الوسم: الذبيحة

طبخ الذبيحة

خليجية

لوسمحت بغيت اعرف طريقة طبخ الذبيح مثل طبخ المعاريس وحتى بعد العيش كيف اطبخه …

شوفي الغايه انا بقولج طريقتي ..
اشيط البصل مع الثوم والزنجبيل واظيف البهارات العربيه مع الكركم واللومي اليابس والملح الامهم اتحطين البهارات مع ورق الغار حطي صلصله حسب الرغبه مع الطماط المفروم وحركيه حطي اللحم عقب مايكون مغسل زين وتحركينه عقب زيديه ماي لين الماي مايغطي الذبيحه وخليها اتفور لمدة نصف ساعه عقب ظهريها وخليها على ورق قصدير وتحته سعف النخل او اوراق شير الليمون المهم ردي تبليي الذبيحه بخلطة انا اسويها وهي عباره عن زيت زيتون مع البزار وكاتشاب صصلصة الباربكيو للشواء بتحصلينها في الجمعيه حذال الكاتشاب وبعدين ضيفي الصبار لانه هو اللي بيحلي اللحم وزيدي عليه شوية ليمون اوخل وطبعا مع البزار يكون الملح ودهني اللحم بهاي الخلطه زين اما زين عقب وزعي السمن العربي شويه عليها وعقب غلفيها بالقصدير زين زين على اساس انه البخار ابدا مايطلع واتحطينها في الفرن لمدة ساعتين او ثلاث …. وتقدمينها مع العيش الابيض وعليها حشوة النخي والمكسرات تزين بالبيض

ملاحظه …. شقتي الماي اللي فورتيه تقدرين اتسوين منه مجبوس والله انه يطلع رووووووووعه
وبالعافيه الغاليه ……………

اما طريقتي انا

اطبخ اللحم ساعتين تقريبا..

اول شي حطي ملعقة كركم ..وبتلاحظين اللحم يظهر رشاب او زباد شليه بالملعقة
وبعد ما بيكمل ساعة اضيفي الملح والبهارات الكبيره من الهال والفلفل والجرفه ورق غار وليمون يابس
وبعد ساعتين راح ينضج اللحم طلعيه وحطيه في بايركس واضيفي البزار والفلفل الاسود وهال مطحون
ورشي ماي ورد وزعفران عليه ودخليه الفرن..

وماي اللحم اطبخي فيه العيش .بس ظهري البهارات الكبيره ما عدا الليمون اليابس..اعصريه على العيش
ومن قبل اطبخي النخي لانه يباله 20 دقيقه تقريبا لين ينضج
وقلي بطاطس مقطعه مربعات صغيره
وسوي الحشوه شيطي بصل وزنجبيل وشوي ثوم ..انا ما احطي طبعا على حسب الرغبه( عمتي اتقول الثوم يخرب طعم اللحم)واضيفي النخي وملح وفلفل اسود وكزبره مقطعه..(واذا حابه زبيب ..ومكسرات)
واللحم راقبيه لين ما يحمر فقط لانه ناضج
وبس حطي العيش
وبعدين اضيفي اللحم من فوق وعقب الحشوه

وطعمه لذيذ

الله يخلي امي اللي علمتني ويرزقها الجنه

من ذبح ناسيا التسمية فالذبيحة حرام ويجب جرها للكلاب

بسم الله والحمد لله والصلاة والسلام على رسول الله …

هذا سؤال أجاب عنه الشيخ محمد بن صالح العثيمين – من سلسلة اللقاء الشهري :

سئل فضيلة الشيخ- رحمه الله-: من نسي التسمية عند ذبح الأضاحي فماذا يلزمه؟ وهل هناك فرق بين صاحب الأضحية المتبرع أو الوكيل؟

