الوسم: الخنفروش

هلا حبايبي اليوم بحط لكم طريقه الخنفروش بالدبس
المقادير:
كوب طحين
كوب سميد
6بيضات+ ملعقه فانيليا
كوب سكر
نص كوب زيت
2 ملعقه بيكنج بودر
3 ملا عق حليب بودره
كوب شاي ماء ورد+زعفران
ملعقه هيل او حسب الرغبه
فنجان دبس

الطريقه:

نضرب البيض مع الفانيليا والسكر جيدا ثم نضع الزيت والطحين مع البكنج بودر بعد النخل والسميد والحليب بودره ونضربهم مع بعض لمده 5 دقائق واخر شي نضع الهيل مع الزعفران وما الورد والدبس
ونخلطهم قليلا ثم ندهن قالب الكيك بالزبده ونضع الخليط في القالب
هاذا شكل الخليط في الصينيه

[IMG][/IMG]

ثم نضع القالب في الفرن ونخليه لين ما يستوي من تحت وبعدين نولع عليه من فوق لين يحمر شوي وهاذا شكله لما نطلعه من الفرن

[IMG][/IMG]

وهاذا بعد التقطيع

[IMG][/IMG]

وهاذي الصحن للضيوف

[IMG][/IMG]

[IMG][/IMG]

واعذروني على الصور لانها مب واضحه زين لانها تصوير موبايل والسموحه

وقولولي رايكم بالخنفروش

أحب شي اسمه خنفروش ..

بس نحن نسويها بطريقة ثانية تكون دوائر ^^

وبالعافيه عليكم

يوعتيني خخخخخخخخخ

مشكوره اختيه ع الطريقه..
ان شاءالله بجربهاااا..

ربي يعطيج العافيه..

رووووووووووووووووووووووعه

يسلمووووووووووووووووووووووووووووووووو

ع الخنفروووووووووووووووووووووووش الررررررررررررررروعه

بالنسبه للطريقه الي تعودنا عليها نقليها بالزيت بالنسبه لي ادخلها الفرن تطلع نفس الكيكه وناشفه من الزيت وفي النهايه كله خنفروش

ومشكورات خواتي على ردودكن الحلوه والتشجيعيه

تسلمين ام خليفه
شكـلهآآآ شي ماشاء الله
تسلم يدينك يآآرب

هلا خواتي
عندي اليوم وصفه الخنفروش
وهالطريقه اسويها من زمان
وياليت اللي تيربها تخبرنا

تحطين8 فناجين شكر(فناجين القهوه اصغر نوع) يعني حوالي 3 اكواب
وفوقهم 9 بيضات ويخلط في الخلاط اليدوي مثل الكيك
وبعدين تضيفين لهم نصف كيلو طحين عيش مع استمرار الخلط
وتضيفين له اذا حبيتي هيل ماي ورد والاهم الزعفران
وتتركينه بعد الخلط لمده 48 ساعه بدون لمس في درجه حراره الغرفه وبعدين اقليه في دهن ساخن
واذا ما عندج وقت تنتظرين يومين حطي ملعقه بيكنج باودر قبل القلي بساعه
بس البيكنج باودر هو اللي يخليه ناشف يعني تخلينه يومين مثل ايام اول اللي يسونه احلى وايد

تسلمييييييييييييييييين على الطريقه…

شكرا على مرورج اختي روح الحب

تسلميييين حبيتي ع الصفة الحلوة …

الله يسلمج اختي
اسعدني مرورج الرائع

اتصدقين كان خاطريه اعرف هالخنفروش شقايل ايسووونه

شكرا لج ما قصرتي

ممكن صور للخنفروش

ملاحظة ماتخترب العجينه إذ خليناها يومين؟؟

الخنفروش بالطريقة البحرينية

طريقة سهلة وناجحة وشهية.
بالنسبة إلى كمية ماء الورد المضافة فهي تعتمد على سمكة العجينة التي تفضلها ربة البيت ولكن أنا أفضلها أن تكون العجينة خشنة قليلا وأضع فيها مقدار نصف زجاجة من ماء الورد أو أقل بقليل .

المقادير

 كوب سكر
 كوب سميد
 كوب طحين بالخميرة
 ماء ورد
 هيل وزعفران
 ملعقة طعام دبيس
 2 بيضة

الطريقة

1. توضع جميع المقادير في وعاء واسع مع بعض.
2. تخلط جميع المقادير بماء الورد ويخلط جيداً.
3. يسخن الزيت في مقلاة عميقة.
4. يستخدم في سكب الخليط ملعقة، يكور على شكل دوائر رفيعة تقلى في الزيت على نار هادئة حتى يحمر الوجهين.
5. ترفع من على النارتوضع فوق ورق الزبدة لتمتص الزيت الزائد ثم توضع في طبق التقديم وبالهناء والعافية.

