الوسم: الحليب

السلام عليكم حبيباتي..

الغاليات طلبتكن ساعدني..
ممكن تقولولي شو الاشياء او الأكلات اللي تزيد الحليب..
بنتي تغمضني وايد لان صدري احيانا ما يدر حليب بشكل كافي لها..

شوركم ابدا اعطيها حليب صناعي كمساعد لها..
بس ما راح اعتمد عليه بشكل كلي..

اختي حلاوة الطحينية
والسمك
وكثري سوائل بيزيد حليبك
واشربي حلبة رغم ريحتها بس بتدر حليب كثير
وحاولي ما تعطيها صناعي انا ضد الصناعي تماما
ربنا يحفظها الك يارب

مثل ما حكت الاخت الحلبة مفيدة ومشان اتخففي من الريحة اشربيها مع الحليب وكمان شوربة الدجاج مع الرز والبقدونس اكتير اكويسة وكمان البيض مع الطحين والبقدونس قلي بدر الحليب وكثري من شرب الماء وما تعطي بنتك حليب صناعي لانها صغيرة حرام احسن حليب الها حليب صدرك

الحليب والعصائر الحلبه الكرات هالي اعرفه

حبيبتي الرهش وايد زين والماي بعد اشربي ماي كثر ما تقدرين يعني لترين ماي باليوم وشفطي الحليب لان لو ماشفطي بيتكتل الحليب بصدرج فنتبهي لهذا الشي وخاصه بالاربيعين الحمه وايد اتعب فتحملي علي عمرج وبنسبه لصناعي عطيها حرام هاي ياهله ما تتحمل اليوع عطيها مرتين صناعي والباقي من صدرج انا جي اسوي لبنتي

أختي كلي بقدونس اخضر او اعمليه عجه يعني مع بيض السمن البلدي او الزبدة بعد ممتاز والحلاوة بالطحينة وكتري سوائل والله يبارك ويزيد حليبك ويخليلك البيبي

عليج بالحلبة مخلوط مع الحليب فديتج

هاتي حلبة من القرية اليمنية ان تقدرين الحلبة الجبلية اللي بدون ريحة او ريحتها خفيفة

حطي ملعقة صغيرة بكوب و صبي عليه حليب فرش حار

غطيه و خليه 10 دقايق عقب شربي

يسوي معجزة

بعد عندج حبة الحلوة ( الشمار ) مع ماي حار

اشربي كاس ماي قبل و بعد الرضاعة ضروووووووووري

بي حل شو اسوي ولدي توه كمل الشهر العاشر وانا حامل ماعرف شسوي ماعرفت ارغبه بالحليب انا اعطيه بروميل شســـــــــــــــــوي كيف اخلية يحب الحليب… كله يصيح وما يشرب حليب ابد وانا فطمته صارلي يومين شســـــــــــــــــــــــوي اللي عندها حل تكسب فيني أجـــــــــــــــــــــــــــــــر

هلا يا الغاليه أنا كانت بنتي في أواخر الشهر التاسع عرفت إني حامل وبنتي كانت مول ما تشرب حليب من برع ولا تشرب مرضعه ضليت أرضعها لين ماكملت 3 شهور و الدكتوره كانت تعطيني فيتامينات عشان الجنين ياخذ كل فوايده بعد 3 شهور من الحمل خلاص حاولت أوقف الرضاعه لظلت بنتي تصيح طول اليوم و أنا أصيح معاها والله كانت تغفل بس من دون ما تشرب شي غير الماي الأنها ما رضت تشرب من المرضعه و تقوم وضل تصيح ..لين الفجر كانت وااايد تصيح وأنا بعد رحت شغلت قرآن وكنت أقرء عليها وأنا أصيح وأدعي من ربي إنها تمسك المرضعه حتى جبتلها مصاصه مثل الحلمه و الله لين ما مسكت المر ضعه وشربت الحليب و نامت والله إرتحت واااي د بعد ما نامت صليت ركعتين شكر و يوم كانت تقوم بين فتره كانت ترفض بس كنت أقاوم لين ما تمسك و ترجع تنام الله الحمد الله كوني إقرءي عليه و إدي لربي و خاصه وقت قيام الليل …الحمد الله ألحين بنتي عمرها 2 ونص وولدي 1و نص الله يخليلنا عيالنا …

