الوسم: الخبره

السلام عليكم والرحمه
شحالكم حبايبي
أبغيكم تفسرولي هالحلم حلمته تقريبا من ثلاث أيام

معلومات عني::
متزوجه م 8 شهور والله مارزقني بالحمل وعمري 21وماعندي أي مشاكل تمنعني اني أحمل

……

كنت فعياده الدكتوره فتحيه(دكتوره نساء وولاده بالفجيره) انا وأمي وأبوي ودخلنا عليها وشفناها تتعشى بس ما اذكر ليش سايرين عندها بعدي شفت عمري فغرفه الولاده وقالولي مبروك بس ما أذكر اذا بنت او ولد وشلته على صدري وبسته وكانوا كلهم مستانسين وكنت أرضع هالبيبي من صدري
بس فالحلم انا ماكنت حامل وماكانت فيني كرشه بعدين رحت للدكتوره وقلت لها أنا كيف حملت ماكانت فيني كرشه قالتلي انا بروحي مستغربه

والله ما دري حبيبتي .. بس ان شاالله خير

فديتج أنا إلي أعرفة إن إلي تربي بالحلم كان عندها هم وإنزاح

بس والله ما أعرف

وإن شاء الله خير

انشالله يارب
أتريا ردودكم

انا يوم كنت حامل ابنتي دوم احلم ارضع بيبي

وحلمت اختي نفس الشي ترضع بيبي وطلعت حامل

قالولي الي ترضع بيبي ولد او بنت من صدرها جهة اليسار بتييب بنت

والي ترضع بيبي من صدرها اليمين بتييب ولد

وصدق يطلع من تجربتي والله اعلم

انتي من اي جهه رضعتيه؟

والله ما أذكر أي جهه الصراحه بس انشالله خير

عيل شوفي حلمي الغريب
حلمت اني يالسة في بانيو ابيض ما فيه ماي
واتفاجأت لما صديت وراي بطفل صحته زينه
وابيض وايد وعيونه زرق وشعره اشقر
ورائع الجمال
وفي الحلم حطيت في بالي انه ولدي
واقتربت وبسته
واذكر انه رجّع ونظفت ويهه و بسته مره ثانية
وانا عندي كله بنات والحين حامل في الثامن

هلا بكل من يدخل …………

بسألكن يصير الحامل تستخدم كريم اولاي ليل والنهار يعني ما يضر البيبي واريد اعرف كيف احافظ على وزني بالحمل ما اريده يزيد وإذا بينقص بيكون احسن هههه واريد اهتم بنفسي احس اني مو مهتمه بنفسي شرات قبل …….. (^_~)

بليز لا تردوني

بخصوص الوزن وازني بالاكل واسالي الدكتوره اذا تقدرين تسوي رياضه << بعضهم يقولون ما يصير بس روحي شوفي الاجانب خخخخ الحرمه تتسبح وهي حامل

وبخصوص الكريم في منتجات طبيعيه او سوي كل شي طبيعي احسلج من الحيره ما ذا اختار هذا ام ذاك خخخخ

تسلمين يالغاليه على الرد

(^_^)

ووووين باقي البنات ………

up up

للرررررررررررررررررررررفع

فووووووووووووووووووق

ماعندي علم بس حبيت ارفع الموضوع

كلج ذووووق ..

احنا دريولنا هندي ومن 14 سنة عندنا الصراحة مؤدب وسواقته وايد زينه ما شاء الله
ويحب اليهال وايد….ما ادري انا احس الهندي احسن عن الباكستانين احسهم يزيغون
راتبه اعتقد 1200
والله يوفقكم بواحد زين ان شاء الله

الهنوود احسن في تعامل

جزاك الله خير حبيبتي ..و الله يصخره لكم ..

جزاك الله خير حبيبتي

حد يعرف مكتب..يدلني ..جزاكم الله خير

مساء المحبه
افيدونا يابنات
عندي ربيعتي سارت عند الدكتوره قبل موعد الدوره ب 11 يوم وقالت لها الدكتوره مبين انه فيه سائل منوي موجود والرحم فيه خطوط بيضاء غير عن كل مره فقالت لها احتمال يكون حمل فحد صارت معها شرات ربيعتي

الله يرزقها ان شاء الله بالحمل

حلل دم تحليل رقمي ويبان وان شاء الله حمل يارب عسب ترتاح

مادري احس كيف عرفت سائل داخل مابين لين ما تعدي الدوره

تسلمو حبايبي
والله لاانا ولاربيعتي فاهمين شلون شافته الدكتوره بس ربيعتي شافت شئ زي الشئ السايل
سؤال كيف تحليل الدم الرقمي مب فاهمه

اول مره اسمع بهالشي

وين شافت السائل المنوي بالسونار ؟؟

يمكن في سوء فهم !!