تسلمين الغاليه على هالوصفه

وانا خاطريه الصراحه اسويها بس مااعرف جي بالكتابه اذا ماعليج كلافه

اذا تقدرين اتصورين الخطوات ايكون احسن سوري يعني اتشرط بس والله خاطريه اسويها

وربي يحفظج ان شاء الله ويعطيج العافيه يارب على هالاكله الحلوه

كيف يعني ما يكون سائل

تسلم الايااااادي

بليييييز ابا طريقة الخنفروش لو سمحتن بسرعه علشان اسويها اليوم

1كوب سميد 1كوب دقيق ابيض 1كوب نيدو 3ملاعق صغيرة بيكنك بودر1ملعقة صغيرة هيل ربع ملعقة زعفران صغيرة 6بيضات 1كوب سكر 1كوب زيت 1فنجان ماء ورد 34 كوب ماء
اول شي نخلط السوائل مع بعض في الخلاط الكهربائي وبعدين انحط المقادير كلها نخلطهم
تسخن ماكينة الدونات تصب العجينة في الفتحات

مشكوره ومااقصرتي فديتج نور الدنيا 7

1 ك طحين بخميرة- 1 ك سكر- 2 بيض- فانيليا- هيل- زعفران- 1 ك سميد- 1 م ك دبس-2/1 استكانة ماءورد- ماء للعجن

الطريقة:
خلط المواد الجافة ثم تضاف المواد السائلة ويخلط جيدا حتى نحصل على عجينة خفيفة اثقل من عجينة العوامات بشوي
في مقلاة نسخن الزيت موكثير مثل اللقيمات لاء اقل
تخفف النار على المتوسطة ثم بواسطة ملعقة صغيرة تغمس في الماء ويغرف المقدار ويصب في المقلاة وهكذا حتى تتحمر من الجانبين حتى انتهاء الكمية
يصفى بوضعة في مصفاة حتى ينزل الدهن
يصف في طبق التقديم ويغطة حتى لا يجف

طريقة ثانيه

فناجين سكر

3 فناجين طحين فاخر

3 بيضات

نصف ملعقة هيل وبيكنج بودر

الطريقة :

تخلط المقادير كلها بالمعلقة وبعدين نضع في المقلاه قليلاً زيت

وبعدين نحط العجينة ونغطيها بالغطاء حقها ولما يستوي نقلبه

وبالهناء والعافية

طريقه ثالثه

المقادير ..

بيضتان

كوب حليب

كوب طحين جميع الاستعمالات

كوب سميد

كوب طحين عيش

فنجان ماء ورد

ملعقة زعفران

ثلاث ملاعق هيل

ثلاث ملاعق بيكنج باودر

فنجان دبس

كوب سكر

الطريقة ..

تخلط السكر مع البيض في الخلاط ..

يضاف الدبس, ماء الورد, الزعفران و الهيل الى الخليط ..

نخلط كل من البيكنج باودر مع الطحين و السميد .. ثم نضعه على الخليط السابق ..

نخلطه جيدا ..

ثم نقليه في مقلى قليل الزيت .. و نار هادية ..

و بالصحه و العافية

فديتكن ماقصرتن

هاي طريقة الخنفروش البحريني

2 كوب طحين ابيض ( الكويتي )
3 بيضات

كوب ونص سكر

ملعقة بيكنج باودر صغيرة

كوب ماي

واخلطي البيض اول شي مع الفانيليا ووعقب حطيي بقية الاغراض

اخر شي بتطلع كانها كيكة

واتركيها لمدة ساعة وعقب صبيها في مقلاه مسطحة وحطي عليها السمسم

وبالعافية

شو ها الخنفروش عباره عن شو كيف شكله هو حلى ولا مالح ؟؟؟!!!!!!!

السلام عليكم

بنات اللي اعرفه واللي احنا انسويه ونسميه خنفروش هو هذا اللي في الصوره

بس يوم دورت في قووقل وكتبت خنفروش لقيت هالصوره شكله مثل الكيك حتى اللي في السوق جذي

الخنفروش اللي احنا انسويه يكون نفس اللقيمات بس طعمه مختلف وشكله مختلف ولكن هذا اللي نفس الكيك شوو؟ اي واحد فيهم الخنفروش الحقيقي

هو نفسه الخنفروش بس مسوينه شرات الدونات
نفس العجينه مسوايه في مكينه الدونات

هي نفسه بس يستخدمون مكينة الميني دونات اللي عالكهربا بيكون فيه دهون اقل

https://forum.uaewomen.net/showthread.php?t=462916

https://forum.uaewomen.net/showthread.php?t=522624

لا الثاني نفس الكيك انا جربته اما الاول نفس اللقيمات

امم شوفي الاول بينقلى ف زيت وبيكون شرات اللقيمات شوي
اما الثاني ما فيه زيت الا شوي وهذا الفرق امبينهن
انا مجربتنها جيه والاحلا في المكينه 2في 1 كيك وخنفروش

الاول هو اللي نعرفه … من زمان اول ^^
لكن اليديد هو الثاني والفرق هي طريقه القلي .. تغير شكله وطعمه

الاولي هو الطريقه الاصليه
و الثاني مطوّر ، موفقه

مرحبا خواتي عساكن مرتاحات

حبيباتي ممكن تكتبون لي طريقة الخنفروووووووووش ولو بالصور بيكون احسن

وتسلم ايادي من رد علي وخطف ع الموضوع

اممم مااعرفه ..

