الوسم: الراي

مرحباااااااااااااااااااااا بالحلوين………..

أنا بقول اللي فبالي ع طول وبسير أتعشى أوكيك>>>>>>>]
لو وحده عرفت إن ريلها يطالع افلام خليعه شو بتكون ردت فعلها؟؟؟؟؟؟؟؟
أنا عن نفسي بواجه وبنصحه المهم رأيكم أنا يوعانه بسيييييييييييييييييييير الهمه أوكيييييييييييك

ههههههههههههههههه الله يهديج كاتبه هالسؤال و انتي يوعانه
عيل لو شبعانه شو بتكتبين^___________*

انا بسكت عنه فتره بس بلمح له
و اذل مافاد بنصحه و اذا مافاد بصبر لان ماباليد حيله

ببين له انه اللي يسويه حرااام وأكبر غلط بس بطريقه ثانيه .. مثلا اقوله ريل ربيعتيه او اقوله قصه تخوفه من الشي اللي يسويه وبس

^^

انا بيلس اطالع وياه خخخخخ
لا ..لا.. بخليه يطالع عشان هو اللي ياخذ الاثم خخخخ

اضحك وياكم بس اعتقد ان التلميح من بعيد لبعيد هو الحل الامثل لان النصح المباشر بيخليه يعاند
وهاذي طبيعة الرجل وممكن تخليه يروح يشوف ويا رباعته بعيد عن نظرج

والحل الثاني انج تشغلينه في الوقت اللي يطالع هالافلام في حجرتكم وصدقيني بينشغل وياج وعقبها بيخمد ويرقد ومابيحس الا الصبح (عاد انا مادبه وايد اقولج تشغلينه ماقلت شي ثاني)

يا ويله

لا بقوله ولا بلمح له

بفقع له عيونه .. بخليه ما يشوف الدرب

هههههههههههههههههههههههه

عقولة امايهـ .. اللي بياخذج بتكون امه داعيه عليه

..

..

اترقب ارائكم

هموووسه

ماشاء الله روووعه يمي يمي يمي = }

اللهّم اغننا برحمتك عن رحمة من سواك ،

وبحلالـــــك عـــــن حرامـــــك ،

وبطاعتك عن معصيتك ، وبفضلك عمن سواك ،

اللهّم لا تكلنا إلى أنفسنا طرفة عين ،

اللهّـــم آميـــن .

نااايس ماشاء الله,,

ربي يوفقج

ما شاء الله يعطيك العافيه حبيبتي

ماشاء الله عليج و الله يعطيج العافية

شكرررا حبيبااااتي ,,

اقربوووا ولوووو ,,

=)

ما اعرفه لو احد يعرفه
يعطيني اياة حتى لو رقم عيادتها

انا بعد ابغي الرقم اذا حد يعرفه

خواتي الغاليات أتصلن حق البداله وقولن حقه يعطيكن رقم قناة الراي وبعدين أتصلن حق القناه وسألوهم عن رقمها وبتوفيق وأن شاء الله أكون أفدتكن ………..

ياليت اللي تعرفه ما تبخل علينا
بليييييييييييييييييييييييييييييز

السلام عليكم خواتي

انا وايد سمعت عن الزواج المبكر والمشاكل اللي اتصاحب هالزواج مثال زوج عديم المسؤليه و زوجه ما تقدر تربي عيالها وتهتم فبيتها….

انا من رايي اايد لانه نحنا في زمن الفتنه واذا الريال يشتغل وعنده معاش وقادر يفتح بيت الافظل انه يتزوج عشان ما يخسر دينه بغظ النظر عن السن…
( قال الرسول صلى الله عليه وسلم) " يا معشر الشباب من استطاع منكم الباء فاليتزوج ومن لم يستطكع فعليه بالصوم فإنه له وجاء "

بس انتو خواتي……:

هل انتو اتايدون هذا النوع من الزواج…………….؟؟؟
في مره سمعتو عن اثنين اتزوجو في سن صغير واستمرو عادي مثل اي زوجين ………؟؟؟

لا تبخلون علي فردودكم

عليكم السلام اختي ..

من هذي الناحيه أنا اايدج حبيبتي ..