لو مثلا انها قالت شافت بطانه الرحم سميكه اكثر عن العادة دليل ع احتمال وجود حمل ،، وهالشي يصير ويا بعض الحريم تكون الدكتورة شاطرة وتشك بوجود حمل

او ان البويضه فتحت وبالتالي طلعت ماي بسيط بالرحم دليل ع ان البويضه جاهزه للتلقيح ( ضرورة الجماع هالفترة)
وهالشي وايد يصير خاصة بالفترة اللي انتي قلتي عنه انه باقي 11 يوم عن الدورة

او انها شافت كيس الحمل وهالشي مستبعد لأن دورتها موعدها بعده ما عدا !!

رايي تنتظر موعد الدورة واذا تاخرت يوم او يومين تحلل تحليل دم رقمي ،،

يعني يعطيها نسبة الحمل بالدم بالرقم ،، ومن نسبته بينعرف اذا حمل او لأ

وان شاء الله تكون حامل وتبشرينا اختي

ان شاء الله بنات بوظبي يفيدووونج
بس سمعت يمدحووون مستشفى الرحبة

تسلمين حبيبتي

سارا الحلوة > > > > الحمدلله ع سلامتج حبيبتي … معقوله لهالدرجه اهمال … ما عندهم قلب ؟؟!!! وينهم من رب العالمين …. الحمدلله انج و بنوتج بخير الحين

الله يعينك مابقى شي على ولادتك ان شاء الله والله يهون عليك يارب ويسهلها وتقومي انتي والبيبي بالسلامه … ان شاء الله البنات يفيدونك

فديتنج ؟أنا أختي وحرمة أخوي ربن فالكورنيش وكان عادي كل شي أوكي وكانوا وايد مهتمين فيهم وأنا ألحين أراجع عندهم المشكلة بس فمواعيدهم وأحس أن الكورنيش أفضل من الخاص لأن هم أكثر خبرة وعندهم كل التجهيزات لو سمح الله صار فالبيبي شي عندهم كل شي وماراح يضطرون أنهم ينقلونج من مستشفى لمستشفة لأن كل شي عندهم ..

للرفع

ماعندي اي فكره

للرفع

للرفع

تسلمون خواتي

طلعيه من جوجل

للرفع

السلام عليكم ورحمه الله وبركاته …

خواتي …. قبل كل شىء اتمنى الدعاء من القلب انه الله يثبت البيبي اذا كان فيه خير لي ف الدنيا …

انا حاليا حامل ف الشهر الخامس … وبدأ عندي النزيف من الشهر الاول … راجعت اكثر من دكتوره ويقولولي البيبي بخير …. لكن علشان النزيف اخذي حبوب التثبيت ..

ومستمره لكن النزيف ما وقف ألين اليوم … وقبل اسبوعين رحت عند الدكتوره ماجده ف مستشفى النور … وقالت المفروض تاخذين ابر من زمان … عطيتها اسماء الدكتورات اللي رحتلهن ومن بينهن وحده شاطره ف مستشفى النور الجديم .. وكل ما اقولهن ابر يقولن حالتج ما تحتاج …

حطت ايدها ع قلبها وكشفت علي ولقت المشكله انه الوضع الطبيعي المشيمه فوق والبيبي تحت لكن انعكس الحال عندي …. والمشيمه نازله علشان جذيه النزيف ما يوقف …

عطتني كورسات ابر وما فاد … كثفت الكورسات يوم ابره ويوم لاه والحال مثل ما اهو ….

بغيت اسأل فيه حد مر بمثل حالتي ؟؟ وهل فيه حل ثاني ؟؟؟ لانه النزيف اذا ما وقف فيه امكانيه تنفصل المشيمه عن البيبي ….

ماعندى علم فديتج

عسا الله يثبت حملج يارب

ويفرحج بشوفه ضناج اختى

الدكتوره ماجده ممتازه استمرى عندها

روحي المستشفي اطمئني على البيبي
لا تخلين مو زين

ربي يثبت حملج يارب

للرفع

راجعي عند دكتوره زينه وثقه اكيد مو زين حبوبه

الله يثبت حملج وتقر عينج بشوفه ضناج

خفي من الحركة وحاولي دايما تنسدحين وترفعين ريولج فوق عشان ترتفع المشيمة

ولا تنسين تراجعين على طول عشان تتطمنين على وضع البيبي

وان شاء الله ما فيج الا العافية…..

تسلمين يا اختي عله مداخلتج ….

الله يسرلج ويرزقج

عادي تصير وايد واحسيبي من اول يوم دورة ياتج وعدي اربعين يوم وبعدها ان شاء الله يبين

أمديين
زعفرانه اصيله

يزاكم الله خير

للرفع الغاليه ..
ان شاء الله تكونين حامل …

قلب بوروضه..