ان شاء الله البنات يفيدونج حبيبتي ^^

ما عرفه شراتج خاطري أعرف الطريقة ><

إن شاء الله حد يفيدنا

الله حلوو الخنفروش

بخبرج بطريقتيه وبتلقين صور في النت

المقادير

1 كوب طحين رقم واحد
1 كوب سميد ناعم , لازم يكون ناعم مب خشن
1 كوب سكر( ع حسب اذا تبينه حلو )
2 ملعقة بيكنغ بودر
2 بيضه
3 ملاعق حليب بودر
نصف ملعقة كستر بودره ليعطي اللون
ربع كوب ماي ورد تقريبا منقوع بزعفران
هيل مطحون ناعم ..
ملعقه زيت نباتي
قليل من الماء لو احتاي

اول شي خلطي كل المقادير الجافه مع بعض
ضربي البيض وضيفي عليه كل االمقادير

بتطلعلج العجينه مثل عيينه اللقيمات بس اثقل شوي

خلي العجينه ترتاح ربع ساعه

هاتي مقلى تيفال عاددي شرات مقلى البيض ،،
وحطي زيت نص المقلى مب وايد عسب نقلي الخنفروش لين ما يحر الزيت وخليه ع نار هاديه

وعقب عادي شلي من العيينه شوي بايدج وحطيها في المقلى

او اذا تبين الملعقه المتوسطة بس احس انه بالايد افضل تقدرين تتحكمين اكثر

حطي كمن وحده في البداية بتلاحظين الطروف استوت بينه هنيه جلبيها ع السريع
اذا تبين فوقها سمسم نثري السمسم قبل ما اتجلبينها
وخلاص لما اتشوفين الصوبين استوت بنيه طلعيهن وحطيهن فوق كلينكس علشان يمتص من الزيت

وخلصنا ،،

ان شاء الله اذا فضيت بسوي موضوع عن الخنفروش بالزعفران اللذيذ

موفقه

مشكورات خواتي العزيزات

وشكر خاص لاختي الهنود

السلام عليكم خواتي

بغيت مساعدتكم في طريقة عمل الخنفروش بجهاز المعمول
الجهاز عندي بس ما عرفت أضبط الطريقة

أبا طريقته بشكل صحيح ومضبوط
جزاها الله خير اللي بتعلمني عالطريقة والمقادير

الغاليه انا عندي الطريقه ..

بس عطيني دقايق .. بدور لج الوصفه في دفتري

اخلط هالمقادير مع بعض::

كوب سميد
كوب طحين رقم 1
2 فنجان سكر
3 ملاعق حليب نيدو
1 وربع ملعقه بيكنج باودر

واخلط هالمقادير واحطهم على المقادير اللي فوق ::

بيضتين
كوب ماء فيه شويه زعفران وهال
نص كوب زيت

وبالعافيه عليكم
( على فكره هالكميه مب كبيره … شويه )

مشكورة يزاج الله خير

بجرب الطريقة وان شالله تضبط

ما قصرتي

((لعمل الخنفروش))

دام الموضوع عن الخنفروش عندي سؤال محرج ^^
الخنفروش يقلونه في الزيت ولا يحطونه في الفرن >>> ماتعرف

هلا فديتكم شحالكم ,,والله اني ارييييييد اسوي خنفرووش اكل خنفرووش ههههههههه

كلته بيت عمي وسالت مرت عمي نسيت الطريقه والله

بلييييز قولوولي كيف اسوي الخنفرووش ,,
اتريااااااااااكم

وبشت زاايد هالخبز الخفيف مرره ,,واايد حلو ,,تعرفوونه ولا؟؟

محلى زايد هو نفسه بشت زايد

2 كوب طحين 4 كوب ماء وبيضتين+ فنيال سكر + فنيال حليب بودرة ملعقة صغيرة خميرة فورية شوية هيل وزعفران تترك تتخمر ساعة
تعجنين كل ها المقادير مع بعض في الخلاط الكهربا اللي نستخدمة للعصير وبتكون العجينة خفيفة

