الوسم: الجنين؟

متى يبدأ نبض الجنين؟

السلام عليكم و رحمــة الله و بركاته ..

كيف حالكم؟

لو سمحتوا يا بنات ساعدوووووووووني ..!؟!؟

أنا أخر دورة لي كانت بتاريخ 5/ 4 / 2024

و الدكتورة قالت لي في حمل بس للحين ما نبض قلب الطفل .. و أعاني من ألم في البطن (الرحم)
و الدكتورة يوم قلت لها عن الألم :"إستغربت" بس قالت لي تعالي بعد 15 يوم عساس نشوف النبض..

الحين يا بنات طمنوني شو السالفة؟
هل الطفل بينبض؟؟ يعني هل في أمل إنه يثبت و لا كيف؟؟؟
و متى يبدأ النبض ؟؟؟ بعد كم يوم؟؟
أنا تعبت صراحة >.<"
بليز ساعدووني بخبرتكم ..!

اخر سؤال :

شو علاقة مرض القطط بالحمل ..؟؟

شو علاقة التهاب الغدد اللمفاوية بالحمل ..؟؟

بنات اصحاب الخبرة جاوبوني ولو بينكم دكتورة ياليت ..

السموحة منكم ..

حبوبة عادة.. من الاٍسبوع السادس يبين النبض..
ولكن بعض الحريم من الأسبوع 12 ..
راجعي عند دكتورة ثانية أفضل.. بعض الدكاترة يشوون الفحص من تحت عشان النبض يبين عندهم

الله يثبت حملج يا رب

لا تحاتين ان شاء الله بتسمعين النبض

انا دورتي كانت 3/4/2017

رحت لها تاريخ 12/5 بعد ما عرفت اني حامل لاني كنت احس بالالام اسفل البطن وقالتلي هالشي طبيعي
وعطتني مثبت وقالت اراجعها بعد اسبوعين عشان النبض

اليوم سرت لها والحمدلله سمعت نبض البيبي

انتي لا تخافين وتوكلي على الله …. وان شاء الله تسمعين نبض البيبي وتصيحين شراتي خليجية

من الاسبوع السادس ولازم يكون السونار مهبلي عشان اوضح وربي يثبتلج

أظن ف الأسبوع الثامن … <<< الله يثبته ياااارب ..

مشكورين بنات ..

الله يطمنكم مثل ما طمنتوني وانتظر اجوبة ثانية منكم ان شاء الله ..

انا اخر دوره كانت عندي في 28 /3 , وراجعت الدكتورة ب 5/5 وما كان في نبض وعلى قولها اني كنت في الاسبوع الخامس ، وكان عندي مراجعه بعدها باسبوعين ولما رحتلها كنت في الاسبوع السابع ، وسمعت النبض ، شي وايد حلو ، بالمناسبه انا بعد ييجيني وجع من عند السره ومن ناحية البطن
فهذا الشي عادي لا تخافين

شو رايكم في جنس الجنين؟!!

مرحبااااااااااااا بنات وكرووووووووووشات
اتمنى اتكون هذي حلقتنا للنقاش

بنات شو رايكم في الحريم اللي يقولون شو نوع جنس الجنين في بطنهم للناس والمقربين؟؟

هل انتم مع عنصر المفاجأة أم الموضوع عادي اي حد اتخبرونه

وفي ناس ايموتون ويعرفون شو في كرشه الوحدة بيذبحهم الفضول هههههههههههههه

انا اول وحدة بتقول رايها:

" انا عندي قناعة ان الوحدة حلو اتخلي هذا الشي مفاجأة للناس والمقربين عشان اتكون البشارة بشارتين مهما كان نوع الجنين ذكر ام انثى"

و ألاحظ ظاهرة غريبة ان اللي في بطنها انثى تسكت
واللي في بطنها ذكر اتقول لكل الناس
مع ان المفروض اتكون عادلة في كل الحالات خليجية ولا شو رايكم

يالله انتظر رايكم ومناقشاتكم الحلوة

انا اول وحده اترد عليج
انا أقول انه المفاجأه حلوه
وحتي اني مب مخبره حد شو فيني

محد يعرف غير ربي وأنا وريلي

ويوم بربي بتكون بق سبرايس

انا بصراحه عادي عندي ^^ ما عندي مشكله سواءا بنت ولا ولد
مااعرف اسكت او ادس شي احس ماله داعي ^^