الله يعينج اختي ويصبرج

ان شاء الله بيتعود يشرب شوي شوي

ماعندي خبره بهالامور

والله تسلمووووووووووووووووون انا بقرا عليه وبحاول والله تعبت بدعي وادعولي

أنا نفس الحاله بس رضعت بنتي وأنا حامل من شهرين فطمتها هي عمرها 1,3 وأنا غلحين فالشهر السابع لو كان فيني طاقه كان كملت أرضعها بس لأني تعبت هالحمل , وبنتي ماتشرب من الرضاعه خير شر والحليب الصناعي ماتشربه موليه هذيك الفتره شو كنت أسوي قبل ما أفطمها كنت أرضعها بالليل بس لحد الصبح بعدين احاول أشبعها بالأكل لاحظت غنها تشرب حليب النيدو العادي بس في الكوب الحمدلله شو سويت إن أعشيها قبل لاتنام فتكون شبعانه أشربها حليب النيدو وأخلي كميه عسب إذا قامت نص الليل, تعبتني فتره بس الحمدلله تعودت عالوضع بس الصراحه كذا أريح من المرضعه بنتي الكبيره لما فطمتها ماكنت ادري إن يعطون المرضعه فالليل فكنت اتم أشيلها لحد ماتنام بس خير شر ماتعلقت فالمرضعه والحمدلله بس ولدي عمره 3سنين ومن شهرين شليت عنه المرضعه بس بعد معانااااااااااااااااااااااه
جربي كل انواع الحليب لحد ماتلاقين النوع اللي يتقبله ولدج مو شرط يشرب فالمرضعه جربي فالكوب
حاولي تشبعيه بالأكل بما إنه ياكل هي فتره بتتعبين فيها بعدين ترتاحين
الله يصبرج و يعينج

الله يعينج ويعينا يارب

بقولج تجربتى انا صارلى مثلج وتم ولدى رافض المرضعه وكنت اصيح ودعيت انه ربي يدلنى ع شي عشان ولدى يرضع ونمت هاك ا ليوم حشى اقولج قصه المهم نشيت من النوم وسيده ع المطبخ
المقادير :
حليب البيبي
ماى فاتر مب حار
وموز لعمانى لصغار

ويبت الخلاط حطيت ماى والموز ملعقتين حليب وخلطه بالخلاط وقلت يارب يعيبه وعطيته والحمد لله عيبه وشرب وستانست والله وقمت اسويله مرتين باليوم ومع الايام قمت اقلل الموز وزيد الحليب لين ماتقبل طعم الحليب وقمت اسويله بس حليب

اتمنى تجربتى تفيدج

3 اكواب حليب بودر 3 اكواب سكر 2 اكواب ماء وممكن اقل حطي 1 ونصف وشوفي علشان مايطلعش الخليط سائل بالف هنا:22 (22):

تسلمين الغاليه ع الوصفه بنجرب ان شاء الله

اختج
شيخة الحريم

سلام عليكم

خواتي من وين اقدر احصل مثل ها المنتج ف راس الخيمه ..
مابي من النت .. ابي شي متوفر وانا اخذه ,
اسمه ملح الحليب ( يوكو )

هو مقشر .. و شفاف وعليه رسمة cow و لون اسود وابيض

وياليت لو ف جمعية معينه تقولون اسمها ^^

في الجمعيات التعاونية

بتلاقينه عند العطار انا امس شارتنه

كل الجمعيات موجود فيها هالمنتج عاادي حبيبتي
نحن عندنا فجمعيه الشارجه بس ما ادري انتو وين بالظبط عندكم ان شاء الله البنات بيفيدونج

انا شريته امس من درهمين بلازا الي قبل السفير الي في الخران محل يجي علا تله جي
وسعره 5 دراهم

