الوسم: الروكتان

السلام عليكم ورحمه الله وبركاته

شخباركم خواتي ؟

حبيت اسألكم عن حبوب الروكتان

منو استخدمها قبل ال1 8 سنه ..!!

لاني خايفه استخدمها والدكتور قالي بنبدأ علاجج بالكريمات يمكن بشرتج تتقبل الكريمات وتعطي مفعولها بسرعه ..! بس المشكله ان الكريمات مافادتني ..><

وقالي اخر شي بنعطيج اياه الروكتان اذا مافادتج الكريمات ..

فحبيت اسأل هل هي مضره ؟ للي هم فوق ال14

ومنو استخدمت الحبوب وفادتها ؟؟!
وكيف تظهر الحبوب اللي تحت الجلد كلها !! ماتخافين من شكلج 😛 ههه << اكثر شي مخوفني خخ

وكم مره يسون لج فحص دم !!

وشكرا لكم (f)

ماعرف اختيه انا استخدمته حسيت ويهي مول صح ف البدايه صفا ويهي من الحبوب بس وايد عانيت منها . .

انا الحينه اتعالج واخذ تريتن وايد اوكيك ومفعوله شرات الريكوتان يظهر الحبوب لي تحت اليلد

بس والله ظهرلي الحبوب كلها والحينه مستمره عليه الحمدالله ولا حبه لو شي اجف بروحها وتروح

والفحص اتسوينه كل ماتخلص الحبوب يعني لازم الدكتوره اجوفج عسب اتقولج اذا بتسوين فحص ولا

ومن عقبها تاخذين الحبوب . .

حبوبة انا جربت حبوب الروكتان وكان عمري تقريبا 17 وخذته كورس كامل لمدة 6 شهور هو اعراضه متعبة واايد بس للويه واايد اوكيه يعني بفترة العلاج الحبوب خف بوايد بس يوم خلصت الكورس رد طلع فيني مرة ثانية

يعني العلاج مافادني لكن حطي فبالج انه يفرق من وحدة لثانية
وربي يوفقج

انا خذته وكان عمري 18 تقريبا ..
ووايد فادتني الحبوب .. وما طلعت لي ولا حبه من بعدها الحمد لله ..

ما عرف و الله
الله يعافيج الغلا

يسلمووو ع الافاااده

للرفععع

السلام عليكمم ..

اشحاالكم ..؟

انا خاااايفه .. لاني وقف العلاج من اسبوعين تقريبا واكتشفت اني حاامل
بس فبداية حملي ..

اللي عنده خلفيه .. يخبرني .. لاني خااااااااااااااااااااااااااااااايفه وهالموضوووع خلاااني استوي حساااسه ..

بليييز فيدوووني شووو اسوي ؟؟؟؟؟

وادعوووووووووووووولي بالثبات وانه يكوون سليم والله يحسن خلقه ويكون سليم ؟؟

اقصد علاااج حبوووب الروكتاان مال البشره بلييييييييييييز فيدووووني خوااتي وادعووولي

سلامتكم

ڛبُحآن آڷڷهُ وبُحمًڍهُ •• ڛبُحآن آڷڷهُ آڷعظيمً
ڷآ حوڷ وڷآ قوة آڷآ بُآڷڷهُ

الي اعرفه عقب مانوقف الدوا لازم 6 شهور الحرمه ماتحمل لانه ع العلبه مكتوب يسبب تشوهات ومفعوله يتم لين 6 شهور

استفسري من الدكتورة احسن

الغاليه احتمال يأثر عالجنين ><

اصلا الواحد قبل مايآخذ هالدوا لازم يسوي تحليل الاول

لنه بعد يأثر عالكبد ..

بس ان شاء الله مايكون مأثر عالجنين ويكون سليم ياااارب
وسيري عند الدكتورة احسن ..