اكيد بيصوووووووووووووون نفسه بالزواج وما بيطيح في الحراااااااااام

احيانا يا حبيبتي تحسن الريال مب قد المسؤووليه وبعده ماشبع من الدنيا وطلعاته ويه ربعـــــه يمكن عادي احيانا يبدي ربعه او بحب يطلع ويه ربعه اكثر من حرمــــــــته

والبنيه بعدها في سن المراهقه وتحب تستانس ويمكن تكون اشيا في خاطرها والريال مش مســــــــتعد ينفذلها او بالأحرى ما يحس بالمسؤوليه

انا عرست وعمري 18 سنه وريلي اكبر عني بـ 3 سنين
في بداية زواجنا وااايد كانت تصادفنا مشااااكل وما كنت انصح بالزواج المبــــــــــكر

يعني ما كنا فاهمين بعض عدل
بس الحيااااة تجارب الواحد يجرب ويغلط ويـــــــــــــــتعلم من اغلاطه ومن خبرات غيره:1 (32): ..

والحمدلله الحمدلله الحين بعد ما كملنا قبل 5 ايام سنتين احس الحمــــــــــــدلله وااايد متفاهمين والحمدلله حياتنا مستمره :1 (40): ياااااااااااااااارب للأبد ان شااااااااااء الله:1 (57): :1 (28):

طبعآ مافي حياة زوجيه تخلو من المشاكل (( البهارات )) وأحيانآ يكون سوء تفاهم بسيط وينحل ..

السمووووووووووووووووحه

&& ربي يوفق بين كل المتزوجين ويسعدهم && :1 (38): :1 (19):

انا وياج " اختي من ناحية انه الريال يمكن يكون مب قد المسؤوليه…. وانه يمكن ما يعطي حرمته حقها كونها مراهقه

تسلمين حبوبه على ابداء رايج

و الله يديم السعاده اللي بينج وبين ريلج ويوفقج فحياتج

انا اييد الزواج المبكر ………. والمشاكل الزوجية احسها مب مرتبطة بالعمر انما بطريقة تربية وسلوك الشخص……. يعني اذا الشخص اتعلم وهو صغير انه يعتمد على نفسه راح يقدر يفتح له بيت ويعتمد على نفسه لكن اذا تم معتمد على الغير يخدمه ويسوي له ما بيقدر يسوي شي ………..

مثلا انا اولاد اختي يتزوجون وهم في عمر 19 سنة لكن ما شاء الله عليهم متحملين المسؤلية ويفتحون بيوت احيد اختي كانت اتعلمهم كيف ايمعون فلوسهم وما يصرفون الا عند الضرورة وما شاء الله عليهم من يشتغلون ايمعون لهم ويتزوجون بدون ديون ولا خرابيط هذا غير انهم يدلعون حريمهم …………

وعندي بنت عمتي اتزوجت وعمرها 15 سنة وما شاء الله عليها قدرت تمسك بيت بروحها وبدون خدامة وما شاء الله عليها اتشوف طلبات ريلها وعيالها ومو مقصرة فيهم .

ويزاج الله كل خير غناتي موضوعج حلو وهادف .

الزواج المبكر في زمنا هذا صار برايي صار واجب وأفضل ولكن بشرط أن يكونون زوجين كفء من جميع النواحي لإستمرار الحياة الزوجيه ..
الله يوفق الجميييييييييييييع ويهني كل زوجين .. اللهم أمييييييييين ..

ماشالله عليها اختج يريت كل الاباء والامهات يعلمون عيالهم من هم صغار كيف يتحملون المسؤليه
والله في ناس ما يسالون عيالهم وين ودو مصرفهم اذا عطوهم اياه انا برايي هالشي يعود الابناء انهم يصرفون بيزاتهم باشياء تافهه وما يحسون بقيمة الفلس

تسلمين حبوبه على مشاركتج فالموظوع اللي طرحته

امييييييييييييين الله يسمع منج

مشكوره اختي على مشاركتج

اشحالكن خواتي ,, ان شاء الله تكونن باتم الصحة والعافية …

موضوع شاغل بالي و مستهمة وااااايد بسبته …

الله يسلمكن .. تعرفت على وحدة في فترة حمالي يوم كنت في المستشفى و تبادلنا الارقام ..

و اللي خلاني اطلب رقمها سالفتها الي بقولكن اياها و يشهد علي ربي انها مش من وحي خيال

هذي صدق و لو انها ما تدخل المخ و ما اعتبره تطفل على حياة حد ,,, بس ابا اعرف النهاية شوووو بتكون

سالفتها ..