موجود عندنا في ابوظبي في محل فلبيني يبيعه مع الصابونه

وموجد بالجمعيات

مشكورين حبوبات
الله يحفظكم

السلام عليكم

مين يربت المراميه للتجفيف الحليب

ال يربت اتقلنا كم يوم شربت
وكم الكميه من المراميه والماء
والنتائج اذا في سلبيات

ومن باب الفضول هل كانت اترضع واعتمد انها تفطم ولدها على تجفيف الحليب

وشكرامين ي

وعليكم السلام ورحمة الله وبركاته
بس ليش تبين تفظمينه. حرام
عقب ما أجهضت ارتفع عندي هرمون الحليب
كنت أشرب. استكانه مرقدوش على الريج وقبل ما أرقد
وأشرب 3 إكواب مرامية خلال اليوم
ابتعدي عن الطحينية والحلبه

ولدي عمره سنه ونص وشوي وقالت لي الدكتوره لازم افطمه لان عندي قرحه بالرحم
وغير جي دكتور الباطني من زمان قال لي افطمه لان عندي ترقر بالعظتم

المردقوش اعرف انه ينحف صح

لاني مب ناقصه نحافه

الله يشافيج يا رب
والله ما أعرف أنه ينحف
أنا فقدت الأمل أني امتن علشان جذي عادي

معلومة يديدة الصراحة
اعتقد التدرج فالفطام
يخلي الحليب يخف بالتدريج

الله يقويج اختي
ويشافيج

انا من زكان امخففه رضاعه بس نفس الشي حتى في جه من اربع او خمس اشهر ما ارضع منها مع انه احيانا ينزل منها حليب بروحه

اب اب

مرحبا بنات

بليز انا ولدي عمره 6 اشهر وماعرف كمية الحليب الي لازم يشربها انا اعطيه 120 مل هل تكفيه هالكميه والا ازيده؟ يليت من الامهات الخبيرات يردون علي وشكرا

انا اشوف 120 كافي عليه الحين …..
مع الاكل طبعااا الخفيف والمسلوق ….
وقبل لا يكمل سنه حاولي تزيدين الكميه بالتدريييييييييييييييييييييج…………

يكون مكتوب على العلبه

انا استخدم سميلاك ومن 6شهور.. 180 مل

حتى انا استعمل بروميل … 180 مل حق ال 6 شهوور …

الغالية 120 مل بدون أكل شوي …
يعني رضعة الصبح لازم 180 عقب ساعة او ساعتين ريوق خفيف …يعني جبن و شوية عسل …أو سيريلاك مثلا بعدين غداء مهروس و 120 حليب عشان يرقد …..بعدين العصر إذا قام يوعان عطيه 180 مل و يا بسكوت فارلز عقب ساعة او ساعتين فاكهة مهروسة …..بعدين العشاء مهروس و يا حليب 120_160مل

اانا بنتي توها داشه الثلاث شهور اعطيها حليب نان 150

ومنكم نستفيد

بنات انا ولدي كمل سنة و اربع شهور..قلت خلاص بعطيه حليب طازج احسن عن بروجروس..بس ولدي ما يتقبله شو الحل؟؟!! اقدر اعطيه حليب طازج بالفراولة او بالكاكاو ويستغني عن بروجروس لاني خلااااااص ابا اعوده يشرب بكوووب..

فديتج سنه و نص بعده، خليه يستمر يشرب الحليب المخصص للأطفال اللي بعمره لأنها افود له (فيها المعادن و الفيتامينات اللي محتاجنها لنموه)، يعني الحليب الطبيعي مافيه كميه الكالسيوم و الفيتامينات المضافه للحليب ولا البريبايو اللي بحليب اليهال!
عوديه يشرب الحليب (بروجرس او اي نوع ثاني بس مخصص لعمره) بكوب، مب شرط انه يكون حليب طبيعي، بس ما يمنع انج من وقت لثاني تعطينه حليب طبيعي (باي نكهه عادي) يشربه!
و الله يحفظ لج ولدج من كل شر!

مشكووور اختي وما قصرتي…

انااا بنتي يوم كان عمرها سنه وشهرين كنت اعطيها حليب طازج يعني 60 ميلي بس مره وحده في الاسبوع
والحين عمرها سنه و8 شهور كنت اعطيها بروجرس ويوم اسويلها اكلها صبح احط بدال الماي نيدو للاطفال حق سنه وخليتها تتعود ع اكل بيت والحمد الله لاحظت وزنها يزيد وصحتها وايد زينه ..