وعليكم السلام حبيبتي اصالة

انا جربت هالكورس لمده 6شهور وكان افضل علاج للحبوب والاثار قلت بعد
عادي اتوكلي وخذيها ترا الاجازة ما بتفيد فالموضوع لان اثارها جفاف فالبشره والشفايف و جفاف ف دموع العين
يعني دام انج بتحطين مرطب شفايف باستمرار ومرطب للبشره طبعا خالي من العطور يكون طبي والدكتور/ه هو اللي واصفنه لج وسيري لدكتور العيون وقوليله عن اسم الكورس اللي بتاخذينه وهو بيوصفلج القطره المناسبه

انا بصراحه كنت دوووم احطي مرطب شفايف وشفايفي ما تشققت ابدا مثل ما كنت اسمع ان الشفايف تتشقف ويطلع منها دم
بس اللي خرب علي اني ما سرت لدكتور العيون من اول ما بدا الكورس لاني كنت معتمده على القطره اللي وصفتها لي دكتوره الجلديه وعيوني ادمرت وجفت وايد وعقب سرت لدكتور العيون
ف خذي بنصيحتي وراجعي دكتور العيون من بداية الكورس

وتوكلي على ﺍﻟﻠﻪ

نسيت اقولج
اذا معرسه خبري دكتوره الجلديه لانها المفروض ف كل الاحوال بتطلب منج تييبين لها نتايج التحاليل اللي بتطلبها منج ومن بينهم تحليل حمل

وربي ﻳﻮﻓﻘﺞ

اختي استخدمت كريم فايزة والحبوب اللي فويها خفوا

بنااااااااااااات نصيحه لكل بنت تاخذ هالحبوب ابتعدووو عنهااااااااااا

تسبب العقم وهالرمسه مب من عندي وحده من اهلنا قبل ماتعرس كانت تاخذ لان وايد فيها حب الشباب

والحين يوم عرست صار لها عقم بسبت هالحبوب

نصيحه لويه الله لاتاخذون اي حبوب واتأكدو فبل لان معظم الحبوب لها اثار جانبيه تعدل شي وادمر شي
ثاني

اللهم بلغت اللهم فاشهد

مب لهالدرجة اختي…

الحبوب يفحصونها والدكاترة يعرفووون مكوناتها ومالها اي دخل بالعقم ولا الانجاااب…

انا خذيته وخلصته من سنة تقريبا وحرمة اخوي خذته بعد وعاااادي حملت وربت…ونفس الشي ربيعتي…

الحمدلله انه مافيها شي خوووووووووفتيني اختي

يزااااااج الله خير كي كي

لو كانت اتسبب العقم ماكنو استخدموها

ورد الاخت اللي تحت كااافي

مستحيل

انا بروحي سألت الدكتورة وقالت لي انها مجرد اشاعات ولازم العرب تطلعون اشاعات على كل شي

وبعدين الناس الي هنيه عندنا الله يهديهم ,,,

يوم يصير فيهم يردونه لشي ثاني من باب انهم يعلقون كل شي على شي عشان يرتاحون ..

لا تصدقون كل شي ,, ودايما اسألي الدكتور بس ,,

والسموحه

مايخصه اختي تاخذهن .. وبعدين الدكتوره تقولج اذا انتي حامل او متزوجه بتمنعهن عنج لانه صح يأثر حالها من حال اي حبوب …

اختي انا متأكدة انه نيتج التحذير… بس مثل مااقالوا الخووات لايمكن الدكااترة يستخدمووون شي يسبب العقم … هو يسبب التشوه للجنين صح بس مب العقم …

السلام عليكم ورحمة الله وبركاتة

شحالكن خواتي ,,,

باختصار طلعلي حب شباب من خمس سنين ، وخذت كورس حبوب الروكتان لمدة 6 شهور وراح حب الشباب وبعدها ب 8 شهور رجع طلعلي حب الشباب مرة ثانية وخذت كورس الروكتان لكن بجرعة أقل لمدة 6 شهور وراح حب الشباب .

ولكن للأسف بعدها ب 6 شهور رجع طلعلي للمرة الثالثة ، حاليا اخذ مضاد وما في تحسن ملحوظ

فأتمنى اللي صار لها نفس الشي او خذت حبوب الروكتان من قبل تفيدني ………..

