الوسم: الحجز

مرحبا بنااات

طبعا الكل يعرف سالفة أنفلونزا الخنازير …

بنات بتسافرون عادي في هالصيف ولا بتلغون الحجز بسبب المرض المنتشر !!

نحن حاجزين نسافر فرنسا .. تاريخ .. 2/7 .. لين 15/7

بس واايد خايفو بسبب المرض خاصة وعيالي وياي !!

شو رااايكم انتوا ؟؟

عادي بتسافرون ولا بتكنسلوووون ؟؟؟؟

نحنا حجزنا على تايلند خلاص ومتوكلين على الله

بصراحة الواحد ما يقع نفسه في التهلكه
كنسلنا حجزا سويسرا وبإذن ربي بنقضي الإجازة في ربوع السعودية
الرياض وجده = تسوق
مكة والمدينة = أحلى عبادة وراحة وتغير جو
والطائف = تمشية

ونصيحة كنسلي

ام بيات … الله يحفظكم ..

الحيياة … انا بعد افكر اكنسل .. واااايد خايفة الصرااحة
بس اخووية يقووول عاادي بنتوكل على الله ..

الخميس وصلت ماليزيا و الجمعه اعلنوا إنا عندهم حاله الصراحه خفت بس اشوف السواح عندهم وايد وعادي الناس محد لابس اقنعه الا في المطار و كنت خايفه اروح جنتنج لن برد وقلت يمكن عيالي يزكمون من تغير الجو لأني باكر راده سنغافوره و انا خايفه الصراحه بس واي
عرب في ماليزيا من امارات و الكويت و السعوديه …………….الخ و الأيرانين ماشاء الله يا كثرهم

هلا اختي .. والله الوضع ما يطمن ..

والخوف من أن الواحد يزكم .. ويحسب الامر عادي ويطلع شي ثااني .. لا سمح الله
الله يحفظكم من كل شر فديتج

انا كنت على وشك اني احجز .. والحمدلله ماصار شي ..

خواتي محد يقول بحجز وبسير وبتوكل على الله
صح انج بتتوكلين على الله بس بعد ما تقودين عمرج لتهلكه انتي في غنى عنها
انتوا تسمعون ان اكثر الامراض من السياح وحتى فالبلاد ايام المهرجانات
فتموا فالبلاد احسن وكنسلوا الرحلات والله بيعوضكم

يلسي فبلادج احسن

السلام عليكم
بسالكم منو عندها خبره عن موقع حجز الفنادق
Booking .com
لاني شفت فيه عروض وايد زينه عن فنادق دبي
بليز ساعدوني
كيف الحجز وشو المطلوب ؟
ومنو مجربه الموقع ؟
وسلامتكم ,,,,,,,,,,,,

المطلوب فيزا كارد …

بس تدخلين بياناتج ورقم الفيزا .. ويطرشون لج تأكيد الحجز على ايميلج .. ورقم تأكيد الحجز تستخدمينه يوم توصلين الفندق..

ما قصرن البنات

وتختارين اي نوع الغرفه ومب شرط تكون مع ريوق فيون تختارين الحجز اختاري انج تبين ريوق واذا تبين سرير اضافي حق بيبي او شي ،،

مشكورات خواتي ماقصرتن
بس للاسف ريلي ماعنده فيزا كارد يعني مانقدر نحجز عن طريق بطاقات بنك دبي الاسلامي وبوظبي الاسلامي عنده فيزا الكترون يعني يمشي الحال ولا لا؟؟؟؟؟
وبعد الاسعار في الموقع غير الاسعار يوم تسيرين لهم ,,
منو جربت الحجز منكن ؟

فيزا الكترون ماتنفع لازم ماسترد كارد ونحن دايما نحجز من الموقع و مضمون وايد سهل بعد

السلام عليكم

عندي استفسار عالسريع
بخصوص الحجز من بوكينق
مكتوب اسمي كامل بالكابتل ليتر فألفيزا كأرد
ونا كتبته يوم حجزت فبوكنق بالسمول لتر!!واول حرف بسس كابتل!

هل هالشي عادي وبيتم الحجز طبيعي ولا بتبهدل !!!

عادي حبيبتي اهم شي أن الاسبيلينج صحيح .

