اسمحيلي فديتج ما عندي اي فكره
برفع لج الموضوع و ان شاء الله اللي تعرف ما بتبخل علييج
للـــرفع
الله يشفيه
وعليكي بالثوم بس في حالته لازم الابر
اسمحيلي فديتج ما عندي اي فكره
برفع لج الموضوع و ان شاء الله اللي تعرف ما بتبخل علييج
للـــرفع
الله يشفيه
خواتي بسالكم في حد يعرف عن الثعلبة اللي في شعر راس..
اللي يعرف دواء ولا علاج ولا حد ياه ولا شي يقوولي ..
ربيعتي فيها في شعرها وتعبانه نفسيتها ..
ساعدوها .. اقل شي بدعاء منكم
شوه اتسوي؟؟؟>>>>>> تروح للمنطقه اللي فيها ثعلبه تجرح المكان تجريح بسيط ما يبين بالموس((يكون نظيف ويديد ومعقم)) وتيبين فص الثوم تقسوم نصفين وتحركيمه بقوه عالمكان يلين ما تحسين ان عصير الثوم يطلع…((فاهمه شوه اقصد))
وفي علاج بالابر تنعطا عالمكان….
هي لو تراجع دكتور جلدي يكون افضل..
وربي يعافيها ان شاءالله
اللي اعرف انه علاج الثعلبه انج تفركينه بالثوم بالقو حتى يدمي
وعلاج الربو مغلي اوراق الجواف قد يفيد
والرقية بسورة البقرة اقري في ماي واشربيه
الله الشافي
الله يسلمكم ويبعد الشر عنكم وعن عيالكم
بنتي عمرها 5 سنوات من شهر ونص ظهر في جسمها حبوب
وانا يوم وديتها الدكتور خبرني انها نخاله ورديه وعطاني مرهم
والحين من شهر ونص افركها وللحين ماراح صح انه خف بس بعده موجود
والدكتور خبرني انه مدته من 6 الى 8 اسابيع
بس الطامه الكبرى انه اليوم اكتشفت في شعر بنتي بقعه بدون شعر
سويت سيرج في النت وطلع لي انها ثعلبه
والله اني زغت من الكلام .. وباجر بوديها دكتور اكيد
بس الي قريته انها تصيب الناس من 10 سنوات وفوق فوايد خفت
فلي مرت بهالشي ممكن تفيدني او اطمني
ويزاكم الله كل خير
ماشاء الله علييييه وايد زين عالج بنتي عن النخاله الورديه .. سوالها خلطة كريمات وماشاء الله اسبوع وخازت وبنتي انا تلاحقت عليها بسرعه ماخليتها تزيد يعني كمن مكان ظاهر فيها وخاز عنها بسرعه ولله الحمد..
أما بخصوص الثعلبه فما عندي علم بس الدكتور ان شاء الله بيطمنج ..
اسمه الدكتور محمد شوكت الزبيدي …..وهذا رقم عيادته ..
042277533
والف لا باس على بنتج.
ويزاج الله خير انتي وريلج وكل من كان له يد في الموضوع
تعريف ومقدمة :
أحد الامراض التي تصيب الشعر ، وهو سقوط الشعر في منطقة أو أكثر (مثل الرأس أو الذقن أو الشارب أو الحواجب والرموش أو الجسم والاطراف ) ، وتكون على شكل دائة أو بيضاوية ، وتحدث في الجنسين من سن 10 – 40سنة غالبآ .
يعرف داء الثعلبة بانه داء عضوي أو مرض مناعة ذاتية أو انه من الفطريات ، وقد تنتقل العدوى من انسان الى اخر بواسطة اشياء لوثتها الفطريات مثل القبعات والامشاط أو كرسي الجلوس أو عند ملامسة القطط والكلاب المصابة، وثمة نظرية تقول أن الثعلبة داء غير معد ، وهو يصيب كل الاعمار لا سيما الرجال .
إنه داء يظهر على شكل بقع مستديرة في جلدة الرأس يتساقط منها الشعر وتتقشر ، وأحيانآ يحمّر لون الجلد في اماكن الاصابة ويفرز بعض السوائل .
تاثير الحجامة وعلاجها للثعلبة
الحجامة تقوي المناعة وتنشط الاماكن التي انظترت فيها خلايا الشعر نتيجة انتشار فطريات تسببت في عدم قدرة خلايا الشعر على النمو
فتعيد تنشيط هذه الخلايا واحياءها وتنظيف المكان المصاب من الفطريات المترسبة تحت الجلد وبالتالي عودة المكان للحيوية وانبات الشعر مجددا كما نحتاج مع الحجامة الى خلطة اعشاب يتم فرك المكان المصاب بها مباشرة بعد الحجامة ولله الحمد والمنة العديد تم علاجهم بهذه الطريق ونسال الله قبول اجتهادنا في سبيله والشفاء للجميع
الحجامة ام ابراهيم
منقول
حبيباتي حبيت أسأل عن أحسن عيادة في راس الخيمة
تعالج عن مرض الثعلبة
ضروري اللي تعرف ترد علية اليوم
ومحد قدر يعالجه غير طبيب شعبي
عيزنا واحنا انوديه الدخاتر ولا عرفوله
إذا أردت مرهم طبيعي مستخلص من الأعشاب خاص بمعالجة الثعلبة , حياك الله على الخاص ,
و سلامات إن شاء الله
.
وما قصرتن فديتكن
علاج الثعلبة
مسكي طاقية صوف هيه طاقية صوف مال الشتاء
لاتستغربن وفركي فيها مكان الثعلبة بقو لين تحمر
ماعليه يعور بس النتيجه بوحد بوحد
من تخلصين فرك كوني ضاربه في خلاص ثوم وعصير ليمون
وملح شوي وزيت زيتون
ولخي عليها كامل ولبسيها كيسه وخليها اربع ساعات
عسلي شعرها وهاتي من اي مخبز دبس الرمان او يسمونه
خل الاسود بعد الغسل حطي على شعرها شوي
لين بالباجر ما عليهاختي تحملي الريحه والتعب
كل يوم هل موال مدة ثلاث ايام
راح تختفي باذن الله بس رجعي كل اسبوع عيدي خلطة الثوم
مره وحدة لين تشوفين اختفت ورجع الشعر ينبة
وصدقوني الدخاتر راح يخربون شعوركم وراح تتبلغ اكثر واكثر الثعلبة
وعقب راح تصبحه صعب علاجها
من ناحية الاكزيما
راح اخبركم قصة ولد اختي
كانت فيه اكزيما لدرجة أثرت على نموه من كثر ماتعذب في حكه
والكريمات الكرتيزون وماشي فايده
خذناه وعالجه في امريكا والله تعجبنى من علاجهم
طلعت الاكزيما تعرفون شوه سببها هو عنصر فالجسم اذا قل يسبب حساسيه فجلد مثل الاكزيما هو عنصر الزنك بس
طلع ناقص وعطوه وخلال ثلاث اشهر اللهم لك الحمد تشافى الولد
تعالي عاد عندنا هنيه ستميت الف مرهم يعطيج اياه الدكتور
واتمنى الشفاء للجميع