يعني يوم كنت حامل ببنتي الكل عرف والحين ولد بعد خبرت هلي ……..اشوفه شي عادي

مممم فالاول كنت ابغاها مفاجاة وصبرت لين الشهر الخامس عقب جاني فضول وعرفت وخبرت اهلي فقط وماشاء الوالدة خبرت الخالة والجدة وبنت الخال خخخخ وعقب جاء دوري ما رمت اصبر خبرت اهل زوجي لانهم ما صدقو يوم قتلهم ماعرف خخخخ وعاد اللي خبرته منهم ماشاء الله نشرت الخبر هههههههههههههه الحمد لله اللي يجي من الله حياه الله بس تصدقون ربيعاتي يودت عمري ما خبرتهم بيتخبلون من فضول …

اممممممممممم عادي أحس مافيها شي لوو الناس دروووا ^_^
يعني شو بيكون، يا بنت ولا ولد مابيكون قطو خخخخ

بس بعد حلووو انها تكون مفاجأة ^_^ يعني يوم الوحدة تربي الناس يتحرقصون هاااااااا شو يابت مب بس مبروك خخخخ حركة نذالة يعني

أنا مابغيت أخبر قلت بخليها مفاجأة، كشخه ^_^
وحلوو يوم يسألوني عن الجنس أقول لهم أعرف بس مابخبركم << شريرة
وأستانس يوم كل وحدة تخمن ع كيفها وتعطي أسباب لوول

بس عقب فترة خواتي عرفوووا بس وصيتهم مايخبرون حد …. فخاطري أخليها مفاجأة ^_^

بس بعد أشوف انه مب شي ضروري
يعني عادي يعتمد عالحرمة وريلها لو يبون يخبرون الناس أو يخلونها مفاجأة ^__^

بس لاحظت ان في ناس مايخبرون لو ولد أونه عن الحسد ومادري شووو <<< كلام فاضي!! ومول ما أوافق عليه
يعني مايخصه مول… ولد ولا بنت اللي ايي من الله حياه الله ^_^ مب ع كييفنا نختار ومافي شي أحسن عن شي!!

انا اتمنى اني اخليهاا مفااجأه بس وين يخلوونج في حاااالج الا يعرفوون …
كلتا الحالتين اووكي بعد المفاجأه حلوه …

وبالعكس بنت ولا ولد حلوووووو واللي ايي من الله حيااه الله …

اهم شي الخلقه التامه…

انا ريلي رافض فكرة انه يعرف جنس الجنين من الحين ويقول اللي من الله حياه الله …والنعم بالله بس انا فيني فضووول و سالت الدكتووره خخخخ .. بس لين الحين محد يعرف الا انا وامي وخواتي بسسسسسسس … حتى ريلي مايعرف ..

في اي شهر الاكل يزيد وزن الجنين؟

السلااااااااااااااااااام عليكم ورحمه الله وبركاته

خواتي سؤال متى الاكل يزيد وزن الياهل في اي شهر يعني؟

الي عندها خبره ياليت ما تبخل

وشو انواع الاكل الي تخلي الياهل وزنه وصحته زينه يوم ينولد؟

فووووووووووووووووق

والله عني انا ما اعرف متى بالضبط..

بس بصراحة..في حملي الاول كنت آكل اكل هب طبيعي…خصوصا الحلويات و المكسرات…حتى وحامي كان عالحلويات و المكسرات…يعني اذا ما كنت اقرض طول اليوم…ع طول برجع…خخخ…

ووزني زاد واايد و وزن ولدي فالشهر الثامن كان 3 كيلو .ويوم ربيت كان 4 كيلو وشي…

في حملي الثاني ماكنت احب الحلويات…وغر جي اتعلمت درس من حملي الاول..الحمدلله وزن ولدي الثاني عندالولادة 2 كيلو و 9 غرام مدري 90 غرام…ووزني ما زاد كان عادي…

انت اتحملي من الحلويات والمكسرات..والاكل اللي بدون حساب اذا كنت ما تبين وزن البيبي يزيد…

