السلااااااام عليـــــــكم والرحمه.. اشحاالكن خواتي ؟
عندي استفسارات واتمــــــــنى ألقى الرد من صوبكن ومساعدتكن.
ابصراحه انا فالاسبوع اظني 20 يمكن واللــــــــه العالم .بس في شي شاغل بالــــــي؟؟ يـــــــــوم اسمع اللي فاتحــــــــه ملف من الشهــــــــر الاول واللي يقـــــــــــولن لا لاتبطلين إلا فـــــــي الشهر الرابع وغيره وغيــــــــــــره..
والصراحه أنــــــا وأعوذ بالله من كلمة أنا .. عـــــــدني مافتحــــــت ملف خاص للحمل واراجع فتره فتره لهالشي =( ماعرف شسوي وخاصه انـــــــه المواعيد اكيد مضغوطه حق غيري من الحوامل..
بليييييز لاتستغربوون كنت أراجع قبل فترة طويله في اول شهوري عند دكتوره خاصــــــه فبوظبي ويوم حدرت العيــــــن ابدن ماخطفت على أي مستشفى.. وريلي مصـــــر على مستشفى الامارات الدولي ؟؟ ومن ناحيتي اتهرب من هالشي ومابا اتضايج بالنقـــــاش..
الحينه بتخبركن بشو تنصحووني افتح ملف فالمستشفى والا عااااااادي يوم اربي أولد بدوون ملف وغيره؟؟
وانتن امتى فتحتن ملفاااااااااااااااات للحمل ومن أي شهـــــــــر صراحه؟؟
وااااايد مستهمه من هالشي لأنه ارمضـــــــــان قرب وابصراحه نوعية الاكل عندي دااااااون وخايفه يأثر عالجنين..
الشي الثانـــــــــــــي صحيح اني مايخطر عبالي اعرف جنس المولود لأنــــــي احب يكون مفاجأه بس الريل مصــــــــــر يبا يعرف وعلشااانه سويــــــت كذا مره في عيادات خاصه ومختلفه .. بعضهن قالن ولد وبعضهن قالــــــن بنوووته. فكيف أقـــــنع ريلي اني مابا اعرف جنس المولود.. وخاصه اللي سرت عندهن يقولون البنية عند الياهل ضعيفه ومايبين من ريوله ومره بنت ومره ولـــــــد وهالشي ضيج بي لاني مافاتحــــــه ملف في اي عياده..وماحب أخطف عالمكان مره واسير=(
بالنسبـــــــــــه للتجهيزات؟؟ يالسه اشوف المــــــواضيع والردود وحسيـــــــــت اني مقصره واااااااااايد… انتن من أي شهر تبدن تزهــــــــبن اغراض البيبي وامنوه يساعدكن فهالشي؟؟
من صوبـــــــيه ماشريت اي شي << عيووني دمعن صراحه>> واحس هالشي شعور طبيعي بس ما أقــــــــدر اجهز صراحه للمولود لاني ابا اشووفه ع الطبيعه سليمن معافى وخلاف بشري كل شي من أول يوووم << بيمدي هالشي؟؟ .. انا حاسه انه هلي بزهبون كل شي.
السمـــــــوحه عالاطاله بس وايد اشيا شاغلتني واباكن تكونن خواتي وتجاوبن عليها بكل رحاابه..
الجنين يوم ينزل راسة فالرحــــــم يكون في اي شهر؟؟ سمعت فالشهر الساابع صح؟
وآخــــــــر شي يوم تربي الحرمه فترة الاربعيــــــــن تكون عند أهلها وهالشي متعـــــــارف عليه بس سمعـــــــت انه هالشي هب زين للزوج ويفضل تكونين عند هله ؟؟!! أبدن هب دااخــــــــــــــــل هالشي فراسي وأحس الحرمه تبا ترتاح عند أهلها والا شورايكن؟؟
أتمنــــــــــى إذا في شي نسيته وعندكن إضافات تخبرني وخاصــــــــــه إني حامل ببجر ووايـــــــــد مستهمه من داخل وخارجيا أخلي الامور طبيعيه.