مااعرف اختي بس اعرف انه من اقوى العلاجات لحب الشباب لاني اعرف كثير استخدمه وراح عنه ولكن في ناس تقول انه ياثر على الكبد! لانه قوي

ممكن اختي تحاولين العلاجات تقشير والاشياء الطبيعيه الخارجيه يمكن تروق البشره اكثر في كثير مراكز تسوي ماساكات طبيعيه وفيتامينات

شكرا أختي شعاع أمل على الرد

الله يهديج اختي هذي الحبوب بتضرج في المستقبل
خلاص وقفي عنها لا تاخذينها مره ثانيه , اغسلي ويهج بصابونه لايف بوي الحمرا
تنشف البشره وتمنع ظهور الحبوب عن تجربه

أختي كلميني على الخاص بخبرك تفاصيل

لا انا حاليا ما أخذها بس الدكتور قالي لي إذا ما نفعني المضاد بيعطيني إياها بس أنا معارضة أخذها لأن مثل ما قلتلي تضرني واتم في الجسم لفترة طويلة لين يتخلص منها ….. بجرب صابونة لايف بوي … وشكرا أختي على الرد و النصيحة

اختي نوع التغذية الها دور بالبشرة وبتأثر ما تكثري دهون وشوكولاتا وكتري شرب ماء وفواكة وخضار ولبن كلي لبن كتييير منيح للبشرة

السلام عليكم

البنات الي استخدموا حبوب الروكتان او الاورتين لحب الشباب بعد العلاج شو عطاكم الدكتور ؟

تقشير ولا كريمات ؟

وعند منو اتعالجتوا خاصة بنات راك؟

وكم كانت مدة العلاج ؟

ضروي الله يخليكم انا استخدم اورتين 20 م الحين من 9 شهور !!

وما اعرف شو بيعطيني الدكتور بعد العلاج ؟

انا مب من بنات راك بس بخبرج بالعلاج .. حاليا اخر شهر من العلاج استخدم الروكتان بس ماقال شو بيعطيني للحين قال لاختي بيعطيها رتنِA
سوري فديتج ماقدرت افيدج اكثر

غريب ليش 9 شهور؟؟؟انا مش من بنات راك بس انا اخدت هالعلاج من سنتين وبعد العلاج اعطاني غسول زارا وكريمات مرطبة لليل والنهار طبعا طبية وكريم الليل فيه تقشير خفيف للبشرة..والحمدلله من يومها لليوم وشي متل المراية تبارك الله

ما شاء الله الله يحفظكم و يحيمكم من العين انا 9 شهور لان فالبداية عطاني جرعة بسيطة مدة شهر عقب زاد الجرعة واخذ حبة كل يوم عقب خفف 3 حبات فالاسبوع عقب حبتين جي يعني ترا من زين ينحسب الدوا مرة وحده بس بعد العلاج ما اعرف شو بيعطيني الحين هو عطاني صابونة تقشير خفيفة

بس بشرتي بعدها فيها بقع واحس سطح البشرة غير مستوي يعني فيها شي غلط

وينكم بنات

شوفي حبووبة لو انتي مداومة تاخذين الحبوب بشكل يومي و ماشية ع كورس تمام التمام
و تحطين مرطب بشكل يومي و سن بلوك و تهتمين
ما اظن بيكون له داعي تسوين علاج بعد الروكتين

اللهم بس تستمرين ع الترطيب و السن بلوك و العناية بويهج
احتمال لو عندج بقع بسيطة يعطيج كريم تفتيح
انا تقرييا جي سويت وماله داعي التقشير و ها الامور لو بشرتج كانت زينة

كنت استخدم سن بلوك + مرطب للويه و الشفايف + كريم تفتيح + غسول للويه

اانا وصفلـي كريم عسب العلامات تخف

والحمدالله بشرتي احسن عن قبل (:

السلام عليكم

أنا عندي حبوب شوي بويهي بس كل ما تروح حبة تظهر غيرها، فقررت آخذ الروكتان

شو رايكم انتوا؟

للعلم أني متزوجة و أدري تأثيره لو الوحدة حملت وجي

انا ماخذتنه
مابحط لج القمر بايد والشمس بايد

بتعانين جفاف ونفس ماقلتي الحمل

بس اتحملي ما ترطبين لانه عادي يسود المكان

وديري بالج ع واقي الشمس دايييييييييييييييييييييييييما تحطينه
لانه البشره تكون حساسه جدا