متزوجة من واحد متزوج بالسر من ثلاث سنين .. و حملت و توها مربي ما صارلها جم يوم

و تدخل و تطلع بيت حرمته و الثانية يا غافلين لكم الله .. بس للامانة امه تعرف

هالكلام على لسانها :

تراني انا وااااااااااااااااايد مستانسة عالوضع ,, تدرين ما اباها تعرف علشان لا يروحلها (( هو دوامه طول الاسبوع عندها و يومين عند الاولى )) …

بجد اللهم لا شماته … و عافانا الله … يعني وضع واااايد مخيف بالنسبالي يوم حطيت مكاني مكان الزوجة الاولى ..

هالتساؤلات وااااايد في بالي ؟؟

كيف حرمته ما حست بان ريلها معرس طووووووول هالفترة ؟؟

شو من البشر ريلها يوم انه خانها (( و لو انه بالحلال )) بس هذي بالنسبالي خيانة .. و كيف طاوعه قلبه يسويبها هالشي ؟؟

كيف الحرمة الثانية رضت بالسرية وكانها جرم او كيف رضت بان بنتها تكون بوضع خفي قدام العالم ؟؟

شو شعور الحرمة الاولى يوم بتعرف …؟؟؟؟؟؟ أأأأأأأأأأأأأأأأأأأأأأأأأأأأأأأااه و الله ما اتخيل موقفها

الله يعينها بس و يمسح على قلبها .. سواء عرفت أو لاااااااااا

انا ما كتبت الموضوع إلا لانه ماثر فيني ,, و ابا اوصل لنقطة لكل خواتي المتزوجات ..

ديروا بالكم على رياييلكم .. تراه زمن اغبر ,, و اللي ريلها يداوم في اماره ثانية تلحقبه ,, تلحقبه قبل ما يطيح الفاس في الراس … و انا ما اضع كل الرياييل في موضع الشك و ما انكر ان في رياييل
يرفعبهم الراس … بس الاحتياط واااجب

نقطة ثانية للتوضيح انا مب ضد الحلال و شرع الله … بس في هالموقف ضده و بقوة

ثالثا (( عشان ما تقولن يمكن عنده عذره … تراها بنت عرب و ناس و هذا على كلام الثانية … و عندها عيال و موظفه بس عيبها ضعيفة ..,,,,, صدق عذر اقبح من ذنب ))

و هذي كل السالفة … واتركلكم حرية التعليق

عيبتني هل الجملة

زمن اغبر …

إلا زمن العواصف والبراكين ^ _ ^

بصراحة سخافه هل الريايل …انزين تبا تعرس خبر اهلك وحرمتك …واصلا حبيبتي ماخذها بالسر معناته الريال ما يبا يهدم حياته مع الاولـــــــى ….وهيه غافله حليلها …الله يكون في عونهــــــا …ويسامح الثانيه …لأنها رضت تتزوج بالسر …..

مش الحق عليها الحق علي امه وهو
بس كيف بدش البيت عادي هي قريبتهم والا شو
ربنا المنتقم منهم مش علشان معرس علشان بيلعبوا علي الزوجه الاولي
حسبي الله ونعم الوكيل فيهم كلهم

عادي حبوبه في رياييل معرسين من سنين وحريمهم خبر خير ..

اعرف وحده وماخذه ريلها عن حب بعد وهو يداوم ف بوظبي وماتشوفه الا بالويك اند ..

والحبيب مرات يودي ولده وياه بوظبي وف مره فتن لامه قال ابويه معرس وعنده ولد اظن عمره 3 او 4 سنوات!! تخيلي طول هالسنين وهي ماعندها خبر والولد فضحه !! والثانيه مب مواطنه ومن هالجنسيات العربيه الي بالي بالكم

ولانها ماخذته عن حب واثقه فيه ان لا يمكن ياخذ غيرها !! .. بدايه قالو معرس بس هو انكر وسكرو السالفه لين مافضحه ولده لووول

عسب جيه انصح كل حرمه ريلها يداوم باماره غير الاماره الي هي فيها تسير وياه ابرك .. وايد سوالف قمت اسمعها .. من زواج وعلاقات الخ

الله المستعان يختي

اف قوييييييييييييه اللهم لك الف حمد وشكر بو العيال كان في بوظبي وانتقل الله يثبته ان شاء الله

عادي وايد رياييل يتزوجون يفضلون حريمهم مايعرفون عشان المشاكل وبعدين مب عيب البنت تتزوج بالسر دام اهلها راضين ومب لازم حرمته الثانية تعرف عشان ماتستوي بينهم مشاكل زين انه تزوج ماسار في درب الحرام والزواج مب خيانة في نظري تقبلي مروري

مرحبآآآآ ملااااااايييييين…كيفكوو صبآيآ..