عادي مافي اي مشكله … واهم شي لا تنسي الفيزا
ورقم الحجز

عادي الغالية ما فيها أي مشكله ولو كان الاسم أو شيء غلط بيطرشولج أيميل عشان تعدلين في الحجز

مشكورات فديتكن طمنتوني*

مشكوره وفي ميزان حسناتج من افضل المواقع عندي و جداً safety

مشكوره على الشرح ومن اضمن المواقع

بنات شحالكن خواتي ساعدني ابغي اعرف طريقة الحجز عن طريق النت ما اعرف ممكن احد يخبرني الله يخليكم لانا ناويين انسير تركيا هذا الشهر واا ما اخرف كيف احز ياريت تفيدني اله يخليكن

للرفع

هلا حبيبتي …..
الحجز بالنت سهل جداً …
أولاً التذاكر تحجزنيها من موقع طيران الامارات
https://www.emirates.com
أو من موقع طيران الاتحاد https://www.etihadairways.com/

والفنادق عندج مواقع وايد منها وأشهرها وأنا شخصياً أحجز منه موقع البوكينغ
https://www.booking.com/
والموقع الثاني اللي بعد حجزت منه هو :
https://www.asiarooms.com/

وسفرة موفقه حبوبه

يزاج الله خير نواره

وصاحبة الموضوع بعد

ما قصرت الاخت نواره .. افضل حجز هو عن طريق بوكينج .. تحطين التواريخ .. وتخترين الفندق .. ونوع وعدد الغرف .. وتحطين رقم بطاقة الكريدت كارد .. ويتم الحجز .. وتسجلين عندج رقم الحجز .. وبسسس

السلام عليكم

شحالكم خواتي

ابا استفسر منو مدرسة وحجزوا على جزء من راتبها مب كله .. البارحه سرت البنك بسحب وانا عندي اقساط فساحبين الاقساط مال شهرين لأني اجلت شهر فجزوا مبلغ وقدره …….. استغربت اتصلت على البنك الخدمه المجانية قال لي كلام وسرت البنك بس مب الرئيسي الفرعي قالوا لي كلام ثاني سرت اخر شي الرئيسي وتميت احاول افهم شسالفه وطلعت لي كشف يبين كل العمليات اللي صارت الفترة الاخيره من نزول التصفيه بس حصلنا المبلغ اللي خبرتكم عنه محجوز وقالت لي الموظفة حاجزنيه وزارة التربية انزين ليش ؟؟ قالت مادري اول مره وزارة التربية تسوي هالحركه حتى قالت لي بتشردون؟؟؟.. فتقولي التعميم وصلهم من وزارةالتربية انه يتم حجز مبلغ معين من رواتب المدرسين اللي اظن عليهم اقساط طبعا غير الاقساط .. قلت لها والحل قالت لي شهادة راتب من المنطقة وعطيتها شهادة راتب وقالت خلاص بينزل راتبج عادي بعد نص ساعة ولا ساعة ولين الحين ما نزل لي شي بس مقهووووووووره ليش يسوون هالحركه حد يعرف شسالفة حتى هي روحها تقولي الموظفة سيري اضاربي مع وزارة التربية ليش حاجزين رواتبكم لأن معظم المدرسين جيه ..

منو صار لها مثلي وعلى فكره ما يوصل مسج بالحجز لازم اني روحج اجيكين ع حسابج ..

اختي… انا صح مب في التربية بس اختي كانت مدرسة…

اللي اعرفه انهم ياخذون اقساط السلفيات من أول ما تنزل التصفية… وقبل ما الناس يسحبونها كلها…

عيل كيف بتدفعون الاقساط واللي بتسافر واللي عندها التزامات…

البنوك ما عندهم 1 – 2… بيزاتهم أولى…

وانا ما اعتقد من التربية.. ان شاءالله المدرسات بيفيدونج… بس انا متأكدة اللي ما عليها سلفية ما سحبوا منها شي…

مثل ما قالت اموون

كلام أمون 100% و انا البنك سحب سلفيتي قبل لا ينزل راتبيه ^_^ و شل سلفية 3 شهور

الله يعينكم^^
الحمدالله اني ماشتغل وفااكة عمري

الله يعينا
بروحها التصفية طايره طايره

شوفوا بنات انا اشتغل في بنك طبعا تكون البنوك واصلتنها الرواتب وموضحين انها مال اجازة فالبنك مباشرة يشوف هذا راتب مال كمن شهر ويحجز على مبلغ القسط الشهري فقط يعني اذا راتب 3 شهور بيحجز اقساط مال 3 شهور الا في حالة مثلا اجلتي قسط فبيفك الحجز عن قيمة قسط واحد. مثل ما أنتوا عارفين يمكن في ناس بتشل المبلغ كامل وبعدين كيف يتندفع الالتزامات وبتصير متأخرات في الدفع ومشاكل.

السلام عليكم …
بغيت اسألكم شو رايكم ف حجز الفنادق عن طريق الانترنت ؟؟ وفيه مواقع موثوقه ؟؟
ومنو جربت هالشي وما خسرت ؟؟؟

وبغيت أسأل عن اسعار بعض الفنادق ..