وثالث شي … بقولج بامانه في بدايه الثالث اشهر طلع كل الحب ف ويهي .. وبعدها بدا يختفي واييبس اروحه

لانه هالدوا يسبب جفاف … ولازم كل ما تين تاخذينه فحص لانه ياثر على الكلى والكبد وغيره … يعني تتاكدين انه مناسب لج

ابا اقولج شي انا يوم خذته خذته بجرعه غبيه .. لانه الدكتوره الله يسامحها ماتعرف تجرب عليه !! ورحت عند دكتور ثاني .. وحسب كتله الجسم يعطيج روكوتان
عرفتي عشان تتخلصين من كل الحبوب لي ف ويهج وجسمج شي عندهم جدول يحدد الجرعه ………..

بالنسبه حق النتيجه
انا فرحانه فيها … بس ابتعدي عن التشقير + لازم واقي شمس نفس ماقلت لج قبل +ماتشلين حلاوه عادي ينشل الجلد يعني حلقي + ليزر ممممممممممممممننوع لين سته اشهر

والحمل ايضا ممنوع

التاثير لي تاثرته ويالسه اعاني منه

اكتشفت انه ضعف لي بيصيلات شعري واعاني من تساقط شديييييييييييييييييييييييد وكل ما امشط شعري لازم يطييح … انا اوردي شعري يطيح بس بعد ما وقفت شعري

اي سؤال انا حاضره وماريد منج غير دعوه صادقه انه الله يفرج همي ويرجع شعري نفس قبل واحسن =]

شكرا

بس الحالات الصعبه تاخذين روكوتان يعني اسمحيلي اقولج لتاخذينه واللي يطلع لج شي بسيط اكيد شي غسول او شي يخوز كل ها

ونسيت اقولج خلال فتره العلاج ممنوع اكلات دسمه وفاست فود وبيتزا وغيره كلي اكل البيت

سلام
اتمنا اني فدتج ولو بالقليل
وابا اقولج يوم تبدين تاخذينه قولي حق الصيدلانيه انه ابا نشره الدوا عشان تقرين شو التاثيرات وكل شي موضح ف هالورقه

اذا سرتي عياده خاصه بيوصفون لج الدوا حتى لو ما تحتاجينه
اما لو سرتي المستشفيات الحكوميه بيخبرونج اذا حالتج فعلا
تحتاج لـ هالعلاج او لا، لانه ما ينوصف لأي حد الا اذا عندج
الحبوب تارسه ويهج ومحمره (والحبوب انواع) ، نصيحه مني
سيري عياده جلديه وشوفي راي الدكتوره احسن

اخت كتوف ، او اي بنت جربت الحبوب

متى يبدأ التقشير اول اسبوع ؟؟ ولا اول شهر ؟؟

السلام عليكم بناااااااااااااااات ,,,

بغيت اسأل عن حبوب الروكتان الي يستخدمونها ,,,

امس نسيت اشربها ,,,,,,,,,,,,,,, واليوم شو اسوي ,, اشرب حبوب اليوم ,, واطنش مال امس ,, ولا اشرب مال امس ومال اليوم ,, ؟ ؟

انا اشرب 30 ملغم ,,,,,,,,,, حبة 10 ملغم وحبه 20 ملغم ,, ..

انتظر البنات الي يشربن هالدوا يردن علي اليوم ضروري يا الطيبات ,,, برووح اتعشااا وبرد اجيك ,,على الموضوووووووووووع ,,

خخخخخخخخخخخخخ ضحكتيني تعرفين ليش!! لأني نسيت اخذ الحبوب أمس يعد D:
حبيبتي خذي يوم ابيومه لاتاخذين مال امس واليوم مره وحده اممممممم عرفتي!!
يعني بس خذي مال اليوووم
يويو

شكرا حبيبتي يويو ,,,,,,,,,,,,,,,,,

اتا شربت مال اليوم ,,, والحمد لله الاوضاع تمام ,,

الغاليه ممكن ايميلج على الخاص عشان اقدر اتواصل وياج واسئلج عن هالحبوب ,, شكله عندج خبرة ,, خخخخخخخخخخخخخخخخ

زين عيل ذكرتج يا حلوة ,, خخخخخخخخخخخخخ وتسلمين ع الفايده ,

ههههههههه

عادي انا انساها احيانا واشربها اليوم الثاني

دونت ووري فديتج

ان شاءالله يفيدووونج

اويييييييييييييييييييييييه … بنات .. لاتاخذون هالحبوب .. والله انها مب زينه .. وهالشي صار جدامي ..