من السابع فديتج يبدا يزيد

اختي شربي حليب وااايد لان الدكتوره نصحتني في حملي الاول اشرب حليب 4 كاشات في اليوم واذا ما تحبين الحليب شربي عصير بالحليب مثل عصير تفاح مع حليب او مانجو وحليب او موز وحليب او افوكادو مع حليب ..
اختي عن تجربه انا اجربه في كل حمل لي والحمد لله …

الغاليه مشكله وحام……………………….توقع التغذيه بدايه الحمل

في أول الحمل يعني أول 3أشهر الجنين يستفيد وايد من العصاير وكثري من الشوربة خضار و لحم و دياي و الحبوب مثل شوربة العدس وايد مفيدة و الحليب و كثري من الماي و الفواكه

موجربت الجدول لصيني لتحدد نوع الجنين؟

بسم الله الرحمن الرحيم

كلنا نعرف ان الرزاق وحده اعلم بشو مكتوب لكل وحدة بتحمل ولد أو بنت ، بس أسمع وايد ناس ترمس عن الجدول الصيني الذي تم اكتشافة من قبل علماء الي تحطين فيه عمرج + الشهرالذي حصل فيه عملية الإخصاب = ذكر أو انثى
ولا بعد اسمع هالأيام أونه الأكل له دخل في تحديد والجنين يعني اذا كنتي تبين بنت كثري من الأكلاات الي فيهاحموضة وماعرف شو بعد وإذا كنتي تبين ولد ابتعدي عن الأحماض وكثريمن اخيار ومادري شوبعد
يالله الي عندها خبره ودراية منكم نستفيد

انا جربته وطلع غلط
واختي بعد كله يطلع لنا العكس

اممممممم انا بعد احسه خرطييييييييي
بس جربتي الأكل ؟
الي هو اذا اكلتي اكل معين وصار الرحم قلوي يطلع ذكر وإذا حمضي بنت!!!!

للرفع

لا إله إلاالله

سبحان الله و الحمدلله ولا اله الا الله و الله اكبر ..

كل شي بيد الله..والجدول كله خرابيط..

نقدر نحس بنبض الجنين؟

خواتي عندي سؤالي الحامل بالشهر الثالث والرابع تقدر تحس بنبض الجنين؟ وهل هناك مؤشرات معينه على توقف نبض او نمو الجنين؟

للرفع

ماعتقد انه تقدر تحس بالنبض الا لو كان يتحرك ع الخفيف!

ما اعرف بس حبيت لأرفع موضوعج

ساعات هيه أحس به اذا بذلت مجهود ونسدحت وحطيت ايدي عبطني أحس به فديته..

حبوبه لا تفكرين
ولا تحاتين
كل شي ان شاء الله تمام
بس انا كنت اعفص بطني عسب احس في
بس ما حسيت بالحركه الحركه العدله الا آآآآآآآآخر الرابع وبدايه الخامس
اممممممممم فالرابع كنت احس مثل الغازات ووايد بعد مب شوي
بس قالولي هذا البيبي
لان اللي اكتشفته مؤخرا ان الحامل مصارينها تعفد فووق المشيمه
يعني مب غازات فأسفل البطن
والله كريم
ان شاء الله اكووون افدتج بشي
^^

لا انا عن نفسي ماحسيت,,

حـياكم قربوا كروشات ما هي اخطار الادويه على الجنين؟

بما اني احب ادور في منتدانا العزيز طبعا ماعندي شغله بالذات الليل واانا بعييده عن داري العزيزه

الاخت مشتهده واحب اقرا كتب طبيه ؟؟؟

وحبيت افيد الحوامل وان شااء الله تستفيدون من اللي بتكتبه

يعتمد نوع المرض المحتمل وقوعه في الجنين على مرحله نموة في الرحم وهناك مرحلتان حاسمتان هما:

1- مرحله ماقبل وبعد انغراس البويضه الملقحه في جدار الرحم اي بين 1-56 يوما من تلقيح البويضة بمعنى ان الحامل اذا تناولت دواء ضارا وجنينها لا يزال في مرحله الاولى من تطورة، فاما ان يهلك هذا الجنين او ان ينجو من دون ان يصاب باي خلل.

2-المرحله التي تعتمد من اليوم السادس والخمسين بعد تلقيح ولغايه الولاده، اي من بدايه الاسبوع الحادي عشر للحمل. في هذي المرحله تكون اعضاء الجنين قد اكتملت في نموها واصبحت واضحه ومتميزة. وبالتالي فان تأثير الدواء على الجنين في هذه المرحله سينصب على نمو الطفل او على عمليه تكيفه بعد الولادة.