احم احم اليوم يبت لكمـ مشكلتـــــي انا عيناويهـ دلع ^^

بنااااااات انا وايييييييييييييييييييييييييييد حسآآآآآآآآآآآآآآآآآآآآآآآآآآآآآآآسـهـ.. بشكل ماتتصوروونه اهيء اهيء ..اصيييح على اي شي ..وكل شي يضيجني ويخليني اصيييييييح.. واحس قلبي بيوقف من الضييييييييج واييني ضيج تنفس والحييين داايم ايلس بروحي ..حتى ربيعاتي ودرتهن كلللللللهن وربي ماعندي حد ابد ابد الا ربيعات المسن للي عرفتهن من المنتدى ^^ كله ايلس بروحي افكر واصييح..ووهالجمله دايم على لسآني"محد يحبني ومحد يبآني " مادري انا ليش جي ..!

فلو تكرمتوـا يعني ^^ ابـآ حل لهالمشكله العويصه اللي انا فيهـآ ..

والله الغالية ما عندي دراية عن أصل هذي المشكلة بس الي أنصحج فيه هو التقرب من الله وانشاء الله بتحسين بطمأنينة فقلبك
وتاني شي صدقيني غذا حاولتي تغيري ر}يتج لنفسج وحبيتيها فكل الناس راح تحبج
دوري على مميزات شخصيتج وأصلعي عيوبها واهتمي بنفسج في نطاق المحدود وانشاء الله تتغيرين
الله يعينج ويوفقج وانشاءالله نسمع أخبار زينة عنج بالقريييب
=)

مشكوره حبيبتي ع المرور ..وان شااءالله بعمل بالنصايح لي قلتي عنهاآ..

اسعدني مرورج .. ^^..

مشكوره ع المرور حبيبتـي..

ماشاءاالله موضوعج كله ويوه مبتسمه وتقولين ما اعرف ابتسم

محد يستاهل ياخويتي ودلعي نفسج وحبيها

هههههههههه فديتج والله يالسه اقص على عمريه تراني اونه اضحك ^^

مشكووووره ع المرور الحلوو ..

السلام عليكم ورحه الله وبركاته
بنات انا اختي تبى تشتري لابتوب …ولانها هي في الجامعه وتبى واحد حق كراف بس هي ان الله حق وايد تحافظ على اغراضها

ومب عارفين شو نختار فقلت بخذ مشورتكم

فديتكن شورن عليه ..

انا عندي hpس مووول ماعايبني وكارتنه كره …خخخ فما شعتها..
واختي الثانيه عندها توشيبا واايد تمدحه بس هذي الاخت ماتبى تاخذ نفسها..
وبنت خالي عندها سوني بس يقولون وايد حساس يعني من دقه يمكن يخترب..

وشورايكن في LGووووDellووووايسر

ماعرف بعد شونوعيات ثانيه بس شورن عليه

ومشكورات

اذا تبين كمبيوتر للكراف خذي dell يكد عندج اكثر من15 سنه

شكوره حبيبتي ..يزاج الله خير

السلام عليكم

اخواتي اللي عندها تردد قناة الراي الكويتية يا ريت تحطه هني بسرررررعة

وشكرا

وينكم بنات ؟

ArabSat Badr 4
12054 MHZ
27500

Nile Sat
11765 MHZ
27500

مشكووووووووورة حبوووبة والسموحة عالتعب

السلام عليكم ورحمه الله وبركاته

شحالكن بنات،،

عندي عرس الاسبوع الياي في أبوظبي ومحتاره وين اسوي الميك اب. انا دايما اشور على غيري ويوم يا دوري احترت.

سو شو الراي يا بنيات؟؟ اتريا ردودكن

وعليج السلام والرحمه
اتصلي لشمس خليها اتييج وتعدلج
مواطنه امارتيه
خبيرة تجميل ما شاء الله عليها
فنننننننننننننننتك
وجنااااااااااااااااااااااان تعديلها والكل يمدح بها ما شاء الله عليها
بس للأسف مسويه فورمات لموبايلي وضاع عني الرقم
بس بييب لج اياه عن اختي بعد كم من ساعه ان شاء الله وهي سايره الدوام