بعضهم عندهم حبوب في ظهرهم قالوا روكتان .. وبعضهم في الويه .. وغيرهم في البطن .. والخ

والله مب زينه هالحبوب .. اول شي وحده من اهلنا كانت تاخذها لمدة سنه .. طلعت ملكة جمال .. والله جميييييييييييييييله صارت .. بس على حساب شي كبير .. اتزوجت ولين اليوم ( 5 سنوات) اتحاول تحمل .. وكل ماتحمل اتعق !!

وربيعتي نفس الرمسه .. واختي بدت فيها .. وماما ماكانت اتعرف .. استخدمتها وكملت 6 شهور . هالرمسة من 4 سنين .. اتخربطت عندها كل امورها .. وحتى نفسيتها وايد اعتفست .. وكل شي اتخربط عندها .. شهرين اتييها .. شهر لأ .

أنا انصح وبس .. اختي الثانيه كانت بتاخذها .. بس ماما حلفت عليها ماتاخذها ..
اما الي ماتبا عيال .. فا هذا شي ثاني ..
حبيت أنصح حبيبات ألبي =)

خوفتيني يا كويين ..

انا اخذها من اسبوعين تقريبن وبدا يظهر الجفاف عندي بس صدق مب شي الجفااف اما عن التاثيرات الثانيه ماحس بشي .. وانا قالولي انها احيانا تأثر بالمستقبل بس محتاجتنها لاني جربت مراهم وكريمات ووايد بس ما نفع …

السلام عليكم …
اشحالكم بنااات؟؟ ان شالله بخييير ..

عندي سؤال بخصوص حبوب الروكتان
اختي تستخدمه من 15 يوم تقريبا وتعرفون انه ف البدايد الحبوب اتزيد .. ف بغيت اسالكم متى تبدا الحبوب تختفي ؟؟ اقصد الحبوب الي ظهرت لها بسبت الروكتان لانه عندنا عرس بعد 3 اسابيع والصرااحه الحبوب وايد زادت عندها ويحليلها اتحاتي شكلها

ومشكوووريين ..

في الشهر الثاني بتبدأ الحبوب تختفي واتقل …

انا استخدم مضاد حيوي تقريبا مثل الروكتان بس اخف ،،
والحبوب في الشهر الاول زااااااااااادو وااايد
واحين انا في نهاية الشهر الثاني والحمدلله الحبوب خفووووو واااايد
في 3 حبات تقريبا على اماكن متفرقة …

ثااانكس الغاليه

على حسب فديتج في الشهر الثاني او الثالث

لا تحاتين انشالله الحبوب بتختفي قبل العرس، لني استخدمته وقبل لا اكمل شهر اختفت كل الحبوب وويهيه استوى صاااافي الحمدلله..

عليكم السلام والرحمه

بخير يالغاليه وانتي شحالج ؟ ..

انا تعالجت بها الدوا قبل سنتين لمدة 7 شهور ..

اول شهر من العلاج قامت الحبوب تزيد شوي

والثلاث شهور اللي عقب ويهي استوا دماار T-T .. زاادت الحبووب وايد

طبعا هذا تأثير الدوا ينظف البشره من داخل

وفالشهر الرابع الحمدلله قامت الحبوب تخف تدريجياً لين الشهر السابع صفت بشرتي من الحبوب وخلصت العلاج

بس تمت اثار الحبوب مثل الحفر وبقع صغيره وهاذيل راحوا بالتقشير

والحين ماشاء الله ما تطلعلي حبوب فويهي

مع العلم ظهري بعد كان فيه حبوب واختفن مع هالعلاج

طبعا العلاج يختلف تأثير عند كل وحده .. انا تميت اسأل قبل ما أبدى اخذ الحبوب .. حد منهم قال مب زين وحد مدحه .. وحد خذه فأربع شهور وحد ثمان شهور واكثر …

الله يسهل على اختج وتخوز عنها الحبوب بسرعه ^ ^