمين الهاتف الأمور الآتية :

1- اجعليه ثواب صلة الرحم عند محادثتك لذوي رحمك " من سره أن يبسط له في رزقه وينسأ له في أثره فليصل رحمه "
2- احتسبي ثواب إدخال السرور على من تحادثين عند اتصالك للسلام والسؤال عن الأحوال .
3- احتسبي عند استخدامه ثواب الكلمة الطيبة في مكلمة التهنئة أو التعزية وغيرها " الكلمة الطيبة صدقة "
4- احتسبي نية العبادة والتقرب إلى الله عند استخدامك له بما يفيد ..
5- احتسبي الحفاظ على وقتك باستعمال الهاتف لعمل أكثر من عباده في وقت صغير مثل مكالمة أمك هي بر وصله وكلمة طيبة وأجر السلام وقضاء حاجة لها ………..
6- احتسبي عند استخدامك له أجر قضاء حوائج المسلمين عندما يتطلب منك بعض الحاجيات أو المساعدة في حل مشكلة ما " من كان في حاجة أخيه كان الله في حاجته "
7- احتسبي أجر طلب العلم الشرعي بسؤال أهل العلم عبر الهاتف
8- احتسبي ثواب طلب النصيحة من أهلها وبذلها لمن يحتاج إليها .
9- احتسبي عند استخدامك له أن يساعدك ذلك على القرار في البيت فذلك أمر يحبه الله " وقرن في بيوتكن "
10- ثواب الدعوة إلى الهدى عند اعلامك عن محاضرة أو درس او سوق خيرية أو تدلين على شريط نافع …
11- لطف منك ان تستخدميه في إصلاح بين الناس وهذا لمن وفقهن الله لذلك بعكس اللواتي يجدن في استخدامه أثمن فرصة لتأجيج نار العداوة .. فتلك تفسد زوجة على زوجها وأخرى تحرض زوجة على أم زوجها .. ونسين أن كلمة تهوى بصاحبها في جهنم سبعن خرفيا .

المصدر : عروب
شبكة الفوائد الإسلامية

لا تنسوني من دعواتكوم الله يفرج همي و يحقق مبتغاي في القريب العاجل يارب

المشاركة الأصلية كتبت بواسطة ملاذ الروح

يزاج الله خير…
الله يفرج همج و يحقق مبتغاج في القريب العاجل يارب

آآآآآآآآآآآآآآآآآآآآآآآآآآآآمين

هنا الرابط ونحن في خدمتكم