فأجاب بقوله: إذا نسي التسمية فليس عليه إثم لقول الله تعالى: (رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا) (1) ، ولكن هل يحل لنا أن نأكل من هذه الذبيحة، ننظر، قال الله عز وجل: (وَلَا تَأْكُلُوا مِمَّا لَمْ يُذْكَرِ اسْمُ الله عَلَيْهِ) (2) ، فأمامنا الآن فعلان:
فعل الذابح.
وفعل الآكل.
أما الذابح فمعفو عنه لأنه ناسي، وقد قال الله تعالى: (رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا) (1) .
وأما الآكل فنقول: (وَلَا تَأْكُلُوا مِمَّا لَمْ يُذْكَرِ اسْمُ الله عَلَيْهِ) (2) ، ولأن التسمية على الذبيحة شرط، والشرط لا يسقط بالسهو والجهل، نظير ذلك لو أن الإنسان صلى بغير وضوء ناسيًا فلا يأثم، لقوله تعالى: (رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا) (3) ، لكن هل تبرأ ذمته؟
والجواب: لا تبرأ ذمته، ولا بد أن يتوضأ ويصلي، ونحن إذا قلنا بهذا القول- الذي اختاره شيخ الإسلام ابن تيمية رحمه الله- وهو ظاهر النصوص، إذا قلنا به فإن الناس لن ينسوا التسمية على الذبيحة؟ ولهذا لما أورد بعض الناس قال: إذا قلنا بأن من ذبح ناسيًا التسمية فالذبيحة حرام ويجب جرها للكلاب، قال: أتلفتم أموال الناس؛ لأن النسيان كثير.
فنقول: بالعكس نحن حفظنا أموال الناس، لأننا لو قلنا لهذا الرجل الذي نسي التسمية: الذبيحة حرام، ولا يجوز الآكل منها فإنه لا يمكن أن ينسى في المستقبل.
ولا فرق بين متبرع وغير متبرع، الذبيحة لا تحل، لكن يبقى هل يضمن الذابح لصاحب البهيمة؛ لأنه هو الذي كان سببًا في عدم التسمية أو لا يضمن، قد يقال: إنه إذا كان محسنًا فلا ضمان عليه لقول الله تبارك وتعالى: (مَا عَلَى الْمُحْسِنِينَ مِنْ سَبِيلٍ) (4) ولأن النسيان يقع كثيرًا، وقد نقول: بالضمان ولو كان محسنًا؛ لأنه أتلف المال على صاحبه، وإتلاف المال على صاحبه مضمون على كل حال، حتى ولو كان الإنسان ناسيًا فإنه يضمن، لو أن الإنسان نسي وأكل طعام أخيه يضمنه، لكن الأول أصح وأرجح، أن المتبرع المحسن إذا نسي التسمية فلا ضمان عليه، لكن الذبيحة لا تحل.

__________

(1) سورة البقرة الآية: 286.
(2) سورة الأنعام الآية: 121.
(3) سورة البقرة الآية: 286.
(4) سورة التوبة الآية : 91

المصدر: شبكة ليبيا السلفية – من قسم: المنـبر الإسـلامـي العـام

منقول من شبكة الآجري

تجربتي لاول مره ف طباخ الذبيحة

هلااااااااااااااا خواتي اليوم جربت اطبخ ذبيحة ولاول مره والحمدلله ضبطت معي وهاي الصورة عاد بغيت رايكم حبيباتي

خليجية

ماشاء الله روعة بس الصورة وايد صغيرة

يعطيج العافية على كل حال

ما شاء الله عليج
شطوورة خليجية

ماشاء الله عليكى

خليجية المشاركة الأصلية كتبت بواسطة المـہلكہـة خليجية
ماشاءالله عليج خاطري اكل منها هههههه يسلم ايدج

ماشااء الله

عووافي ع قلووبكم ويالسست كبرتي الصووره عسب نشبع اعيووناا ههه

خليجية

نترياا يديدج الغلااا

يمي يمي حلو يعطيج العافيه

الي تعرف تشوي الديااية ولاا الذبيحة بليز تدخل

في صواني خاصة بالشوي .. اتي الصينية و فوقها شبك اتحطين عليه الدجاج.. عشان عسارت الدجاج تنزل في الصينية بعيد عن الدجاجة نفسها.. و كل اللى محتاجة اتسوينه هو انج اتبلين الدجاج قبلها ب 2 – 4 ساعات في الملح و البهار..و بالعافية..