تسلمين غناتي

بسألج سؤال اختيه ،،

الدكتورة عطتج حبوب مثبت حمل ؟؟؟؟؟؟؟؟

لانه لازم تاخذينه ،،،،

انصحج اتغيرين الدكتورة بأسرع وقت ممكن ،، روحي مع وحدة غيرها وجيكي ،، والله لانه بعضهم يتعاملون مع الحريم بلا ضمير

الله يثبت لج حملج يااااارب،،

بس مثل ماقلت لج،، غيري الدكتورة ،،تأكدي اكثر وطمنيني عقب،،

بنات سويت ليزر لجسمي قبل 4 لين الحييين ماشفت نتيجه اشوف الشعر يطول مااحترق ولا طاح وهاي اول جلسه لي ؟؟ بغيييت اعرفف متى لازم يطيييح الشعر اخاف يتم جي ولاجني سويت شي ؟ ×_×

ولا رد ؟؟؟؟؟؟؟؟؟؟؟؟؟!!!!!!!

للرفع

السلام عليكم

انا بعد سويت جلسة لليزر فايدي وريولي للركبه …الشعر ما بيطيح بروحه انتي جربي بس تمسكين الشعرة وبطيح بعد تقريبا عشر ايام بس بصراحه الابط بعد اربعه ايام تقريبا

مع ان النيرس قالت لي ما بيبين من اول جلسة بس الحمدالله عندي منطقة الابط باقي بس كمن شعرة مب طايحات والريل وايد اماكن نظيفة من الشعر واما الايد بصراحه مب ملاحظة انه بين فيها الليزر
وبعد اللي اعرفه ان في عيادات تسويلج جلسة رتوش بعد عشر ايام بس مااظني فالعيادة اللي سويت عندهم في عندهم جلسة رتوش

اترييي بعدج عشر ايام عقب دقي حق العياده اللي سويتي عندهم

وربي يوفقج

فديتج تسوين اول جلسة و عقب باسبوعين تسوين جلسة ثانية و عقب مرة كل شهر

بتشوفين نتيجة ان شاء الله اصبري

اتريي اسبوع الى 10 ايام وبيبدا الشعر يطيح من روحه او سوي سكراب وبيطيح ..

في اي عيادة سويتي الليزر ؟

ملجتيي الاسبوووع الياي بليييييييييييييييز ريحوني هل اسوي جلسه ثانيه اذا ماطاح او اصر

الله يثبت لج حملج .. اختي ..

زهبي شوي شوي .. احس حلاته انتي تختارين للبيبي .. واذا للحين ماتعرفين جنس الجنين ..

اخذي الالوان الي تلبس الاثنين .. (( أصفر أو أخضر أو أبيض ))

الله يعينج .. أدعيلي بالذرية الصالحه .. ان شالله اكووون حامل هالشهر يااااااااااااااارب

آميـــــــــــــن يااااااااااارب وان شاء الله اتبشرينا انج حاامل هالشهر بإذن الله..

الصراحه مايخطر عبالي ازهب للبيـــــــــبي<< احس نفسي قاسيه=+ .. بس بشوف فالشهر التاسع بشري اشيا لون بيج ^_^ لو اني خاايفه من الولاده.

للرفـــــــــــع والله يسهل عليناااا.

هلا حبوبه الله يسهل عليج

انتي شراتي انا ف الشهر الرابع للحين مافتحت لي ملف بس المراجعات اراجع ف خاصه

اما عن اغراض البيبي حبوبه من عرفتي جنس البيبي بعدها بفتره مفروض اتزهبين الاغراض الاساسيه

السموحه

بالنسبة لفتح الملف ممكن تفتحين فالشهر السابع مب مشكلة بس لازم اتابعين حملج بانتظام في عيادة خاصة

بالنسبة لجنس البيبي …الغالية من حق البيبي انج تزهبيله وتشتريله اغراض حلو انج تحطين اغراضج واغراض البيبي في شنطة وحدة وعل ذوقج بدل ما تتريين لين ما اييبوله اغراض

هذا رايي

اما يوم بربي فالاربعين اكيد بكون عند هلي

هلا عزيزتى

بخصوص المراجعات = لازم تراجعين في العيادات وحتى المستشفيات
لان فيه هناك تحاليل يسونها لج علشان يطمنون عليج وعلى البيبي

فلازم اتراجعيين علشان تطمنيين

انا حاليا في الشهر التاسع
وكل شهرين في مستشفي دبي يسون لي تحاليل دم وبول الله يعزج مع كل زيارة

علشان يعرفون نسبة السكر والدم
وهل الجنيين سليم والرئة

ويسون تلفزيون خاص للجنيين

فانصحج بالمراجعة علشان تطمنيين

بخصوص تجهيزات البيبي
عن نفسي ما اجهز الا بعد ما ادخل الشهر التاسع ما احب استعجل يعني يوم ويوميين اخلص كل شيء

بخصوص قعدتج بيت اهلج
انا عن نفسي افضل هذا الشي وفيه بعض الرجل ايضا يفضلون انج تروحين عند اهلج احسن لان هناك بيساعدونج وخواتج اذا كانوا ايضا وايد بيخدمونج

والحرمة عند اهلها تاخذ راحتها اكثر
بالذات وهي تعبانة بعد الولادة

والله يسهل على الجميع