حطي فيه فارليز

انا اشرب بنتي من عقبالسنه ونص اعطيها حليب بدياشور هو حليب مكمل غذائي وبالفانيلا والصراحه اشوفه وايد زين

هلا حبيباتي منو منكم ممكن اتساعدني كيف اقدر اسوي الرز بالحليب والمكسرات بليز لاني اتوحم عليه .

يا ليتني اعرف جان ما تأخرت

بنااااات نبى نعرف الطريقه لا تبخلون علينا….انا كل مره اطلبه من مطعم شكل ولااااااا مره عيبني (بس مره كلته من ايد لبنانيه جان يجنن)

تفورين كوب رز مصري هالقصير مب البسمتي في 3 اكواب ماي وتخلينه لين يتبخر شوي الماي ويطرى العيش حوالي ثلث ساعه حسب النار وبعدين تصبين عليه حوالي لتر إلا شوي حليب كامل الدسم وتخليه يفور شوي الحليب مع الرز وضيفي كوبين او كوب ونص سكر وباقي الحليب ذوبي فيه ملعقتين نشاء كبار وصبيه شوي شوي على جدر الحليب والعيش لين مايتماسك شوي وضيفي شوي ماء ورد او ماي زهر وصبيه في صحون وخليه يبرد وزينيه بالمكسرات وبالعافيه جربيها هاي طريقتي وإن شاء الله تضبط وياج يطلع طري الرز بالحليب كأنه قشطه حلوه

تسلمين اختي على الطريقة

مرحبا الغالية هذي طريقتي

كوب رز مصري
5 اكواب ماي
خليهم على نار متوسطه حتي يتبخر الماي ضيفي عليهم كوب ماي + كوب نيدو بودره + نص كوب سكر وخليهم على النار حتي يتماسك شوي ثم ضيفي واحد قشطه وشوي ماي ورد بعدين صبيه في صحون صغيره وزينيه بالناريل والمكسرات روعه طعمه

السلام عليكم ورحمة الله وبركاته

بلييييييييييييييز الي يعرف وحده امهاا هنديه تسألها عنها
أظن ان اسها شخورما

كيف شكلها … فيها مكسرات … لأنه أنا عندي طريقة حليب بالشعيرية بس ما أدري نفسها اللي تقصدينها ولا لا …

اميه تعرف الطريقة

السلام عليكم و رحمة الله و بركاته

هلا اختيه

طبعا فيه طريقتين و انتي اختاريـ :

1 – الطريقة الاولى :-
السلام عليكم و رحمة الله وبركاته

المقادير ::=

1/2 ك شعيريه + 1/2 كوب ساقو + 2 كوب سكر

هيل مطحون + اعواد من القرفه + 4 ملاعق زبده

10 أكواب حليب سائل 2ملعقه ماء ورد

الطريقه ::=

ضعي الزبده في قدر – وضعي عليه الشعيريه وحمريها

اضيفي اليه الهيل والقرفه

ثم ضعي عليه ساقو بعد ان تكوني وضعته لمدة ربع ساعه في كوب ماء

واتركيها مع الشعيريه على نار هادئه مع قليل من الماء اللى ان يصبح ساقو

شفافه

اضيفي لها السكر حسب ذوقك

ثم اضيفي الحليب السائل الى ان تفور ثم اضيفي ماء الورد

تصب في اكواب وتقدم بالهناء والعافيه

ممكن اضافة اللوز والزبيب

2- الطريقة الثانية :-المقادير:
حليب بودر
ماء ساخن
مكسرات( لوز حجازي.فستق)
رشه هيل مطحون.سكر
سمنه فارم

ملاحظه:الكميه حسب الذوق

الطريقه:
ينقع اللوز و الفستق في ماء ساخن ثواني لكي تزيلي القشر بسهوله و يقطع شرائح
تحمر الشعيريه في السمنه ثم توضع عليه المكسرات ثواني ثم اطفئ النار و اسكبي الخليط على الحليب
المعد سابقا و المحلى بالسكر ثم رشه الهيل ثواني ثم اطفئ النار.

و اتمنى انها تكون وحدة من الطرق اللي تبينها