وعموما يمكن ان نقول ان تاثير الدواء على الجنين يمكن ان ياخذ احد هذي الاشكال:

[COLOR="Black"]موت الجنين ، حصول خلل تكويني في اعضائه ، توقف نموه، صعوبه تكيفه بعد الولادة.[/
COLOR]

والله يرزق كل كروشه بطفل سليم معافى ما فيه اي شي … ويجعله الذريه الصالحه يارب

<< ترا انا كتبت الموضوع من كتاب عندي اسمه من معتقداتنا الطبيه القديمه صح … ام خطأ >>>

{ البروفيسور فرنسوا شارمان}

همسة:-

{ ادعوا لاخوي ان الله يشفيه ونرد البلاد ……….. وادعولي ان الله يزرقني بالزوج الصالح والله يوفقني في دراستي}

حلوو الغلا الموضوع وانا ماكنت ادري انه مرحله قبل انغراس البويضة مضرة االادوية واحنا نقول يوم بنحمل بنوقف الادوية احتمال عشان جي اجهضت وشكرا اختي

الله يرزقج ويشافي اخوووووووووووووج امييييييييييييييين وينولج الي في خاطرج اااااااااااااااااااامين

خليجية المشاركة الأصلية كتبت بواسطة حنّــاني خليجية
حلوو الغلا الموضوع وانا ماكنت ادري انه مرحله قبل انغراس البويضة مضرة االادوية واحنا نقول يوم بنحمل بنوقف الادوية احتمال عشان جي اجهضت وشكرا اختي

الله يرزقج ويشافي اخوووووووووووووج امييييييييييييييين وينولج الي في خاطرج اااااااااااااااااااامين

انا بعد بحط مواضيع ثانيه تفيد الحواامل ان شااء الله بس قلت كل يوم موضوع واحد بس

والله يعوضج ان شااء الله ويرزقج بالذريه الصاالحه

والله يسمع منج يارب >__<

استفتاء:هل تفضلين الذهاب الى الدكتور لاختيار جنس الجنين؟

السلام عليكم عزيزاتي …. عيبني هالموضوع وحبيت اطرحه في منتدانا عشان الكل يستفيد ؟؟؟؟؟

مثل ما شفتوا العنوان …. هل تفضلين الذهاب الى دكتورة معينة للحصول على استشارة لتحديد جنس الجنين ؟؟؟؟ سواء كان حمية غذائية او غيره …

اذا كان جوابج نعم خبرينا شووو اسم الدكتورة والنظام الي اتبعتيه .. وهل استخدمتي حبوب معينة او اي شي اخر ؟؟؟؟

اذا كان جوابج لا شو السبب الي خلاج اتقولين لا؟؟

ونحن طبعا مقتنعين ان الرزق من عند الله … هو الرزاق وحده والنعم به ..

وين ردوووودكم حبايبي؟؟؟

انا عن نفســــي .. أتمنى الجنس يكون من رب العالمـــين من دون ما أتدخل في إختيار جنس الجنين
والحمدلله

وانا بعد كل شي من الله سواء ولد ولا بنت كلهم حلوين
ما في فرق بينهم …

لا ما افضل
لاني سبق واتبعت ارشادات من كتاب لتحديد جنس الجنين و ندمت اشد الندم لان حملي تأخر بشكل موطبيعي وطلعت لي مشاكل حسيت ان في شي غلط و قلت اكيد الله موب راضي على اللي اسويه….
من فريت الكتاب وتركت التعليمات بدت المشاكل تتلاشى ليما حملت
و ناوية الجأ الىالله بالدعاء علشان يرزقني باللي أبيه بدل ما اروح لدكتورة او اتبع كتاب معين

مشكورات خواتي على الرد …… بس مب كل الي يروحووون الى الدكتورة معناه انهم مش مقتنعين بارادة الله ونصيبه … بس الواحد ياخذ بالاسباب انا ناوية اسير عند الدكتورة واشوووف شوو بتقولي … بس انا عمري ما قطعت الدعاء ومش متكله على الدكتورة الحمد لله …. والدعاء على لساني ان الله يرزقني الي فخاطري ما ينقطع ابد