مشكوره اختيه TEFLAT GALB7

بس هي من أبوظبي ولا ؟؟

انصحج عند خان روعه مكياجها

صالون هلن في بوظبي

اطلبي هلن خبيرة التجميل

الصالون اللبناني وصالون عروس الخليج احسهم اطوروا

مجلة زهرة الخليج العدد اليديد منزلين صور مكياج حلوه
اتصلي ع لصالون وشوفيه

هلا الغالية

عندج سامية وايد حلو مكياجها وتي عندج

الين البيت ولا الفندق وعندها واحدة اتسوي

تسريحة للشعر

السلام عليكم ورحمة الله وبركاته
فديتكم بغيت اتخبر عن الاطفال في العمرة
ان شاءالله بالاثنين رايحه العمرة وادعو الرحمن يسهل امورنا
الحمد لله حجزت الفندق واموري ان شاءالله تساهيل
بس شو الراي ويا الصغارية
معاية طفلين مب عارفة كيف اطوف وياهم
قلت باخذ وياي عربانتين بس السؤال هل مسموح وقت الطواف بالعربانه ولا كيف؟
ادعو ان شاءالله اقدر اطوف تحت عند الكعبة ( يا رب تكتبها لي)

تعب علينا نشلهم طول الوقت وتعب عليهم يمشوف هالمسافه
طواف وسعي

محتارة
عطوني رايكم وربي يسهل اموركم

اختكم ام خليفة

الله يوصج بي السلامه وعمره مقبوله ان شاء الله
عادي حبيبتي هربات عادي وانا شاء الله ما تتعبون
ويتقبل الله

عمرة مقبولة مقدما

فديتج ما يخلون عربانات في الطواف

بس اذا وايد صغار

يعني الاعمار بالشهور تقدرين تحطين واحد انتي وواحد ابوهم في الاكياس اللي تنحط ع الظهر او البطن ويشلون فيها اليهال شرات لاافارقة او الاجانب —

نحن سوينا جذه في ولدي الصغير

ابوه اشترى من البلاد كيس ينحط فيه البيبي وطاف وسعى به

او ممكن نيلسين ع كرسي متحرك والغار معاج وحد يطوف بج

بس تحملي تخلينهم عند ناس ما تعرفينهم ابدا نهائيا

وايد جرائم اختطاف اطفال تصير هناك –ما ابغي اخوفج

بي تحملي تخلينهم عند حد

وحزة الصلاة في حبل يربطون فيه لايهال من ع الصدر –شرات الاجانب –فاشتريت ل يواحد وكنت رابط فيه يرول ولدي حزة الصلاة عن يروح واغفل عنه

ولا تنسيني من دعوة بظهر الغيب في طوافج وصلاتج ان الله يصلح احبتي ويوفقهم ويرزقهم كل خير

ويرزقني الوظيفة اللي ارتاح منها نفسيا وماديا

فديتج ما يسمحون بدخول عربانات اليهال داخل الحرم

انا كم مرة سايرة وممنوع ما يخلون

ممكن تحطينهم في العربانة الين باب الحرم وهناك في غرفة الامانات تحطين العربانات قبل لاتدخلين داخل الحرم ويوم تخلصين صلاة تردين تاخذين عربانتج

يعني العربانة تنفع للتسوق وغيره

لكن داخل الحرم لا

عمرة مقبولة مقدما

فديتج ما يخلون عربانات في الطواف

بس اذا وايد صغار

يعني الاعمار بالشهور تقدرين تحطين واحد انتي وواحد ابوهم في الاكياس اللي تنحط ع الظهر او البطن ويشلون فيها اليهال شرات لاافارقة او الاجانب —

نحن سوينا جذه في ولدي الصغير

ابوه اشترى من البلاد كيس ينحط فيه البيبي وطاف وسعى به

او ممكن نيلسين ع كرسي متحرك والغار معاج وحد يطوف بج

بس تحملي تخلينهم عند ناس ما تعرفينهم ابدا نهائيا

وايد جرائم اختطاف اطفال تصير هناك –ما ابغي اخوفج

بي تحملي تخلينهم عند حد

وحزة الصلاة في حبل يربطون فيه لايهال من ع الصدر –شرات الاجانب –فاشتريت ل يواحد وكنت رابط فيه يرول ولدي حزة الصلاة عن يروح واغفل عنه

ولا تنسيني من دعوة بظهر الغيب في طوافج وصلاتج ان الله يصلح احبتي ويوفقهم ويرزقهم كل خير

ويرزقني الوظيفة اللي ارتاح منها نفسيا وماديا

تقبل الله منا منج صالح الاعمال