الغاليه بخصوص المكينه خطأ كبير انه الحامل تستخدمها ..
حميتي أجهضت و السبب من المكينه والله أعلم !
بس هذا كلام الدكتوره ترى مب منها …
الاهتزازات اللي فيها مضره للحامل و للجنين و ممكن تأثر على مخ الجنين بعد ..
سبحان الله في ناس بتقولج انا استخدمها وما استوابي شي ..
صح في ناس سبحان الله ما يتأثرون بس بعد ما تعرفين اللي ما أثر في غيرج يمكن يأثر عليج ..
نفس الشي في ناس تشرب الزنجبيل والجرفه و الحبه الحمرا خلال فتره الحمل وما يأثر عليها وفي ناس من تشربها على طووووووووووووول اجهاض !!
بخصوص أكل الأناناس أنا كنت أتوحم عليه في حملي وسألت الدكتوره وقالت لي عادي اكليه ما فيه شي وما يسبب اجهاض مع اني أسمع من وايدين انه مب زين ويسبب اجهاض و أولهم أمي الله يحفظها بس فعلا بعد ما سألت الدكتوره كلته والحمدالله ما استوابي شي !
بس البجر تتجنب كل شي مشكوك في أمره أحسن خاصه خلال الشهور الأولى لأنه بيكون مولودها الأول ولازم تحافظ عليه و بعد لأنه مب زين تجهض من البدايه .. بيأثر هالشي عليها وعلى صحتها ..
عندج أجهزة التدليك بعد مضره .. سواء كانت مخده التدليك الكهربائيه أو أجهزة تدليك الظهر اللي بالبطاريه .. وغيرها من الأجهزه اللي تشتغل بالكهربا أو البطاريه … و حتى الأجهزة الموجوده في السناتر اللي على شكل كرسي .. كلها فيها ذبذبات تضر الجنين ..
الحامل لازم تنتبه من كل شي تشك انه ممكن يأثر عليها أو على البيبي ..
في ناس تقول انتوا تبالغون بس أنا أقول الحذر وااااجب و الحامل خل تبالغ أهم شي صحتها هي والبيبي ..
والوحده يوم تجهض محد بيفيدها .. و الاجهاض فعلا مب شي هين لا نفسيا ولا بدنيا .. الله يبعده عن الجميع يا رب ..
و ربي يثبت حمل كل حامل و يسهل ولاده كل حامل على وشك ولاده ( شراتي ) و يرزق كل محرومه يا رب ..