ام مزون الله يرزقج ويرزقني باللي تتمنين يارب و لا يخيب رجائج
عموما انتي استخيري الله قبل لا تروحين للدكتورة و لا تقطعي الدعاء ابدا

بغيت اسالكم خواتي حد منكن سوى تحليل سحب ماي الجنين؟

طلبت الدكتوره مني تحليل سحب ماي من عند الجنين بس لان بين عندي في تحليل الدم شك ولان عمري 37 وسويت التحليل والحين انتظر النتيجه والله كريم…

URL=https://www.arb-up.com/yeb7zpnwe7hi/DSN_(65).gif.html]خليجية[/URL

ما عندي اي فكرهـ و اللهـ ولا جان افدتج

ماعندي خبره وعسى ربي يحفظج وينولج الي بخاطرج

مشكوره على الرد..

خــالتي سوت هالتحليل… عــادي فديتج …

توكلي ع لله وان شالله خيــر …~

.
.

مشكوره الغاليه على الرد بس ليش طلبوا منها هذا الفحص؟وشوه كانت النتيجه؟

الغاليه قصدج يسحبون بالابره شويه من ماي المشيمه؟؟؟

قريت عنه في كتاب طبي يسوون هالتحليل عشان يتأكدون من عدم وجود خلل في الكرومسومات و التشوهات الخ

هل البندول extra يضر بالحامل والجنين؟

مرحبا خواتي…حبيت اعرف اذا البندول extra يضر بالحامل او بجنينها؟! لاني ف السابع ومن زمان فيني صداع نصفي ومن حملت زاد علي الصداع وايد…خليجية

انا افضل انج اتكلمين دكتورج وهي بتعرف شو الدوى المناسب لج

مشكورة على الرد اختي..وانشالله الزياره اليايه للدكتورة اسالها

السلام عليكم

انا اخذ بندول العادي الازرق.. بس ما اكثر

بالنسبه للصداع النصفي انا عانيت منه.. حطي كمادات بارده على رقبتج.. بيريحج شوي.. عشان ما توسوسين من البندول..
وخلي حد يسوويلج مساج.. انا عن نفسي من دبي .. اسير صالون في دبي يسوون حمام زيت رهيب مع مساج.. والحمدالله يريحني وايد.. عسب ما اتخيل على البندول..

عسى الله يريحج ان شا ءالله

وبعد استشيري الدكتورة

مشكورة على الرد يا همس…وانا بعد اخذ الازرق العادي والمشكله ان بس بالليل ييني الصداع وين بلقى صالون فاتح؟!!! LoOoL

بانادول اكستيند عادي الحامل تااااخذه مشششش اكسترااا

انا اعرف انه بندول العادي احسن من البنادول اكسترا في فترة الحمل
ربي يشافيج من هالصداع وتولدين بالسلامه وتقر عينج =)

منو جربت تحديد جنس الجنين؟

خواتي الغاليات. من منكن جربت تحديد جنس الجنين ونجح معاها. وشو الطريقة اللي اتبعتها.؟

** والله مجربت بعدني عروس**
** ان شاء الله غيري يفودونج **

الخلود ج. الله يرزقج بالذرية الصالحة.

ربيعتي مسويه في الاردن مرتين الاولي توأم اولاد و الثانية بنات
و انا يوم كنت اعالج في لندن كنت بسويها في مستشفى هارلي كلينك بس ما قدري اتم في لندن يلين ما اربي ما اطيقها و الله شهرين فما بالج 9 اشهور
هم اول شي ياخذون منج البويضات و يلقحونهن بالسائل المنوي لزوجج و يفحصونهن عن الامراض و يختارون لج 2-4 بوضات ملقحه و ايخصبونج فيهن و انتي و حضج اذا الله كاتب لج تمو في رحمج و صار حمل و اذا لا الله كريم

الوظيحي الله يوفقج الغالية

أنا حامل في الشهر الثاني قريت إنه إذا كان الصوديوم والبوتاسيوم أكثر عن المغنيسيوم والكالسيوم فالناتج ذكر والعكس الناتج بنت ولازم تتبع النظام الغذائي قبل تلقيح البويضه بفتره معينه ماعرف كم وهذا والله أعلم كل شي بيد الله سبحانه..

الله يرزقج الذريه الصالحه يا رب