كمبنسكي الامارات مول
المروج روتانا
دوسيت
فيرمونت
فندق القصر (جميرا )
ميناء السلام
دار المصيف
فور بوينتس شارع الشيخ زايد

شو الافضل بينها وإذا تعرفون اسعارهم ؟؟ وإذا عندكم اقتراحات ثانيه ما تقصرون ..
وبالتحديد لتقضية ليلة رومانسية ( يوم زواجنا ) بشو تنصحوني ..

ومشكورات يا الغاليات …

هلا اختي

انا جربت الهليتون والميريديان

الهليتون روووووووووووووووووعه وكلمة روعه اشوي عليه رومااااااانس مره

اما عن الفنادق اللي ذكرتيهن ماعندي فكره

واكيد سيري احجزي عندهم افضل

اما اذا مايهمج فرق السعر احجزي بالنت

وانتي جوفي اللي يريحج

والسموحه

ما جربت ولا مرة ..
بس قارنت الأسعار شفت ان النت أرخص ..
وحتى الحجز عن طريق مكتب سياحي أرخص ..
عن الحجز المباشر ..
يعني مثال آخر طلعة طلعناها لمنتجع ماربيلا ..
الحجز المباشر كان 720 درهم ..
عن طريق النت 517 درهم ..
عن طريق مكتب سياحي 500 درهم ..
ريلي دوم يتعامل مع المكاتب السياحية وهي مضمونة طبعا ..
أما بالنت ماجربنا لكن فيه موقع اسمه Booking سمعت انه مضمون ومجرب ..
أتمنى اني فدتج ولو بالقليل ..

ام هزاع ,, تسلمين الغاليه ع الرد ما قصرتي .. وبشوف الهليتون والمريديان ..

انستازيا .. فعلا في النت الاسعار مختلفه .. وانا سمعت بعد ان الحجز عن طريق المكاتب السياحيه ارخص .. بنشوف .. وبجرب بعد الموقع اللي قلتي عنه ..
تسلمين الغاليه ما قصرتي ..

مينا السلام انا سرتله

واااااااااااااااايد حلو …

بتستانسين وايد فيه اذا سرتيله …

البقية ما جربتهم ..

الغاليه ام حمد تسلمين ع الرد ..
ما قلتيلي كم سعره وبكون شاكره لج

الغاليه انصحج اتسيرين دار المصيف خبااااااااااااااااااااال روعه
وبعد بتتسلون لنه فيه سوق ومطاعم راقيه وايد

وعن الاسعار والله ماعندي فكره اذا في فرق …………
والسموحه

السلام عليكم ورحمة الله وبركاته ..

حبيباتي انا كنت حاجزه عرس ف روتانا وكنسلته والموعد تقريبا بعد شهرين

ونحن دافعين ضمان 5 الاف درهم تاكيد للحجز

واذا كنسلنا مايردونها لنا

فقلت اذا في حد محتاينهم ويبا يحجز ممكن ايروح ويبدل الحجز باسمه طبعا انا بكلمهم او بروحلهم ويغير التاريخ اذا يبا بس لازم الحين قبل الموعد بفتره واصلن المواعيد لين 20 – 8 ماشي حجوزات يعني يمكن حد قاعد يدور ..

وتاريخ الي عندي 25- 6 -2017

وعلى المنيو مال الاكل ممكن يغيرون الي نحن اخترناه ويحذفون الي يبونه انا المنيو بروحي اخترته واتنقيته وطلع للشخص بـ 145 وممكن طبعا ينقصون ولا يزيدون على راحتهم ..

بالنسبه للمقابل ماريد شي غير دعوة من قلبكم لي بالتوفيق في حياتي
الي يبا يراسلني عالخاص
وانا فالانتظار
اسم القاعه الثريا في بوظبي

يزاج الله خير ماتقصرين والله

وان شاءالله تلقين حد يدوور القاعه

موفقة

يوفق الجميع

الله يوفقج

يزاج الله خير ماتقصرين والله

فووووووووووووووووووووووووووق

السلام عليكم سيدات الامارات
عساكم بخير ؟؟
حابه اشارك بمعرض عروس وحابه اعرف كم سعر الحجز ؟؟؟
وين وكيف الحجز ؟؟؟

ما عندي خبره اختيه ممكن تتصلين للمعرض نفسه

وشي عضوات كانو فاتحين مثل القمزيه سوت عرض ازياء وشمسه المهيري

بسم الله الرحمن الرحيم

السلام عليكم ورحمه الله وبركاته

ماعرف بس حبيت ارفع موضوعج لعيونج

up up up

ماعندي فكرة الصراحة

up up

إذا حصلتي خلني أشارك و ياج