هلا اختي

اانا عندي طريقة روعة تستخدم للعزايم
1-اول شي نظفي الذبيحه وافضل لو تكون كاملة افركيها بلمح زين من برا وداخل وهاتي الصلصل وخلطي معاه البهارات(البزار+الهال+الفلفلالأسود شوي لانه وايد يسود الذبيحة+الكركم+الكمون+قليل من القرفا + المسمار المطحون ولا تتنسين الزعفران ) وفركيها كامله
وحاولي تحشينها بصل+ فلفل
2- لفيها بالقصدير وهاتي السكين واعملي ثقوب في القصدير مشان ينزل ماي الذبيحة .
وبنسبه للفرن خليه على درجة عالية لين يحمى ويكفي اشغلينه من تحت ودخلي الذبيحة والفرن حار وخليها ساعة ونص تقريباعلى حسب حجم الذبيحه .وبعدين شوفيها اذا احمرت. واذا شفتي انها نضت ولا احمرت فتحي عنها القصدير وشغلي عليها الفرن من فوق لين تحمر.

وبالهنا وشفا
واتمنى انها تضبط وياج.

امممممممممم..

الفرن فيه حديده…. علقي فيه الديايه.. او ثنتين اول 4 حتى.. بعد ماتبهرينهم.. بصلصة الكاري.. او بالروب والليمون.. او كركم وبهارات.. حسب ماتحبين.. وخليها في الفرن وولعي من فوووق.. وبروحها بتدور.. ساعه الا جاهز الدياي..

اما الذبيحه يبيلها صينيه كبيرة………. وبهريها عدل واملحيها.. وحطيها في الصينيه .. ونار هاديه .. عسب تستوي بهدووووووو.. ماتحمر من برع .. وداخل ماستوت
د

بالنسبه للفرن افتحيه من تحت ومن فوق علشان الشواي يكون
مناسب مب نص نص ..

لأ لأ لأ بس شغليه من تحت فالبدايه ويكون حاااااااامي وتركي الذبيحه مدة ساعتين اقل شي حسب حجم الذبيحه
وإذا تأكدتي بعد الساعتين ان الذبيحه ناظيه وان اللحم مب قاسي
بندي من تحت وشغلي من فوق عشان سلامتج فديتج
وانا ذبيحتي احب احط تحتها سعف نخل اخضر >>>>>>>>> نتفت النخله حليلها ههههههه

وخلطتي لتتبيل الذبيحه احط بصلتين و6 حبات ثوم وشوي بقدونس مب وايد
وقوطي روب وبزار حسب الذوق وملح وزعفران وعصير ليمون في الخلاط واظربهن لين يستون شوربه ههههه وادهن الذبيحه بها عقب اكون حاطه شوي زعفران مع عصير ليمون في طاسه صغيره وادهن الذبيحه منها كل ما كشفت عنها

طبعا انتي بتملحينها فالبدايه شوي قبل التتبيله

بالنسبه لديايتيه اقص ظهرها من ورا من الرقبه لتحت للعصعص واعقه
واحطها نفس المطاعم ماعرف اشرح بس الصدر والريول كلهن مستوى واحد
ابهرها واحطها في بايركس وممكن تحطين تحتها شرايح بصل وبطاط يطلع لذيذ
وسكري الصنيه بقصدير ويبالها تقريبا ساعه فالفرن الحار عقب بندي من تحت وكشفي القصدير وشغلي من فوق لين تحمر وبالعافيه على قلبج

خليجية

انا اشوي الدياي او الذبيحه على اليمر في جدر الشوي

بخبرج طريقتي .. ما اريد أمدح نفسي بس الكل يشهد أنها طريقه حلوه ..

أول ما اييب الذبيحه أبهرها من البهارات واعصر ليها ليمون وأحط زعفران وأقطع بصل كبار وثوم وطماط وأحطهن مع الخلطه وأحس تبهرين الذبيحه وتخلينها شوي لين ما تتشرب الخلطه وعقب اييب صينية الفرب واحط الذبيحه مع البصل والثوم والطماط وإذا حبيت خضار ثانيه تقدرين تحطين .. وأسكر عليها بابقصدير زين ما زين وأشغل الفرن فوق وتحت واخليهن الذبيحه فالفرن لمدة ساعتين ونص ولا أكثر كل ما كبرت الذبيحه كل ما زاد الوقت ..

وإن شاءالله تعجبج طريقتي ..