تخبز في مقلاة غير قابلة للالتصاق ونضع عليها ملعقة زيت وعندما يسخن الزيت نغرف مقدار ملعقة كبيرة (للمرقة ) وبخفة نحرك المقلاة على كل الاتجاهات بحيث يمتلي المقلي با العجين وعندما تحمر من تحت نقلبها وهكذا مع باقي العجين وبا العافية

وان شاء الله الصور تكون واضحة للجميع

المقادير:

2 كوب طحين رقم (1)***3 بيضات*** 1كوب ونص سكر***1كوب زبده بدرجة حرارة الغرفه ***1ملعقه بكينج باودر***نص ملعقه صغيره ملح***1كوب ونص جوز الهند***نص كوب حليب بودره***1كوب حليب سائل***1 ملعقه صغيره هال مطحون وزعفران

الطريقه:
نخلط البيض بالمضرب حتى يصبح لونه ابيض ثم نضيف السكر والزبده الطريه والفانيليا بعدها نضيف الحليب السائل
نضيف الطحين المنخول مع الملح والبيكنج باودر وجوز الهند والهال والزعفران والحليب البودره

اذا حبيتي ملون ضيفي عليه كمن نقطه ملون الطعام

نصبه في قوالب الكب كيك ونحطه في الفرن طبعا تكوني مسخنتنه قبل ع درجة حراره 180 لمدة 20 – 30 دقيقه ع حسب الفرن

ما قصرن

ماقصرتن

علبة الحلو بدرهم واحد فقط

عند علب حلو للتوزيع في المناسبات والافراح
العلبه بدرهم واحد فقط
(حلو الجلي – حلو الاسنيكر – حلو البيبسي -حلو النسكفيه )
اقل كمية بخمسين درهم
وعندي خنفروش المقدار 190 حبه ب 100 درهم
للاتصال والاستفسار 0501373277
ام حمدان

الصراحة انا جربت الخنفروش و ضبط خذت الطريقة من اختي فجر الله يسلمها
و ان شاء الله يظبطن وياج
اختي موزاني2 ما يصير تحطين اعلانات ولا ارقام تيلفونات على العام لانج مب تاجرة

ياسلام على أكلاتنا الشعبية :1 (24): والا نحن شو لنا في أكل الدوناتس والسينابوه ومادري شو:1 (32):

الاصل انها اساسا أكلاتنا الشعبية وحدثت فيها تغييرات والا شو رايكم انتو:1 (31):

تسلمين الغالية على هالوصفة وننتظر الوصفة الشعبية الثانية:1 (21):

يا ويل حالي عليج
يا ام غاليه
ما شاء الله تبارك الرحمن
وفقتي في اختيار الخنفروووش
اول ما شفت الصور جان ايووووووووع
عاد اخاف من عقب ما توحمت على ورق العنب اتوحم
على الخنفروش
تسلم لي يمناج وما قصرتي يالغلا

السلام عليكم حبيت اعرف و ين اقدر اخذ المخبز اللي في الصوره

يعطيج العافيه الغالية

سبحان الله انا اليوم مسويه خنفروش
بس غير شوي عن طريقتج
حطيت 6 بيضات و كوب زيت وكوب سكر وملعقة فانيلا وملعقة كبيره بيكنج بودر
بالاضافة على كوبين طحين و3 ملاعق نيدو
وماي ورد وزعفران وهيل
وكوب ماي
وعلى طول حطيتهن في قالب الكيك في الفرن
ريلي وايد عيبه الخنفروش :1 (76):

مشكووووووووووره

طريقة سهلة وناجحة وشهية.

بالنسبة إلى كمية ماء الورد المضافة فهي تعتمد على سمكة العجينة التي تفضلها ربة البيت ولكن أنا أفضلها أن تكون العجينة خشنة قليلا وأضع فيها مقدار نصف زجاجة من ماء الورد أو أقل بقليل .

المقادير

كوب سكر
كوب سميد
كوب طحين بالخميرة
ماء ورد
هيل وزعفران
ملعقة طعام دبيس
2 بيضة

الطريقة

توضع جميع المقادير في وعاء واسع مع بعض.
تخلط جميع المقادير بماء الورد ويخلط جيداً
يسخن الزيت في مقلاة عميقة.
يستخدم في سكب الخليط ملعقة، يكور على شكل دوائر رفيعة تقلى في الزيت على نار هادئة حتى يحمر الوجهين.
ترفع من على النارتوضع فوق ورق الزبدة لتمتص الزيت الزائد ثم توضع في طبق التقديم وبالهناء والعافية.

للامانة منقول

الله يعطيج العافيه اختيه

ومشكووووره ع النقله الرائعه

ودمتي بود

تحياااااااااتي

تسلميييييين الغالية ع النقل الطيب ..

مشكوره حبوبه بس بغيت اعرف مانتركه يخمر

مشكوورة على النقل اللذيذ

تسلمين علي المرور